عشك السني

البارت الثالث

غزل: بعد ماخلصت محادثه وي يوسف واحس حبيت الحديث ويا المهم بطلي خفه يغزل😂ضربت نفسي ورحت غسلت وجهي وحطيت مرطب ونمت طبعن بعد تفكير وخيال واسع واتخيل اشياء مستحيل اتصير واعيش قصه حب وبعدين ادوخ من الجذب وانام 😂😂

فراس:بعد ما كملت من المحادثه وي غزل واحس نفسي انسه كل تعبي من احجي وياهه واتمنه متنام وتبقى تحجي وياي🤣رحت نبهت المبايل على الساعه ٧ ونمت

فراس: كعدت الصبح واني شبعانه نوم ماعرف ليش مو من عوايدي اكعد من وكت وأهلي نايمين المهم اخذت مبايلي وضليت اكلب بي بعدين كلت ليش مارسله رساله بادرت وكتبتله مسج

فراس: كعدت على صوة الاذان قبل المنبه كمت صليت وماجاني نوم ضليت اكلب بلمبايل واجتني رساله منهه طفرت عدلت كعدتي
💬
غزل : صباح الخير ...
فراس: صباح الفل والياسمين شلونج .....
غزل: الحمد الله بخير دامك بخير....
فراس : الحمد الله بخير....
غزل : دومك ....
فراس : شعدج كاعده من الصبح...
غزل: مدري 😂..
فراس: ههههه ....
غزل : والله مو من عوايدي اكعد من وكت بدون رزاله من نبع الحنان....
فراس : اويليي اهم شي نبع الحنان هههههه....
غزل:ههههه لا بس كعدت شبعانه نوم.....
فراس : والله حته اني عندي دوام بل ٧ وهسه مجايني نوم ....
غزل : ها انته شنو شتقل ....
فراس : ضابط ...
غزل : يمه😳...
فراس: وجعا شبيج.....
غزل : نسيت اضربلك تحيه 😂😂.....
فراس : هههههه الله يعقلج....
غزل : امينن 🤲الله يسمع من حلكك ....
فراس: هههه انشالله....
غزل : اكول ....
فراس : كولي ...
غزل : انته مزوج ...
فراس : اكلج سوال ...
غزل : اي اسأل...
فراس : ليش اي وحده احاجيهه تكلي مزوج ...
غزل : هههههه اسأل نفسك غير كاتب ابو جود ....
فراس : ههههه لا بس هاذا اسم احبه جودي ...
غزل : اسم ابنك المستقبلي ...
فراس : اي انشالله....
غزل : الله يخلي مقدمن😂😂....
فراس : هههههه تحششين......
غزل : اي شعبالك غير اني ماحجي 😂😂....
فراس : 😜...
غزل : هاي شنو ...
فراس : صوره ابوي غير سمايل 🤣.....
غزل: هههههههههههههه...
فراس : ولج فضحتينه الناس نايمه 🤣....
غزل : خلص سكتت صدك لتهد علينه جوارينه😂....
فراس : اي عمي شحدهه غير اسجنهه🤣....
غزل : اي اكول ؟ .....
فراس : اي كولي .....
غزل : اكو واحد ...
فراس :( اجه بالي واحد ضافهه اعيوني طلعن من مكانهن ) اي 🤔.....
غزل : نام متأخر لكه الحلم بادي 😂😂😂....
فراس: ( مي بارد وكع على كلبي ) هههه تافهه...
غزل : تسلم 😂....
فراس : اكلج....
غزل : ها ...
فراس : من يضيفج شخص لتوافقين لان ذوله زواحف ديري بالج منهم ....
غزل : اي اكيد واذا بنات ...
فراس : بكيفج بس هم ديري بالج....
غزل : اي اتمنه يصير عندي صديقات ...
فراس : ليش انتي معندج....
غزل : اي من تركت مدرسه ولحد الان معندي بس بنت خالتي وبلجازات نلتقي ....
فراس : هااا اي تعرفي على صديقات ...
غزل : انشالله ...
فراس : طيح الله حضج....
غزل : ها شسويت ...
فراس : ولج شوفي الساعه راح الوكت واني لا مبدل ولا ماكل.....
غزل: هههههه...
فراس : وانتي ضلي اضحكي واني راح اروح بدون اكل من وراج....
غزل : ليش سوي لفه واكلهه بالطريق ....
فراس : هههههه خرب يوج يلا باي ....
غزل: هههه باي توصل بالسلامة ....
فراس : الله احلا من يودعني ...
غزل : 😊...

فراس : كمت بدلت بسرعه حته مسبحت ونزلت اكلت لكمه بس علمود الجاي ورحت حته جان سويت حادث
وصلت دخلت للمكتب وضليت أوقع بعض الأوراق

غزل : بعد ماراح فراس ضليت صافنه شوي اجت بالي فكره انو ليش اني احس بشعور غريب تجاهه وبعدين كلت معقوله حبيته🤦‍♀️غميت نفسي هاي شبيج غزل شو صايره خفيفه صيري ثكيله لا بالنعال افتهمتي ودرت وجهي وجان الكه اخوي كاعد ويباوعلي صفن بعدين كام يضحك وكال
مصطفى: هاي شحالمه ولج اشو تحجين وي نفسج 🤣
غزل : دولي شعليك
مصطفى: قصبن ما عليج مالي شغل 😁
غزل : حسبالي ( ميكدر يغلط عليه لان اكبر منه )
مصطفى: لا مو حسبالج دكومي سوي ريوك
غزل : دروحح بابه ليش مانته سوي
مصطفى: ها يعني اروح اسوي بس مشتريلج اندومي
غزل: تريد البيض طك لو سلك 😂
مصطفى: هههههه لا سلك
غزل : تدلل شعندي غيرك الله ياخذك
مصطفى: شنو
غزل : هاي شبيك حبيبي متسمع اكلك الله يخليك سند النه يارب
مصطفى: ها ويخليج يلا بلا لواكه وروحي سوي بيض
غزل : صار من عيني هاي قبل هاي ( وتأشر على عيونهه)

غزل : كمت سويت زقنبوت اقصد ريوك 😂وكملته صبيتله وصبيت الي شغلت مسلسلي وضليت اكل واتفرج خلصت وكمت كنست ونضفت البيت علما كعدت امي رحت سويت ريوك الهه واخواني اكلو وشلت الماعين غسلتهن ورحت تمددت

فراس: بعد ما كملت الأوراق رحت حققت وي ومتهم وخلصت اذن وجان ماعندي شغل طلعت من المكتب ورحت للبيت بالطريق شفت مطعم كلت خلي اكل منه خطيه البنات يطبخن نزلت طلبت اكل واكلت وحاسبت ورجعت للبيت لكيت امي نايمه صعدت فوك سبحت ورتاحين وتوضيت وصليت وتمددت اكلب بمبايلي وكلعاده اول شي سويته راسلت غزل

_____________________________
هلاو بنات طبعن والله جاي اتعب بلقصه واتمنى تتفاعلون وتابعوني ونشالله باجر انشر البارت الرابع وكل يوم راح انشر بارت وعد كل بارت راح يكون فوك ١٠٠٠ كلمه وبس حبايبي انتضرو البارت الثالث كلش حماس لان فراس راح يلتقي بغزل 😊حمستكم مو 😂يلا تصبحون على خير محححح😘