ملاك تائهه الجزء الثاني (ماسه الأدم )✨♥️

بارت18

ملاك تائهه ✨🖤
بقلمي : أمل فتحي ✍️✨
البارت 18

بسم الله نبدا.....

نور ركبت عربيتها واتحركت وبتفكر ياسين محضر لها ايه وسرحانة وضحكتها بتترسم من مجرد التفكير لحد ماوصلت الكافية ونزلت بلفهة دخلت بسرعة و كان المكان ضلمة جداا ... ومجرد ما نور دخلت المكان اتملي بالنور والورد ومكتوب بالورد (نور ظلامي ) وحواليها صور لنور في كل مراحل عمرها وصور ليها هي وياسين في افراح العيلة كانت صغيرة جداا من وهي لسة بيبي ... نور دموعها نازلة بفرحة وبتتأمل كل التجهيزات بفرحة كبيرة وعيونها بدور علي مالك قلبها وقالت بحب : ياااسين انت فين ...

ياسين من وراها بفرحة : انا هنا يانووري ..

نور لفت بحب كبير : انت عارف انا بحبك قد ايه ...

ياسين مسك ايديها بعشق: انا اتخطيت مرحلة الحب بكتيرر ... وبص في عيونها بعشق... تتجوزيني ...

نور ضحكت بفرحة: كتب كتابنا بعد كام يوم ... طبعا هتجوزك ...

ياسين : لا تتجوزيني ونروح بيتنا بعد كام يوم ...

نور بصدمة : انت بتهزر صح ...

ياسين : عمري مااتكلمت جد زي دلوقت ...وبص في عيونها بكل حب ... تتجوزيني ...

نور : بس بابا وادم ...

ياسين: قولي موافقة وانا هقنع العالم كله..

نور ضغطت علي ايده اللي ماسكة ايديها : طبعا موافقة ...

ياسين بهزار : طيب هفكر انا بقا واقولك ...

نور ضربته في كتفه : رخم ...

ياسين ضحك وطلع من جيبة علبة وفتحها وسط تركيز نور وفضولها عاوزة تعرف دي ايه ...

ياسين طلع سلسلة الماس مكتوب عليها برقة (نور حياتي ) وقال : ممكن متتشالش من رقبتك ابداا....

نور ابتسمت بدموع وهزت راسها : ممكن ..وياسين قرب منها وحطها حوالين رقبتها وباس راسها بكل حب .. انا اسف اسف علي زعلك الفترة اللي فاتت مني اسف اني خذلتك وكنت اناني في تفكيري بس صدقيني يانور الموضوع لما بيتعلق بيكي او بـ تيا انا بكون زي العيل الصغير اللي تايهه ومش عارف طريقه..

نور بتأكيد : انا هكون جمبك في توهتك وهنخرج منها سوا بس متكذبش او تداري عليا خلينا دايما شخص واحد صدقني مفيش اي حاجة ممكن تفرقنا طول مااحنا واحد ... ياسين انا بحبك اوي ومش هقدر في يوم اخسرك او نبعد ...

ياسين : نبعد اي بس دا انا كنت حاسس ان حياتي كلها ضلمت يانور انتي فرحة عمري... انتي بنت قلبي

نور بهزار : لو ادم سمعك انا بنت قلبه هو بس ...

ياسين ضحك : الواد دا من واحنا صغيرين واقف لي فـ الجوازة ... ماما قالتلي اننا كنا في فرح حد من العيلة وانتي بيبي قمر وكنا بنتخانق عشان ابوسك وهو مرضيش وقعد يزعق ...