الضابط الغيور والعنيدة ٢

البارت الثاني

زمن : رجف كلبي لمن باوع علينا ..شوية وكال : وشكد وقت هالطلعة ؟!

زمن : من الصبح ..ل١٢ الضهر ..ما نتأخر بابا

باوع عليه والبنات كالن : وافق عمو حباب ..محنتأخر

دار وجه عنه وكال : يلا ماشي ..وهسة جيبيلي الغدة بسرعة

اني طرت من الفرحة وكتله : اي بابا صار ..وركضنا للمطبخ
وكفنا وضلينه نضحك ونطفر بمكانه ..شكد فرحنا لأن بابا وافق وماعترض

سجى : هسة لازم نقرر شنلبس ..وخلن بالجن انريد نطلع كبل ..ونلبس مثل الشيء

غفران : لا سجى ما حزرتي اني اريد البس ملابس مختلفة عنجن ..شنو يكولون عنه توم

كتلهن : بنات اتركن الملابس هسة وساعدني احضر الغدة لبابا قبل ليعصب ويغير رايه

هنة كمزن وكالن : اي صحيح ..يلا ..

وهنة رجعن لبيوتهن واني كضيت ليلتي اجهز غراضي واختار ملابسي وآخر شيء اختاريت تيشرت احمر نص ردن وبنطلون كابوي وطلعت شوية اكسسوارات وجهزت حذائي الرياضي
كملت ونمت ..
كعدت على صوت المنبه ..كمت بسرعة دخلت الحمام ولبست نزلت لكيت بابا بعده نايم
تنفست براحة ..لأن خفت يشوف ملابسي وميقبل اكلت شيء عالسريع وطلعت
لكيت البنات منتضراتني بالطريق رحنة عالمدرسة وركبنا الباص وطلعنه
جانت للمدينة جانت كولش حلوة بصراحة هاي اول مرة اطلع هيج مكان من يوم تركتني ماما لليوم لأن بابا ميخليني اطلع بس للمدرسة
جنت اتلفت للمكان وحسيت براحة نفسية
بس سجى وغفران خربن علي لأن معدهن غير سيرة الشباب ..مللني ..سكتن شوية وعبالي خلصن

بس ما حسيت الا على صوتهن يصيحن
ألتفتت الهن بسرعة وكلت : شبيجن ؟!
سجى : لج زمن شوفي ..شوفي
غفران : ككوو مو رجال يا الله
عطت بيهن : انتن شنو متملن ..وبعدين من اول ما دخلنه وانتن بس تصيحن هذا حلو وهذا كيك ..كافي
سجى : لج لا ..هذا مختلف ..دشوفيه
غفران : لج هذا يسواهم كلهم ..شوفي الوكفة ، النضرة ،
هيبة ..الفخامة على شكل رجال
ألتفتت حتى اعرف عن شنو يحجن وشفته رجال جبير لابس ملابس عسكرية يجي عمره بحدود ال٣٠
طويل وصدره عريض يمكن عنده عضلات لأن ملابسه ضاغطة عليه ..حنطاوي وعيونة عسليات يلمعن بالشمس ..طلع كلامهن صحيح هو يجبرج تتمعنين بي من باب الفضول اذا مو اعجاب

كلت : هاي شبيجن تخبلتن..هذا بعمر ابهاتنه

ضحكن وكالت سجى : لج لو بابا هيج حلو جان ماما حبسته بالبيت وقفلت عليه ..مو تاركته يشتغل بمحل مال ملابس نسائية
غفران : ولو ابوية بهاي الحلاه جان نجحت بكل دروسي بكثر ما يجي للمدرسات ويسأل عني ..

دفعتني سجى وكالت : بس اني اريد نتقرب اكثر بلكي نشوفه اقرب

كلت : لا اني مستحيل اتحرك وياجن خطوة وحدة ماشي