هلا يا حلوين بارت جديد قراهء ممتعه حبيباتي🤍
الكاتبه:هبه ال عيسى
he_ba.17
فله:ها
ام نور:ام ماهر تعاي يمه سم لله بنيتي شبيج
نور:ماما مخنوكه كلشش
ام ماهر:يمه سم لله شكو
فله:بسرعه حذفت محادثه ورحتلهم وشفت نور تغمزلي يمه متتت ضحك قدره تمثيل كارثه طلعت تمثل علمود ماما ما تلحك تاخذ فوني ههههههههههه
رحت كملت تنظيف وهمه محتارين بنور تجذب عليهم هههههههه كملنه كلشي وجبنه حبشكلات كعدنه ع ناكل اني وبنات ونضحك ع نور ونقلد عليه خوش تمثل بعده تغدينه ورحنه للولد نتوسل بيهم يقبلون نطلع مقبلو اخر شي قررنه نطلع احنه ونعوفهم كمنه بدلنه وتمكيجنه واخذنه صور وطلعنه رحنه للمطعم اكلنه وطلعنه رحنه ع كورنيش بقيه كاعدين وناخذ صور ونضحك ومخلين كرزات وكهوه وجاي وشاميه وناكل ونحجي ونصور حدال١٢رجعنه للبيت وبدلنه لمينه بيت سوينه اندومي وحبشكلات وفرشنه وخلينه فونات وكمنه نلعب وناكل وننشر ستوريات وبعده كمت احجي ويه ضبع
ضبع:هلا الحلو هلا بللناسيني
فله:يعمري ما انساك انته روحي بس ولله هوسه ومكدر احجي وحجيت وياك صبح وراسلتك العصر مناسيتك
ضبع:عادي يروحي اهم شي تونستي
فله : اي حبيبي تونست يمه لو شوف اليوم شصار
ضبع:شكو حبيبي
فله:جنت احجي وياك سديته وماما طلعت سامعتي وكلتلي نطيني فونج
ضبع:وشصار خوما شافت شيي احجييي
فله:هههههه لا نور مثلت مريضه لتهت بيه ومسحت كلشي اني
ضبع:ها كفو ههههه
فله:تخيل شايفه يمه تصير سالفه اصلا اني ليش مورطه نفسي وياك واثقه بيك هيج مدري
ضبع:يمه يروحي شهل حجي وداعتج مبقه شي كله ٣اشهر واتقدملج بس خل شويه تتعدل الامور
فله:صدوكك يعني بشهر عاشر مو
ضبع:اي حبيبي تقريباً بشهر عاشر بعد اهلي ما حاجيلهم خل شوي تترتب سالفه
فله:عادي براحتك حبيبي
ضبع:يروح حبيبج
فله:يعمري اي شونج شخبارك شكو ماكو
ضبع:حمدلله زين بشوفت عيونج حلوه
فله:هاي شبيك اخجل
ضبع:يبو نوب يصيرن طماطه مال عض
فله:هههههههههه
ضبع:فدوه لهل ضحكه حلوه
فله:فداك عيوني وماي عيوني يروح
ضبع:طالع لسانج يابه ومتعلمه حجي جديد
فله:شوف مو اكلك انته مو مال غزل صوجي اتغزل بيك
ضبع:يمه حبيبي كلشي منج حلو بس احب اشاقه وياج
فله:اممم خوش
ضبع:زعلتي
فله:دزيت😒
ضبع:اروح فدوه للزعلان منو مزعل بنيتي احرك عشيرته
فله:لا عشيرتك شعليه
ضبع:هههه قصدج اني مزعلج
فله:لا ماما
ضبع:تقلدين حضرتجج يعني
فله:بكيفي
ضبع:تعاي خل نتراضه
فله:ماااا مريدك
ضبع:يمه بنيتي ليش متريدني
فله :اكرهككك
ضبع:اني موت بيج اعشقج
فله:بس اني محبك مليييق
ضبع:اششش تعاي بحضني اسف
فله:اجيتت
ضبع:افيش فديت زعلان
فله:كافييي
ضبع:يله هاهيه سكتت هههههه اروح فدوه لهل برطومه
فله:مدخلك بيه
ضبع:تمام اكلج هاي شنو ع شعرج
فله:شنو عزه وين
ضبع:اريد احسسج كشفتج طايره خرعتيني
فله:كافي هوه هم صوجي اشوف شعري الي يخبل
ضبع:بله وخري شال بس اشوفه هيج ع طوله
فله:حرام ماااا
ضبع:ان شاء لله غفور رحيم بس هل مره يمعوده تره هم استحرم اني مو شيطان
فله:لا يابه تنكط ديانه
ضبع:هههههه شو فتري فتري
فله:فتحت شعري وكمت افتر
ضبع:يبوو هنيالي ع هل جمال شو شي احله من شييي
فله:ههههه كافي لميت شعري شمرت شال هيج ع شعري وبقيته نحجي
ضبع:بنيتي
فله:ها بابا
ضبع:ما بقه شي واطلع اشتغل اريد اشوفج صارلنه هواي مملتقين
فله:ان شاء لله افكر وشوف
ضبع:تمام حبيبي براحتج
فله:يروحي
ضبع:يله نامي يعمري
فله:تمام
ضبع:احبج
فله:اني هم
................
فله:كعدت الصبح ليوم بيت خالتي يرحون كملنه تنظيف جهزنه ريوك وكعدنه ناكل كملنه وبعده اجه تكسي ودعناهم واني بدلت رحت لدوامي شفت مكان محد يطلع كلت خوش باجر اكله ونجي هنا احسن ودخلت مدرسه سلمت ع صديقتي وكعدنه مرت دروس عاديه واني جنت صف ثالث بدايه دوام وكارونا ما نداوم غير ٣ايام ودروس صعبه ومدرسات ما يفهمون ولا يشرحون اصلا بس نكوم نقره احنه ونكعد واني مالي خلك ادرس حتى واصلا باساس طبعي ما ادرس قبل لا اطلع لدوام اراجع واروح وهاهيه شما جان صعب وطبعاً خطات لان ثالث غير بقيه مراحل الي تعديته كملنه دروس طلعت للبيت رجعت سويتلي اندومي اكلت وسبحت ونمت كعدت مغرب حاجيت ضبع شوي وبعده ساعدت ماما بالعشه ونظفت بيت واجو بيت اخوي يتعللون كضيته جاي ماي حد ال١١وراحو ونوب لميت مطبخ ورحت كبل بحديقه اني ونور طلعنه حبشكلات ونمنه بحديقه نلعب بفونات بقينه حد اذان واني حاجيت ضبع وتفقنه باجر نلتقي كعدت صبح بدلت وكملت اجيت دا اخذ جنطتي واطلع ساعه بعده ب ٧
ام ماهر:فله وين رايحه
فله:ماما شسمه راح اروح لدوام بس اريد امر ع صديقتي كلت اطلع من وقت
ام ماهر:ها تمام الله وياج
فله:يمه كلبيييي طلعت ركض خابرته بطريق كال انو واصل رحت قربت اوصل شفته من بعيد واني ميته من خوف وخجل اوف يربي لشوكت ابقه هيج
ضبع:اجت تتمايل لابسه تنوره سوده قصيره شوي وقميص ابيض تضوي من بعيد قربت باوعت لملامحه تخبل طفوليه حلكه جنه كرزايه جماله مو طبيعي شفته ترجف موتتني بنت اودم برئيه كلشش لو بقه سنه اصفن بوجهه ما امل حسيت ع همس منه
فله:هلاو
ضبع:هلا بروحي شهل جمال يعمري
فله:شكراً حبي
ضبع:اكلج مو كانو لبسج ضيكك شويه
فله:لا هوه هذا لبسي شبي
ضبع:لا عوفي هاي تنوره البسي فساتين
فله:شتحس شبيككك
ضبع:هاهيه اسف يروحي بس ولله طالعه تخبلين مكدر اشوفج هيجج بلوه كلبي
فله:ههههه شكراً بعكس افرح لانهو حبيبتك حلوه
ضبع:افرح بس مو مكرن علمود اتباه كدام عالم كله بودي اضمج بصدري يبعد روحي
فله:شكراً عمري بس لا تسوي هيج
ضبع:تمام ولله اول مره هيج اغار مدري شبيه بعدني ممتعود ع جمالج
فله:هههههه كافي عاد تره عاديه
ضبع:اخخخ فديت العادي اني
فله:يمه لو شايف ردت اطلع وماما تكلي وين تردين بقيت صافنه وكلبي موتني
ضبع:ولله هيه سالفتنه غلط بس ان شاء لله مضل شي واصحح هل غلط يروحي لا شيلين هم
فله:اي وربي حتى حرام عليه اخون اهلي هيج لهل درجه
ضبع:يعمري لا تحجين هيج كلشي يصلح والله يعلم بنيتنه وما عدنه اي مشاعر سوء
فله:اي صح حمدلله
ضبع:تعاي اكعدي هنا
فله:اي كعدت وهوه صافن عليه وبقينه شويه نحجي اخر شي وره نص ساعه كال هاهيه صارت ٨اله روحي راح يجن طالبات ديربالج ع نفسج عمري احبج كرصني من خدودي وباسهن واني ميته خجل طلعت ركض للمدرسه واني ارجف ومتوتره كلش يربي هاي شبيه احس دا اسوي غلط يارب ما انكسر ولا انقهر بسبب هل غلط يارب انته اعلم ب نيتي تجاه هل شي دخلت وبلشت دروس واني صافنه ورجفه بعده بيه كملنه دروس كله وطلعت للبيت كبل دخلت للحمام وضحكه شاكه حلكي سبحت وطلعت باجر عندي عطله الله كعدت اقره روايات يمه صار هواي مقاريه بقيت يوم كامل اني كاعده ع واتباد واقره بليل حاجيت ضبع شوي ونوب رجعت ع روايات وكضيت هاي ال٣ايام لو اباوع مسلسل لو روايه اكمل شغل واجي كبل عليهن باجر دوام طلعت كتبي قريت ربع ساعه وكمت رتبت جدول حضرت ملابسي ونمت كعدت صبح حجيت وياه شويه وطلعت للدوام ملل كالعاده بس دروس وشرح كملنه ورجعت للبيت توني دخلت اختي سحبت ايدي وجهه اصفر اخذتني كبل للغرفه
نور:عزه بعينجج شمصخمه ماما اذا عرفت شسوي بيج ولج بابا شخلاج سوين هيجج
فله:احس كلبي وكف مكدرت احجي يارب ما عرفو شون عرفو ذكرت يربي خرب شسويت اني كمت ابجي دمرتي كلشي بيدج خسرتي اول وتالي
........
أنت تقرأ
عوضي " فـلـة الـ ضـبـع "
Fiksi Umumلكل إنسان قصه...... ولكل قصه بدايه........ مهما كانت البدايات بسيطه تأتي بعدها العجائب .... يودع الله الأرواح في أجسادنا ويجعل لكل روح قدرٍ ..... لم يختر لنا الله اقدارٍ مختلفه عبثاً ...... بل جعل بكل قدرٍ عبرةٌ .... عبره نتعلم منها ..... عبره جعل...
