السلام عليكم و رحمة الله و بركاته
انا مهره و بعرفكم على الشله الي كبرنا وياها ( عيال عمومي )
سيف ، مايد ، شهد ، زايد و يزوي .. كلنا كنا وايد ويا بعض وطفولتنا
كانت ف جميرا .. اكثر مكان كنا نحبه جدام البحر نلعب و عندنا
ذكريات حلوه وايد، لين ماكبرنا .. تغيرت مساراتنا والي سافر والي عاش حياته كلها برع جميرا ، بعد سنوات التقينا
يا ترى بترد ايامنا حلوه شرات قبل ؟
-
-
-
[ في بوظبي ]
ام زايد : مهره خفي الصوت مسويه حشره ليش !
مهره : امي خليني منطربه شوييي
ام زايد : اخوج راقد بينش عقب ابدو ضرابه كالعاده !!
مهره : امي شو فيج معصبه سمعي سمعي رشود شو يقول
"مالت عليج وعلى راشد الماجد مالج " و بندت التلفزيون
مهره : امي ليششش
ام زايد : ماعلينا ، برمسج ف موضوع و سمعي عدل
مهره : اذا عن سالفة يدي و ابوي الي ماتخلص مابا اسمعها وانا معارضه ها الشي!
ام زايد : تعرفين كلمة يدج ما يكررها والي يقوله بتطبقينه ، مهاري حبيبتي مانبا مشاكل انا لو ب ايدي الموضوع كنت برمس بس تعرفين ابوج و يدج كيف طبعهم
مهره : يالله ..
ام زايد: مهاري حبيبتي ، الحينه بيوصل ابوج و ما اباج تعارضينه تمام ؟
نشت مهره وسارت غرفتها وهي زعلانه اتصلت ع شهد تفضفضلها
شهد : يا مرحبا مهاريي شحالجج
مهره : ابداً مب بخيرر
شهد : عسى ماشر ؟
مهره : تخيلي بعدهم عالقين على موضوع زواجي ب ولد عمي سيف!
شهد : ياربيه بعد يابو الطاري ؟
ماعليه مهاري شو نسوي بعد ، تبيني بعد ازيدج من الشعر بيت ..
بنتلاقى باجر كلنا وعيال عمي ف بيت يدي
انشاءالله عاد يدي مايفكر يزوجني ميوددد ، مابنصدم اذا قال جي بعد
مهره : شو نسوي بعد ها مصيرنا ،، عادي ترا نتزوج حد من برع العايله مب شرط يعنييي ، اذا ربي مب محرم هالشي ع كيفهم يقولون مايستوي ؟
