قساوة الزمن

٩

حنان: ود اني عدي وياج موضوع بس خايفه وبنفس الوقت ما اريد اضم عنج شي

ود: كولي ولج خوفتيني
حنان: ود اني اعرف ليش امير هيج سوة واخاف احجي الاهلي وتصير مذابح
ود: شنوووو

حنان: ود امير مو جان رايد كوثر بت خالي
فكوثر من اهلي رفضو زواجج من سامر الله يرحمه هي رفضت امير وكالتله انتو هنتونه والا انهينكم واختك مو بنيه وجانت تبات يمنه وتخلص ليلهة ويه سامر واختك اذا ما سترتوهة فراح اتجيبلكم العار واحنه بعد ما نشرف بيكم ولا بتكم العار ولا بيك وبوقتهة امير راد يروح يذبحهة وصدك كلامهة

ود: حنان تسولفلي واني احس جسمي كله خدر وروحي راحت اريد احجي ماكدر كبل ايدي يبست ورجليهة واباوع ع النخل كله مغرش وافترت الدنيا ودخت ووكعت

حنان: ود اول شي انصدمت وراها طاحت

صرت اصرخ سقييييييييي سقيييييييييي سقيييي

اجه سقاء اخوي
سقي: شبيييييهة وخرررري وخرييي

صار يضرب ع وجهة بس ود متكعد رحت اصيح تمي وابوي انريد بس تصحى ماكو

اخذناهة للمستشفى واحنه نرجف نرجف

ساعتين والدكاتره ماطلعو من الردهة الطوارئ بقينه نرجف

سقي: احجييي شبيهة
حنان: ماعرف جنه نسولف داخت وطاحت
سقي: خرررررب مخد يدطلع يطمنه

وره شوي حولوهة للانعاش

امي طاحت صعد ضغطهة ابوي يضل يتوسل بالدكاتره

سقي: رحمه للاسلام فهمونه شبيهة
الدكتوره: اعتقد المريضه متعرضه الصدمه او تعاني من مشاكل صحيه لان جبتوهة نقص بالاوكسجين عدهة والحد هسة مفايقه جاي انحاول تصحى بس الدماغ ما جاي ينطي ايعاز تفيق

سقي: لا حول الله

اخابر ع شامخ ماجاوبني خابرت ع عمي ابو شامخ

سقي: عمي احنه بالمستشفى ود تخربطت اريد واحد من الولد يجي يرجع حنان وامي

ابو شامخ: شبيهة ود
سقاء: تجي عمي وافهمك

شامخ: جنت نايم هستوني جاي من الدوام وتلفوني خاله صامت
اسمع امي تصرخ وتدك وتلطم

نزلت بسرعه بدون ما اللبس

شامخ: هاااااا يمة هاااا منو مااات
ام شامخ: صخااااااام الصخمنه صخام الصخمج ودايه ششفتي من حياتج يمه وتبجييييييييي

شامخ: شكوووووو احجييي
ام شامخ: ماتتتت ود

شامخ: شنووووووووو يمه شهل حجييييي
حسيييييييين ابوروووي وين

ام شامم: خابر سقي على ابوك وراحووووووو ولك يمه ماتتتت ماتتت

شامخ: صعدت اركض لبست دشداشه واخذت مبايلي وسويج سيارتي ونزلت اركض
جاي اطلع صار علاوي بوجهي لابس عسكريييي