قساوة الزمن

٢

سامر بهاي الفتره يلتحق ويحارب هواي يحاول يطفي نار كلبه بس مايعرف شلون الى ان اجت الساعه الاستشهد بقطاعات بيجي

ود: جان الخبر الي مثل الصاعقه

دكييييت لطمتتتتت صرختتتتتتت لازمتني حنان اريد احرك روحييي اهلي كلهم راحو البيت خالي شوي واجو اخذوني اول ماطبيت طردتني اخته

اني تعبت حالتيييي حيييل

مرت الفاتحة واني بالبيت ماعرف الليل من النهار

شامخ: انصدمنه بااستشهاد سامر

مرت الايام وسئلت امي شخبار ود

ام شامخ: ود متعرف ليلهة من نهارهة وتعبانه كلش
شامخ: يمه هي تحبه؟
ام شامخ: ما اضن يمه بس لان خطبهة وابن خالهة اكيد تتأذه وانت تعرف امير يريد يذبحهة

شامخ: اليوم انروحلهم انسلم ع عمتي خطيه ابن اخوهة وشاب
ام شامخ: ي والله يمه عمتك متدمره دمار منا بتهة تخاف لا اخوهة يذبحهة ومنا ابن اخوهة استشهد

شامخ: الله يكون بالعون حجيه

حنان: اباوع ع ود جاي تذبل يوم بعد يوم ومتنام وبس تبجي تلزمني وتحضني
حنان اريد سامررررر
حنان ما شايفته صار شهرين
حنان هو مات وعافني بهاي الدنيا
حنان وين امير خل يذبحنييي حتى اروح يمه

جانت تحجي تحجييي
اباوع مو ود التجننننن عباره عن هيكل عضمي والوجه اصفر والخدود زرك العيون زرك اشكد ما تضرب ع وجهة

بليل اجو عمامي يسلمون اني نزلت

حسين وشامخ وعلاوي وعمي اياد وبيت عمي ابو نجم

شامخ: حنونه لعد ود وين
حنان: رأساً غوركت عيوني بالدمع كتله نايمه

علاوي صيحيهة
حنان: هسة نامت
علاوي: ميخالف صيحيهة

شامخ: عمي اذا متصير زحمه اكدر اصعد اني الهة
ابو امير اصعد بويه ويه حنان

حنان: صعد وياي شامخ وقبل لا ادخل الغرفه لزمني

شامخ: باعي حنان والسماج حنان راح اسئلج اذا جذبتي جدج اسمطه
حنان: ي ي

شامخ: شنو البين امير وود وسامر

حنان: والله مابينهم شي ود وسامر من زمان واحد للثاني بس من صارت مشكلتك ويه سلمان ابوي واخوي رفضو من رفضو امير كالهة بسببج مايطوني حور بت خالي اشو راح الهم من رجع مكلوب طنطل ضل كل يوم يريد يذبحهة ويكول اغسل عارج

وهسة صارت بصدمه لان استشهد

شامخ: ماشي حنان

دخلت
حنان: ود اجاج شامخ
ود:كعدت بس باوعتله عيوني دكعت
شامخ: البقيه بحياتج حبيبتي خاتمه الاحزان وهذا حق ربج جوز منزلته احسن من منزلتنه وربج ماكاتبه الج ولا كاتبه يعيش فكومي ع حيلج وقوي روحج

ود: منين تجي القوه واني حيلي انهد

شامخ: بس كولي يا الله وهي تجيج القوه

ود: ضليت ابجي وهو يحجي ايات وامثال وسور قرانيه واحاديث

اخر شي كال ود اعرف الوقت مو مناسب بس اريد اعرف امير شبيه وياج

ود: والله ماعرف😭 ياريت يذبحني ويخلصني

شامخ: محد يطخج واحنه ولد عمج
ود: لعد ليش ماوافقتو ع سامر

شامخ: لا مو ماوافقنه بالعكس ماعدنه اشكال جانت مشكله ويه سلمان والموضوع ما انرفض لا وانما اتاجل بس وعد ربج اجاه واخذ امانتة

ثقي بالله سامر لو عايش بعده ويرجع يخطب بيدي ازفج

ود: بدون وعي حضنته وبجيييت كتله شامخ خلصني من امير

شامخ: وعد وشاربي مو عليه اذا اخليه يطخج بعد بس خل اشوف مسكلته شنووو واني اطيحلج حضه

ود: مرت ايام واني نار بكلبي تلسع تلسع واشتاقله اموت بجييي

بالاربعين امي وابوي راحو للنجف اني ماقبلو ياخذوني وحنان بقت يمي واخوي سقاء

ما احس الا امير دخل بيده سلاح سحب اقسام اني صرخت

حنان لااااااااااااا
سقاء فزيت ع صوت سحب اقسام سلاح ويصرخن البنات طبيت للغرفه اشوف امير خال المسدس براس ود

امير: اتشاهدي ياعارررر

ود: اشهد لا اله الا الله
واشهد ان محمد رسول الله
واشهد ان علي ولي الله

سقاء دفعتة منهة وضل يرمي بس للاسف اكثر من طلقه رمه

وكعت وحده بصدر ود

حنان من شفت ود ماتت وامير شكله غريب وسقاء يصرخ

طلعت اصرخ بالشارع اللحكولنه

التمت الناس والشرطه اجت اخذت امير والاسعاف اخذت ود

وسقاء خابر ع عمامي

شامخ: دك تلفون علينه غريب جاوبت اسمع صوت قوي والناس هوسه

سقاء: شامخ الحك ود ماتت وامير الشرطه اخذته

شامخ طلعت اركض اصيح يابه علاوي حسيييين كومو امير كتل ود

رحنه للمستشفى

لكيت سقاء يبجي

شامخ: شصاااار

سقاء:.........

علاوي: حنان وين
سقاء بالبيت بقت يم الجيران

علاوي: حسين روحلهة للبيت واخذهة البيتنه طفله خطيه تخاف

اياد: وابو نجم: وابو مازن : كلهة اجت
كالو البنيه بالعمليات

ساعتين وطلعو كالو وضعهة استقر بس بعدهة بالافاقه والطلقه طلعناهة

.