سيف ف نص الحوي يصارخ على التلفون " الي بيني و بينج انتهى لا اشوفج تتصلين مره ثانيه ، ولا تتريني اييج و نتشاوف سسسااامعععه !؟ "
مايد ظهر من البيت و شافه : يالله مسا الخير ، شو فيك سيفو تصارخ ؟
سيف : هاي الي مادري شو اقول عنها استغفر الله .. المهم الي بيني و بينها انتهى
مايد : مهررره ؟
سيف : اثول انت ؟ ، مريم
مايد و هو مبتسم : اخييرررراااا
سيف اطالعه بنضره و قاله : ماتستحي انته ؟
مايد : شوووه ، ابركها من ساعه
سيف : سبال انته تباني احب مهره
مايد و هو يضحك : انزين شو فيها مهور ؟؟ ، ما تتقارن و يا مالتك هاي
سيف : عيب عليك عندها اسم ، و بعدين خ تول صح
مايد : فيك انفصام انته صدقني
سيف : هيي والله ، قوم قوم خ نسير نتغدا
مايد : تعال الميلس لين مايي خلوف بنترياه
سيف : اونه خلوفف ياي !؟
مايد : هيه شوه مارمسك
سيف : لا والله
//
يزوي : ميمي ممكن تساعدينيي شو هاا ياخي وايد ضغط عليه
مهره : كم تدفعين و اساعدج ؟
يزوي حطت ايدها عل خصرها و رفعت حايبها و قالت : لا والله !
مهره : ههههههه اسولف وياج ، امريي انتي تدللييي
يزوي : عيوني انتي
سيف : هود هود ، ادش يا بنات ؟
يزوي : هدا هدا ، تعال اخويه مافي حد الا مرتك و انا
دخل سيف و قال : شوو مسوينلنا الغدا اليوم ، يوعااننن
يزوي : طبعا بسوي انا مندي دياي و مهور عليها اللحم
مهره ابتسمت
سيف : ياسلاممممم ، شو المناسبه ؟
يزوي : بيون ضيوف عندنا ، ام حمدان يارتنا
مهره قفطت و عطته مقفاها
