عايزة أقرب من ربنا اعمل اي....(فضفضة)

السُنَنْ💜🕊

السلام عليكم ورحمة الله وبركاته 🖤..

وحشتووووني كتييير يـَ قمرات عاملين ايه يارب تكونو بخير  ويارب تكونو بتستفادو من اللي بنزلو واللي عاوزة اى حاجه تكلمني حابه تفضفض تكلمني متترددوش اعتبروني اختكم  زي ما بعتبركم اخواتي🌚 واللي عندها فكرة جديدة او اي إضافة تقولها عشان كلنا نستفاد وانا كمان بحاول وبجاهد نفسي عشان ربنا يرضى عني والتزم ب النصايح دي زيكم فا لازم نساعد بعض😊💙💙💙يلا نبدأ بقا حلقتنا النهارده 💁‍♀️🤗💚💚💚.

انا متأكده ان القمرات اللي بيقرأو الكلام ده نفسهم ربنا يحبهم اوي وعايزين يعملو اي حاجه عشان يرضو حبيبهم ربنا 🤗💜💜💜💜

تعرفو قرأت حديث روعة وجميل جداً وفرحت بيه اوي هو اي بقا 👇👇
" النبي صلى الله عليه وسلم قال: إن الله قال:  من عادى لي ولياً فقد آذنته بالحرب،  وما تقرب إليَّ عبدي بشيء أحبُ إليّ مما افترضت عليه، وما يزال عبدي يتقرب إليّ بالنوافل حتى أُحبه، فإذا أحببته  كنت سمعه الذي يسمع بهِ، وبصرهُ الذي يبصر بهِ،  ويده التي يبطش بها، ورجله التي يمشي بها ولئن سألني لأُعطيّنه، ولئن استعاذني لأعيذنّه " رواه البخاري.

شوفتو ربنا رحيم بينا وكريم ازاي 🥺💜انتو متخيلين اصلا  يعني اي سمعه الذي يسمع بهِ وبصره الذي يبصر بهِ، الخ..... يعني مش هتعصي ربنا تاني والشيطان هيبعد عنك لان اللي حاميك وبيرعاك وبيحفظك هو ربنا اذاي بقا الشيطان يحرضك للمعصية والذنوب عارفين يعني اي سمعه الذي يسمع بهِ يعني ودانك مش هتسمع غير كل حاجه ترضي ربنا،  وبصره الذي يبصر بهِ يعني عينيكِ الحلوة دي مش هتشوف غير كل حاجه بيحبها ربنا، ويده التي يبطش بها يعني ايدك مش هتعمل غير اللي يرضي ربك حبيبك، ورجله التي يمشي بها يعني رجلك عمرها ما هتمشي لـ مكان فيه معصية تاني هتمشي للمسجد وكل مكان يحبو ربنا ،  لا وبعد كل ده لو طلبت من ربنا اي حاجه هيديهالك ولا استعذتي بيه من اي حاجه هيستجيب لك بردو، بالله في جمال بعد كده🥺دانا اشوف كل الحاجات اللي ربنا بيحبها واعملها عشان يحبني ولا اي🥺💛💛💛

عندنا بقا النوافل قسمين
القسم الاول:  نوافل الصلاة.
القسم التاني: نوافل الصيام.
النهارده بإذن الله هناخد نوافل الصلاة والصيام المرة الجاية عشان مكنش طولت عليكم ولا تزهقو 🙂🧡🧡

نوافل الصلاة زي اي بقا؟؟

فيه سُنن مؤكده:

عن السيدة عائشةرضي الله عنها ان حبيبك النبي صلى الله عليه وسلم قال:
" من ثابر على اثنتي عشرة ركعة في اليوم والليلة دخل الجنة، اربعة قبل الظهر، وركعتين بعده، وركعتين بعد المغرب، وركعتين بعد العشاء، وركعتين قبل الفجر. "

هتبقى تقبلة شوية ف الاول بس احنا هنجاهد نفسنا عشان احنا خلاص عرفنا هدفنا وعايزين ربنا يحبنا😍♥♥♥

وكمان صلاة الضحى من النوافل واللي يصليها اكنو تصدق عن الـ 360مِفصل اللي ف الجسم "والسيدة عائشة رضي الله عنها قالت:  كان رسول الله صلى الله عليه وسلم يُصلي الضحى أربعاً ويزيد ما شاء الله"
والضحى وقتها من بعد طلوع الشمس بـ ربع ساعه لحد قُبيل الظهر بـ ربع ساعه 💙💙🌼

واللي يصلي 4ركعات قبل الظهر و4بعده حُرم على النار لقول النبي صلى الله عليه وسلم "من صلى أربع ركعات قبل الظهر وأربعاً بعدها  حرمه الله على النار" رواه النسائي وأبو داود والترمذي وأحمد والطبراني.

ومن السُنن كمان قيام الليل  عن أبي هريرة رضي الله عنه أن النبي صلى الله عليه وسلم قال: أفضل الصلاة بعد الفريضة صلاة الليل💙  هتكلم عنو بستفاضة اكتر ف مرة تانيه بإذن الله عشان مطوّلش عليكم😊💜💜💜🌼

وبعد ما عرفنا كل ده يـَ حبايب قلبي لسه بردو هنسيب السُنن دي 🤷‍♀️لازم نجدد النية احنا عايزين ربنا ورضاه والجنه مش بالساهل هندخلها يـَ قمرات لازم نتعب عشانها وعشان نسمع "سلامٌ عليكم فادخلوها خالدين"  🥰💜💜💜

كفاية عليكم كده عارفه اني طولت شوية بس عشان اعرفكم اد اي في حاجات بسيطه ممكن تقربنا من ربنا واحنا غافلين عنها 🤦‍♀️
اشوفكم على خير يارب ف حلقة تانيه ومتنسوش اللي عايزة حاجة تكلمني 🤗💗💗💗

#انتي_غيرهم.
#الجنة_تستاهل_نتعب_علشانها.
#الجنة_غايتنا🤝💛💛🌼