عوضي " فـلـة الـ ضـبـع "

بارت4

كاتبه :فله ال عيسى

‏he_ba.17

حسينه الصبح جدو كاعد يم ماما ويبوس بيه ومخلي صينيه ريوك
اشكال الوان
جدو:يله وليداتي اكعدو تريكو وره اوديكم للزياره ترتاحون شويه
فله:كعدنه اكلنه شويه وكمنه رحت بدلت لبست بنطرون و وياه قميص مشطت شعري اذكرت ماما قبل سويلي شعري يخبل هسه ماله خلك وناسيه كلشي عذرته ومشيت نطواني عبايه كالو ميصير ترحين هيج ميدخلونج لبسنه عبي ومشينه اخذنه جدو ذبنه كوستر قريب ع امام وكمنه نتمشه هوى يخبل شويه رتاحيت وبقينه كل شوي ندخل تفتيش ونطلع حد ما وصلنه للامام دخلنه وزرنه كعدنه نصلي كملنه كلشي بعد طلعنه وجدو يشتريلنه كل شوي شغله واكلهم كلش طيب اكلنه باكله بدهن واكلنه دهينه كلش طيبه وفترينه تونسنه وغيرنه جو رجعنه للبيت بدلنه ونزلنه جوه نتغده
خاله:ولجج فله شهل خدود من اروح فدوه تعذريني ما اتحمل وعضيته حيل
فله:اخخخخ يمه خالو عوفني حباب
خالو:اي هسه تمام هههههههه
فله:خالو من اجينه لهسه مكعدني يمه وبس يوكلني اشبع ويبقه يوكل بيه كل ما اكله يكول اي خل يكبرن خدودج بعد
مرت ايام واحنه بقينه يمهم ونروح ع بيبيتي (ام امي )لان بيته بوحد منفصله عن جدو وهوه مزوج غيره وهيه هم مزوجه وعدهم ماما وحيدتهم نروح كذالك ونسه كلش هناك تونسنه غيرنه جو بعد فتره صار عندي فون ونزلت برامج ولهيت نفسي والعب ب المزرعه سعيده كلنه مسوين كروب ونلعب وماهر اخويه ع وضعه يروح من صبح للشغل يرجع مغرب يسبح ويكعد يشرب نركيله وما يطلع من غرفه خالو كال ليوم كلنه ننجمع يمه نتونس
احجيلكم شغله اخويه ماهر قبل لا يزوج جان عنده تواصل ويه بنت خالتي نور ويحبه كلش وراد يخطبه وما صارت قسمه وزوج بنت عمي لله يرحمه
نزلنه يمه جوه نضحكه ونتعلل وناكل حبشكلات وخوالي من نوع يحششون كلش وروحهم حلوه ضحك ويانه كمنه يوميه روح يمه ونتبهتله يباوع لنور
ماهر:اجينه لكربلاء وكلش ضايج متعود هناك بس هسه احسن شوي متونس ويه خوالي واباوع لنور شون تضحك هل بنيه برئيه كلش وحلوه عبالك طفله وجماله يخبل احس رجع كلبي دك كلت خل اجرب حظي كملنه تعليله فكرت ذكرت نور كالت ل ثامر راح ادزلك حبشكلات ع فيسبوك رحت لديوان لكيت ثامر نايم خمطت فونه بسرعه دخلت للماسنجر دورت هواي لكيته دانه مخليه صوره بنيه اخذت حساب بسرعه رجعت موبايل جوه مخده وكمت بقيت اكلب بالحساب واباوع بيه وكل شويه ادخل ع حساب اريد ارسله واتردد اكول خاف نستني وما تحبني بعد كلت خل اجرب وعليك يا لله
ماهر:السلام عليكم
نور:وعليكم السلام هلا احمد
ماهر :شلونج شخبارج
نور:تمام خوما محتاج شي جوعان اجيبلك اكل!
ماهر:لا ممحتاج شي اريد بس اسالج سوال
نور:تفضل عيني
ماهر:نور بعدج تحبيني
نور:نصدمت ونزلت دموعي
تريد حقيقه؟ما نسيتك
ماهر:فرحت كلشش ياربي بقيت احجي وياه ورجعت علاقتنه واشتغل واجمع للخطوبه وما جنت حاسب حساب لل حيصير وقته!
فله:كعدنه صبح وروتين نفسه مكضينه طلعات ونسات وزياره وكلش متونسين ومره روح بيت بيبي مره نروح لخالتي مزوجات ومن مكان لمكان وكلهم كلبهم طيب ويخبلون كلش رتاحيت هناك مرت ايام ماهر صار احسن ويضحك وكام يطلع ويجي يكعد ويانه ع اكل كلش رتاحينه احسن من قبل بس يبقه بداخلنه غصه ع بابا ومبيدنه شي جدو بكل طريقه حاول يعوضنه💔
ماهر:لازم اسوي شي ما ابقه هيج صافن رحت لخالو محمد هلاو خالو شونك
خالو:هلا حمودي منك من شيطان
ماهر:ههههه جيتك بشغله خالو ان شاء لله تكدر ساعدني
خالو:العزيز ما بردك اله لسانك تفضل اكعد خل نحجي
ماهر: حجيتت كلشي وكتله اريد نور ومعرف منين ابلش واريد ازوج واستقر
خالو:يا عيني يوم عيد نوراه تستاهل وانته رجال ونعم منك اني احجي ام نور ونشوف
ماهر:كلش اشكرك خالو
خالو:تدلل حماده انته تامر امر
...........
محمد:ام نور جيتج بشغله
ان نور:تفضل خويه خيرك خوما صاير شي
محمد:لا يابه بس هيج....حجيتله كلشي
ام نور:محمد مستحيل ازوج بتي بعده صغيره وهاي امانه ابوه يمي ما اكدر ازوجه ولساته ثالث متوسط تتخرج وبعده الله كريم
محمد:خير ان شاء لله
ماهر :منتظر خالو واجه حجالي الي صار يربي شون سالفه جنت كاعد وفكر دخلت امي عليه
ام ماهر:ها يمه حمودي شون صرت
ماهر:تفضلي ماما حمدلله احسن
ام ماهر:عساك يمه وليدي خوما ناوي تبقه هيج صار سنه ونص وانته حزنان وبنيه الله رحمه وراحت دار حقه وليدي اي شي تريده كول اي بنيه تاشر عليه اخطبه الك اريد افرح بيك انا
ماهر:صدوك يمه
ام ماهر:اي وليدي
ماهر:يمه اني احب نور وتعرفيني من زمان اريده اريدج تخطبيه الي
ام ماهر:وليدي نور ما توالمك ولله مدلله كلش يوليدي اني اخطبلك
ماهر:يمه كتلج احبه لو نور لو ما ازوج خليه بالج
ام ماهر:ماهر كتلك ما توالمك كافي عاد
ماهر:يمه ما اتصيرلي مره غيره
ماهر:مره وقت واني احاول نور نجحت من ثالث ورابع وصارت صف خامس واني احاول اخر امل كلت خل اروح لجدو دخلت للديوان
جدو:يمه هلا بمن اجه تفضل جدو مشتاكلك
ماهر:زاد فضلك جدو شونك شخبارك بقينه نحجي مواضيع عمه كتله جدي جايك بموضوع وان شاء لله ما تردني
جدو:مايردك غير لسانك ابن عزيز كول
ماهر:تسلم جدي ولله بصراحه اني احب نور ورايده منك (نور ابوه سعودي وزوج خالتي وجابت هاي بنيه ومكدرت تبقه هناك هربوه للعراق كوه طلعت وبوه ما قابل وتالي وصلو هنا وبقت خالتي عد جدو وطلكت وزوجت واحد وعنده ٤بنات منه وبقت عنده وشافت اشكال العذاب وضرب واهانه وما جانت تحجي لجدو اخر شي جدو اخذه منه وجبره يطلكه واخذت بنات اله وبقت ساكنه بقاط ثاني واحنه وياه ساكنين )
جدو:ولله يجدو نور امانه عندي ومكدر ازوج بكيفي انته اعرف بوضعنه وابوه طائفي كلش ما ضنه يقبل
ماهر:جدو ماكو شي يصعب عليك ياريت متدرني
جدو:زين حجيت امك خالتك قابلات
ماهر:جدو ولله اني حاجيتهن وكلمن طلعت عذر بس ما يرفضلك طلب
جدو:خير ان شاء لله نشوف
ماهر:خير يصيبك يله من رخصتك ارجع لشغلي
جدو:مرخوص يابه
جدو:تعال قاسم صيحلي خالاتك كلهن جدو يريدجن بديوان
ام ماهر ام نور:السلام عليكم
جدو:يا هلا نورن شمعات بيتي يا هلا بنياتي
:بوسنه وكعدن
جدو:اني ليوم اريد احجيجن بموضوع ماهر اجالي وحجه وياي طلب ايد نور مني وهوه خوش ورجال ونعم منه وكلت احاجيجن نشوف رايجن
ام نور:بابا انته تعرف نور امانه يمي وصغيره كلش مكدر ازوجه
ام ماهر:يابه نور خوش بنيه وحبابه بس ولله نور مدلله ما توالمنه عيشتنه غير عن عايشته نور
جدو:ناقشتهم وشفت طرفين محد قابل وسكتت مشن بنات ونمت
ماهر:رجعت من شغل نور كلتلي جدو دز ع ماما وخاله دخلت بسرعه لجدو لكيته نايم اووف يربي بقيت انتظره كعد وحجالي الي صار نصدمت وبقيت احاول ويه امي ومصره ع كلام مره اقنعه وخاله ترفض مره ترفض وخاله تقتنع ستمر هل وضع ٣سنوات
فله:صارت هواي شغلات ونور وماهر. لهسه يحاولون بدون فايده محد مقتنع بيوم جنه رايحين لبيت بيبي بدلته صعده سياره ستونه نزلنه وخابر ماهر يصيح ويبجي يمه خالو عمار مريض كلش واخذو كلبه راح يوكف يممه نصدمنه يارب ما عاد بينه حمل صدمات خالو عمار يحبنه كلش وحنين يارب لا تحرمنه منه يالهي صعدهه سياره وماما تبجي وصيح واحنه ميتين بجي وصلنه لكينه الكل يبجي ويصرخ وبيبي تلطم ومشككه ملابسه وخالتي جايه من ناصريه بطريق ومحد كايلله كايلين بس تعبان وطلب يششوفه شويه واجانه الخبر الي رجع كل وجع وكل معاناه وكل شغله واجهناه.....