عوضي " فـلـة الـ ضـبـع "

بارت 2

‏he_ba.17

بعد مرور عده اشهر...
فله:هل فتره كلنه مشتتين بتفكير عمامي كلهم طلعو بسبب اوضاع داعش وبقينه احنه واخواني الكبار كلهم بالمنطقه وكم واحد من جيرانه بيوم 2013/12/30جانو اخواني كلهم بره ويتناقشون بخصوص طلعتنه وشون نطلع واني واكفه بره اسمع حجيهم شويه ما حس اله طلقه وكعت يم رجلي كمت ارجف وابجي وبابا عباله وكعت طلقه بيه او تاذيت اجو عليه شافوني مبيه شي هدوني وسكتت كوه شويه واجت طلقه ب باب بيتنه وكلنه دخلنه جوه للبيت
بابا:ام ماهر حضرو ملابسكم ان شاء لله باجر نتوكل
ماما:تمام عيني وين حروح
بابا :الله اعلم نشوفلنه مكان نكعد بي موقت
فله:بلشنه نحضر ملابس وغراض وفرحانين انو حنطلع كل نيتنه سفره ونسه ترفه بيه فقط ما جنه نعرف قدر شنو ضاملنه مصايب لمينه كل ملابس والاثاث مالتنه وبوقته جان عيد ميلاد اخويه ثامر مجنه مخططين الشي رحنه جبنه كيكه صغيره وخلينه بيه شمعه ودخلنه ع الولد لديوان
ومشغلين اغنيه هابي بيرث دي تو يو هههههه ونغني وياه ونصفك وكلنه من كيكه وكعدنه نتعلل لل٢كلمن راح لغرفته ونمنه حسيت صبح لكيت ماما تسوي ريوك
ماما:صباح الخير بنيتي
فله:صباح النور ماما شوكت نطلع
ماما:دا يحملون ب اثاث نكمل ريوك ونطلع ان شاء لله
فله:جابت ماما ريوك كعدنه بحديقه نتريك وبابا مو مثل كل مره يضحك ويانه وماما كذالك وماهر كلهم اكلو شي قليل وكامو واحنه كلش فرحانين بدلنه كلنه وطلعنه ركبته سياره وبلشت رحله جديده من حياتنه وقصص ومستقبل مجهول
بابا:يله عيني وصلهه انزلو
فله :هييي واخيراً نزلنه نركض كلنه وشايلين كره قدم وبلشنه نلعب وطبعاً رحنه لمنطقه ريفيه كلش حلوه عباره عن كرفانين وخيمتين ومنطقه بيه بستان كلش حلو وبيار وكلش فرحانين ومتونسين ونلعب بقينه نلعب
ماما:يله شباب تعالو تغدو بسرعه
فله:رحنه ركض من تعب اكلنه كومه شربنه مي ونمنه كعدنه العصير
ابن اخوي:شرئيكم نروح للبيار نشوف شكو ماكو
كلنه:اي ولله خل روح نتونس
فله:طلعنه نتمشه طبعاً مسافه كلش بعيده يعني تقريباً ساعه احنه نسابق ونتعب نشرب مي نرجع نسابق حد ما وصلنه البير وبلشنه نصعد كلش جبير واكو زرع وهيج منظر يخبل صعدنه وشفنه بير ما بي مي ونباوع بي قفص وبي حمامات بيض يخبلن واكو غراض معرف شنو بقينه نصور وهيج بعدين رحنه للثاني وجان بي مي خفنه ونزلنه بسرعه ورجعنه ما وصلن للمغرب كبل تعشينه ورحنه للخيمه الي مخلين بيه جمريه وبابا يكعدنه يحجي قصص ومواقف ضحك تخبل وكلش نتونس نشرب كهوه حاره ونتدفه ع جمر وسوالف الحلوه متونسين كلش كملت تعليلتنه ورحنه نام
كعدنه الصبح واني لازمتي حزوقه(شهيكه) وبس اشاهك مليت كلش كملنه ريوك كعدنه نتريك واني بس اشاهك
زوجع اخويه الجبير من ابويه:اكلج هبه البارحه شفتج دخلتي ع غرفتي وراج طبيت كحلتي ماكو وبنتي كالت انتي اخذتيه طلعيه ياله
فله:يمه عزه وربي اني مدخلت ولا اشيل شي شهل سوالف
زوجه اخويه:جاي اكلج انتي اخذتيه وشافتج بعينه ليش جذبين
فله:بابا شوف حباب تتهمني ولله ما اخذت برطمت وركضت لبابا ابجي واكله شوف شتحجي وهوه يضحك
زوجه اخويه:ولج هاي احنه عدنه من واحد تلزمه حازوقه نكله جذبت لو بكت وينساه شو انتي نوب كمتي تبجين شورطني وياج
الكل:هههههههههههه
فله:حقيرين ولله بابا شوف شد يحجون عليه
بابا:لاحد يحجي بيله ما دخلكم بيه
فله:نسدت نفسي وكمت عن اكل وطلعت بره افتر بزرع شويه اجو كلهم وكمنه نلعب ونسيت كلشي صار هههههه وبقينه ع هل روتين يوميه نفتر ونطلع لعبه جديد ومتونسين كلش
بعد مرور شهرين...
بابا:ان شاء لله باجر متوكل ونروح للمدينه دبرت بيوت هناك نكعد بيهن
ماما:ان شاء لله خير يا عيني
بابا:جهزو نفسكم وشكاتب لله يصير
فله:مردت روح تونسنه كلش ويه بيت اخواني الاكبار ويه بناتهم ولد اخواني بس بابا من يكول شغله بعد يقفل عليه خلاص هههههه يله الله كريم كملنه جهزنه نفسنه كعدنه صبح تريكنه وطلعنه للمدينه وصلنه ع بيت كلش جبير وماشي حاله مو سئ كلش بس تعودنه ع بيتنه احله بهواي بلشنه نظف وماما تسوي غده
شويه وكالت ماما هبه وكيان روحو جيبولنه شي خفيف ناكله بين ما يجون
كيان :تمام ماما
فله:طلعنه واحنه منددلل شي بقينه نسخت ونفتر ومندلل وفرحانين بس نمشي ع وجهنه شفنه اسواق دخلنه شترينه من فلوس النه وسالنه واحد كناله بيش ساعه كال ب١٢ عزه حيللل ماما تنتظرنه ع غده
كيان:زين عمو وين اكو محلات خضره هنا ريد نسواك دلانه وطلعنه مباقي شي من فلوس بس شويه يله اخذنه مسواك خفيف ورجعنه
ماما:ولكم كلبي وكع وين جنتو ٣ساعات انتظر وينكم
كيان:ماما شبيج قابل شيدلينه هاج يمه هاج اخذتهن منه بلشت سوي غده
طبعاً عايشين ويانه بيت عمي بنفس بيت وقاسمينه لان هوه كلش جبير تغدينه كملنه ونمنه نرتاح وكعدنه وحياتنه ماشي حاله بعد فتره بابا دهورت حالته صحيه كلش ومخلينه مكان ما ودينه اله وبيتنه نكلب كلب وصار بيت ما يفرغ وبعده نقلناه مستشفى وبقه بمستشفى ١٤يوم واحنه لا ليلنا ليل ولا نهارنه ونهار بقينه بدون اكل وبس نبجي وماما وياه بمستشفى وبس احنه نبقه وحدنه مرات اخوي يجي مرات يروح يمه وبعدين كالو لازم تحولولنه ل اربيل حالته صارت خطره كلش طلبنه نروح عنده للمستشفى كمت بدلت واني ميته فرح واخيراً ح اشوف رحت وشفت احس كلبي يتكطع واشوفه ضعفان وجوه عيونه مورمه واجهزه محاوطته احس كلبي يتكطع ع منظره ومبيدنه شي نسوي بوسناه وحضني وكال لاخوي بيله امانه عدكم ولا تقصر ويه احد هوه كال هيج لو كلنه نهدينه نبجي ونكله ترجع ويانه للبيت فدوه بابا توسلنه كال وقنعنه كم يوم ويرجع يعيش ويانه اخذو وحولو بسديه وراحو ل اربيل بقينه لا نوم ولا اكل ولا واحد يحجي كلمه بس ننتظر شوفته وبس نبجي وماما وياه راحت بقه هناك يومين واحنه ع نفس حاله يخابرونه يكولون زين مبي شي من جهه اخره ماما وهيه كاعده يمه دكتور كايللنه لازم ما يغفه وهيه يمه وتدعي وتبجي بابا موصيه وحاجي وياه حجي هواي وكايلله راح انام شويه وكعديني تعبان خلوني ارتاح بكوه موافقين داير ع جهه ثانيه ونايم وهيه هاي نومه💔ب2014/4/21 ساعه ب 2بليل سمعنه صوت اخويه الجبير من ابويه يصيح لا يابه شون عفتنه طلعنه نركض وما مستوعبين الامر لكينه اخويه يضرب براسه ويصيح ويبجي اني كمت ما اكدر احجي لا اخذ ولا انطي وما مصدكه الي دايصير اخويه ماهر مو هنا وبقينه صافنين محد مصدك ولا احد مستوعب وبقينه كلمن كاعد بركن وما بيدنه شي ولا دا نصدك واكول هسه يرجع بابا ولا جذبون وكافي