الضابط الغيور والعنيدة ٢

البارت الثالث

كالت : يمة منك مينكدرلك ..الله يساعد الي تاخذك

ضحكت وكلت : وهذا هماتين سبب حتى ما ازوج لأن مااعتقد وحدة تتحملني

:وليش يمة شبيك ..اشو رجال وابن رجال طول بعرض بخلاق بشهامة.. لعد شتريد المرة اكثر ابني

فهد : بس يوم اني عصبي كلش ومتحمل يعني لازم تزوجيني وحدة مثلج تتحمل كلشي مثل متحملتي ابويه مو وحدة بس اصرخ بوجها تبجي لو السانها طويل وتجاوز عليه غير اكصه الها

وية مجنت احجي دك الموبايل وجان النقيب

فهد :  نعم سيدي

النقيب : فهد تعال للمركز بسرعة محتاجيلك

فهد : آمرك سيدي بس مسافة الطريق

**

سجى : بعد ما اتصل بينا ابوها لزمن اخذت اخويه ورحنه لبيتهم حتى نتأكد من اخبارها ..رغم هي جانت دايمآ تشكيلنه منه وعن قساوته وياها بس شفته كولش متأذي عليها
جان مبين من ملامح وجه شكد تعبان وخايف عليها والشرطة واكفة تحقق وياه لأن صارلها اكثر من ٢٤ ساعة مختفية
اتصلت بغفران  بس هي كالتلي متكدر تجي ابوها مانعها لأن زعلان من ابو زمن
وية ما جنه واكفين اجت سيارة شرطة ثانية ونزل منها نفس الضابط الي شفنا امس بالمدينه ..دخيل ربه شكد حلو حتى نساني خوفي على زمونة
تقدم على ابوها وسأله شكم سؤال وهو يجوابه وبعدين اخذ فريقه وطلع وبقوا شوية عناصر يم البيت
شكد خايفة عليها ..الله يعلم هسة هي وين وشصاير وياها
زمن : فتحت عيوني واني اتمنى بداخلي ان كل الصار مجرد كابوس وهسة من اكعد حينتهي كولشي بس خابت ضنوني وطلع الي شفته حقيقة واني لساتني بهاي الخرابة وملابسي مكطعة وصوتي مبحوح ردت ابجي مكدرت دموعي ناشفات ..حاسة عيوني محجرات
اذكرت ذاك الحقير هو وصديقه كالوا حيرجعون اليوم ويقتلوني ..شجعت نفسي وكمت مريد اموت قبل لا اشتكي عليهم وآخذ حقي منهم ..دمرو حياتي وضيعوا مستقبلي
كمت امشي بصعوبة كولش واستند عالحياطين بس اريد اطلع من هالمكان ..طلعت حسيت بفرحة بس بعدني مثل ما اني لازم اركض ..منين اجيب القوة جمعت كل قوتي وركضت بطيئ بس اريد ابتعد عنهم وميلكوني
اركض واركض واحس نفسي بعدني بمكاني ممتحركة خطوة وحدة ..تعبت وحسيت طاقتي خلصت
كلت : لا زمن ..لا تستسلمين ..لازم تكملين ..لازم

بس مكدرت اركض اكثر فقدت كل طاقتي وقوتي ووكعت على وجهي ..اتنفس بالكوة وكلبي يدك كل قوته
حاولت ازحف بس حتى ابعد عنهم ..بس واضح مكدرت وسمعت صوت سيارتهم قريبة قاومت نفسي وجبرتها حتى اكوم مرة الخ ..وخطوتين ووكعت

ضليت ازحف ..وسمعت صوت الباب فتحوا ونزلوا يدورون عني ..ضليت ادعي ..ياربي ساعدني ..يارب
انقذني منهم
سمعت واحد منهم صاح : لك هاي بالطريق تريد تنهزم
واجوا عليه ..حسيت انتهيت وهاي اخر لحضات بعمري
بس شفت سيارة شرطة جاية من بعيد
فرحت وصار عندي أمل ..كمت وأشرتلهم بأديه
شفت السيارة وصلت قريبة عليه وهمة اجوي من وراي
ووكعت ومدريت شنو الي صارلي بعدها