جنون الطالبة والاستاذ

البارت الرابع

نسيتك وفقدت ذاكرتي
لماذا  عدت وانت تريد الرحيل

................................................
💬..السلام عليكم
انتي كلارا***...؟

كلارا...وعليكم السلام اي اني منو

💬......حبيبتي اني بنيه زميلتج بالدفعه بس حبيت أبلغج
أغلبية الدكاترة يسألون عنج ويسألون يكولون ليش ما تحضر راح يفصلوج لان غيباتج هواي
كلارا...عززة وشلون ؟
💬...حبيبتي كالو الها اخر فرصه يعني ابدي من هسه حظري محاضرات

كلارا...تمام حبي مشكورة

💬..تدللين يعمري

سديت الموبايل وضليت افتر بالورقه شلون بيه
اروح واجي شويه انفتح الباب نزيت من مكاني

لمى...كلارااا ولج كومي وياي اشو بس كاعده

كلارا...شنو كاعده مو قبل شويه نظفت المطبخ

لمى..اي لعد اني عليه البيت نظفته والملابس غسلتهن والخبز سويت ع الاقل ساعديني بالغده

كلارا...اوف كايمه ...
كمت وياها كالتلي اثرم كرفس

شويه واجه علي اخويه

علي..كلارا شوفي خل اسوي بيج هاي الحركه
شفتها ع نت

كلارا..شنو ياحركه

علي ...تعاي مقابيلي اسوي عود ضربيني بوكس

كلارا...اني كيفت بسرعه قبضت ايدي واريد اضربك وانشر وجهه
فجأه لزم ايدي ولواها وخلاها ع ضهري وضربني جلاق ع رجلي وكعت مفلشه ع كاع

كلارا.....علييييييييي عليك الحسين عوفني

علي.... ههههههههههههه كولي علي الحلو

كلارا...علي الزبا***اني كلت هيج وعصر ايدي حيل
...لا لا ونبي انته حباب وحلو

لمى...😅😅😅😅😅كافي علي عوفها صارت فطيسه

علي... 😅😅😅انثول شبيج مو مال شقه ترى مامسويلج شي بس لاوي ايدج
بس يله راح اعوفها
كلارا ...عاف ايدي وضليت اتلمس ايدي حيل توجعت
الكبر اي والله حقير تافه مو مال واحد يشاقه وياك

علي...😅😅😅😅😅😅اروح العب بوبجي احسلي

راح علي وخلصنه عشه تعشيت واخذت ملابس وسبحت ونمت

........................
من اليوم الي راسلتني بي البنيه واني ملتزمه بالمحاضرات وماضربت ولا محاضرة بس افتح محاضرة واسجل حظور وابقي المحاضرة مفتوحه وانام 
بيوم الساعه١٠ باليل
فتحت التلي ولكيت الطلاب مخبوصه وديحجون ع استاذ  ضليت اقرة محادثة الكروب
💬......
الطالب الاول...دسكت يمعود غير الاستاذ علي مكسرنه
الطالب الثاني ....اي والله الدرجات مكسرنه بيها
يستاهل اشتكينه عليه بلكي يفصلوا لو يوخروا منه