الضابط الغيور والعنيدة ٢

البارت الرابع

ركبت سيارتي وطلعت على عنوانهم شفت رقم البيت ونزلت
دكيت الباب ..محد طلع ..رجعت دكيته اقوى
شوية وجاني صوتها ضعيف ومبينه خايفة او خجلانة
: منو
فهد : اني ..اني الضابط فهد اجيت ..حتى اطلعلكم على اخر الآخبار
كالت : بابا مموجود هسة ..تعال بغير وقت ..

فخد : ماشي ..مشيت خطوتين ورجعت صوتها ممريحين ..تقربت عالباب وكلت : انزين اني اريد قميصي بلا زحمة
سكتت شوية وكالت : انتضر شوية واجيبه الك
ثواني واجت ..فتحت الباب على كيف ومدت بس ايدها ..استغربت لأن ايدها بيها طبعات مثل الحرك
رجعت خطوتين حتى اخليها تتقدم اكثر

من شافتني مااخذته منها طلعت شوية ..اني سويت نفسي احجي عالموبايل
طلعت كولش على كيف ووكفت بالباب كالت : حضرتك اخذه مني بسرعة ..لازم ارجع للبيت قبل لا يجي بابا

هنا خطرت ابالي كلام صديقتها تقربت عليها جانت لابسه شال تحاول تغطي وجها بي ..وهذا خلاني استغرب اكثر
هي سافرة شنو الي اتغير ..وليش كل هالخوف بصوتها

اخذته منها وتعمدت ألمس ايدها ..هي فتحت عيونها بسرعة وخلتهن بعيوني مصدومة
وهنه جانت صدمتي الحقيقية من شفت لون عيونها مختلف وخدودها مزوركة وملامحها كلها متغيرة
كلت بدون تفكير : ابوج ضربج ؟!

هي سحبت ايدها مني ودخلت بسرعة رادت تسد الباب
خليت ايدي وكلت : عسل ..اسمعيني اذا ابوج قاسي وياج انتي كولي حتى اكدر اساعدج
دفعت الباب اقوة وكالت : لا ميضربني ..وروح اترجاك روح بسرعة قبل لا يرجع ..الله يخليك

ردت احاول وياها اكثر واعرف ..بس مردت ألح عليها خذيت القميص الي جان مكوي ومعطر ومصفط بنايلون عبالك لسه جديد
ويه ماجنت اتقرب على السيارة وصل ابوها وباوع الي وعيونه صارت براسه
صاح : زمننن
فهد : ابوها بس شافني اجه عالبيت رأسآ ودك الباب
بس فتحته هو دفعها ودخل بدون تفاهم وبدون شيء نزل عليها ضرب وشتم ورزايل

ضليت محتار بمكاني ..اذا ادخلت ماالي حق واذا ما دخلت حتموت بأيده
سمعتها تصيح وتتوسله وهو ولا هامة ..مكدرت اتحمل اكثر
تقدمت عالبيت وجان الباب بعده مفتوح دخلت رأسآ لكيتها نايمة بالأرض وهو لازمها من شعرها ويضربها راشديات
اجيت بسرعة لزمته من جتافه وكومته عنها ..

صاح : لك انته شلون تتدخل ..اطلع من بيتي يلا

دفعته وكلت : اسمعني زين الي دتسوي غلط واني اكدر احاسبك بالقانون بس تشتكي عنك ..الأحسن الك متمد ايدك عليه من اليوم

عاط : لك انته متهمني لا انته ولا سجنك اني خن اقتلها واغسل عارها وبعدين دخلني السجن

كلت : وليش هي شنو الي سوته ..اذا جنت تقصد الأغتصاب هالشيء حادث مو بيدها هي ..ميحقلك تعاقبها لازم توكف وياها وتساندها

كلي : خل يصير هالشيء ويه اختك او اي وحدة تقربلك وبعدين كول هيج ..هسة منو الي حيقبل بيها وهي وحدة مكسورة ..هاا..لو يجيني اي واحد من الشارع حنطيها اله عسى ما يكون الكو.. الي سواها
واذا لا اقتلها وخلص
باوعت الها حالتها تكسر الكلب ..لزمت ايده وكتله : زين اني هسة اخطبها منك بس حاليآ بس عقد على ما اروح للجبهة وارجع ونسوي العرس