قساوة الزمن

١٤

علي: اللتحقت واني روحي طافره كلت ميخالف حنان انزل واشوف هالتصرف شنو معناه

شامخ: اجيت الاهلي
ها حجي لعد علاوي وين

ابو شامخ: التحق
شامخ: شني اللتحق هو شوكت نزل حتى يلتحق
ابو شامخ: ابشرك نقل دوامه البغداد
شامخ: صدك لعد شو ماكال الارعن

ابو شامخ: بويه هسة الحمدلله من خلص من الموصل وتعبهة
شامخ: حجي لاعبالك يداوم بس بغداد لا اذا يجيه واجب يروح محافظات مجرد وحدته ببغداد بعده دوامه خطر

ابو شامخ: بويه وين اخليه بروحي؟؟

شامخ: لاتخاف عليه بويه علاوي بطل ونجر

اني صاعد انام اريد ارتاح

ود: سمعت من سقي شامخ اجه بقيت احوس من الصبح خابرت الضهر مجاوب خابرت العصر مجاوب

عاد بليل خابرني

شامخ: جريتهة نومه من الصبح الحد المغرب فتحت تلفوني شفت ود متصله كلت وره المغرب اخابرهة

سبحت وصليت ونزلت

يوم جوعان
ام شامخ: شسويلك اكل
شامخ : اي شي اكله

اكلت ورحت البيت عمي جنت ماخذلهة حلويات بقلاوه وحلاوة دهينيه وككوات وبيت عمي اخذتلهم بس حلاوه

ود: جنت فوك اسمع صوت جوه
ود: حنان منو اجه
حنان: مادري
ود: نزلي شوفي منو اجه
حنان: ما انزل ماريد اشوف اهلي كل الصار بيج بسببهم وهسة بدو بية

ود: هششششش كافي كافي اني نازله
حنان: اطيني تلفونج ضايجة
ود: شحصلتي من كسرتي تلفونج بلا

حنان: لاتذكريني
ود: اني اكول السقي يجيبلج
حنان :ماريد

فجاي احجي ويه حنان اسمع امي تصيح ود ود اجه شامخ

ود:عزااااا
حنان: ها شبيج
ود: اجه شامخ واني بهذا شكلي
حنان: وشبيه شكلج يخبل

ود: دنجبييي
كمت بسرعه بدلت لبست شوي دلع حفره الرگبه وخليت عطر وحمره بسيطه وكحله ونزلت

شامخ: سلمت ع عمي وعمتي وكعدت يمهم اطيتهم حلاوتهم
وسئلت ع البنات كالو فوك

فجاي نححي بعلاوي اخوي ع دوامه شفتهة نزلت

ود؛ احس اول مره يجي مستحيه حيل

ود: اجيت سلمت عليه
شلونك شامخ وباوسته هو احسه يباوووع بس ثكيل عود
الحمدلله ع سلامتك وزيارة مقبوله