خلود يلست على الكرسي الي مجابل البنت و قالت :
عسى بس ما تأخرت عليج ؟
عدلت روجها و مدت براطمها و هي تشوف عمرها بالمنظره
و عقبها قالت : عادي امورج طيبه .. شو سويتي بموضوعي ؟
عطيني اخر الاخبار
خلود : حبه حبه ، و بسوي الي نباه ثنينتنا !
بس لج وحشه والله يا مريييووم
مريم ابتسمت بغرور و قالت : حبيبتي ..
انزين شو اخبار سيف ويا هاذيج النسره ؟
خلود : تصدقين .. كنت اشوف نضراتهم لبعض طول الوقت !
مريم انقهرت و قالت : انززييين ؟؟
خلود : تصدقين عاد ، احسس .. حبها سيف
مريم : حببببج برصص !!
خلود قفطت و قالت مريم : سوييي شيي تحركيي لا تخليينه يحببهاا
خلود : ششوو اسوي يعني ؟؟
مريم : مادري عاد تصرفي !
و يوم كنتي تبغيني اعاونج ، ساعدتج و خليتج تدعمين سيف عسبت تتعرفين ع ابوج و هلج و عساس تبين تنتقمين منهم صح ؟
خلود سكتت ، مريم : شفتيي ؟ يلا دوري سوي الحينه الي اباه انا!
خلود ماردت عليها > يحليلها تتحراني سهله ..
_________________
اليوم الي بعده
ظهر خليفه من غرفته و سار الصاله ، شاف خاله يالس على الغنفه
و يطالع مباراة
" السسلاام علييكمم ، صصبحك الله بالخير خالي سعوودد "
خاله سعيد : وعليكم السلام ، هلا هلا بولدي
خليفة : الله يحييك و يبقييك يا خالي
خاله سعيد : ها شو سويت البارحه، سلمت على علي ( اليد ) ؟
خليفه : هييه خالي و قال خلاص بيضبط اموري و بيعطيني المنصب
خاله سعيد : تسستاهلل يا ولدي بالبركه
خليفه حب راسه و قاله : الله يبارك فيك خالي
سكت خليفه و فخاطره رمسه بس متردد يقولها ، صغر عينه خاله و بنضرات الشك طالعه و قاله : قول قول الي فخاطرك
