جمعتنا الليالي بدراً

البارت : العاشر

كانت جلسة اعترافات فيما بينهم
فجر : بنات انا ملاحظه شي
البنات :شسالفه
فجر : أحس في شي يربط بين بدر أخوي ومها
اديم : مها صاحبتي ؟
فجر : ايه أحس بينهم شي علاقة او موقف بس بدر بعد ذاك اليوم موب طبيعي لما شافها تلعب بالمطر وكان يناظرها وقال انا بجي معكم رجعها ولما طاحت بالمطر مسك ايديها مواقف كثيره أحس تصير لهم
دلال : يمكن موت حب اعجاب ؟
اديم : بقول بس يبقى بينا واهم شي لا يطلع لحد ؟
البنات ؛ تمام قولي وعد م نقول
هيا : صبر بشوف الفرن لا يحترق وشافت الا الفطاير خلصت والكيك قرب يخلص
اديم : يالله أكمل تذكرون لما تجمعنا بمزرعة دلع ومها وقتها تأخرت وبعدها طلعنا البيت المهجور وخلنا بدر نعلي اصواتنا ونغني تدرون شسصار بذاك اليوم ؟
البنات : شسصار ؟.
اديم : مها لما جت صدمت بدر وطاح الحلى وبدر ............... وتذكرون بعد لما خلانا نغني بصوت عالي عشان في قطط ومها عندها فوبيا منها وخائف تتعب وقال نغني عشان م تسمع
فجر : والله حاسة أخوي موب طبيعي مرا واضح عليه الحب ومرا متغيرة ملامحه حتا دايم يسألني عن احوالها وإذا عندي بسناب بس مدري يدري انها ساكنه بالحساء
اديم : ايه يدري بس م يدري انكم قراب من بعض
جوجو : يا ويلي ع أخوي يحب ..
جوجو : اديم شفتي احسان يوم كنا في بيت المهجور ؟ اديم : ايه شفيها ؟
جوجو : شفتها كانت تقراء عباره حزينه ودمعت وقالت انا بروح وقلت لا بنروح كلنا مع بعض وطول الطريق اشوفها تمسح دموعها واسالها تقول مافيني شي ؟
اديم : يمكن عشان امها تعبانه او الغربه وهي من سافرت احس م صرت اسولف كثير يعني كويس تقابلنا بالمزرعه لانا غيرت حسابتها كلها
جوجو : مدري بس حز بخاطري
وسن : خلاص خلص الكيك قوموا خلونا نروح
وزينو الكيك وحطوها بصحون وحطو الفطاير بصحون والمواعين وطلعوا براً وكإنو العيال مجهزين كلشي وكانوا ينتظرون البنات يجون
نواف : يربي شلون حلى وشايل حلى < يقصد أديم
اديم : اهجد وامسك تعبت
سلطان : كل هالوقت عشان تسوون حلى
فجر : تبي الصج حشينا فيكم
سلطان : حتنا ؟
وسن: اولهم وفجر حشت فيك حش
فجر : جذابه م حشيت فيك
سلطان : عادي خلوها تحش فداها
فجر : يلموني اويلاه

وكانت هيا ع رغم حبها لفجر الا انها كانت تقهرها لما سلطان يسولف مع فجر ويمدحها ويكفي نظراته لها ف من حقد اللي بقلب هيا كان معها دله قهوة وكانت تصب قهوة ومدت فجر فنجالها لهيا وكانت فجر ماسكه الفجر وهيا استقصت تحرق ايدها وبدال تصب القهوة على الفنجال صبت ع ايد فجر وصرخت فجر صراخ موب طبيعي وقامت داخل تبكي هيا : م شفتها ايدها ترجف ولا انتبهت
سلطان : انت م تشوفين ترا أدرى انج قاصده تحرقينها بس والله مثل م حرقتي ايدها والله لا احرق قلبج وقام سلطان وقامت وراه اديم وكان معصب وهيا توترت وهل الي سوته صح ولا زاد كره سلطان لها وكانوا يناظرونها نظرات والكل يعاتبها لانا خربت اخر جمعه بسبب تافه بسب حب من طرف واحد غيره شعور هي عارفه جوابه ما في نصيب ... الجلسة كانت بس العيال والبنات اما الحريم وابو خالد داخل الخيام عشانه برد وعندهم قهوة وشاي بقسم الرياجيل والبنات والعيال بقسم الحريم عند الجلسة ...
قام سلطان وراح لفجر كانت تبكي بالخيمة اللي حاطين فيها الاغراض وكانت تطالع ليدها لانا مكان  الحرق من اصابع اليد لين المفاصل اليد وكانت انتظر أيدها متورمه من الالم والالم كان الحرق من الطبقه الثانيه دخل عليها سلطان وقال وريني اشوف
فجر مدت ايديها وجلست تبكي منهاره من الحرق
سلطان : اهخ والله م اخليها مثل م حرقت لا احرق قلبها والحين قومي البسي العبايه بنروح المستشفى
ينتظمن واضح الالم قوي
اديم : انا بروح معكم بس صبر احط عليها طحين عشان م توجعها ويخف ع م نوصل
راحت اديم تجيب طحين و اما عن سلطان ف كان يساعد فجر ع ابي العبايه .. جت اديم وجابت طحين وحطته ع ايدها
سلطان : انا بشغل السياره اديم البسي وتعالي مع فجر
اديم : يالله تمام ولبست اديم وطلعت وطلعت معها فجر
دانه : فجر والله م اقصد
فجر نظاراتها وكان ودها تكب الدله عليها بس سفهتها وطلعت وطلعوا بدون احد يعرف من الحريم
شافتهم منيره طالعين واستغربت طلعتهم غريبه سلطان واديم وفجر طالعين والباقين قاعدين بصمت  ف م كام بيدها غير تسالهم ...
جت منيره عندهم وقالت شفيكم وشفيه وجهج هيا متضايقة فيج شي ؟.
هيا سكتت وكانت تناظرهم وقامت م قدرت تجلس لانا حست بذنب ودموعها نزلت وقامت
منيره حست انا الموضوع جايد وقالت شفيكم تكلموا ؟
جوجو : شنوا تبينا نقول ؟. تبين نقول انا هيا بنتج الكبيرة العاقلة حرقت يد فجر عشان غيره ؟
ولا تبين نقول انا فجر راحت فيها ايدها ورجلها بسبب قهوة كبتها هيا وش تبينا بالضبط نقول ؟
تبينا نقول م ربتي
دلال : جوجو خلاص ماله داعي
منيره : ليش هيا سوت هذا وعشان من وشدخل فجر فهموني ؟.
دلال : امشي معي هناك نتفاهم
مشو ودخلوا داخل الخيمة الي كانت هيا فيها
منيره فهموني شسالفه ؟.
دلال : هيا تقولين ولا بقول كلشي ؟
هيا : لحظه صمت بعدها قالت تكلمي مالي خلق اتكلم ولا اسمع شي
دلال : من سواده الوجه الي سويتيها
منيره : تتكلمون ولا شلون ؟
دلال : خلاص بقول اول شي هيا تحب سلطان وسلطان م كان يبادلها وكلنا نعرف علاقة سلطان ب فجر كيف واضح نهايتهم زواج والكل يعرف هالشي واويلي جالسين نسولف وفجر كانت تسولف مع سلطان وجالسين جنب بعض ويضحكون نفس اي شخصين عادي وكان فيدله القهوة وقالت فجر ابي قهوة سلطان صب لي قالت هيا لا انا أصب لج وصبت ومن كثر الغيرة اللي بقلبها احترقت ابد فجر كل الكف مع فخذها وحرق عميق وراحت المستشفى وقال سلطان بخليج تموتين قهر ي هيا وخائفين ولا ندري وش بيسوي او بيفكر فيه
هيا : انا غبيه أنى سويت له غبيه أنى حبيت شخص م يحبني تعبت من قلبي يارب اموت وارتاح
منيره : قامت عند هيا وقالت لها ليه تسوين كل هذا ؟ شنوا استفادتي عشان سلطان وسلطان قلبه وتفكيره مع فجر انت تستبهلين والحين بيزيد كره وبيكره كلشي فيج ولا بيهتم لج وشوفي شنو بيسوي والله م يسكت سلطان  فشلتنا واحنا طالعين نتونس موب طالعين هواش ومشاكل والحين لو رجعت تعتذرين لها قدام الكل ؟
دلال: انا مدري وش بيصير  لخالتي لو عرفت يكفي سالفه جوجو م صار لها يوم
منيره : اسكتوا ولو سالت قولوا طلعت وبتجي
دلال : بس الله يستر من جوجو لا تقولها لانا من اليوم ع اعصبها ...
اما عند اديم وفجر وسطان بعد م طلعوا وركبوا السيارة ...السيارة كانت رتبه وحده بس وسيعة سلطان اديم فجر كلهم قدام
سلطان : اه ي بنت الكلب انا اوريها وربي انا دموع ملاكي م تروح عبث وربي لا ابكيها واحرق قلبها
اديم : شنو بتسوي مثلا تقطع العلاقة ولا تحرقها ولا تذبحها ؟
سلطان : كلهم فيها حلال بس الي بسوي احرق قلبها سنين .. فجر ايديج توجع ؟
فجر : ايه توجعني قاعده تحرق وعيونها تدمع
اديم : والله م تنزل دموع وانا موجودة ومسحتهم
فجر : حطت راسها ع كتف اديم وقالت رجلي توجعني وايدي اهه حسبي عليها
سلطان : المستشفى قدامنا وبنعرف كلشي ..
بس فجر احنا من نرجع بتقدم لج والزواج بيكون قريب ولو طال مده العلاج نسافر برا ونعالج
فجر : ارتبكت وقالت : اللي ودك
اديم : الله يعني بفرح فيكم ..!
سلطان : ايه وبشوف هيا وش بتسوي
فجر :الله يأخذ فجر بس ..
وصلوا المستشفى ونزل سلطان وفتح الباب لفجر ونزلت هي واديم وكان سلطان ماسك ايد فجر
وصلوا الاستقبال وراحوا للجلدية وفحص عليها
الدكتورة : اخت فجر الحرق عميق ممكن اعرف السبب ؟
فجر ؛ كنت أسوي قهوة وانكبت
سلطان : لا مو جذي السالفة
فجر : خلاص سلطان
الدكتورة في شي ؟
فجر : لا ما في شي وكانت انتظر سلطان
الدكتورة : انت لازم تأخذين مراحل علاج عشان يروح الاثر
سلطان : دكتوره كم بياخذ وقت علاجها ؟
الدكتورة : ممكن ثلاث أربع جلسات عشان يروح الاثر لانا حرق عميق وممكن إذا م افاد تسوي جلسات تجميل انا بعمقه لها ولازم ترتاح عندنا وبعدها ي تتناوم او تطلع ع مسؤوليتك بس انت زوجها ؟.
سلطان : ايه زوجها
فجر ناظرته لما قال الكلمة وكانت تقول متى بس اه بصوت غير مسموع ..دكتوره متى نبدأ ؟
الدكتورة : الحين ممكن تتفضلون برا كلكم ؟
فجر : لا انا اخاف بروحي تكفون لا تخلوني
سلطان : انا بجلس
اديم : خلاص اجل انا انزل تحت بتقهوى واخليكم
مع الدكتورة عشان يأخذون راحتهم وكانت فجر تتحلف فيها ..
نزلت اديم تحت للقهوة وطلبت قهوة ثلاثة وكوكيز وبدت تأخذ كم لقطه بعدها جاءت بتدفع الحساب وكان ينقصها مبلغ وقالت خلاص عطني بس القهوة ودفعت مبلغ القهوة ودفعت وراحت فوق عشان توصل القهوة وتجلس معهم .. وهي تطلب كان جنبها ولد عمره م يقارب 17
دفعت اديم ومشت ..
الشخص : وقفي شوي لو سمحتي
اديم وقفت وناظرته : تقصدني أخوي ؟.
الشخص : ايه وخذي هذا الكوكيز دفعت حسابك
اديم : لحظه صمت وذهول لا م ابيه موب مشتهيته بروح فوق لأخوي ..
الشخص : يختي خذيه انت نفس اختي واعتبريه هديه وبالعافية عليك
اديم : م قصرت ويعطيك العافية ي رب
الشخص : يعافيك .. انت جايه هنا زيارة لمريض ؟
اديم : لا جايه مع أخوي وبنت خالتي بقسم الجراحة
الشخص : الله يشفيها .. انا اختي والد وموصل امي لها ..
اديم : الحمدالله ع سلامتها .. انا بروح فوق تأخرت
الشخص : وانا بعد بروح لقسم..
اديم : جلست تفكر كيف عطيته وجه وسمحت اسولف معه لو عرف نواف وش بيصير ..
اما لشخص : ف جلس يفكر معقول حبيبتها ي فهد من اول لقى معقول عيونها اخذت قلبك ؟. طيب ليه م سالت اسمها او وين عايشه يارب اجمعني معها قريب بالحلال..
جلست تفكر كثير وسؤال ورا سؤال لين م وصلت الغرفة وكانت الدكتورة تلف ع الحرق ..
اديم دقت الباب : سلام عليكم .. اتفضل خلصتو؟
فجر : وعليكم السلام .. اي تفضلي حسابنا بعدين
اديم : ضحكت خذي جبت قهوة لك ولخالد
فجر : يالله زين تشفع لك
سلطان : دكتوره متى الموعد الثاني ؟.
الدكتورة : تقدر تحجز عند المواعيد يوم الاثنين
فجر : لا اثنين م أقدر عادي احول لمستشفى الحسا
الدكتورة : ايه عادي بس نسوي لك تحويل
فجر : تمام
وسوت الدكتورة تحويل وقالت تأكدوا بس من قسم الثاني أنى سويت تحويل ..
سلطان : تمام شكرا لك ..
طلعوا وكان معهم اكواب قهوة ..
فجر : الحين احنا وين بنروح ؟.
سلطان : بنشيك ع إذا ودج للحساء نقل عشان تراجعين هناك
فجر : يالله خايفة ع امي لو عرفت وش بيصير
اديم : مو صاير الا كل خير بس انت شلونج الحين ؟
فجر : الي برجلي سوته وعطتني مرهم والي بيدي قالت لازم تراجعين لانا شوي عميق
اديم : اه وربي غيرتها وسواتها ماله داعي
فجر : م علينا امشي بس
وصلوا للقسم دخل سلطان عشان يتأكد ورا كانت فجر واديم عند الباب وفهد الي شراء كوكيز لا ديم وكان يناظرها واديم موب منتبه
فجر : اديم شوفي الولد ذاك يناظر ويبتسم
اديم لفت تناظره وابتسمت من ورا النقاب بس بان ع عيونها : اي عرفته
فجر : لا تناظرينه لا يشوفكم سلطان
سلطان جاء وقالو : فجر ترا النقل صار للحساء بمستشفى .. والموعد بيكون الاثنين
فجر : اتعبتك معي م قصرت
سلطان : ولو زوجتي مستقبليه بعيوني
اديم : خلاص اعطيتك وجه كثير اليوم امشوا جاني جفاف بسببكم .. فجر وسلطان ضحكوا عليها وراحوا للمزرعة الوقت ست المغرب ..
نرجع للمخيم بعد م طلعوا وعرفت منيره السالفة ..
طلعت منيره وكانت متفشه من سوأت هيا وموب عارفه شلون تقول لام بدر وكان لحظه صمت ..
جوجو : انا بروح لامي وبقولها
قصيد : اقعدي تكفين بتتعب علينا الحين يجون ونتطمأن وتشوف فجر وفجر تقولها
هايف : تتوقعون وش بيصير لسلطان شنو بيسوي
دلال : بيوفي بوعده وبيتزوج فجر بس اهه وقامت للمطبخ
محسن : شفيها دلال كأنها متضايقة ؟
وسن : كلنا متضايقين وقفت ع دلال !
قام هايف وراها للمطبخ وشاف دلال جالسه ع الارض وتفكر وتسولف بينها وبين نفسها
هايف : دلال عيوني شفيج وجلس جنبها
دلال : مافيني شي بس خايفه من مصيبه هيا يصير شي وتنقطع العلاقة بينا
هايف : محد بيتدخل في مشاكلنا
دلال : لو صار موب بس انا وانت بننكسر حتا دلال ونواف وقصيد ومحسن ترا كلنا عارفين مصير بعض
هايف : لا هيا ولا غيره واليوم قبل نرجع بخطب وباجر يجي ابوي وتصير خطبه رسميه والزواج متى م ودج
دلال : اههه بس يارب يتم كل شي ع خير .. قم هناك خلني اواسي جوجو
وراحوا وكلهم قرروا يدخلون خيمه الشعر عند الحريم وابو خالد دخلوا كلهم معدا هيا بالخيمة
ام بدر ؛ وينها فجر واديم مو معكم ؟
سلمى : جالسين بالكبرى يسولفون
ابو خالد: وسلطان وينه ؟
خالد : يبه موصيه في اغراض يجيبها
وبدو سوالف وضحك وجاءت صلاه المغرب وصلوا مع بعض
شوي الا دخلوا اديم وفجر وسلطان ودخلوا ع طول خيمه الشعر وكانت يد فجر عليها شاش ..
سلطان السلام عليكم
الكل رد السلام
ام بدر : فجر تعالي يمي شفيج ؟.
فجر جلست جنب امها ؛ مافيني شي بس احترقت ورحت المستشفى مع اديم وسلطان
ام بدر : ليه م قلتي لي ؟
اديم : والله ي خاله لا تزعلين ع فجر ازعلي ع السبب واحنا رحنا وانت م تدرين عشان م تشيلين هم وفجر بخير وايدها حرق بتكمل علاج بالحساء
ام خالد ؛ الحين شسالفه فهمونا ؟
سلطان : انا بقولكم كلشي وأنتم تقدرون تحكمون
منيره تصفق وجها وتضايقت من سوات هيا
سلطان : السالفة ي طويلين العمر كنا قاعدين بالجلسة ونسولف وطلبت اديم قهوة وصبت لها هيا بس ........
العمه : وينها هيا وربي لا اوريها حرقت يد البنت
سلطان : م علينا من هيا يبا يما ولدكم بيعرس ويبيكم تفرحون فيه ..
ام خالد : بدت تزيغط من الفرح
ابو خالد : من وانا ابوك ؟
سلطان : يبا البنت تعرفها وتعرف امها وابوها وانا اليوم بوفي في عهدي وبخطب فجر ع سنه الله ورسوله ..
ام خالد : موافقه وانا امج فجر ؟.
فجر استحت وهزت براسها وقامت وقامت وراها دانه واديم يغنون لها وهي تبكي فرح انا سلطان اوفى بعده مو مصدقه حضنت دانه وادي
فجر : اه ي بنات ماني مصدقه بصير حلاله
دانه : صدقي صدقي حب الطفوله انتصر
اديم : يالله عقبالي مع نوافي
الكل : امييييييييييييننننننن
هايف : وانا ي يما ولدج كبر وبيعرس
منيره : بتقولها ولا اقولها ؟.
هايف : ي خال انا جيتك وابي اصون العهد والحُب وبخطب دلال ع سنه الله و رسوله وان كان في شروط انا حاضر بس مالي غير دلالبالزواج
دلال : استحت وقامت وقامو وراها البنات
ابو خالد : والله هي الساعه المباركه والخبطه بتتم باجر مع سلطان ان وافقت ام بدر ونحتفل فيكم مع بعض ونعرسكم مع بعض
هايف : م يحرمنا منك والله
هايف وسلطان : قامو يحضنون بعض لانا حب طفولتهم انتصر
نواف بصوت قصير غير مسموع : يارب اجرب هالفرح مع ملاكي ..
بدو البنات يرقصون ومبسوطين كلهم ع خطوبه فجر ودلال ويغنون لهم
وسن : اصبرو بنات بجيب كبريت نشغله ونغني
قصيد : تكفين يعني شموع
وسن : اي يعني بدو
جوجو : وسن مو طبيعيي
وجابت كبريت واعطت فجر ودلال وبدو يغنون ويضحكون دشت هيا والكل جلس يناظرها
هيا : مبروك دلال وفجر الله يوفقكم
دلال : ربي يبارك فيج
اما عن فجر ف طلعت وطلعت وراها قصيد
قصيد : فجر اصبري شوي
فجر : هلا
قصيد : شفيج م رديتي ع هيا سلطان واوفى بوعده طنشيها وانبسطي عشان خاطر دلال
فجر : انا بتجاهل عشان سلطان ولا هي م اهتميت لها ولا فرقت معي بس والله م اسامحها ع حرقي عسا ربي يحرق قلبها
ابو خالد : ي عيال لمو العفش وقولو للبنات يلبسون بنمشي للديار
خالد : سم يبا ..ساره نادي للبنات بنمشي يالله
ساره قامت تنادي للبنات .. بنات يالله ترا عمي يقول بنمشي للديار
وسن : اف يارببييي احس تعودت هنا
قصيد : دانه انتم بتقعدون عندنا ولا بتروحون الكويت ؟.
دانه : والله مدري اظن بنجلس عشان باجر خطبه دلال ع هايف ويجي ابوي ؟
اديم : والله كبرتي ي دلال وبتصيرين عروس
دلال : عقبالكم كلكم يارب
جوجو  : ي بنات بشتاق لكم
سلمى : والله كلنا بنشتاق لبعض حتنا بشتاق لكم لاني برجع لديرتي بيجيني ابو عيالي
ساره : يخوف انا كلنا نكبر مع بعض وخلاص بتتزوجون وبيفضى البيت
فجر : لا انا اجيج واونسج
ساره : بتسوين خير والله مليت
هيا : بنات يالله خلونا نمشي نلبس
قامو البنات يلبسون عبايات ويقفلون الجناط ويوصلونها السياره وكانت لحظه وداع واحضان بين بنات ام بدر والبنات الباقين لانا كلهم بيروحون بيت ابو خالد معداً ام بدر بترجع الحسا .. سلطان ارسل ع فجر بحسابها تويتر لانا البرنامج الي يقدر يتواصل معها وقالها انتبهي لنفسك والوعد بيصير ولا تنسين مواعيد العلاج ..
فجر : شافته وابتسمت ورفعت راسها وكان سلطان واقف عند السياره يناظرها وارسلت له سم ي يبعد عيوني منتظرك وقفلت جوالها وركبت السياره ومشو للحساء واخذتها نومه هي وجوجو
اما عن الباقين ف سياره الاولى فيها خالد وابو خالد وام خالد والعمه ومنيره و ساره
السياره الثانيه : سلطان ومحسن وقصيد وسلمى وعيالها و دلال
السياره الثالثه : هايف و نواف و اديم و هيا ودانه من ركبوا ناموا لانا كانو مواصلين وكان سلطان يرسل ع فجر ينتظهر ردها وهو عارف انها نايمه لانا اخر يوم محد نام..