( بعد كمن ساعه ، في ميدان تدريب الرمايه )اليد يمشي و وراه مايد و سيف و خليفة يتحرطمون بصوت خفيف
مايد : متفيج يدكم هاذا ، ورايه عرس
سيف : يبا يسوي جدول اونه
خليفة : انزين اذا انتو احفاده يشلكم ماختلفنا ، انا شكوووو ؟
مايد دق سيف و عايب ع خليفة " طع ها تدبس ويانا ههههههه "
سيف : دواه ههههههه
مايد استوعب نضرات اليد و قال : شباب ترا يدي يالس يطالعكم
اليد حاط ايده ع خصره و واقف يترياهم
" ها خلصتو سوالف ؟ يايب حريم انا يتحرطمن مب شباب صح ؟"
مايد يصاصر سيف : عليه ربط مواضيع يدك ..
سيف ضحك و انتبه له اليد
" بنشوف شو الي يضحك يلا تجدم انته اول واحد "
سيف " ان شاء الله " و عطا مايد نضره
مايد تساند ع خليفة و قاله : خ شوف شو بيسوي ههههههه
خليفة ضحك عليه عقب دز مايد " بنشوف والله بنشوف بس تراك متين خوز عني "
مايد حط ايده ع كرشته : مكثر سمبوسه هالشهر والله
سيف : مب منك من البطاط الي تاكله عقب ...
قاطعه مايد و قاله : الله يهداك يا سيفو ، لا تسولف
اليد : تعال انته الثاني تعال يا بو السمبوسه
مايد : صارت والله ..
سيف و هو يضحك : تعال تعال
مسك سيف السلاح و صوب
" يلا نشوف "
وقف مايد ف اللاين الثاني و مسك السلاح و صوب
" يلا نشوف " ب استهبال يقلد سيف
_________________
( ف المستشفى )
خلود و هي مشغوله بالكمبيوتر قرت اسم زايد الكامل و عرفت انه ولد عمها و لفت تطالعه كل شوي و ترد تطالع الكمبيوتر بس ماقالتله اسمها الكامل