جنون الطالبة والاستاذ

البارت الاول

وقد عشقت حروفاً كتبتها يديك

................................
...ولج كلاراااااا كومي كعدي
كلارا...(بنعاس)هاا شكووو اريد انام
لمى ....ولج كومي نشروا نتائج السادس

كلارا ....(كمزت من مكاني ) كولي والله شوكت شكد مطلعه ويين موبايلي (تحجي ومخبوصه)

لمى...ما اعرف نشروا إعلان تم إعلان نتائج السادس الاعدادي بفروعه

كلارا...عززززززززة ياربي كلبي راح اموت
كمت ادور ع موبايلي ومخبوصه
ولج لمىىىىى وين وموبايلي

لمى ...وين مخليته

كلارا...ما ادري ناسيه يالله دخيلك راح اموت ولج لمى شوفي ايدي ترجف

لمى...ان شاء الله ناجحه ومعدل عالي
ضلينه ندور ع موبايل
تمارة ..هذا كلاراا الموبايل ع ميز

كلارا ...ركضت اخذت الموبايل افتح الرمز وماينفتح كتبته اكثر من مرة وماينفتح ...ولج لمى ماجاي ينفتح (احجي والدموع بطرف عيني )يا الله دخيلك

لمى ...اشو اطينياه انتي متوتره شكد الرمز

كلارا ...الرمز ١١١١ اربع واحدات

لمى ... هاي انفتح هاج

جاي ادخل ع تليكرام اشوف النتائج بهاي الاثناء دخلت ماما
ام كلارا..هاي بعدجن مامبدلات
لمى ..اي ماما مو نتائج مال كلارا طلعت

ام كلارا..صدوك ..يا الله .. ها بشري شكد

كلارا ...(بتوتر)ماما بعدها ما فاتحه الرابط النت ضعيف 😭😭😭😭

ام كلارا...ع كيفج اقري الفاتحه لام البنين ان شاء الله ناجحه

الكل وكف فوك راسي ومتوترين خايفين يمكن اكثر مني ع نتائج احس كل جسمي يرجف
من ال١٠ الصبح احاول افتح الرابط وماينفتح

ام كلارا ...كومي لبسي هسه خل نروح وهناك بالموكب
طلعي النتائج

كلاراا..اي اي ماما هسه بس شويه فدوة

ام كلارا ...هسه بدلي حتى ع راحتج راح نتأخر

(ايام زيارة الأربعين وعدنه موكب نخدم بي وكل يوميه نروح )

كلارا...كمت ابدل كل شويه اروح للموبايل اشوف بلكي حمل خلص دمي وما نفتح الرابط