ដំណើរកំសាន្តជាមួយអ្នក
ព្រឹកព្រលឹមព្រះអាទិត្យចាប់ផ្តើមរះជះពន្លឺមកកាន់ដែនកោះសានយ៉ាបន្ទាប់ពីភ្លៀងមួយមេយ៉ាងធំកាលពីយប់មិញនេះ.បន្ទាប់ពីមុជទឹកផ្លាស់សម្លៀកបំពាក់រួចហារ៉ូតូក៏ចុះមករកអាហារពេលព្រឹកញ៉ាំនៅអាហារដ្ឋានរបស់ជិនជូដែលបើកនៅខាងក្រោមផ្ទះសំណាក់.
ពេលមកដល់ម៉ាក់របស់ជិនជូក៏រាក់ទាក់គេ
"អ្នកកម្លោះខាងនេះគឺអ្នកមកជួលបន្ទប់កាលពីម្សិលមិញនេះមែនទេ?"
"បាទ! សួស្តីគឺខ្ញុំ"គេញញឹមរាក់ទាក់តប
"អាជូគេប្រាប់ខ្ញុំថាអ្នកកម្លោះជួលបន្ទប់មួយសប្តាហ៍ ហើយចង់អោយគេនាំអ្នកប្រុសដើរកំសាន្តទើបគេមកសុំខ្ញុំ"
"បាទមានបញ្ហាអ្វីមែនដែរទេ? បើមានខ្ញុំមិនរំខានប្អូនទេខ្ញុំអាចរកអ្នកផ្សេងបាន"
"អូ!!! ចាសអត់ទេអ្នកកម្លោះដោយសារតែរដូវនេះជា
រដូវភ្លៀងអាចមានព្យុះ ហើយថ្ងៃអាចម្តងមានម្តងអត់ ទើបអ្នកនៅកោះនេះមានទម្លាប់មិននាំភ្ញៀវទេសចរណ៍ដើរឆ្ងាយទេដើម្បីសុវត្ថិភាព រឿងជិនជូគេជូនអ្នកកម្លោះដើរកំសាន្តខ្ញុំក៏បានអនុញ្ញាតរួចហើយអ្នកកម្លោះដើរកំសាន្តតាមសប្បាយចុះ"ម៉ាក់ជិនជូ
និយាយបណ្តើររៀបចំអាហាររបស់រាងក្រាស់បណ្តើរ
"នេះអាហាររបស់អ្នកកម្លោះ អញ្ជើញញ៉ាំតាមសម្រួលចុះ"គាត់ហុចថាសអាហារអោយ
"បាទអគុណ"រួចរាងក្រាស់ក៏កាន់អាហារមកអង្គុយនៅតុដែលជិនជូកំពុងអង្គុយកត់អ្វីម៉្យាង
"សុំរួមតុម្នាក់ផងបាទ!!! "គេសួរដោយញញឹម
"គឺលោកទេហី បាទបានអញ្ជើញលោក"រាងស្តើងងើយមើលពេលលឺសម្លេងសួរ ពេលដឹងថាជាហារ៉ូតូគេក៏ខិតសៀវភៅអោយរាងក្រាស់បានដាក់ថាសអាហារ
"លោកកំពុងធ្វើអីនឹង?"គេសួរពេលឃើញដៃតូចនៅតែកត់អ្វីម៉្យាងចូលសៀវភៅមិនចាប់អារម្មណ៍គេ (គេខំមកអង្គុយជិតហើយចាប់អារម្មណ៍គេផង😖)
" អូ៎... ខ្ញុំជួយកត់បញ្ជីអោយប៉ាព្រោះជិតដាច់ខែហើយខ្ញុំត្រូវជួយមើលបញ្ជីគាត់"
YOU ARE READING
រឿងខ្លី: ដែនសមុទ្រស្នេហ៍ (ចប់)
Romanceព្រោះតែគេចពីការបង្ខំអោយឡើងធ្វើជាCEOបន្តពីឪពុកអ៉ីប៉បានក៏រត់គេចមកលើកោះហៃណានដើម្បីកុំអោយឪពុកតាមរំខាន. ជាមួយសម្រស់ដ៏ស្រស់ស្អាតនៃឆ្នេរខ្សាច់សានយ៉ាដែលជាកន្លែងដែលល្បីមួយនៅលើកោះនេះ ពួកយើងបានឃើញកម្លោះសង្ហារមាឌតូចល្អិតម្នាក់កំពុងតែអង្គុយគូររូបអោយភ្ញៀវទេសចរណ៍ម...
