جنون الطالبة والاستاذ

البارت الثالث

وكيف اصارحك بحبي
وانت كبرود الثلج قلبك؟
...................................

الاستاذ علي...انتي بهذا الكروب

كلارا...يمه ياعلي هذا مبين مايتحاج ولج انعلستي يا كلارا طحتي بيها نوب يسأل شمدريني اني بهذا الكروب لو لا هو بالكوة لكيت المختبر نوب اعرف كروبي(بكلبي اكول)...بتوتر وخوف كلت
....ايي اني هنا

باوعلي وكلي
الاستاذ علي : تفضلي و اشر برأسه بالدخول

كلارا...الحمد الله خلصت (بكلبي اكول)
مشيت بخطوات هادئه وضليت واكفه اريد مكان اكعد بي الستولات كلها بيها طلاب حسيت وكأنو احد ديندسني بجتفي

لينا... هنا اكو ستول جري من جوه الميز و اكعدي..

كلارا...شكراً حبي ...كعدت وضليت ااعدل بعباتي

لينا...اكولج حبي انتي جسمج زين مو كولش سمين ليش ماتنزعين العباية
كلارا..لا هيج مرتاحه

لينا..شنو اهلج مايقبلون

كلارا..لا عادي عدهم اصلا ميدرون اني باقيه بلعباية

لينا...لعد شبيج انزعيها والله احلالج

كلارا..ردت اجاوبها وشفت واحد يم الاستاذ الي حاجاني اول مادخلت واكف يمه ويخزر لان نسولف
(يمه عزة هذا شبي الثاني هذوله شبيهم )مجاوبتها اكتفيت بلابتسامه

انتبهت ع الطلاب كلها لابسه لابكوت(صدرية طبيه )
وضليت صافنه بس لا تيهت قسمي اشو كلهم لابسين الصدرية ياربي بس لا هذا مو قسمي حتى اكل هوا

وأثناء صفنتي شفت الاستاذ مخلص شرح

الاستاذ علي...طلاب هسه شرحت الكم وجه المكعبات وهسه الدكتور رعد راح يشرحلكم عملي...اتفضل دكتور رعد

الدكتور رعد...اتقدم بأتجاه الطلاب وحجه
...مثل ماشرح الاستاذ علي هذا المكعب بي ست أوجه

كلارا...ها اسمه الاستاذ علي حلو ماينسه ع اسم اخويه بس من يشرح ثكيل بشرحه وكأنو واحد ديقدم برنامج وحتى ابتسامه ماكو شنو هاي دبتسم شويه لخاطر الله شنو الابتسامه بفلوس
اووي كلارا هسه انتي شعليج ركزي بدرسج احسن مايكومج ويفشلج
استطرد الأفكار الجانبيه وركزت ع دكتور رعد
الي اخذ عينه من مكعب وبده يشرحلنه شلون انطلع ست اوجه للمكعب
وضل يكوم بالطلاب
جان اكو مكعب بيدي ملون
واسوي الخطوات الي الدكتور يسويها مندجه ومنزله راسي ع مكعب
فجأه رفعت راسي شفت الدكتور رعد يباوعلي
ابتسمت لا ارادياً
وهو بادلني بالابتسامه