ملاك تائهه الجزء الثاني (ماسه الأدم )✨♥️

البارت 21

ملاك تائهه ✨🖤
بقلمي--------امل فتحي ✍️❤️
البارت 21
الجزء الثاني ❤️✨

                      بسم الله نبدا...

عدي : حبيبتي انتي كويسة ...

ماسة : ايوا كويسة ...

ساجد  بهدوء : انتي اززاي تتصرفي كدا لوحدك من غير ماتقوليلي ...

ماسة : ماانت عارف انها قضيتي انا وقولتلك لما اتحتاج لك  هقولك ... وفعلا لما حسيت ان الوضع صعب كلمت بابا لاني حسيت اني مش هقدر ارجع ... وبعدين كلمتك ورهف كانت معايا اصلا ...

أدم : عاوز اعرف التفاصيل ...عاوز افهم ...

ماسة بسخريه : ع اساس ان عدي باشا مخدش تفاصيل القضية وجابها لحد عندك.. ومكنش متفق معاك ع وجع بنتة ... كان بيحضنها ويقويها وهو مشارك ف وجعها ... شكرا يابابا ....بجد شكرا ليك انت وأدم

عدي: ماسة اسمعي ...

ماسة :  هسمع مانا عاوزة اسمع عشان اعرف ازاي هونت عليك ... قولي ازاي كنت نخبي عليا الفتره دي كلها انك عارف ومشارك مع أدم ..

عدي : مكنتش اعرف اي حاجة صدقيني ... غير يوم ماا اتصلتي بيا ونتي منهارة وقولتلي ..( ادم يابابا كتب كتابه ع واحدة غيري ... قلبي واجعني ياابابا ... انا مش هقدر اجي البيت هطلع علي شقة باسل) وقفلتي ساعتها طلعت علي آدم بغضب الدنيا وكان لسة راجع الفيلا ضربتة اول ما شوفتة وزعقت ... بس هو كان ساكت ... وقالي كلمتين ... صدقني بحميها... حسب خبرتي والحزن للي كان في عيونه  عرفت انو بيقول الحقيقية وطلبت منة يفهمني... وفعلا عرفت منه ان انتي ماسكة قضية سرية ...

ساجد شال زياد للي نام علي نفسة : هوديه العربية ... واتحرك ...

ماسة بصت لبابها ولأدم للي ملامحة جامدة : وبعدين ..

أدم: جالي ظرف بيقول ان لو مسيبتيش القضية هيقتلوكي وانا عارف ان لو جيت قولتلك سيبيها عمرك ماهتسيبيها وفي نفس الوقت مش هتقوليلي ع القضية ودا بأوامر المدير ان محدش يعرف حتي انا  .... فااضطريت ان بمساعدة باباكي اني اعرف كل تحركاتك حتي وانتي ف الشقة او لما بتتحركي اي مشوار كان ياانا ياباباكي وراكي لحد مابتوصلي وفعلا جاب لي ملف القضية من خزنتك ومن خلال التفاصيل للي فيه عرفت اتحرك واساعدك من بعيد ...لحد كتب كتابي ع منة للي هي ام زياد اصلا وطليقة ماجد ودا طبعا كان لازم يحصل عشان حماية زياد ومنة  ... كنت مضطر صدقيني ...و..

ماسة بستهزاء : مضطر ياحضرة الرائد .... وكملت بوجع ..مفكرتش في كسرتي لما حد غيري يخدك مني مفكرتش في وجع كل يوم وكل ليلة بشوف بعيني ايدك في ايدها وهي بتقرب منك ... ماأنا كنت بعيدة عنك اصلا ... لية قربتني وخليتني عندي نقطة ضعف وهي انت وبعدها قررت توجعني بنقطة الضعف دي  ...ليييية...ومتقوليش عشان تحميني او تحميهم في مليون طريقة تحمي الكل غير انك تتجوزها ... ياااأدم من النهاردة انت بره حياتي