بسم الله الرحمن الرحيم
بارت جديد اتمنى يعجبكم🤍
لتنسون التصويت و التفاعل تستوسااتي🐍♥️
#رواسي_الدهر
#الكاتبة روح الدليمي
➰➰➰➰➰➰➰➰➰➰➰
اندفر الباب و انفتح، هجموا على رسيم كتفوا و نزلوا
بالگاع، واحد بيهم حط رجله على راسه يمنعه من الحركه
ركضت عليه و عطت بيهم..
رواسي:شتسووون هذا زوجييييي وخروو عنههه
دخل ابويه و بقه متصنم بمكانه من كلامي
سحبني من ايدي كدام الكل و عاط بيه
راشد:شتحجيييين أنتِ !!!! رواسيييي سامعههه روحج شدتحجييين؟؟؟
رواسي:اي هوَ زوجي تزوجنا صار هواي
درت عيوني على رسيم، چان يباوعلي و يبتسم
رجعت رفعت عيوني على الضابط الموجود و گلت
رواسي:شنو مسوي هوَ حتى تاخذو؟؟
_تهمه خطف و تجاره مخدرات
رواسي:ما خطفنيييي ما خطفنيييي
انضربت راشدي قوي رفعت عيوني على ابويه
ينظرلي بغضب، سحبو رسيم من الگاع
و اخذو وياهم... طلعت وراهم اركض
استوقفتهم بصوتي العالي و ركضت على رسيم
حضنته بقوه و همست ب اذنه بترجي
رواسي:الله يخليك احجي مثل ما گتلك
بعدوني عنه و واحد منهم گال
_انتو هم تعالو ورانه يلا
انسحبت من شعري بقوه، رسيم صار يسب
ب ابويه يريده يعوفني.. اول مره بحياته يمد ايده عليه
و يأذيني رجع ضربني مره ثانيه و عاط بيه
راشد:تخبلتتيييي أنتِ فهميني تخبلتييييي؟؟؟؟
رواسي:عوفنييييي عوفنييييي
سحبني يريد يصعدني بسيارته، نترت ايدي منه بقوه
و گلت
رواسي:رسييييم زوجييي، ما اعوفه لو شما تسوي ما اعوفه
راشد:أنتِ تردين تخبليني فهميني !!
ثواني ورجع اردف بكل عصبيه
راشد:سامعه نفسج شدتحجين
رواسي:هوَ رجلي و مااعوفه لو شما تسوون احبه و يحبني و تزوجته برضاتي واني اريده محد اله حق يتدخل بعد
راشد:هسه تجين وياي للمركز نشتكي عليه و ياويلج اذا حجيتي غير حجي متلومين الا نفسج اقسم بالله تشتكين عَ زوجج وانتي الممنونه!!
أنت تقرأ
رواسي الدهر
Non-Fictionسلاسل تعانقني من كُل الجهات الروح تذبل بكلّ الثواني ... العذاب يغرد على جسدي المنهك اصوات وتخيلات تنهيني للجنون زهرة ذبلت في عمق الانتقام والطغيان الروح تصارع لأجل العيش بسلام ... رجلاً غامضاّ يشبه الوحوش يرتوي بالعذاب والجبروت يتلون باللون الاسو...
