عشك السني

البارت السادس

فارس: دكتوررررر دكتورررر
الدكتور : ها شكو شسويت الها
فارس : لحك عليها شوف شصار مو وقت اسألتك
الدكتور : لو سمحت ممكن تطلع بره حته نشوف شغلنا
فارس : لا ما راح اخليها يمكم كمل شغلك وانته ساكت فهمت( طبعن فارس كان لازم الدكتور من ياخته ويحجي ويا بغضب )
الدكتور: اوكي
بده يفحصها ويشوف شبيها كمل وعطاها ابره
فارس : ها ليش اغمه عليها
الدكتور : تعرضت للصدمه وصار عندها هيجان أعصاب ماكو شي نشالله هسه هي نايمه بسبب الابره ومن تقعد رجأن نتبهو عليها نفذو الي تكوله لا تعصبونها لان هيه بوضع ميسمح الها اتعصب او تتعب
ابو غزل : مشكور دكتور
الدكتور: العفو هاذا واجبي
طلع الدكتور وابو غزل طرد فراس،لأن هوه السبب طلع فراس كعد بحديقه المستشفى وصار يدخن بدون ما ينتبه خلص باكيت جكاير وغزل قنعت ابوها تغير المستشفى وبدون علم فراس ماتريد يعرف مكانها
ثاني يوم طبعن فراس ما راح من المستشفى ومحد جان يدري بي موجود ابو غزل كمل أوراق الخروج وطلع غزل نقلها لغير مستشفى راح فراس الغرفه غزل وما لكاها سأل عنها
فراس : لو سمحت وين المريضه الي جانت بهاي الغرفه
الدكتور: قبل شوي طلعو من المستشفى راح يغيرون المستشفى
فراس : شكرن
الدكتور : العفو
راح فراس يتبعهم حاول يبحث عنهم بس ما لحكهم هوه عنده رقم ابو غزل وطلع المكان بلحاسبه وعرفهم ماراح بنفس الوقت صارت الساعه ١٢ يله راح لان جان اكو خطه يريد ينفذها

فراس:اني مارحت بنفس الوقت لان اعرف منو يمها لاني اريد احاجيها لوحدنا اريد بس اطمن اجذب عيوني اعرفها ما تسويها بس كلبي نحرك من قريت الرسايل وشفت الصور يعني مو شوي يمكن تكون مكيده صح بس من حقي انفعل لاني شفت شي كانو حقيقي ماكو شي يثبت انه فوتشوب

المهم رحت للفندق سبحت ونمت ونبهت موبايلي
غزل : صح اني لسه احبه بس الي سوا بيه مو شويه مة ثق بيه صدق الغريب عليه تعبني كسر كلبي جنت صافنه وافكر بي طبعن كلبي تكطع من الشوق بس كرامتي اهم هو الي ما صدكني وما اتوقع ارجع اله وجاي افكر اقنع بابا اسافر اريد بس انسى صح مستحيل بس على الاقل إلهي نفسي بشي حته ما افكر بي هواي اريد اشيله من ذاكرتي بلحضه رجعت كل الذكريات بالي ودموعي صارت شلال وجانت الساعه ١٢ بليل خالتي نايمه وابوي رجع للبيت ما يكدر يخلي امي واخواتي لوحدهن
بنص صفنتي دخل شخص متلثم للغرفه اني رتعبت اجيت اصرخ بس حط ايده على حلكي وقرب يم اذني وحجه بصوت عرفته قبل لا يكول منو

فراس : جنت نايم واجاني اتصال فتحت الخط والصدمه من الي سمعته شمرت المبايل وستعلت نار بكلبي اني غبي غبي جذبتها جذبتها اني الي وصلتها الهل حاله كله بسبب تفكيري الغبي اوفف بس والله لازمك وجيبك وين ما جنت واطيح حضك والله لاخليك تخيس بلسجن بس اصبرلي هسه شسوي شلون اواجها شكلها اني اسف ما وثقت بيج صدكت الغريب عليج سبحت وأخذت السويج وطلعت للمستشفى الساعه جانت ١٢ وأعتقد ابوها رجع للبيت تلثمت ودخلت المستشفى سألت على غرفتها لاني اعرف اسمها الكامل أنطوني عنوان الغرفة دخلت لكيتها كاعده وتبجي اول ما شافتني ما عرفتني رادت تصيح سديت حلكها وهمست يم اذنها
فراس : اششش اني فراس
غزل : امممم
فراس : راح اوخر ايدي بس ديري بالج تصيحين لاني راح اسوي شي ميعجبج صيري حبابه وسمعي للاخير شراح أكول
وخر ايده مني وحجيت
غزل : نعم اخي شتريد وما تستحي داخل غرفه بيها بس نسوان ؟
فراس : غزل لآخر مره اكلج لا تكولين اخي
غزل : ليش منو حضرتك حته ما اكول اخي عم خال
فراس : حبيب ههههه
غزل : نجب اني ما احب شخص مو واثق بيه ويصدك الغريب عليه
فراس : غزل افهميني رجاً يعني شنو ترديني اسوي واني اشوف محادثه وبيها صورج وصوتج وما اسوي شي اكيد اصدك لان ماكو شي يثبت انه مو حقيقي واني كارجال اكيد راح انفعل وهم احبج تره شتعلت نار بكلبي
غزل : اي بس اني بررت الك وكتاك مو حقيقي وحلفت المفروض تصدكني تعبت والله تعبت واني اقنعك وابرر الك بس ما صدكتني ومن تأكدت من غيري يله رجعت
فراس : لاا على فكره اني خطبتج قبل لا أعرف الحقيقه
غزل : خطبتني؟
فراس: اي ليش ابوج ما كالج
غزل : لا وحضرتك ليش خطبتني وانته تعرف اني خاينه وصاحبت ارجال
فراس : اشش هاي مو غزل الاعرفها كلبي الجابني غزل افهمي لخاطر الله جاي اكلج كلبي الي وصلني لهنا كلبي الي كالي روح اخطبها لا تروح لغيرك روح لا تصدك الي شفته
غزل : وكلبك وين جان من صدكت الي شفته وما وثقت بيه ها وييين ليششش فراس ليش هيج تسوي بيه مو والله ولخلقك تعبت انته عيشتني بحزن حاد ختنكت من الحسره الي بداخلي والكتمه ما توقعت ولا واحد بالميه تصدك اوكي تمام كلت يمكن يصدك لاكن مو بعد ما ابرر وحلفت كدامك وما صدكتني صدمتني بحضر وانته الي وصلتني لهنا بسببك وبسببب كلبي هم لان حبك اي حبك فراس انته ما تستاهل حبييي الك ماااا تستاااهل فراس اطلع بره ما اريد اشوفك مااا اريد اتذكر كلشي صار لي بسببك كافي اريد انسى كلشي وابدي حياتي من جديد وافتح صفحه جديده بدونك كافي رحمه الله عوفني
فراس : كافي عمري لا كولين هيج ولخلقج ما اعوفج حته لو تكرهيني واني اسف اسف والله لاني ما وثقت بيج وغلطت اسف لاني وصلتج لهاي المرحله اسف الاني تعبتج اسف لاني نزلت دموعج يا بعد روحي اسف لاني جنت السبب بحزنج اسف يا بت كلبي اسف والله وداعتج تصرفي جان بدون وعي بدون تفكير وقت عصبي جنت بي معرفت اتصرف كافي يا عرج عيني اوعدج ما راح انزل دموعج بيوم
وخرت منه ودارت وجهه
غزل : فراس
فراس : عيون فراس
غزل : عوفني شوي
فراس : ليش ؟ زعلانه
غزل : اريد انام خلاص عوفني
فراس : تعاي نامي بحضني
غزل : فراس اطلع بره لا يجي بابا يشوفك او تكعد خالتي روح
فراس : ما اروح الا اتأكد انج ما زعلانه وراضيه عني
غزل : اي مو زعلانه ومسامحتك
فراس : صدك
غزل : اي
فراس : وداعتي ؟
غزل : وداعتك رضيت ومسامحتك بس روح
فراس : صار من عيوني اشوفج باجر انشالله
غزل : تمام باي
فراس : بايات ديري بالج على نفسج باي يا كلبي

راح فراس وضلت غزل تفكر
غزل (بكلبها): اني اجذب على نفسي مستحيل اكرهه اني احبه ومكدر اعيش بدونه شلون انسه شلون افتح صفحه جديده مندونه شلون حته نفسي مكدر أقنعها اوففف
(بعد تفكير نامت غزل)

(وفراس رجع للفندق سبح وكعد على الجربايه يفكر بيها فكر بكلامها الي كالته )
فراس :اوفف بس لو اعرف من السبب بكل هاذا والله الا أوري نجوم الضهر بس لو يصير بيدي انشالله الزمه وين يروح يعني لو يطير اجيبه واطلع حركت كلبي كلها بي واشوف على منو يلعب (بنص تفكيره دك تلفونه شال التلفون ورد)
فراس : الو
علي (صديق فراس) : السلام عليكم
فراس : وعليكم السلام خير شرايد بنص الليل متصل ما تكول واحد طايح حضه ونايم
علي : على كيفك عيني اكلتني واني ما حاجي
فراس : احجي
علي : اي والله ضايج ومشتاقلك وتصلت عليك شفت شلون اني احبك واسأل عليك
فراس : حبتك حيه كول امين
علي : ههههه ليش ولك شسويت اكول على طاري الحب شخبار حبيبت الكلب شصار وياك راضيتها
فراس : تنهد بحزن والله ما ادري بس اني غلطت غلط جبير وصلتها لهاي المرحله واليوم رحت حاجيتها
علي : اي شكالت
فراس : اكول انته شكليك وسم امشي روح انطمر خليني انام باجر وراي كعده
علي : ههههه على كيفك عمي أعصابك علينه خففها اي راح اروح انطمر هوه هم مو صوجك صوج الي يسأل عليك باي
فراس : وجع عود زعل باي (طفه التليفون ونام)

_________________________
هلاو حبايبي اسفه لتوقف القصه بس شوي نشغلت وهسه رجعت اكتبها واتمنى دعمكم حته استمر صوتو للقصه واسفه للاخطاء الاملأيه وبس حبايبي باي تصبحون على خير 🌚❤