جمعتنا الليالي بدراً

البارت الثالث

اديم : يالله مدري كيف بنام ونواف تعبان قلبي موب مرتاح مرا وخايفة عليه يأرب م ترتفع حرارته
دانه : لا م راح يكون فيه شي وبعدين شتاء وهو موت متدفئي وإذا ارتفعت حرارته بقوم امي تشوفه
اديم : امشي ندخل الجو برد لا نتعب بعد
دانه : يالله مشينا
دخلوا الغرفة ونامت دانه وجلست اديم تفكر في نواف ولا غفت عيونها
اذان الفجر : الله وأكبر الله ...
المسجد قدام بيت ابو خالد ..
قام ابو خالد وام خالد ع الاذان وتوضؤ وقام ابو خالد معه الخيزران وكوب ماي عشان اللي م يقوم يكبه ع الماي ويضربه بالخيزران
دخل غرفه العيال وطق الباب بالخيزران قوموا ي عيال الصلاة اللي م يقوم بكب الماي انا بروح اقوم خالد وارجع أحد نائم ي ويله
راح لخالد وطق الباب ي خالد الصلاة قم
فتح الباب خالد وحب راس ابوه
عند العيال : قام محسن ي عيال يالله قوموا لا يجي خالي ويكب الماي علينا وقاموا العيال صفو ع الباب واللي يطول ي ويله قامو وكلهم وراحوا المسجد
عند البنات : ام خالد دخلت ع غرفه العمه وسلمى ومنيره : ي حريم قوموا الصلاة سلمى يما قومي صلي ي ام سليمان الصلاة ي منيره الصلاة قاموا كلهم الا منيره عندها عذر ..
راحت غرفه البنات ي بنات قوموا يالله اديم قصيد دانه يالله اديم كانت مرهقه ولا نامت وقررت تقوم تصلي وتتطممن ع نواف وتنام لانا طول الوقت تفكر فيه ...
اديم : سمي يما الحين اصحى واصحيهم
اديم قصيد قصيد
قصيد : شتبين بنام
اديم : قومي صلي الفجر .. دانه دانه قومي الصلاة
دانه : يالله إذا خلصتم من الحمام صحوني
اديم : انا بروح أصلي قصيد إذا خلصتي صحي دانه
راحت اديم تصلي وراحت لامها تشوفها وكانت ام خالد جالسه بغرفتها تقرا قران جت اديم الغرفة وانسدحت ع السرير
ام خالد : اديم يما فيج شي
اديم : لا يما بس أحس تعبانة ابي انام
ام خالد : روحي نامي و10اصحيج
اديم : يالله اجل اشوف البنات وانام
راحت اديم الغرفة وكانت تتنظر يرجعون وتتطممن ع نواف ... شوي الا رجعوا وسمعت صوتهم اديم وضحكت نواف وقالت اهه يربي جعلني فدا الضحكة بصوت قصير وقامت تشوفه
نواف : لاحظ ع اديم انها م نامت وأنها تعبانة ..
وقال ابو خالد : ي اديم نادي البنات وتعالوا بصاله
اديم : سم يبأ
ابو خالد : اقعدوا ي عيال شوي عقب ارقدو لين 9
تجمعوا كلهم بصاله وكلهم خائفين شمعنا نادا الكل وخصوصا الفجر وكل واحد جلس يفكر بشي
قال ابو خالد اسمعوا بنطلع البر ونخيم عن الإبل ع أسبوع والحين ارقدوا والساعة 9اصحو وتجهزوا وبنمشي للمخيم نبي الخيام ونتجهز
ام خالد : ابو خالد ودي أكلم اختي تطلع معنا ونتونس
ابو خالد : ابد حياءها الله ساعته مباركة
ام خالد ارسلت لأختها وقالت تم
وجاء وقت الانصراف والكل راح ينام عشان يتجهزون للمخيم .. عند نواف أرسل ع رقم دانه
دانه طمينني عن اديم شفيها تعبانة ؟.
دانه : لا بس شائله همك ولا نامت بس الحين بتنام
نواف : عطيها الجوال شوي
دانه اديم امسكي جوالي شوفي ذا
اديم : هاتِ شافت كلام نواف وحست بشعور حلو انه حس فيها .. نواف انا اديم اخبارك ؟.
نواف : بخير ي وجه الخير انت اخبارج شفيج تعبانة ؟
اديم : لا بس م نمت بس أفكر فيك
نواف : طيب الحين نامي عشان المخيم تكونين مصححه
اديم : سم وانت بعد نام تصبح ع خير
نواف : وانت من اهله
نامو كلهم وكلهم متحمسين للمخيم وجوه وفعاليته رغم كل شي صار بسرعه الا انا حماسهم فل
جاءت الساعة 7 وصحي ابو خالد وسوا شاي وقهوه وجلس بالمجلس يتقهوا ويتابع البادية وشوي الا تقوم ام خالد والعمة وقال ابو خالد انا بروح اجيب الناقص للعزبة وطلع وقامت ام خالد والعمة يجهزون الاغراض وشوي الا تقوم سلمى معها بنتها مزون دخلت المطبخ وشافت امها وعمتها يجهزون العزبة
سلمى: صبحج الله بالخير يما وباست راسها
ام خالد : صبحج الله بالنور
سلمى : صبحج الخ بالخير عميمه وباست راسها
العمه : هلا والله بنتي صباحج نور
عطيني مزون بحبها .. حبت مزون يالله تخليها لج
سلمى : امين يأرب .. يما ابوي وينه ؟.
ام خالد : طلع يجيب النواقص
سلمى : أحد معه ؟.
ام خالد : لا والله طالع من زمان والعيال نائمين
سلمى : يالله تقويه بس غريبه خالد م صحى ؟.
ام خالد بيصحى ان شاءلله
شوي الا دخل خالد
العمه : عمرك طويل ي خالد تونا بطاريك
خالد : خير ان شاءالله
العمه : كل خير بس سلمى تنشد عنك
خالد : اشتقتي لي سلمى اعترفي ؟.
سلمى : والله لو أنك ابو عيالي بس أخوي غصب اشتاق لك الا ليه م رحت مع ابوي يتقضى
خالد : ليه ابوي متى طلع م صحاني ؟.
ام خالد : طالع من ثمان يعني له ساعة
خالد بأتصل اشوفه وبروح له تبون اجيب شي توصون بشي؟.
العمه وام خالد : لا سلامتك
سلمى : ايه تكفى بما اننا بنطول بالمخيم نبي نسوي فعاليات ونبي نجيب اكل عشان نسهر وننبسط
خالد : خلاص امشي معي واشتري اللي تبينه
سلمى يالله بس دقائق البس ع م تشغل سيارتك
وراحت سلمى تلبس وخالد راح يشغل سيارته
سلمى : يما بروح وبخلي مزون عندج وبأخذ معي حمود صاحي " حمود ولدها ثاني سنه ابتدائي "
ام خالد : م عليه خليها
ساره زوجه خالد : سلمى اصبري بروح معكم
سلمى يالله تعالي
راحت سلمى وساره وركبوا مع خالد
خالد: يالله وين تروحون
سلمى نبي السوبر بنشتري اكل فعاليات الهبه بنسوي الهوت شوكلت وبنشري الحلى وبشتري اكل وشي اغراض بنات وبعدها نبي التوفير نبي مواعين سفري واكواب سفري ونبي شموع حاليا بس ذا اللي نبيه
تقضوا وخلصوا ورجعوا البيت والكل صاحي ومتجهزين للمخيم وجت اخت، ام خالد لبيت ام خالد عشان يمشون مع بعض للمخيم ..
جاءت الساعة 10 وصحو كلهم ومرا متحمسين للمخيم والكل مبسوط ...
جاءت اخت ام خالد مع ولدها وبنتها
وكان الكل مبسوط ويسلمون ع ام خالد وبناتها والعيال يسلمون ع بدر
اديم : بدر اخبارك ؟ .. ومدت يدها سلام ك
بدر : هلا والله اديم الحمدالله تمام انت اخبارج ؟
اديم : الحمدالله بخير
اديم م تتحجب من عيال خوالها وعمانها
ناظرها نواف نظرات غيره وعصبيه وقام من المجلس اديم خافت انه زعل وطلعت وراه
اديم : نواف نواف اكلمك وقف
نواف : نعم اديم شتبين روحي لبدر
اديم : نواف تستبهل تزعل عشان سلمت ع بدر ؟. ترا بدر نفسه نفسكم كلكم م اتحجب عندكم وانا تعبانة وجاي تزعل موب وقتك ونزلت دموعها وراحت الحمام وكانت تصيح انا موب معقول نواف شك فيها وغيرته بتوصله لشك ...
نواف : يربيه انا شسويت مول معقول اشك فيها وانت عارف علاقتهم انهم اخوان ي نواف شسويت وجلس يهجس ويكلم نفسه
جاءت قصيد وشافت نواف يهجس
قصيد : نواف من جالس تكلم ما في أحد
نواف : ها لا ما فيني شي انا بروح اشوفهم
قصيد : طيب اديم وينها بنمشي وكلنا ركبنا سياراتنا
نواف : مدري م شفتها
قصيد : يربي موب وقتها تختفي
نواف : خلاص انت روحي شوفيها بالغرف وانا بشوفها هنا
قصيد : تمام وطلعت فوق وجلس تنادي اديم بنمشي وينج
نواف راح للحمام اديم انا اسفه وترا قصيد جت تدور عليج يركبون السيارات بنمشي يالله
اديم : خلاص طيب مالك دخل روح وانا بغسل وجهي وبطلع راح وهو حاس بذنب وركب السيارة وطلعت اديم ولبسه نقابها وكانت عيونها حمراء
قصيد : اديم فيج شي قاعده تبجين ؟.
اديم : لا بس عيوني توجعني الظاهر الحساسية جت
قصيد : يالله اجل امشي جالسين ينتظرونا
اديم : تمام يالله
ركبوا السيارة وكانت السيارة الاولى فيها ابو خالد وام خالد والعمة ومنيره وسن
السيارة الثانية : خالد وزوجته ساره وسلمى وعيالها وقصيد ودلال ومحسن
السيارة الثالثة : هايف ونواف و و هيا ودانه
السيارة الرابعة : بدر وأمه وجوجو وفجر
جت اديم وشافت الكل راكب والسيارة متزاحمة والاغراض وقال اف وين اركب ؟.
هايف : تعالي سيارتي فاضي في مكان
اديم : ناظرت نواف لا بركب مع اخواني ولا ابوي
سلطان: السيارات زحمه اركبي مع هايف
اديم : ركبت ولا كانت تبي تركب معه عشان نواف
ف جلست ورا نواف وكانت جالسه جنبها دانه
دانه : اديم ليه م تبين تركبين معنا وليه عيونج حمراء؟.
اديم : دانه تكفين اسكتي إذا وصلنا قلت كل شي
دانه : طيب بس ترا نواف يناظر من المراية
اديم : ناظرت له وقالت بصوت غير مسموع اه ي خاسرات حبي فيك
هايف : تبون نشغل اغاني ؟.
هيا : ايه تكفي حط اغنيه ...
شغلها وبدت اصواتهم تتعالى مع الأغنية ودخلت اديم معهم وبدت تغني وانصدموا من جمال صوت اديم وسكتوا وخلوها تغني وهي م كانت معهم لأنها دخلت جو مع الأغنية بعدها سكتت والكل بدا يمدح جمال صوتها وحست بخجل وسكتت
اما الأوضاع بسيارة ابو خالد ف كانت هدوء قدام ابو خالد والعمة ورا وسن ومنيره وام خالد سوالف شيبان ووسن كانت نائمه ع كتف ام خالد
اما عن سيارة خالد : ف كانت ضحك وسوالف وتخطيطات للمخيم
وسيارة، ام بدر اخت ام خالد ف كانت توصيات ام خالد لعيالها وكان كل شوي ابو بدر يتصل يتطممن عليهم لإنه م راح بسبب عنده دوام
وكان الطريق ساعتين للمخيم وصلوا المخيم ..
وصلوا المخيم ونزلوا الاغراض طبعاً ابو خالد عنده أبل وغنم وعنده وبناني مخيم خيمه شعر السوداء حقت الرجال وخيمه مطبخ وخمتين للضيوف وجبره " كبره " اللي هي نفس السيارة داخلها بيت
مجلس حريم ...
ستل:
ام خالد والعمة : لابسين ثياب وبراقع
منيره : لابسه تنوره بنيه وهودي أبيض مع شال ع الكتف ورابطه شعرها
هيا : بنطلون وسيع مخطط مع هودي طويل فاتحه شعرها كيرلي
سلمى : بنطلون أبيض وهينك أخضر لابسه جزمه رياضيه نايك
دلال : بنطلون مع هودي وحاطه سماعات الكبيرة ع كتفها ورافعه شعرها
دانه واديم: لابسين نفس اللبس بنطلون جنز مع هينك ابيض وبالطو طويل بني وفاتحين شعورهم ولابسين بوت اسود طويل
قصيد : لابسه فستان شتوي رسمي وفاتحه شعرها ولابسه سلسال طويل
وسن: لابسه بنطلون كحلي مع بدي أبيض نص وفوقه جاكيت جلد اسود
فجر : لابسه بنطلون أسود وسيع مع قميص خفيف أبيض وفوقه جاكيت صوف بني وفاتحه شعرها وحاطه ميك أب خفيف وإكسسوارات وشوز أبيض وطالع شكلها انيق وحلو
جوجو : لابسه بنطلون ضيق من فوق ومن تحت وسيع وفيه قصهِ مع هودي وبوت
العيال :
كلهم لابسين ثياب وغترة عصبه مع فروه
اما عن نواف ف كان لابس ثوب اسود وغترة بني فاتح عليها ازرق ومعه خيزران وفروه سودا شكله طالع حلو وملفت
وصلوا المخيم والكل كان مبسوط وفرحان
هيا ودانه ومنيره كانوا محجبات عشان بدر موجود
وكانت نقطه تجمعهم خيمه الشعر ف كانوا جالسين فيها ام بدر وام خالد والعمة ومنيره وابو خالد
بالمطبخ البنات كانوا يجهزون المواعين ويسوون الفطور لأنهم اختاروا يفطرون بالبر
خالد : كان يسوي خبر جمري خبز ع الفحم
سلطان : يحلب النياق
هايف ومحسن : يجهزون النار
نواف وبدر : يركبون القهوة والشاي
ف كان كلهم بدا بيد والكل متحمس ويسون فرحانين ومبسوطين
بالمطبخ عند البنات :
فجر : بنات شوفوا العيال شلون مكروفين أكثر مننا
قصيد : خليهم أحسن يكرفون وخلينا نخلص قبل يجئنا الدور
فجر : يالله
اديم : انا سويت البيض وخلصت
سلمى : وانا خلصت بروح اشوف مزون وحمودي لا يزعجون امي وأنتم اخلصوا وجيبوا الاغراض
وسن :يربي لو م طلعنا موب أحسن كرف تعبت
جوجو: اشتغلي وانت ساكته بس مالنا خلق لحلطمتج مسويه فيها الي م اشتغل
وسن : اف صبر ايوب ي رب
دلال : خلاص ي بنات اسكتوا وخلونا نودي الاغراض
فجر : بنات م نبي نفطر معهم خلونا نفطر بالكبراء عشان نأخذ راحتنا
البنات : بالله تمام
وصلوا الاكل للخيمة وقالو بيفطرون بالكبراء
واخذو اكواب شاي وراحوا يفطرون
بخيمه
العمه : يالله ي أخوي من زمان عند هالاجواء يحلو البر ذكرني في ايامنا قبل
ابو خالد : اي والله أنى اموت عليه صيف شتا يذكرني بكل شي
ام خالد : انا عاد م قد عشت بالبر بس استؤنس لما اروح له
منيره : يوه عاد انا م اداني انام بالبر اخاف
ام بدر : م عليه موب جاي شي نامي وتعودي اسبوع بتعقدين هني
منيره : والله شائلة همه
وسوالف العيال وش يسوون من فعاليات
اما عند البنات :
ف جالسين يفطرون وسوالف وضحك ودانه وهيا جالسين يعترفون ع فجر وجوجو لانا اخر مرا شافوا بعض قبل وهم صغار
اديم : بنات موب عارفه انام بالبر اخاف م أحب انام فيه
دانه : وانا بعد م أحب انام فيه خصوصا اول يوم
قصيد : بلا دلع احنا بنقعد اسبوع وإذا ابوي م مدد هاشي بعد ف مستحيل تواصلون اسبوع
اديم ودانه: لنا الله
هيا ؛ تتوقعون العيال وش قاعدين يسوون
فجر : اكيد يفطرون ويفكرون وش يسوون بعد الفطور
سلمى: شرائكم نقول لأبوي طباخ العشاء ع العيال ؟.
دلال : ايه أحسن خلونا نشوف مهاراتهم
جوجو : م اتخيل يطبخون أحس بطني يوجعني من طباخهم
دلال : لا طبخ سلطان حلو قد طبخ
هيا: جاءت ع طبخه كلش بسلطان حلو خصوصا الكرك
فجر : ناظرت هيا وكانت هيا معتمده تقول الكلام عشان فجر تغار وقامت فجر من السفرة الحمدالله شبعت انا بتمشي براً
قصيد انتظري بجي معج
طلعوا فجر وقصيد وكإنو يتمشون بالمخيم
قصيد : والله م توقعت تحبين سلطان هالكثر
فجر : من قال احبه بس انت شفتي كلام هيا شلون كانت تقوله وتناظرني ؟.
قصيد : ترا هيا تحب سلطان بس هو م يحبها
فجر : شدراك ؟؟
قصيد : هي قالت له وقال م احبج احنا اخوان ف انت إذا تبين سلطان انتبهي عليه وخليه لا يشوف غيرج
فجر : انا م كنت أحب سلطان ولا توقعت بيوم أنى احبه بس تعرفين كلشي يقول خلاص انت لسلطان وشابكينا مع بعض ف خلاص
قصيد : ترا حتا هو يحبج واضح اصلا تحبون بعض
خلص محسن فطور وشاف بنتين بتمشون بعيد وراح يشوفهم ومشى وراهم
محسن : ورا قصيد بو
قصيد : يما وصرخت
محسن وفجر جلسوا يضحكون ومنهارين ضحك ع قصيد
قصيد : شتبي جاي هنا وبعدين قاعدين نمشي مع بعض وحركتك البايخة لا تعديها؟.
محسن : لا بس شفتكم من بعيد وقلت اجي اشوف من الملاكِ اللي يمشي وطلعتي انت
قصيد : غزلك ورا التريلات خبه بجيبك وطس هناك
محسن :افا م تبوني خلوني خويكم
فجر : معليش بس سوالف بنات روح هناك
محسن : بروح بس جيت اقولكم انا خالي وجده "العمه " يقولون بيرجعون ايامهم وبيرقصون ويخلونا نرقص والكل هناك ف تعالوا أفضل
فجر وقصيد : طالعو بعض بصدمه وجلسوا يضحكون
محسن : انا بروح تجون
قصيد وفجر ايه
رواحوا وكان الكل موجود ومسوين صفه عشان يرقصون ...
ف كإنو منقسمين نصين
القسم الاول : ابو خالد , العمه , ام خالد , خالد , هايف , سلطان , نواف , محسن , بدر
القسم الثاني : ام بدر ,منيره , سلمى , دلال , هيا , دانه , قصيد ..
اما عن اديم , وسن , جوجو < ف كانوا جالسين ويناظرونهم شوي الا وسن ترقص ورقص معها ابو خالد وابو خالد معروف بالردح من صغره حلو شكله ومرا انبسطوا ودخل عليه هايف وكان ماسك خيزران ويرقص فيها وتعالت الاصوات والفرح وام خالد قامت تراقص والعمة دخلت معهم وقتها الكل كان مبسوط وفرحان الا بطلتنا اديم كانت تفكر بغيره نواف عليها وانا معقول هنت عليه ونزلت دموعها وطلعت للمطبخ ونواف كان شايفها وده يرضيها بس م تقابلوا من جو المخيم
وقرر يطلع معها بدون محد يلاحظ انسحابه
نواف : اديم وقفي شوي
كملت اديم ولا كأنها تسمعه وزادت دموعها
نواف : اديم اكلمك وقفي شوي ومسك ايدها
اديم : نعم شتبي لاحقني توك تتذكرني انت لو خايف ع البيت من النار تطفيه م تخلي النار تأكله والحين ابعد عني ولا والله بنادي الكل
نواف : بتناديين نادي عادي بس م تتجاهليني
اديم : اتركني مالي خلق لك
نواف : مسح دموعها ومسك ايدها وقال امشي معي للمطبخ
مشت معه اديم ووصلوا المطبخ وغسلت وجها
نواف : تبين أسوي لك قهوة تركيه ترا جابيه لك اعرف تحبينها
اديم : لا موب مشتهيه
نواف : تمام انا بسوي لي ولج وراح تجربينها .. وبعدين ترا انا غيرتي كانت ع بدر ونظراته وبعدين موب من حقه تسلمين عليه انت بس لي وصل ؟
اديم : وصل بس خلص قهوتك وخلنا نروح لهم
نواف : من قال برجع لهم بخلص بنروح ونجلس برا
اديم : بس اخاف أحد يشوفنا
نواف : عادي وش بيصير دامني قاعد مع قلبي ؟
خلص قهوه وعطاء اديم كوب وقال يالله نجلس وكان ع وقت العصر ف جلسو ع التراب وكانو بعيد شوي من المخيم
اديم : نواف اخاف يجي اليوم اللي افقدك فيه اخاف من الموت بعد وفاه جدتي احس من ماتت معد صرت افرح نفس قبل صرت اخاف من كل شي صار بيتنا مافيه حياه م توقعت الجدادت وجودهم هالكثر حلو ولما يختفون تغيب ضحكه البيت
نواف : يارب يومي قبل يومج ولا أجرب شعور انا اعيش من دونج والله يرحم الاجداد وجودهم بالبيت حياه لما توفى جدي فقدة كل شي جمعه عماني كل صبح بالمجلس ضحكته صوته ضحكته جدتي اشياء كثيره م نقول غير ربي يرحمهم ويكفي انهم شافو احفادهم وعرفو اننا م راح ننساءهم
اديم : والله انها م ينسون ولك طولة العمر يارب .. م تحس انه برد نرجع لهم ؟
نواف : تعالي في فروتي تدفيء
اديم : ها لا خلاص مو بردانه
نواف : قرب من عندها وقال ادخلي تدفي
ودخلت بفروته وتدفت وهم كانو بعيداً عن المخيم
وكانت حاطه راسها ع كتفه وماسكين ايدين بعض ع غروب الشمس رجعوا
فلاش باكِ للمخيم :
كان الرقص مستمر بينهم والتعزيزات ورجع ابو خالد لأيام شبابه وجلس يرقص ولا يحس بالوقت وأذان العصر وقفو اغاني وصلوا الرجال مبعض والحريم وراهم وكان الامام ابو خالد .. بعد م خلصوا صلاه
دلال : بنات وين اديم ؟
دانه : مدري بس اويلي كانت معنا .. دانه شافت نواف لما طلع ورا اديم وعرفت انهم جالسين مع بعض ف م حبت تخرب عليهم وحاولت تغطي الوضع عن الشكوك
فجر : شرائكم نتمشى بالمخيم ؟
سلمى : انطروني بس اغير ملابس الحلوين وامشي معكم
جوجو : صرتي ام وابتلشنا
دلال : خليها يخي يكفي حققت امنيتي وصرت خاله
سلمى : عقبال م تتزوجين واصير خاله
دانه : انا بروح شوي اجيكم انتظروني ؟
البنات : تمام لا تطولين
راحت دانه تدور اديم ونواف خافت أحد يشوفوهم او يفقدهم لانا صار لهم ساعتين مختفين ف شافت شي بعيد وقررت تروح ولما قربت عرفتهم