المسج كان من حمد ولد عمها
حمد: هلا أنا حمد عادي أكلمج؟
نوره: تفضل
حمد: نوره ما بلف و بدور بسأل سؤال واحد و ردي ب هي أو لا
نوره: اسأل
حمد: لو تقدمتلج بتوافقين؟ ولا في حد فحياتج؟
نوره: لا ما بوافق و لا مافي حد فحياتي!
حمد: تمام 👌 انسي الموضوع!
نوره جافت و ما علقت
نوره حست انه مآله داعي تقول حق سلطان مول ما تستاهل السالفة و أصلًا ما صار شي
عقب جم يوم التقوا نوره و حمد صدفه
نوره: حمد!
حمد: ها
نوره: ما قلت لا عشان شي بس انته اخوي نفس راشد بالضبط ما أجوفك كزوج
حمد: فهمت
نوره: تمام بس كنت بوضح (عشان ما يكون الوضع متوتر بينهم)
عدت الايام و بدا الكورس الأول و نوره و سلطان كانت علاقتهم قويه و كانوا يتعلقون فبعض أكثر و أكثر
فيوم من الأيام سلطان كتب حق نوره:
سلطان: نوره انزلي أنا فالحديقة
نوره: ثواني
نزلت و كان معصببب
سلطان: ليش ما قلتيلي عن حمد؟
نوره: السالفة ما تستاهل أقولك و أكدرك
سلطان: تستاهل كنت الزم أعرف منج!
نوره: سلطان ما تستاهل السالفة
سلطان: شكنتي ناطره عشان تقوليلي؟؟ انتي جذبتي علي!!!
نوره: سلطان! بس خلاص ما صار شي يستاهل كل هذي العصبية
سلطان: سيري عنده خلاص
نوره: لا والله! شنو هذا الكلام سلطان!! و أنا ما جذبت... (قاطعها )
سلطان: خلاص مابي أسمع!!
نوره: ترا وايد كبرت السالفة و مردك بتعرف...
و عدت فتره و نوره كانت ما تزور نجلاء فالبيت عشان ما تجوف سلطان
و كانت كليوم تبجي بس عقب تعبت من الوضع و قررت تتخطى الأنه السالفة موللل ما تستاهل
حست انه تافه الانه يزعل علي شي مثل جي و من أول خناقة تركها
-
عدت جم اسبوع و هي نسيت أقول نوره دخلت محاماة!
بطوف لين فتره نص الكورس الانه ما كان في أحداث بس كانت تتهرب من الزواره
فيوم كانت فبيت ماما موضي و كان حمد هناك
حمد: وأخيرًا جفناججج
نوره: مشغولة و مضغوطة من الجامعة
حمد: بمناسبة طلعت نوره بنروح ناخذ كوفي
نجلاء: يلا سرينا
نوره: اوكييي
و ساروا بسيارة حمد و نجلاء جدام و نوره ورا و متمدده و حاطة ريلها علي السيت و قاعده تشرب كوفي
يوم رجعوا سلطان كان صافط و بينزل
نوره: يوم بيدخل قولولي
حمد: انزلي دخل
*حمد عرف انه في شي بين نوره و سلطان يوم زلت لسانه و قال حق سلطان انه كان بيخطب نوره و سلطان عصب فعرف انهم يحبون بعض*
نزلت و كانت واقفة ويا حمد و يتحجون
حمد: ترا سلطان يجوفنا من الجام
نوره: استغفر الله أنا بروح
حمد: عقبج أنا بسير عشان ما يفهم غلط
نوره: خل يفهم غلط قاهرني
حمد: مافينا علي المشاكل
نوره: و أنا صاجة تافه و زعوللل
أنت تقرأ
قضيت حبنا 🇰🇼
Romanceنوره و - بدت قصتي من كان عمري 18 ما بحرق أحداث الرواية اقروها و انشاءالله تعجبكم 🤍🤍 روايتي 35 جزء كل فتره ببشركم بأحد الأشياء اللي تصير معاي صيفوني ب تيل https://tellonym.me/nooratells
