بسم الله الرحمن الرحيم
بارت جديد اتمنى يعجبكم🤍
لتنسون التصويت و التفاعل تستوسااتي🐍♥️
#رواسي_الدهر
#الكاتبة روح الدليمي
➰➰➰➰➰➰➰➰➰➰➰
مرت ايام والايام صارت شهور... كله روتين
اروح للمستشفى و ارجع اتغدى و انام بعدين ابقى اطبق كلشي اتعلمه براس البنات و هيج مشت ايامي.. علاقتي برسيم زينه نوعاً ما لو لا عصبيته بس ابد مجان يضربني او يأذيني ب اي شي .. و جفصاتي الي مالها نهايه.. تغير نوعاً ما و صار قليل كلش يحجي ويايه و ماعرفت شنو سبب تغيره المفاجئ
كعدت على صوت صياح مالي البيت كله، تأفأت بضجر
و گلت..
رواسي:اليوم عطلتي حتى بالعطله ماكو نوم و راحه؟
كمت من مكاني غسلت و نزلت جوه شفت غسان
و رسيم ديتعاركون و اصواتهم عاليه، البنات واكفات يهدون بيهم بس محد يسمع منهم..
غسان:أنتَ **** شلوووون هيج تسوييي؟
رد عليه بصياح..
رسيم:حياتي مالكم علاقه بيها اخر مره اگول
تقدمت يم البنات و حجيت متسائله..
رواسي:شبيهم شكو؟
رفعت اكتافها و گالت
رشا:ما اعرف من نزل رسيم همَّ بس يتعاركون
تقدمت على رسيم لزمته من ايده و حجيت بقلق
رواسي:رسيم اهدئ هسه هم يرتفع السكر عندك و يصير بيك شي!
نتر ايده مني و گال بعصبيه..
رسيم:لتدخلييين!
عاط بي غسان و گال بعصبيه و انفعال..
غسان:احجي وياها ب احترام لا اطيح حظك و حق علي
فوك عملتككك الغبيه تصيح عليها؟؟
وجهت نظراتي لغسان و حجيت متسائله
رواسي:يا عمله؟ شكو شصاير؟
بحركه سريعه من رسيم دفعني و وگعت بالگاع
عدل على ظهري، بنفس اللحظه صار ينزل مني مي الراس و صار عندي الم كلش قوي...
عطت بصوت عالي رجيت البيت رج، دموعي صارت
تنزل متألمه..
البنات اجو يمي يحاولون يسندوني اكوم، بس ما اكدر
تيبست بمكاني من قوه الوجع... بس اصرخ بصوت عالي
بعدني بالسابع مو وكت اجيب هسه ابد
كالت عذراء بخوف
عذراء:ولججج رواسييي عزاا بعيني، طك عدها مي الراس!
رفعت عيوني باوعتله واكف متصنم بمكانه، و فاتح عيونه مصدوم من عملته.. ضربه غسان بوكس بنص وجهه و عاط بي
أنت تقرأ
رواسي الدهر
Non-Fictionسلاسل تعانقني من كُل الجهات الروح تذبل بكلّ الثواني ... العذاب يغرد على جسدي المنهك اصوات وتخيلات تنهيني للجنون زهرة ذبلت في عمق الانتقام والطغيان الروح تصارع لأجل العيش بسلام ... رجلاً غامضاّ يشبه الوحوش يرتوي بالعذاب والجبروت يتلون باللون الاسو...
