عشقتك و كان قدري فراقك

الجزء الثامن

الفصل الثامن
__
{بيت أبوطلال}
أبوطلال بفرح:متى وصلت؟
طلال:البارح عالساعه ١١ تقريباً.
أبوطلال:ما قصرت يابوك.
فراس:أبوعبدالرحمن مقطعك مدح عند أبوي.
طلال:على فكره انبهر بتصميمك و تصميم هاني و قال لازم يقابلكم اثنينكم.
فراس:لي الشرف و الله.
أبوطلال:و الله ما توقعت تاخذ شهر كامل قلت أسبوعين و شوي.
طلال:و رجعت على خير.
أبوطلال:رحت شفت بيتك؟
طلال هز راسه بلا.
فراس:ليه؟
طلال:نوف كانت معي و لا حبيتها تشوف الشقه بعد الحادث مو بزين لها.
أبوطلال و فراس ما فهموا.
طلال ابتسم:نوف حامل يبه.
أبو طلال ابتسم بفرح:من جد و الله.
فراس صرخ:وااااو بأصير عم اخيراً.
أبوطلال:ألف مبروك حبيبي و يتربى بعزكم.
طلال:الله يبارك فيك.
أم طلال:يلا يا أبوطلال الغدا جاهز.
أبوطلال وقف:وين البنات؟
أم طلال:جايين.
نوف مرت من عندهم و هي شايله صحن سلطه خفيف.
أبوطلال:فراس شيل عن مرة أخوك بسرعه.
فراس وقف ومشى لها و مسك الصحن:عنك يا أم الوليد.
نوف ناظرت في طلال:وش فيه؟
أم طلال ناظرت لها بعتب:قلت لك لا تشيلين شي.
نوف ببراءه:ايه بس الصحن خفيف يا خالتي.
أبوطلال بأمر:و لا عاد ترفعين حتى منديل.
نوف ابتسمت بخجل و ناظرت في طلال و همست:قلت لهم.
طلال هز راسه بايه:لازم افرح العايله بالفرحه اللي ينتظرونها من سنين.
نوف مسكت يده بابتسامه و مشت معه و جلسوا عالطاوله.
أبوطلال:وين فدوى و فجر؟
أم طلال:فجر تكلم سعد و فدوى في المطبخ تجيب الباقي.
فدوى أقبلت لهم:هذاني جيت يبه، و تمشي بطفش.
طلال:وش فيها عروستنا؟ أحد مزعلك؟
فدوى ابتسمت له:لا.
فراس:أجل وش هالتكشيره؟
فدوى:و لا شي.
فجر جت لهم تركض:آسفه عالتأخير، و جلست:مبروك طلال النونو.
طلال:الله يبارك فيك، عقبالكم تفرحونا ببيبي.
فجر:ان شاء الله بس مأخرين هالسالفه الحين.
فراس ناظر لطلال:طيب بيبي بوي و الا بيبي قيرل؟
نوف ناظرت في طلال و ابتسمت له.
طلال بكذب:ما كشفنا بس قالوا إن صحته طيبه و الحمدلله.
أم طلال:الله يجيبه على خير.
الكل:آمين.
بدأو ياكلون و تنوعت بينهم السوالف و الضحك.
فدوى نزلت دموعها و مسحتها.
طلال انتبه لها:وش فيك يا قمر؟
فراس:خلاص عاد كل مره و أنتِ قالبه وجهك.
فدوى ببكا:ماني مستوعبه أروح بيت ثاني و أترككم ماني مستوعبه.
طلال:يا قلب أخوك أنتِ، وقف و مشى لناحيتها و حضنها:اللي يسمعك الحين كأنك ساكنه في آخر الدنيا ما أنتِ معنا هنا في جده.
فدوى ببكا:بس غير يا طلال غير، أنا بعيده عنكم بساعه و فجر قريبه بخمس دقايق و نايا و فراس بيسكنون هنا.
نوف:و الله نايا اللي تسكن هنا أخس منك تبكي و تقول أمي بعيده عني و هي بالشارع اللي ورانا.
فجر وهي تمسك نفسها:الله منهم المدلعات أخر العنقود و ابتلشنا فيهم عرايس و نزفهم سوا يعني الله يستر منهم لا يفشلونا بالزفه.
نوف ضحكت بخفه.
طلال:شوفي يا روحي، السياره تقرب البعيد و أنا أشكر الله لانه كتب لك الدكتور سالم ترتبطين فيه لان ما فيه أحن من قلب سالم وهو ما راح يرفض يجيبك لبيت أهلي وقت ما تبين.
أبوطلال يمسح دموعه:تغدي يابوي الكلام ذا باقي عليه أسبوعين و بتروحين مع سالم و تنسينا و تنسين الكل.
فراس:لو ما نايا ما كان و الله سكنت جنب أهلي و تعبت أبوي و ازعجته بالبناء لكن أوامر الدكتوره نايا ابيي اطلع من بيت أمي لبيت أمي الثانيه.
أم طلال مسحت دموعها و بابتسامه:يا رب لك الحمد اللي رزقت عيالي طلال و فراس بأحلى و أطيب بنتين في الدنيا و رزقت بناتي بأطيب رجال بالدنيا و الله لا يغير علينا.
فجر ابتسمت:آمين يالغاليه.
__
{ بيت أبو سعد}
سعد جالس مع أهله و يكلم سماهر:هاه وش رايك؟
سماهر بضيق:ما أعتقد يا سعد؟
سعد:طيب فكري.
سماهر:بأفكر بس ترا زواج الاقارب ما أحبه و أنت عارف وش حاولوا يسوون فيك و في فجر.
سعد بهدوء:بندر ماله علاقه بذا كله بندر طيب و مسالم.
سماهر:ايــه بس يكون ولد خالتنا يا سعد و أنا صراحه رافضه الفكره.
سعد تنهد بصمت:عشان خاطري و أنا أخوك فكري و استخيري و لك أسبوع لو تبين و ردي لي خبر.
سماهر باستسلام:اللي تشوفه ياخوي.
فجر دخلت عليهم و ابتسمت:السلام عليكم.
سعد و سماهر:وعليكم السلام.
سماهر وقفت:الله جابك سويت كيكه تفتح النفس بالقرفه و الاناناس المكرمل و سويت قهوه.
سعد يمثل العتب:يعني جالس معك من اليوم ما شفتها و لما جت فجر تطلعينها.
فجر صافحت سماهر:حرقت جوالي عشان هالكيكه.
سماهر:ثواني و أجيكم، و مشت بسرعه.
فجر ابتسمت و جلست جنب سعد و باست خده:وش لون حبيبي؟
سعد بهمس:مشتاق لك، و باس خدها.
فجر:ايـه تغديت و شربت شاهي مع أهلي و مثل المهبوله أخذت فراس و خليته يوصلني عشان حضرة المهندس سعد حرق جوالي من كثر الاشتياق.
سعد همس:و الله، و نغزها من الجنب و فجر نطت:لا سعد الا ذا الحركه أكرهها.
سعد:طيب.
فجر تناظر له بإبتسامه:اكيد معاك خبر زين.
سعد هز راسه بايه:اني مشتاق لك، باس خدها و نزل لرقبتها و هي ميلت راسها بسرعه و بعدت عنه:سعد الزواج صار قريب لا تحوسني من الحين.
سعد مسك يدينها و كتفها بقوه و فجر تبعد عنه و بهمس:سعد خلاص تجي خالتي الحين و الا سماهر.
سعد بهمس:بكيفها تغطي عيونها.
فجر تضيع السالفه:طلال وصل البارح و قابلته عند اهلي.
سعد بفرح:صدق و الله، و بعد عنها.
فجر:و الله و ان شاء الله البيبي الجديد بيشرف بعد كم شهر.
سعد:ماشاء الله، يعني ان شاء الله الوليد بالطريق.
فجر:يارب بس قلبي يقول لي بنت أنت ما شفت نوف يا قلبي عليها كيف تمشي على مهل و بطنها برز بسرعه.
سعد:ماشاء الله مو توهم متزوجين.
فجر:لهم ست شهور و قالت هي بالشهر الخامس الحين.
سعد:الله يجيبه على خير و يقوم أمه بالسلامه.
فجر:يارب.
سعد ضمها له:و يرزقنا إن شاء الله بواحد مثله.
فجر تناظر له بابتسامة خجل:إن شاء الله بس احنا شوي ابي أشبع منك أول و الا نسيت اتفاقنا قبل.
سعد ابتسم:تبشرين باللي تبينه، همس:أحبك موووت.
فجر مسحت على شعره:اسم الله عليك يا عُمري.
سماهر جت لهم:احم احم أنا جيت.
سعد:غطي عيونك.
فجر بعدت عنه و وقفت:وين خالتي؟
سماهر:راحت لجدتي.
فجر تسكب القهوه:البيت بايخ من دونها اشتاق لها أكثر منكم، ناولت سعد الفنجان و ابتسمت على نظرته:وش فيك؟
سعد بهمس:و أنا ما تشتاقين لي؟
فجر بهمس:لو ما اشتقت لك ما كان جيت.
سعد إتسعت إبتسامته و يشرب القهوه.
__
{شقة هاني}
داليا جلست بتعب:يووه ما بغيت أخلص شغل البيت.
هاني ما يناظر لها:يعطيك العافيه يا عمري.
داليا:الله يعافيك حبيبي، دودو نامت؟
هاني هز راسه بايه:تعبتني شوي.
داليا:تتنكد بنومتها بالبدايه بعدين عادي.
هاني ناظر لشعر داليا و لاول مره يشوفه حايس و ضحك:اشتغلتِ من قلبك.
داليا ضحكت بخفه:هذا الشغل تبع أسبوع كامل.
هاني مسك يدها يلعب فيها:الله يعطيك العافيه، وش رايك؟ أقدم على عامله تجي تساعدك.
داليا كشرت:ليه يا هاني و احنا مبسوطين.
هاني:مبسوطين الحمدلله بس اليوم الجمعه و اجازه لي و لك بدال ما نقضيه برا تجلسين تشتغلين في البيت من تصحين الين قبل لا تنامين.
داليا:معك حق بس عامله و بالبيت أحس ما عاد أقدر أخذ راحتي معك أو بالبيت.
هاني:يابوي لا تتحججين بأي شي، ظروفنا غير انتي موظفه و أنا موظف و كل واحد منا شفت دوامه غير عن الثاني عالأقل تجي تشيل عنك شي.
داليا:أفكر و أعطيك خبر بس ترا العامله تكون مسؤوله عن البيت مالها خص بديما ابداً.
هاني:لا دودو تكون مسؤوليتك الله يعينك.
داليا:الله يهديها و يصلحها، وقفت:بأدخل أخذ شاور و أجيك نتابع باقي المسلسل.
هاني ابتسم:انتظرك.
داليا مشت عنه و هاني رفع يده و همس:يارب تناظر في المرايه و تقتنع بكلامي.
داليا دخلت الغرفه و طلعت لها بجامه ناعمه و ناظرت شكلها بالمرايه بالصدفه و شهقت، شعرها مبعثر و بلوزتها ملطخه بأكل ديما و وجهها ما فيه نقطة مكياج او كحل، عضت شفايفها بغبنه:يا فشلتي عندك يا هاني، و بعتب:داليا بنت يحيى أنتِ هبلا و شكراً لك، تأففت و دخلت تاخذ شاور.
__
{الشاليه}
نوف نزلت الجوال و شافت طلال يكتب في دفتر و مندمج:حُبـي.
طلال بإبتسامه:يا كل دنيته.
نوف:وش تسوي؟
طلال:أعطيني خمس دقايق و تعرفين.
نوف:اوكيه، ناظرت قدامها و بعدت نظرها بسرعه:خلصت خمس دقايق.
طلال ضحك بخفه و يكمل اللي بيده.
نوف ابتسمت و ناظرت في بطنها و تمسح عليه بهدوء، تذكرت ردة فعل طلال لما عرف بانهم ثلاثه أطفال و ردة فعلها كانت مختلفه عنه لما كشفت لأول مره.
[ الدكتوره إيثار تمرر جهاز الأشعه على بطن نوف:ماشاء الله تبارك الله صرتِ بأربع شهور يا نوف معقوله توك تعرفين.
نوف:كنت استخدم مانع الحمل.
الدكتوره:بطريقه خاطئه و اراد الله لك الحمل، تتوقعي ولد او بنت؟
نوف:كلهم سوا بس ابغا ولد.
الدكتوره ابتسمت:و اذا قلت لك انك حامل بتوم.
نوف بحلقت عيونها:نــعــم.
الدكتوره بابتسامه:ايـه، ناظري في الشاشه.
نوف ناظرت و قلبها يدق.
الدكتوره تمرر الجهاز:هذا الطفل الاول، و مررت الجهاز:هذا الطفل الثاني، و مررت الجهاز لمكان ثاني:و هذا الطفل الثالث.
نوف بصدمه:ثلاثه.
الدكتوره:ايه ثلاثه ماشاء الله.
نوف:كـ كـيف ثلاثه؟ ما أحد بعائلتي او عائلة طلال مخلف توائم.
الدكتوره ناظرت لها:أنتِ و السيد طلال أول كبلز تجيبون توائم في عائلتكم بس السبب و من بعد الله السبب طبي، قبل زواجك جيتي و صرفت لك شوية حبوب كان فيه عندك كيس صغير عالرحم لا يذكر و أنا أعطيتك من ضمن الحبوب منشط عشان يبعد التكيس و شرحت لك هالموضوع، يعني الحبوب سوت مفعول و هالتوائم رزق من الله سبحانه.
نوف تمسح دموعها:و نعم بالله، و ضحكت:ما أدري كيف بتكون ردة فعل أبوهم.
الدكتوره:بينهبل، و ضحكت.
نوف بضحكه:أكيد الله يحفظهم لي و له.
الدكتوره تمسح على بطنها:في عالم الطب يقولون أسهل ولاده ولادة التوائم، لكن في حالتك أنتِ لا عمليه و ما أكذب عليك لو قلت لك يمكن ولادتك بتكون مبكره جداً يعني نعطي احتمال بالشهر السادس أو السابع بتولدين.
نوف بخوف:ليه فيهم شي؟
الدكتوره:لا تخافين هم بخير بس أنتي من قبل معك مشاكل في الرحم لا تذكر بس لازم تنتبهين لنفسك انتي معرضه لسكر الحمل و لضغط الحمل وازني بينهم عشان صحتك أولاً و عشانهم ثانياً، نتجنب لبس الكعب يا نوف و لا نشيل اشياء ثقيله الدرج ممنوع طلوعها و نزولها باستمرار لو عندكم اصنصير فحلو لك.
نوف:طيب أنا من حملت و أنا بس ابي شوكولاته.
الدكتوره:ايه هذا الوحم يدل على انك حامل بـ......
نوف قاطعتها و حطت يدينها بأذنها:لا تكفين دكتوره مابي أعرف جنسهم الا مع أبوهم.
الدكتوره ضحكت:تمام يا نوف، قولي متوحمه على أكله معينه؟
نوف:لا بس الشوكولاته و النوم أنام كثير، و ابتسمت بخجل:و صراحه تعلقت في زوجي كثير و لا ابيه يبعد عني.
الدكتوره:كل اللي ذكرتيها أشياء طبيعيه تصير للحامل يا قمر ،راح ارجع اخذ أشعه عشان اكشف نوع الجنين و اكتبهم في ورقه لحالهم و احطهم مع الاشعه.
نوف تمسح على بطنها و تبتسم].
طلال:دنـيـتـي.
نوف ناظرت له و ابتسمت:يا نبضها.
طلال بابتسامه:وين رحتِ؟
نوف مسحت على بطنها:مع عيالك.
طلال مسك يدها:قصدك عيالنا.
نوف هزت راسها بايه.
طلال بحماس مد لها الدفتر:وش رايك؟
نوف ناظرت:وش ذا؟
طلال:هذي غرفة الدببه الثلاثه.
نوف سكتت تستوعب و ضحكت بقوه لما تذكرت آدم.
طلال ابتسم:شوفي ترا ما أعرفهم الا من آدم.
نوف تضحك.
طلال مبتسم لضحكتها.
نوف بضحكه:يا ويلك من ربي تسمي عيالي بذا الاسم.
طلال:هذا لقبهم الين يكبرون، و باهتمام:شوفي يا دنيتي، هالتصميم لغرفتهم و راح نجيب ثلاثة أسره لهم بيضاء طبعاً و غرفتهم نضرب الحيط بلون محايد او نركب ورق جدران.......
نوف:لحظه لحظه.
طلال:وش فيك؟
نوف:أي غرفه بتختار؟
طلال:حالياً الغرفه اللي جنب غرفة الضيوف.
نوف عقدت حواجبها:في أي بيت؟
طلال:في بيت أهلي.
نوف تناظر له ساكته.
طلال:بيتنا يبي له سنه عشان يخلصونه بعد ما صار فيه الحريق.
نوف بهدوء:أنا قصدي نسكن مع أمي بما إنها وحدها و يعني ليه نسكن معهم و الشاليه فاضي.
طلال:يا نبضي الشاليه بعيد عن بيوت اهالينا و هنا درج و ما أصدق متى تخلصين الدرج بسلام سواء كان طلوع أو نزول ولو صار لك شي لا سمح الله المستشفى كمان يكون بعيد، متى بنوصل؟
نوف و عارفه القرار و تسمع:طيب.
طلال:نسكن عند أهلي في السرداب حتى هو ما فيه درج ننزل بالاصانصير على طول.
نوف:السرداب مكتوم يا طلال، شوف زواج نايا و فراس ما بقا له كثير و أنا مستحيل أترك أمي لحالها بعد ما تطلع نايا من البيت.
طلال:نهى على وشك ولاده بتولد و بتجلس عندها و خلاص انحلت الامور.
نوف أعطته الدفتر:قفل الابجوره و نام و هالشي نتفق عليه مع الأيام الجايه.
طلال مسك الدفتر:دنيتي بلا زعل عاد.
نوف ناظرت له:مين قال إني زعلانه بس احنا نتكلم في شي و لا نعرف ربي وش كاتب لنا بكره؟
طلال اقتنع:و نعم بالله.
__
{قاعة الزواج}
نوف جلست بتعب على كراسي المدخل و مسكت ظهرها و بهمس:الحمدلله انتهى الزواج على خير، الله يوفقهم و يسعدهم.
أم نوف ركضت لها:فيكِ شي يا بنتي؟
نوف ابتسمت:ما فيني الا العافيه يا عيوني.
أم نوف مسك قلبها:الحمدلله.
نوف:باقي بدري عشان تخافين عليي المفروض تخافين من نهى.
أم نوف جلست:نهى باقي ما دخلت شهرها الكامل و الليله ذبحتوني الوحده بطنها قدامها و ترقصون.
نوف:رقصت على خفيف يمه برضوا ذا زواج و فرحة نايا أخر العنقود.
أم نوف نزلت دموعها:حبيبة قلبي الله يوفقها و يسعدها.
نوف حضنت أمها:يا روحي أنتِ.
أم بشرى من وراهم:ربي يسعدهم و يوفقهم إن شاء الله.
أم نوف بعدت عن بنتها:آمين، وين رايحه؟
أم بشرى:خلاص رايحين البيت على خير بحول الله، مسكت يدين أم نوف:ابيك تسامحيني على أي غلط غلطته معك بقصد أو بدون قصد، الدنيا صغيره ما نعرف متى احنا نروح منها و لمتى بنعيش.
أم نوف:مسموحه ياختي مسموحه و يشهد الله ما في بقلبي شي عليك أنتِ و الجوهره أخواتي اللي ما جابتهم أمي.
أم بشرى حضنتها و بكت بصمت و شوي و بعدت عنها و صافحتها:أشوفك على خير.
أم نوف:الله يحفظك.
نوف تناظر لها مستغربه منها و من كلامها و انتبهت لابتسامتها و صافحتها:و أنتِ يا بنتي سامحيني.
نوف:على أيش يا خاله؟ كلنا نغلط و كلنا نزعل من بعض و لا عمري شفت شي منك يزعل و أنتِ خالة الغالي و جدة عيالي بعد.
أم بشرى:الله يجعلك ساعه طيبه يا بنتي، امسحيها بوجهي يا بنتي عمايل بشرى لك و حركاتها ترا عقلها صغير و مدلعه و اذا تبي شي لازم تاخذه فلا تواخذينها و أنا خالتك.
نوف اللي مو عارفه وش تقصد بس تذكرت حبها لطلال و بهدوء:الله يسامح الجميع يا خاله.
أم بشرى:يلا يا بنتي أشوفك على خير.
نوف:في حفظ الله.
بشرى من وراها:يمه باقي أنتِ هنا و أبوي حرق الجوال يقول اطلعوا.
أم بشرى:كنت أودع الكل.
بشرى ناظرت في نوف:مالت عليهم عشان تودعينهم امشي بس، و مشت قبلها.
نوف حركت راسها باستسلام:الله يكملك بعقلك، انتبهت لام طلال تمشي بسرعه:شفتوا أختي؟
نوف:طلعت من هنا، و أشرت لها.
أم طلال ركضت و نوف صرخت:على مهلك يُمه.
أم نوف ناظرت في نوف:وش رايك؟ خفت من كلامها كانها تودع للأبد.
نوف تنهدت و سكتت و تذكرت الحاله اللي جتها قبل حادثة الحريق و بهدوء:الموت حق يا أم نوف.
__
{الفندق...جناح فراس و نايا}
نايا تناظر شكلها برضا و طلعت للصاله و لا حصلته:فراس.
فراس من ورا الكنب:عيون فراس.
نايا نطت بخفه و مسكت قلبها تهدأ:وش تسوي عندك؟
فراس:اشحن جوالي، وقف و مشى لها و حضنها:يا بعد روحي.
نايا إبتسمت:وش مضايقك؟
فراس بعد عنها:و لا شي معقوله اتضايق بأجمل يوم لنا و مع بعض، مسك يدها و سحبها و جلسها جنبه و طلع شي من جيبه:تفضلي.
نايا أخذته منه و باستغراب:وش هذا؟ وش أسوي فيه؟
فراس بإبتسامه:ناظري فيه زين.
نايا تقلبه بين يدينها:عادي فراس قلم رصاص من زمن الطيبين.
فراس:طيب يالطيبه و ذا وش سوا لك؟
نايا ساكته تتذكر و ضحكت:ذا قلمي.
فراس:الحمدلله انك عرفتيه.
نايا رفعت القلم قدامه:ذا اللي خرجت فيه عيني.
فراس ضحك:أيوه.
نايا:يالله يا فراس و وش يسوي معك؟
فراس قرب منها:طلعي عيني.
نايا بحلقت عيونها:انهبلت.
فراس بتفكير:تقريباً.
نايا ضحكت و حطت القلم عالطاوله.
فراس تنهد:كنتِ مزعجه و أنتِ صغيره كل شي يتلبى لك و سمعاً و طاعه و اذا بكيتي على طول يعطونك يسكتونك، حقدت و من دون قصد أخذت قلمك من يدك و دخلته في عينك و كنت بأنضرب بس خالتي سالمه و عمي سعود حلفوا لاهلي ما أحد يمس مني شعره وحده.
نايا بضحكه:انجرحت القرنيه.
فراس بحنيه:جعلها بعمري، ما تصدقين اذا قلت لك إني ندمت ندم قد شعر راسي و قلت لازم أتسامح منك و كذا بس كان عندي عزة نفس و اني رجال ووووو، ما أدري بس كان جواتي رافض بس كان فيه سبب قوي خلاني أخذ هالقلم و اخبيه عندي بس ما توقعت بانه راح يجي يوم و ارجعه لك و بصفتك زوجتي، أنا آسف و اذا ما يفيد الاسف فأنا قدامك سوو الي تبين ، و قرب منها و غمض عيونه:سوي اللي تبين اجرحيني بأي مكان.
نايا مبتسمه له.
فراس:بسرعه يا دكتوره.
نايا مسكت وجهه و قربت منه و باسته بحب.
فراس فتح عيونه بصدمه.
نايا بعدت و ناظرت في عيونه:أحــبــك و بس.
فراس ابتسم و حضنها بقوه.
__
{جناح سالم و فدوى}
فدوى جالسه عالدولاب:يعني اجلس هنا طول الليل عشان أقول هالكلمه.
سالم جلس قدامها بثوبه:براحتك لو تبين تنامين عندك كمان مو مشكله.
فدوى كشرت:طيب جوعانه و ريحة الاكل واصل لجواة أنفي و دماغي أعفني لبعد العشاء.
سالم اتكا على يدينه لورا و هز راسه بلا.
فدوى بهمس:اه من ثقالة الدكاتره.
سالم ابتسم:ترا أنا هنا و اسمعك.
فدوى كشرت:و اذا يعني بأخاف منك، و تنهدت.
سالم:يلا و الا أروح أتعشا وحدي.
فدوى قلبت عيونها:كم مره؟
سالم:مثل ما تبين ٥٠ او ١٠٠ او الف.
فدوى:أحبك أحبك أحبك أحبك ...............
سالم يناظر فيها بابتسامه و نسى يعد وراها.
فدوى:كم وصلنا؟
سالم صحا:ما أدري أنتِ ما تعدين.
فدوى بكذب:وصلت لسبعين و وقفت.
سالم ضحك عليها من قلب.
فدوى ابتسمت له و بترجي:حبي و عمري و قلبي، تكفى نزلني ابي أكل.
سالم تنهد و وقف و مد يدينه لها:تعالي بس على مهلك.
فدوى:اوكيه، و مدت يدينها و شالها سالم بين يدينه و باس خدها و همس:و أنا أحبك أكثر.
فدوى ابتسمت بحب.
__
{بيت أم نوف...جناح نوف}
نوف فتحت عيونها بتعب من مكالمة طلال و لفت بظهرها و تسمع طلال:أي مستشفى؟
طلال:لاحول و لا قوة الا بالله، طيب يبه جايك، و قفل.
نوف لفت له و بصوت كله نوم:أبوي فيه شي؟
طلال بتكشيره:لا حبيبي ذا بيت خالتي صار عليهم حادث البارح و زوج خالتي توفى.
نوف عقدت حواجبها:لا اله الا الله، و خالتك و بنتها؟
طلال يلبس ثوبه:و الله ما أدري يا نوف ابوي يقول الحادث قوي و بأروح أشوف لهم.
نوف:طمني عليك حبيبي و امش على مهلك.
طلال:ان شاء الله، انتبهي لنفسك زين، و طلع.
نوف بهمس:ودعتك الله يا نبض نوف، لاحول و لا قوة الا بالله الله يرحمه و يغفر له و يجبر أهله و عياله.
اندق الباب و دخلت أم نوف بخوف:نوف.
نوف:هلا يمه.
أم نوف:وش صاير مع طلال طلع معتفس.
نوف جلست بمهل:بيت خاله أسماء صار عليهم حادث و توفى أبوهم.
أم نوف مسكت قلبها:إنا لله و إنا إليه راجعون.
نوف:ابوي اللي كلم طلال و طلع بسرعه استودعته الله، وش فيك لابسه عبايتك؟
أم نوف ضربت جبهتها:يووه على هالنسوه، باسم تحت بياخذني مع نهى أختك بتولد و آدم نايم بجناحها حطته تولا.
نوف مسكت بطنها بخوف:كيف و مالها الا أسبوع من دخلت التاسع.
أم نوف وقفت تسوي نقابها:ما أدري عنكم، كلكم ملخبطين عليي، انتبهي لنفسك، في أمان الله.
نوف:بحفظ الرحمن، نزلت من عالسرير بمهل و طلعت من جناحها لجناح نهى و فتحت الباب بمهل و دخلت بهدوء و شافته نايم و جنبه تولا ترتب الأغراض، ناظرت لها و بهمس:بعد ما تخلصين جيبيه لجناحي اوكيه.
تولا هزت راسها بايه:طيب ،و تنهدت بطفش.
نوف طنشتها و باست راسه:فديته حبيب خاله.
__
{المستشفى}
الدكتور طلع و شاف أبو طلال:للأسف فقدنا الأم.
أبوطلال:لا حول و لا قوة الا بالله.
طلال:إنا لله و إنا اليه راجعون.
الدكتور:البنت الوحيده اللي حالتها مستقره و عندها كسر في اليد و جبرناه لها و الله يثبتها وقت ما تسمع بالخبر.
أبوطلال لولده:العرسان لا يدرون و أنا أبوك خلهم يكملون شهرهم هناك و العزاء بنحطه عندنا بالبيت و نفتح بيتنا للناس ثلاثه أيام.
طلال:اللي تشوفه يالغالي.
الدكتور:عفواً بس من يخلص اجراءتهم.
طلال:أنا بأخلص اجراءتهم وين أروح؟
الدكتور:تعال معي أستاذ طلال.
طلال مشى مع الدكتور و أبوطلال جلس بتعب و حزن:لا حول و لا قوة الا بالله الله يرحمك و يسامحك يا ناصر، الله يرحمك يا أسماء و يجبر قلبك يا أم طلال.
__
{بمكان ثاني في المستشفى}
الممرضه طلعت:مبروك، جا لك بنت.
باسم بارتياح:الحمدلله و الشكر.
أم نوف:مبروك حبيبي مبروك الله يجعلها من البارين الصالحين إن شاء الله.
باسم باس راس أم نوف:الله يبارك فيك خالتي و مبروك لك بعد.
أم نوف للممرضه:كيف نهى؟
الممرضه:باقي مخدر من بعد العمليه و ان شاء الله يقوم بالسلامه.
باسم:الله يسلمك، و طلع فلوس من جيبه و أعطاها:شكراً.
الممرضه ابتسمت له و مشت و رفع جواله يبشر اهله.
__
{بيت أم نوف}
نوف شايله ( ألين ) بنت نهى و تمشي فيها بمهل و تعطي طلال:هذي هي ضيفتنا الجديده.
طلال أخذها:ماشاء الله تبارك الله، و باسها بخفه:ربي يحفظها من كل شر.
نوف:مين تشبه؟
طلال يناظرها:مادري بس فيها من آدم و فيها من أبوها شوي.
نوف:ايه طلعت لابوها، آدم ماله شبيه.
طلال ناظر لها برفعة حاجب:الله الله.
نوف ضحكت بخفه.
طلال باسها مره ثانيه و طلع ظرف صغير و حطه بجواة كوفلتها:اعتذري لي منها و كنا نتمنى انا نفرح اكثر بظروف غير ذي.
نوف أخذتها منه:تسلم حبيبي، طمني كيف خالتي؟
طلال تنهد:أمي طيبه الحمدلله صابره و محتسبه الله يقويها.
نوف:و بشرى؟
طلال:في جناح فجر ما تطلع حتى تاكل.
نوف:الله يصبرها، تبغا تطول معه:طيب وين بتروح؟
طلال:بأرجع لبيت أهلي.
نوف مسكت يده:نبضي اجلس شوي معي مشتاقه لك أسبوعين ما شفتك و لا شفت أخبارك.
طلال قرب منها و باس جبينها:مشتاق لك أكثر يا دنيتي بس تعرفين الظروف.
نوف هزت راسها بايه:آسفه فكرت في نفسي و نسيت ظرفك.
طلال ابتسم:أنتِ تامرين يالنوف.
نوف:وش رايك اطلع البس عبايتي و اجي معك حتى أبوي و امي اشتقت لهم.
طلال:طيب حبيبي و الا افضل تجلسين هنا لاني خايف عليك.
نوف بشك:من أيش؟
طلال:من كل شي، و ابتسم لها.
نوف وقفت:ثواني و أجيك، و مشت بهدوء و دخلت لنهى و أعطتها بنتها:يمه بأمشي مع طلال.
نهى:وين بتروحين؟ خالتي زكيه و بناتها جايين.
نوف:بأرجع إن شاء الله بس اشتقت لابوي و خالتي.
نهى:طمنينا عليهم.
نوف:إن شاء الله.
أم نوف:ودعتك الله يا بنتي و طمنينا.
نوف:أبشري يُمه.
نهى انتبهت للظرف و شافت الكتابه اللي عليه" من قلبي أقول لكما مبروك مولودة جديدة تضيء حياتكم وأهنئكما على ما رزقكم ربي بأجمل البنات ، أعانكم الله على تربيتها وجعلها من الاتقياء الصالحين"
طلال بن مقبل.
نهى بإعجاب:أنيق حتى في الكلام ماشاء الله، فتحت الظرف و شهقت.
أم نوف ضمت الصغيره:اسم الله عليك و عالبنت، انهبلتي أنتِ.
نهى:يمه طلال سلم على ألين بمبلغ كبير حتى أهلها ما سلموا عليها كذا.
أم نوف:طلال مثل أبوه كريم.
نهى:يالله منهم هالاثنين (طلال و نوف) ما أدري كيف أجازيهم.
أم نوف تهز النونو:الله يعينك دبليها اذا ولدت أختك.
نهى:ليه أدبلها؟
أم نوف:أختك بنفخة بطنها توائم.
نهى بصدمه:و الله.
أم نوف:شكلها ما تبي أحد يدري و هالشي سر حتى تولد.
__
{بيت أبو طلال.... جناح فجر}
بشرى مستلقيه عالفراش و بيدها اليسار ماسكه الجوال، اندق الباب.
بشرى تأففت:مين؟
نوف فتحت الباب:ممكن أدخل أو لا.
بشرى ناظرتها بازدراء:تفضلي.
نوف دخلت بهدوء:كيفك بشرى؟
بشرى تناظر للجوال:بخير الحمدلله، ليه تسألين؟
نوف بابتسامه:من حقي أسأل عليك.
بشرى ابتسمت:لا تخافين عليي يا ست الكل أنا بخير، و بتريقه:اهتمي بشيابك و زوجك حبيب القلب.
نوف طنشت:ما تبين تنزلين تاكلين معنا؟
بشرى بثقه:أنا ملكه يجيبون لي الاكل لهنا و دام انحكم عليي أعيش معهم فيتحملون دلعي اللي تدلعته مع بابا و ماما.
نوف:الله يرحمهم، ابوي و امي يشوفونك مثل فجر و فدوى و أغلى منهم كمان و أمانه بس يا بشرى الكبار لهم احترامهم و عيب نغلط عليهم.
بشرى:الحين لو غلطت عليهم وش بتسوين؟
نوف ضحكت:ليه كل ما ادخل بموضوع تدخلين بموضوع ثاني.
بشرى:أنا اللي أسألك ليه تسوين نفسك ملاك و انتي من ورا هالملاك شيطان.
نوف ساكته.
بشرى:من كثر ما تبينين للناس إنك ملاك الا إن كل يوم طايحه لك بمصيبه بطلي تكونين غبيه بسبب طيبتك الزايده يا نوف.
نوف ابتسمت:شكراً لك ما أحتاج نصايحك، و طلعت و قفلت الباب بهدوء.
بشرى بحقد:صبرك عليي يا آم سبع أرواح.
نوف طلعت و هي تبلع غصتها و جلست في الصاله العلويه و شوي الا نزلت دموعها و مسحتها بسرعه ما تبي تبكي بس نست انها حامل و عاطفتها تغلبها بهالوقت و بكت بقهر.
سمعت صوت في الدرج و عرفت إن فيه أحد و لا تبي أحد يشوفها و خصوصاً طلال، وقفت و دخلت جناح طلال و انصدمت انه جالس.
طلال شافها و عقد حواجبه:وش فيك؟
نوف ما تحملت و بكت و مشت له و جلست جنبه و تبكي.
طلال بخوف:دنيتي وش فيك؟
نوف حضنته و تبكي.
طلال:قولي شي يوجعك يابوي.
نوف تبكي.
طلال تنهد و عرف انه ما راح يلاقي يرد الين تهدأ.
نوف ناظرت له و ببكا:أسألك سؤال؟
طلال بحنيه:قولي يا كل الكون و ريحي قلبي.
نوف:الحين أنا ملاك متخبيه ورا شيطان؟ و الا حبي لاهلك طيبه و غباء.
طلال بهدوء:رحتي لبشرى و أنا قلت لك لا تشوفينها.
نوف ببكا:جاوبني طلال.
طلال:وش أجاوبك بالله و أنتِ تعرفين الإجابه.
نوف:وش هو؟
طلال يمسح على شعرها و بحب:إنك أجمل ملاك بهالدنيا كلها و قلبك اطيب قلب بالدنيا.
نوف مسحت دموعها:رحت عشان خالتي تتمنى انها تنزل تاكل معها و أخذت نصيبي لكن الله يسامحها و بعذرها عشان أهلها.
طلال:ترا هي مع الكل نفس التصرف عشان كذا أنا ما ابيك تجين هنا و تتعبين يا حبيبي.
نوف بحزن:يعني كذا يرضيك أنا بمكان و أنت بمكان بأنهبل يا طلال من هالفراق.
طلال ابتسم:اسم الله عليك يا دنية طلال و نبضه، و حضنها:و اللي خلق مشتاق لك أكثر و الله.
__
{شقة سعد}
سعد واقف يضبط تشخيصته و ينادي:يلا يا حبي لا نتأخر على عمي.
انتظر شوي و لا ردت و رجع نادا:فــجــر.
و لا كان فيه رد، مشى سعد لخارج الغرفه و نادا:فجر.
انتبه لها طايحه عند باب المطبخ و شهق بخوف و ركض بسرعه:فجر، شالها بين يدينه و هزها:فجر يا روحي تسمعيني، نزلها عالكنبه و أخذ مويه و رش شوية على وجهها:فجر يا عمري ردي عليي تكفين، و يضرب خدها بخفه.
فجر فتحت عيونها و شافت سعد و بهمس:وش فيه؟
سعد:حبيبي أنتِ بخير؟
فجر مسكت راسها و كشرت:اخخخ راسي.
سعد:طحتِ عليه.
فجر:ما أدري.
سعد:واضح من طيحتك كانك متشنجة اسم الله عليك.
فجر فزت بسرعه و دخلت دورات المياه (تكرمون)
و سعد لحقها و دق الباب:فجر افتحي لا تقفلين عليك و ترجعين تطيحين، دق الباب مره ثانيه:افتحي الله يصلحك.
فجر فتحت الباب و هي تعبانه و وجهها مصفر.
سعد مسكها:بأكلم عمي و بأعتذر منه.
فجر:لا لا سعد العزيمه لفراس و فدوى و ما صدقنا أمي بعد تغير جو من بعد موت خالتي.
سعد جلسها عالكنب:اجلسي.
فجر مسكت راسها و غمضت عيونها.
سعد:قولي لي توها الاعراض تجيك.
فجر بهمس:ايه اليوم الصبح و كمان بالدوام و الحين.
سعد بخوف:حبيبي خلينا نروح المستشفى نتطمن اخاف يكون تسمم و احنا مو عارفين و وعد و الله نروح العزيمه.
فجركشرت:لا مو تسمم لان ما أكلت شي من الصبح ، رفعت أصبعها:لكن! يمكن مو اكيد يعني .... و سكتت.
سعد:وش هو؟ مخبيه عليي شي؟
فجر قربت منه و حطته أنفها على أنفه و بهمس:يمكن يكون فيه بيبي.
سعد بعد عنها و رمش بعيونه اكثر من مره بعدم تصديق و وقف:وش هو؟
فجر ضحكت بخفه:يمكن مو أكيد.
سعد بصدمه:احلفي.
فجر وقفت:احلف على شي ما أدري اذا كان موجود أو لا.
سعد قرب منها و حضنها و بعد بسرعه:طيب نروح نحلل و نشوف.
فجر:اقول لك نلحق العزيمه و بعدين لو تبي اركض عالكورنيش ما عندي مشكله.
سعد:تم، ناظر في رجولها:لابسه كعب.
فجر ضحكت بقوه و لبست عباتها:اذا انا قلت يمكن اكون حامل قلت هالكلام، تخصرت:أجل لو صدق وقتها بتطلع عيني يا سعد.
سعد اتسعت ابتسامته لها.
__
{شاليه أبوطلال}
فدوى تناظر برضا:فديت أبوي و التنسيق.
أم طلال:اي و الله شفتِ قاسمها قسمين.
فدوى:ايـه كبرها مرره.
أم طلال:حاط قسم لنا و قسم لسعد و اهله و اضاف لخالتك سالمه و بناتها.
فدوى:عاد احنا و خاله سالمه واحد و حتى سعد.
أم طلال تنهدت:من متى قد بناها يا بنتي و الحمدلله خلصها على خير و الصبر مفتاح الفرج.
نايا جت لهم:يمه تبين نتقهوى هنا و الا بالحوش.
أم طلال:لا يا عيوني برا الجو وش زينه؟
فدوى:مطرت جده اليوم.
نايا:مطر يهبل.
فراس دخل لهم:ننوش خالتي وصلت.
نايا ركضت بسرعه للباب.
فدوى:عارفه هالركض للنونو مو لخالتي سالمه.
نايا:أنا نايا مو فدوى.
فراس:اشتاقت لخالتي مررره.
أم طلال:الله يحفظها لهم.
فراس:بأروح لابوي و سالم، ارسل بوسه لنايا و طلع.
نايا فتحت الباب و شافت أمها و حضنتها:يا روحي اشتقت لك.
أم نوف ضحكت و حضنتها بقوه:يا عمري.
نهى دخلت و شايله ألين.
و نوف دخلت وراها و بيدها آدم.
فدوى لنوف:واااو يا قلبي عليك باقي ما ولدتي.
نوف:انتظرك عشان تكونين الام البديله او العرابه.
أم طلال بغصه:حياكم الله.
أم نوف حضنت أم طلال اللي بكت.
أم نوف تهديها:اذكري الله و أنا أختك.
أم طلال ببكا:اختي ما شفت منها الا الضيم لكنها أختي يا سالمه أختي.
أم نوف بعدت عنها:كلنا بهالطريق الممشيه الله يحسن الخاتمه و اختك لها شهر حرام عليك ادعي لها بالرحمه تبي الدعاء منكم أنتي و عيالك و بنتها.
أم طلال تمسح دموعها:الله يرحمها و يغفر لها.
فدوى أخذت ألين و بصوت طفولي:يا قلبي عليها واو يا زينها ماشاء الله.
نايا تناظر فيها:نهى ما فيه شبه لكن كربون باسم.
نهى:وحمي عليه كله.
آدم لنوف:خاله نوف قولي لاخت خالو طلال لا تطيح بنتنا.
نوف بضحكه:فدوى رجعي بنتنا لامها عشان لا تطيح، و أشرت بعيونها لآدم.
فدوى اعطت نهى:عالعموم بنتك مو حلوه مثل آدم.
نوف:آدم ماله شبيه، و باست خده.
فجر دخلت لهم:السلام عليكم، و فدوى ركضت لها و حضنتها:كيفك يا عروسه؟
فدوى بعدت عنها:مشتاقه لك.
فجر حضنت نايا:وه يا زينها مرة اخوي القمر.
نوف بحزن:و أنا.
فجر بمزح:لا أنتِ خربتِ و صرتِ قديمه.
أم نوف تمثل الزعل:و يطلع هالكلام منك يا فجر.
أم طلال:نوف و نايا عيوني الثنتين و لا أرضا عليهم بكلمه.
نوف بنصر:فديت قلبك يا خالتي.
فجر:و الله أمزح معاها، و حضنت نوف:هذي دنيتنا كلنا.
نوف بهمس:أنا دنية طلال و بس.
فجر همست:غلطانه أمدحك اصلاً.
نوف ضحكت و جلسوا كلهم مع بعض.
__
{في احدى الغرف}
بشرى تكلم:أنا مخليه هالمبلغ الكبير على جنب عشان وقت ما أحس بالخطر أهرب على طول.
تنهدت:البنت ذي بسبع أرواح ما فيه مصيبه الا و سويتها لها لكن بقى علينا شي واحد و هالمره بنغيره ابيه قوي و مفعوله اقوى بعدها نقدر نسيطر على كل شي.
سمعت صوت:قفلي الحين و ارجع أكلمك بعدين و ابي هالشي الليله يتنفذ و قبل لا نرجع البيت، و قفلت، وقفت و فتحت الباب و شافت نوف و البنات.
فجر باستغراب:أنتِ هنا و احنا نتقهوى تحت و نسولف.
بشرى مشت من دون ما تسلم:ما طارت الدنيا.
فدوى بحقد:اللي ما يبينا ما نبيه دقاق.
فجر:بس يا فدوى.
نهى:لا تواخذينها يا فدوى البنت باقي تعبانه.
نوف:فقد أب و أم في يوم واحد شي مو بسهل الله لا يفجعنا في غالي.
الكل:آمين.
داليا نادت من تحت:انزلوا رحبوا فينا مالت عليكم.
نوف بابتسامه:هلا و غلا.
فجر:أجمل من جانا.
سماهر:كلنا و الا بس داليا.
فجر:لا و الله كلكم، مسكت يد نايا و همست:لحظه أبيك شوي.
نايا بهمس:وش فيه؟
فجر:لحظه شوي، و مسكت يدها و سحبتها:فيه موضوع مهم ابي أكلمك فيه.
__
{قسم الشباب}
طلال دخل لهم:السلام عليكم.
الكل:هلا، ارحب، نورت الجلسه.
طلال سلم عليهم و جلس:كيفكم؟
الكل:بخير.
أبوطلال:متى وصلت؟
طلال:العصر، اخذت شاور و نمت شوي و جيتكم.
أبوطلال:الحمدلله عالسلامه.
طلال:الله يسلمك، سددنا ديون المرحوم كلها فيه اللي اخذها و فيه اللي سمح و عفا عنه.
الكل:كتب الله أجرك و أجرهم.
أبوطلال:الحمدلله، و البيت؟
طلال:البيت انباع و حولت فلوسه كله لحساب بشرى مابي شي يجلس برقبتي.
أبوطلال:الله يكتب أجرك حبيبي، تنهد:باقي الأمانه عندنا و الله يعجل بنصيبها عشان يرتاح حتى أهلها و احنا.
طلال:إن شاء الله، ناظر في سالم و فراس:كيف العرسان؟
سالم و فراس بابتسامه:بخير الحمدلله.
طلال وقف:فيه أحد غريب؟
أبوطلال:لا كلهم أهل.
طلال:استئذن شوي، و مشى للباب و دق الباب:يا أمي.
أم طلال:من ذا طلال؟
طلال:ايه.
أم طلال:فديت هالصوت تعال حبيبي.
طلال ابتسم و دخل و سلم عالكل و جلس يسولف و يضحك معهم.
نوف جالسه مع البنات في الحوش من غير نهى و ضحك و سوالف و بشرى جالسه معهم بس بخيال ثاني.
نوف:اسكتوا شوي.
البنات ساكتين يسمعون.
نوف وقفت:صوت طلال صح.
البنات يسمعون.
فدوى:ايوه طلال.
نوف:استئذن.
داليا:وين رايحه؟
نوف:لنبض قلبي.
سماهر:يووه توك كنتِ معه.
نوف:لا و الله كان مسافر.
نايا:على مهلك اوكيه.
نوف فتحت باب الحوش و شافته جالس مع الحريم الكبار و لابس ثوب أبيض و كاب أسود و يضحك، لفت تقفله بس كان ثقيل عيا ما ينسحب.
أم نوف شافتها:اتركيه يا بنتي ثقيل.
أم سعد لفت و شافت نوف و طلال ما لف فكر انها وحده من البنات.
أم طلال:قلت لك هالباب لا تجينه.
نوف كشرت:عاد وش فيه؟ ما فتحته كله، نادت:سماهر تعالي قفلي الباب، و تكلمها:طلال معطيك ظهره لا تخافين، تركته و مشت لطلال و مسكت يده و باستها و طلال باس جبينها و سحب لها خداديه و حطها ورا ظهرها و بهمس:كيفك؟
نوف بهمس:مشتاقه لك.
طلال ابتسم و شبك يدينه بيدينها و كمل سوالف.
أم نوف وقفت:أذن العشاء؟
نوف تناظر ساعتها:ايه من نص ساعه تقريبًا.
أم طلال و أم سعد وقفوا و مشوا معها.
طلال حضن نوف بسرعه و نوف ضحكت بخفه و بهمس:يا نبض نوف أنت.
طلال:مشتاق لك حيل.
نوف:و أنا بعد اشتقت لك.
طلال بعد عنها و باسها بخفه.
نوف:كيف سفرتك؟
طلال:تمام الحمدلله بس عيبها انك مو معاي.
نوف:قلت لك أسافر معك و رفضت.
طلال مسح على بطنها:تسافرين و أنتِ تعبانه يا دنية طلال.
نوف بابتسامه:ما فيني الا العافيه.
طلال:نزلتِ تشترين لهم ملابس؟
نوف:لا انتظرك ،مو وعدنا بعض ننزل سوا و نقضي لهم سوا؟
طلال بضحكه:منتظر جيتهم على نار الدببه الثلاثه، قرب راسه و باس بطنها و يهمس:بابا مشتاق لكم يلا تعالوا بسرعه.
نوف مسحت على كتفه:طلال دخلت السابع.
طلال تنهد و ناظر لها:حبيبي هالموضوع لا تفكرين فيه نهائياً ،قلت لك أو لا؟
نوف بحزن:ايه بس اخر مراجعه تأكد إن الولاده مبكره و يمكن هالشهر.
طلال:و احنا قلنا كل شي بيد رب العالمين.
نوف:و نعم بالله.
طلال:ولدتِ بكره او بعده أو بعد شهر ما يهم المهم تقومين بالسلامه.
نوف:إن شاء الله، و حطت راسها على كتفه و تمسح على بطنها.
طلال باس راسها و رفع يده يلعب بشعرها:الليله باخذك معي.
نوف ابتسمت:وين بنروح؟
طلال:نروح مكان ما فيه إلا أنا و أنتِ و بس.
نوف بعدت عن كتفه:بكره مو عندنا دوام.
طلال:نسحب عادي انتي المديره و أنا نائب المدير.
نوف ضحكت:كذا النظام يعني عندك، أنت لو تمسك اداره بتدلع موظفينك على طول.
طلال:يا سلام و أنتِ؟ موظفه كل أقارب زوجك في المركز عندك ذي مو اسمها واسطه.
نوف:أنا لو بيدي وظفتك عندي بالمركز منها كل خمس دقايق اخذ حضن و بوسه و منها اتطمن عليك.
طلال يناظر لها بسكوت.
نوف عارفه هالنظره اللي متعوده عليها:اي عارفه بهالنظرة تقول كذابه لان مستحيل أحد يطولك يالله متحمله المعجبات اللي بالسناب.
طلال حضنها بيد و باس رقبتها و همس بأذنها:أحبك و اللي خلقني أحبك ما أحد بيملا عيني و قلبي غيرك.
نوف:و أنا أموت فيك يا نبض قلبي.
"اعوذ بالله من قلة الادب"
بشرى اللي شافت كل شي و سمعت كل شي دخلت و عشان تلفت الانتباه تكلمت:استحوا على وجيهكم ترا البيت مليان.
نوف تبعد بس طلال حاضنها بقوه و يهمس:طنشيها و كأنها مو موجوده.
نوف همست:بس صدق البيت مليان و نسينا أنفسنا.
طلال مقفل عيونه:ما عليي من أحد ابيك بحضني على طول.
نوف ابتسمت:و أنا كلي لك.
بشرى بطنازه:صدق من قال:اللي اختشوا ماتوا.
طلال و نوف مطنشينها و هي احترقت مكانها من التطنيش.
__
{حوش الشاليه}
نايا:و ليه ما وافقتي عليه؟
سماهر بضيق:أنا مابيه ابداً بعد اللي عملوه خالاتي في أمي.
داليا:بندر ماله ذنب يا بنت الحلال.
سماهر:عارفه بس من خاف سلم.
داليا بتكشيره:المشكله كان يحبك و يبيك.
سماهر بنص عين:أنا و الا أنتِ؟
داليا هزت راسها بلا:أنا ما حبيت غير هاني.
فجر:اوكيه خلاص رفضته سوسو و الله يعوضه بوحده غيرها.
الكل:آمين.
نايا وقفت:نبي نصلي و طلال جالس بالصاله مع نوف.
فدوى وقفت:بأروح أسلم عليه و أخرب عليه شايفته من هنا ملزق فيها.
البنات:هههههههه.
فجر:و نهى قالت نصحيها بس تكفون اتركوها تنام ساعتين كمان او لوقت العشاء.
__
{الشاليه، آخر السهره}
نوف:يمه، أنا ماشيه مع طلال.
أم نوف:برسوم عشان اترك باب البيت مفتوح للفجر.
نوف ضحكت:لا مو جايه الا بكره.
أم نوف:ربي يحفظكم و ينور دربكم.
نوف ودعت الكل و طلعت و انتبهت لطلال واقف ينتظرها عند باب الراكب ساعدها بالطلوع و قفل الباب و ركب جنبها.
نوف:وين بنروح؟
طلال:قريب من هنا مو بعيد.
نوف:اوكيه، تذكرت:ما معي ملابس.
طلال ابتسم لها، رفع جواله يناظر الخرائط الين وصلوا للوحه مكتوب عليها"أملاك خاصه"
نوف بخوف:طلال وين احنا فيه؟
طلال وقف قدام حاجز:السلام عليكم.
العامل:وعليكم السلام، أنت الأخ طلال؟
طلال:ايوه جاي من طرف يونس.
العامل ناوله المفتاح:تفضل و أنا تحت أمرك بأي شي و اسمي أحمد.
طلال:تسلم يا أحمد، أخذ المفتاح و دخل بالسياره و وقف بها قدام كوخ صغير:يلا يا دنيتي ننزل.
نوف:اوكيه، فتحت الباب و سمت بالله و نزلت بمهل.
طلال:ما فيه أحد فسخي عباتك.
نوف تناظر:واو طلال يهبل المكان.
طلال ابتسم:في النهار أجمل و أحلى.
نوف تستنشق هواء البحر.
طلال نزل شنط صغيره من الشنطه الخلفيه و مشى لنوف:تعالي نبدل و نطلع عند الموج.
نوف:وش ذا؟
طلال:مريت بيت أهلك و طلبت من ميري تحط لنا ملابس ليومين و ما قصرت.
نوف تمشي بمهل:و كمان مخطط من وراي و تقول يوم بس.
طلال سمى بالله و دخل و شغل الانوار:أنا أحاول أغتنم الفرصه قبل ما تولدين لاني عارف ان حتى وقت لبعض ما راح يكون فيه و انحرم منه.
نوف ضحكت و ناظرت:ماشاء الله تبارك الله.
كان الكوخ مقسوم نصفين أول ما يدخلون صاله مفتوحه عالمطبخ و فيه درج صغير تصعدين و تكونين بغرفة النوم و السرير مطل عالبحر.
طلال رمى نفسه عالسرير بتعب:ميت نوم بس مابي اليوم كله يفوتنا.
نوف فتحت الشنطه:اطلع لك ملابس تبدل الثوب.
طلال يمسح راسه:أي و الله يا دنيتي.
نوف جلست جنبه و تفتش بالملابس:أنت و هي متفقين عليي.
طلال ابتسم و جلس جنبها:في أيش؟
نوف رفعت له الملابس:جايب بجايم ما تنفع لحجمي الحين.
طلال ضحك:و الله الغبيه ميري مو أنا.
نوف ناظرت له و ابتسمت:طلال قول وش في قلبك؟ لا تخبي عليي.
طلال:يعني مسوي هذا كله و مفكره اني مخبي شي عليك.
نوف كشرت:قلبي مو مرتاح بس أتمنى..........
طلال قاطعها لما حط يده يسكتها:ما فيه شي قلت لك ابي اشبع منك قبل ما يجون العيال و اللي خلقني ما فيه شي غيره، نزل يده.
نوف ابتسمت:اوكيه، ناولته البجامه:غير ملابسك.
طلال أخذها و حطها على جنب و قرب من نوف و مسك وجهها و بهمس:اشتهي أبوسك عشر مرات و أحضنك بالمئات و ابي اتغزل فيك باليوم اكثر من الف مره و أبقى معك طول العمر، حط انفه على أنفه:كل كلامي ذا باختصره لك و أقول لك أنا طامع بكل ما فيك و ماني بمكتفي منك.
نوف ناظرته بحب و بهمس:أحب اناظر فيك لاني اشوف ملامح وجهك اللي هي ملكي، مسكت وجهه:أنفك، و باسته ،جبينك و باسته، عيونك و باستها ثنتينها، خدودك و باستها، شفاتك و باستها بحب.
كملت:كلك على بعضك أحب أناظر فيك و لا أزهق ابداً.
طلال بهيام:أحـبـك لو أقولها من اليوم لبكره ما أتعب في قولها.
نوف ابتسمت بحب:الله يخليك لي يا نبض نوف.
طلال حضنها:و يخليك لي يا دنية طلال.
__
{شقة سعد}
فجر مشت له بهدوء و غمت عيونه اللي عاللاب توب و ابتسم:هلا حبيبي.
فجر بعدت يدينها:ما تبي تريح عيونك شوي.
سعد:يلا قربت أخلص و لو ما طلال حطه بظهري كان أنا نايم الحين.
فجر جلست جنبه:كمل شغلك حبيبي و اذا تبي أجيب لك شي قول لي.
سعد:لا و الله شبعان الحمدلله حتى مويه مو قادر أشرب.
فجر:بالعافيه.
سعد:الله يعافيك ، و يشتغل بسرعه.
فجر طلعت التحليل من جيبها و ناظرت فيه و إبتسمت و تمسح على بطنها و اختفت إبتسامتها لما تذكرت داليا
[ رن منبه جوال داليا و قفلته و طلعت حبوب و اخذتها قدام فجر.
فجر:وش ذا الحبوب؟
داليا ببرود:مانع حمل.
فجر:باقي تاخذينه الى الحين؟
داليا:ايوه و الين تخلص ديما ثلاث سنين.
فجر بخوف:داليا لا تأثر عليك بعدين.
داليا:توكلت على الله.
فجر:غريبه من هاني اللي يخاف حتى من البنادول مخليك تاخذينها عادي.
داليا بعدم اهتمام:ما يعرف بالموضوع و لا حتى اهلي فخلي هالشي بيننا.
فجر:براحتك داليا بس ما يجوز تسوين هالشي من ورا زوجك، عن اذنك، و طلعت].
"فـــــجـــــر"
فجر لفت بخوف:يا روح فجر.
سعد عاقد حواجبه:وش فيك ساهيه؟
فجر ابتسمت:و لا شي يا قلبي، ورفعت التحليل له:تفضل.
سعد أخذه و يناظر له:يعني أيـش؟
فجر سندت ذقنها على كتفه:يعني بتصير بابا.
سعد ابتسم و ناظر لها:صحيح.
فجر هزت راسها بايه:ان شاء الله.
سعد تنهد و لف لها بحماس و حضنها:مبروك يا عيوني مبروك.
فجر:الله يبارك فيك يا روحي.
سعد بعد عنها و وقف:قولي وش تبين أسوي و وش تبين أعدل؟ اي مكان تبين غرفة البيبي؟ و متى تنزل ناخذ أغراضه؟ طيب......
فجر تناديه و مطنشها:سعد سعد سعد، وقفت و مسكت وجهه:حبيبي سعد اهدا شوي.
سعد انتبه لنفسه و سكت.
فجر ضحكت بخفه:بكره نروح نتأكد و نتطمن و كل اللي ذكرته باقي عليه كثيير راح ناخذ كل مهمه بوقتها، اوكيه.
سعد هز راسه بايه و بسرعه شالها بين يدينه:ممنوع توقفين و ممنوع تشتغلين و ممنوع تلبسين كعب......
فجر قاطعته:يا ويلي منك يا سعد كل ذا عشان ولدك و الا بنتك هالكثر خايف عليهم.
سعد وقف:أنا ما شفتهم عشان أخاف عليهم كل ذا عشانك.
فجر ابتسمت و همست:الله يخليك لي.
سعد:وش كنت أقول؟ و كمل يمشي:ايه ممنوع الوجبات السريعه و الغازيه و كمان المنبهات.
فجر صرخت:بأموت من الجوع على كذا.
__
{الكوخ}
نوف صحت بخوف و ناظرت جنبها و لا كان طلال موجود و بعدت الغطا و نادت:طلال، مشت لباب دورة المياه(تكرمون) و دقت الباب:طلال، و فتحت الباب و كان فاضي.
فتحت الستاره كلها و ناظرت و شافت طلال جالس و يناظر البحر، ابتسمت بارتياح و مشت لدورة المياه.
طلال دخل بسرعه و يحاول ياخذ نفس و صرخ:نـــوف.
و جلس بتعب و هو يتنفس بقوه و يمسك ظهره من الالم.
نوف طلعت:نعم حبيبي ناديت.
طلال بلع ريقه:بسرعه جهزي أغراضك نمشي.
نوف:صدق، مو قلت بكره نمشي عشان نكمل خمسه أيام.
طلال من دون ما يناظر لها:طلع لي شغل بسرعه.
نوف:أبشر، مشت بمهل و حطت الملابس كلها بالشنطه و بمهل.
طلال يناظر لها بطفش:يووه كأنك سلحفاه، و بدون شعور صرخ:اخــلصــي.
نوف نطت من صرخته و تناظر فيه بصدمه:طيب طلال على مهلك ليه تصرخ؟ الدنيا مو طايره.
طلال تأفف و مسك راسه:باقي تزن على راسي.
نوف حطت الملابس أي كلام و قفلت الشنطه و لبست العبايه و بزعل:خلصت و روح السياره بأصلي و أجي.
طلال:أقول أمشي بس و الا تركتك، صلي في بيتكم.
نوف تخصرت و بزعل:وش ذا الاسلوب الجديد؟
طلال أخذ الشنطه:دقيقه وحده لو تأخرتي مشيت و تركتك هنا، و طلع.
نوف لبست عباتها و هي تبلع غصتها و بحزن:وش صاير له؟ وش سويت أنا؟ و نزلت دموعها و مسحتها بسرعه و تاكدت من كل شي و طلعت.
__
{بيت أم نوف}
نوف بتنزل:طلال ممكن تطمني عليك اذا وصلت.
طلال ما يناظر لها:انزلي الحين و فكيني تكفين.
نوف مسكت يد طلال سحبها بسرعه و صرخ:انقلعي.
نوف ناظرت له بهدوء و نزلت بسرعه و دخلت البيت و دموعها تنزل و شافت أمها و حضنتها و بكت.
أم نوف خافت:اسم الله عليك، وش فيك يا بنتي؟
نوف ببكا:طلال يمه صرخ عليي.
أم نوف سكت و بهدوء:يالله يا نوف عادي و أنا أمك تصير بين الازواج.
نوف بعدت عنها و تبكي بحرقه:لا يمه طلال لا ما يصرخ و لا يقول لي انقلعي يمه، و مشت و هي تبكي و بكاها القوي ترك ميري و اللي معها يطلعون مستغربين من البكا.
أم نوف باستغراب:معقوله طلال يطلع منه هالشي.
__
{مكتب أبو طلال}
أبوطلال يصرخ:وينه طلال الى الحين؟
فراس:يا يبه و الله العظيم ما ندري وينه؟
سعد:لنا أسبوعين ندق يا عمي على جواله مغلق على طول.
هاني:و دورنا عليه بكل مكان نعرفه و لا ندري وين راح؟
أبوطلال بغصه:وين راح؟ ولدي وين؟ وين عيني و فرحة قلبي؟
فراس بهدوء تقدم له و مسكه:يبه عشان خاطري اهدأ يا عيوني عشان صحتك و عشان نفكر بهدوء و رواق.
أبوطلال جلس و يمسح دموعه:دوروا عليه جيبوه لي من تحت الأرض.
سعد:أبشر يا عم ما يصير خاطرك الا طيب بس أرتاح.
هاني:أنا أقول نكلم الشرطه عشان تساعدنا في البحث.
أبوطلال باستسلام:ما بغيتهم يتدخلون لكن كلمهم.
__
{بيت باسم}
نهى ترضع ألين و تكلم أمها بالجوال:و الله يا يمه مو لايمتها لكن أسبوعين ما يدرون وينه و لا يعرفون هو بأي أرض؟
تنهدت:ايه ايه صادقه بس هي بعد تنتبه لنفسها و الدكتوره تقول لها راحه تامه و خصوصاً انهم قالوا لها ولاده مبكره.
انتبهت لآدم يجي لها بالآيباد:شكلي بأرسل لها آدم يغير عليها جو، يلا يا عيوني بأقفل و طمنيني على نوف، مع السلامه، وقفلت و نزلت الجوال.
ناظرت في آدم:دودو حبيبي تبي تروح لخاله نوف؟
آدم:ايه بس مع مين أروح؟
نهى:مع روهان و تولا.
آدم كشر:لا مابي أروح معاهم.
نهى:طيب وين لقيت الايباد؟ و احنا صار لنا فتره ندوره.
آدم:كان مع تولا.
نهى هزت راسها بايه و طنشت الموضوع.
باسم وصل لهم و ابتسم:سلام عليكم.
آدم ترك الايباد و راح لابوه اللي شاله و حضنه.
نهى:و عليكم السلام هلا حبيبي يعطيك العافيه.
باسم قرب منها و باس خدها:الله يعافيك، ناظر في الين:كيف الوني اليوم؟ و جلس و آدم بحضنه.
نهى:طيبه.
آدم:بابا تدري وش سوت ألين؟
باسم بضحكه:وش سوت؟
آدم:ماما لبستها لبس جديد و رجعت عليها و على ملابسها.
باسم كشر:الله يخس ابليسها، وع عليها آلوني.
آدم:راحت كل الشياكه يا بابا.
نهى تضحك بخفه.
باسم:أنت الشياكه كلها و أنت النظيف.
نهى غمزت له:آدم تروح لخاله نوف مع روهان و تولا.
آدم:لا ماما بأروح مع بابا يوديني.
باسم:و ليه ما تبي معهم؟
آدم:ما يحبون خاله نوف.
نهى:مين قال؟
آدم:هم و صديقتهم ما يحبونها يبونها تموت.
نهى ناظرت في باسم بصدمه.
باسم:آدم لا تكذب.
آدم:ما أكذب بابا تولا دايماً تكلم صديقتها بايبادي.
نهى التفتت عالايباد و أخذته بسرعه و فتحت التطبيقات.
باسم نزل آدم:روح قفل الباب بالمفتاح.
آدم:طيب، و مشى و قفل الباب بالمفتاح ثلاث قفلات.
نهى:انستغرام،متواصلين بانستغرام،و صارت تناظر في الرسايل و تطلع لفوق الين أول محادثه سمعوها بينهم
[ اول محادثه صوتيه]
بشرى:تولا أنتِ صرتِ عند بيت أهل نوف ابي نوف تركزين على نوف ابيها تموت.
تولا:ليه ماما نوف كثير طيب و اهل بيت كله.
بشرى تصرخ:مالك دخل تسوين اللي أقولك عليه، هي ما فيه موت بالرصاص ام سبع ارواح انا يبيك تخلين آدم يضرب طلال يعض طلال اهم شي طلال لا يقرب من نوف.
نهى ناظرت له:ذي السالفه و عارفتها لكن ما عرفت انها بشرى اللي وراها و تولا تبن معها.
باسم بفضول:كملي كملي.
[ثاني محادثه]
بشرى:ايه تولا قولي لروهان يلعب في فيش الكهرباء اللي في مكتب نوف لازم تموت نوف.
تولا:أنا يكلم روهان خلاص وهو يروح شاليه و يسوي كل حاجه.
بشرى:برافو تولا، فلوس حولت لك و لروهان تسمعون الكلام و تنجحون انا يرسل خمسه الاف على طول.
نهى بحقد:الحقيره، من دون ما اعرف المحادثات الباقيه فهي ورا كل شي لنوف.
باسم:حبيبي خلينا نكمل عشان نتاكد و ما نظلمهم في شي.
[ثالث محادثه]
بشرى:تولا ارسلي من ايباد آدم رساله أكتبها لك سوي ليها copy و بعدها paste و بايميل جديد، اوكيه.
تولا:اوكيه.
قرأوا الرساله....
باسم:اوففف.
نهى:ذي سببت خناقه بين طلال و نوف اقوى خناقه صارت بينهم.
باسم بحقد:حسبهم الله.
[رابع محادثه]
بشرى:تولا الفستان مابيه يوصل سليم قاعة الزفاف.
تولا:لا ماما حرام ماما نوف فرح.
بشرى بصراخ:و لا كلمه يا حيوانه أنا أمرك و تنفذين و الا و الله بتندمين طول عمرك.
نهى بحقد:ذي كشفتهم نايا فيها.
نوف:و عرفت نوف؟
نهى:لا طبعاً خليناه بيننا، مسكت راسها بتعب:حسبي الله و نعم الوكيل.
[خامس محادثه]
بشرى:تولا بكره عيد ميلاد نوف ابيك تروحين مع روهان لمحل و تاخذون كب كيك من عندهم باسم نوف سعود.
بشرى:لا تاكلين منه هذا فيه سم هذا سلميه للحارس ولا يشوف وجهك البسي اي شي و قولي لمدام نوف بس.
تولا:أنا بكره يروح مشوار مع آدم لبيت ماما كبير( أم باسم)
بشرى:يا ذكيه مري بطريقكم و انقلعي بعدين ولو تعطين آدم قطعه يكون أحسن و نرتاح منه ولد نوف.
نهى بحلقت عيونها بصدمه:الله لا يوفقها.
[سادس محادثه]
بشرى:الليله يا تولا بأروح أنا و روهان نحط بنزين بشقة طلال و نولع فيها.
تولا:الساعه كم؟
بشرى:هي تنام بدري فراح نسوي هالشي من ١٢ الليل و ورا.
تولا:ماما نوف فيه بيبي.
بشرى:الله يرحمها و يرحمه معها.
نهى رمت الايباد:خلاص خلاص، و غطت أذنها:بس يا باسم مو قادره أتحمل أكثر من كذا.
باسم أخذ الايباد و شغل الباقي.
[سابع محادثه]
بشرى:قولي لروهان زيت الفرامل مابي يبقى منه شي هي لازم تموت يعني تموت.
[آخر محادثه]
بشرى:تولا أنتِ تعرفين تسوين سحر؟
تولا:لا ماما أعوذ بالله.
بشرى:خساره بغيتك لاخر مهمه لي.
تولا:ليه يبي يسحر ماما نوف؟
بشرى:ماما نوف خلاص الحين بابا طلال عشان أنا وهو زواج، عالعموم باي تولا و شكراً على كل شي.
نهى بكت و ناظرت له:وش نسوي يا باسم؟
باسم وقف:بأنادي لك الحيوانه و بأطلع أكلم الشرطه يجون يشيلونهم.
نهى بحقد:بأذبحها لو شفتها.
باسم بعدم اهتمام:خذي راحتك.
__
{بيت أبوطلال}
أبوطلال دخل:ادخلوا يا شباب.
سعد و سالم و هاني و فراس دخلوا وهم شايلين طلال و حالته حاله.
أم طلال صرخت:ولدي حبيبي، طلال يمه وش فيك؟
أبوطلال مسكها:حطوه بالملحق اللي عند المسبح عالاقل نقدر نشوفه من ورا القزاز.
فجر و فدوى يبكون مع أمهم و بشرى جالسه معهم ببرود.
أم طلال:وش فيه يا مقبل وش فيه ولدي؟
أبوطلال:لا حول و لا قوة الا بالله حسبي الله على من كان السبب.
فجر:وش القصه يبه؟ وش فيه طلال؟
أبوطلال بحزن:أخوكم مسحور.
ام طلال و بناتها شهقوا بصدمه و خوف.
أبوطلال:لقيناه نايم بشقق على طريق المدينه المنوره مو واعي بنفسه و تهجم على فراس.
__
{بيت أم نوف}
نوف جالسه بالصاله و ماسكه أسفل بطنها بتعب:يمه تكفين كلمي خالتي.
أم نوف:يا بنتي الله يصلحك توني مقفله منها الحين و تقول ماله أثر و بعدين فكري في نفسك قبل ما تفكرين في غيرك.
نوف صرخت:ما يهمني نفسي ما يهمني ابي طلال أنا.
(رن جرس الباب)
ميري فتحت و دخلت نهى و بنتها و آدم و سلموا و جلسوا.
آدم حضن يد نوف:خاله نوف أنتِ تبكين؟
نوف مسحت على راسه:لا حبيبي بس تعبانه شوي.
أم نوف:وش جابك أنتِ؟
نهى تنهدت:جيت عشان نوف.
آدم:ماما لا تكذبين.
نوف عقدت حواجبها:وش السالفه؟ وجهك ما يبشر بخير.
نهى:الشرطه كانت عندنا و مسكت السواق و حاضنة آدم.
أم نوف:ليه وش صلحوا؟
نهى ساكته.
نوف كشرت:نهى تكلمي.
نهى بحزن:خايفه عليك و الله.
نوف:من وش هو؟ و بطفش:تكلمي عاد.
نهى:هم المنفذين لحالات القتل اللي تعرضتِ لها.
أم نوف ضربت صدرها:حسبي الله عليهم.
نوف ساكته.
نهى قصت لهم بكل اللي صار و خطط بشرى كلها الا سحر طلال.
نوف بلعت ريقها:و من الراس الكبيره؟
نهى أخذت نفس:بشرى.
نوف ابتسمت بسخريه:كنت شاكه و الله بس مو من وقتها لا من قريب، وقفت و مشت.
أم نوف:وين رايحه يا بنتي؟
نوف:بأطلع أرتاح، فتحت الاصنصير و دخلت.
نهى ناظرت لامها:نايا كلمتني و قالت لي لقوا طلال.
أم نوف بهمس:وين لقوه؟
نهى بحزن:في شقق على طريق المدينه و حالته حاله يمه، همست:طلع مسحور و السبب بشرى.
أم نوف شهقت بقوه.
نهى همست بخوف:يمه تكفين ترا حتى نايا ما قلت لها خلينا هنا حفرنا و هنا دفنا بيننا تكفين.
أم نوف بحقد:الله لا يسامحك يا بشرى و جعل كيدك في نحرك.
نهى تنهدت:الله يقوي قلبك يا نوف.
ثواني و انفتح الاصنصير و طلعت نوف تبكي معها عبايتها.
نهى وقفت:نوف وين رايحه؟
نوف ببكا:رايحه لطلال.
نهى صرخت:انهبلتِ أنتِ تراك تعبانه.
نوف صرخت ببكا:ما يهمني ما يهمني ابي طلال ليه ما أحد منكم يفهم ليييه؟
نهى بصراحه:طلال تعبان و ما يبي يشوف أحد.
نوف مسكت بطنها بألم و انحنت:لا.
نهى مسكت يدها و ظهرها:نوف.
نوف ناظرت لها:بذمتك اذا تحبين عيالك وديني لزوجي و أبو عيالي.
نهى تناظر لها ساكته.
نوف:حلفتك يا نهى.
نهى تنهدت باستسلام:حاضر.
__
{بيت أبو طلال}
أم طلال تبكي و تدعي لولدها و فجر مره تبكي و مره تسكت و فدوى و نايا الاقوياء بينهم و بشرى طنشتهم و طلعت لجناحها.
سعد قرب من فجر و همس:حبيبي بس دموع مو زين لك.
فجر بدموع:أخوي يا سعد أخوي ما أقدر و بعدين ما سمعت صراخه و ترجيه.
سعد:و أخوي أنا بعد و ايه سمعت صراخه اللي مقطع قلوبنا كلنا بس لازم نصبر عشان يتعالج.
(رن الجرس)
أبوطلال باستغراب:من بيجي الحين؟
روزي فتحت الباب و دخلت نوف و نهى وراها:السلام عليكم.
الكل:و عليكم السلام.
نوف تناظر اللي جالسين(أبو طلال و أم طلال و سعد و فجر و فدوى و سالم و فراس و نايا) و بهدوء:وين طلال؟
أبوطلال:نايم يا بنتي.
نوف:ويـن؟
الكل ساكت.
نوف بحده:أنا قلت وين؟
أبوطلال:يا بنتي وضعك ما يسمح تشوفينه.
نوف ببكا:و ليه؟ ليه كل واحد فيكم يقول وضعك و وضعك ليه ما أحد يفهم ان ما يهمني نفسي كثر ماهو يهمني.
مسكت يد أبوطلال و بترجي:يبه تكفى ابي أشوفه و أتطمن ابي بس اتطمن عليه و قلبي يرتاح تكفى يبه ترا و الله تعبت، و تبوس يده:لو صار لي شي عالاقل اروح و أنا متطمنه.
أبوطلال مسح على راسها:اسم الله عليك يا روحي لا تقولين كذا أنتِ غاليه علينا.
أم طلال:اسم الله عليك يا بنتي من كل شر.
نايا وقفت:بأروح معها يا عمي.
أبوطلال:شوفي احنا حاطينه بالملحق و مقفلين عليه تقدرين تشوفينه من القزاز بس ما راح افتح لك ابداً لانه مو بوعيه، أشر على فراس:شوفي وجه فراس انعدم من كثر ما خمشه باظافيره و لا ندري وش بيسوي فيك؟
نوف هزت راسها بايه.
أبوطلال:روحي معها يا نايا.
نايا مشت مع نوف اللي طلعت بسرعه و توقف من الالم و ناظرت في الملحق اللي قدام المسبح:من وين الباب؟
نايا:تشوفين النور؟
نوف هزت راسها بايه.
نايا:مكان ماهو سادح و نايم.
نوف مشت بهدوء و شافته من نور الابجوره و نايم و شكله مبهذل و مو محلق ذقنه و ضعفان، بكت من قلب و بكت و بكت و تذكرت كيف كان وضعهم قبل أسبوعين و انقلب الحال فجأه، عمره ما صرخ عليها الا وقت ما صار سوء الفهم بالشاليه و صرخ للمره الثانيه وقت ما هو مريض، تحبه تعشقه و لما تقول طلال غير فعلاً غير في حبه في اهتمامه في حنيته للكل في ابتسامته في هدوءه في عشقه في كل شي، بكت و بصوت يقطع القلب:ليه أتوجع كل ما أحبك؟ ليه أتحطم كل ما أحبك؟ ليه أفارقك كل ما أحبك؟ لــيــه يا طلال ليه؟ ليه كل ما أعشقك يصير فراق ليه؟
نايا من وراها ببكا:خلاص نوف.
نوف مسكت فمها بصدمه و ناظرت لها:نايا.
نايا:وش فيك؟
نوف ناظرت لاسفل:الدببه الثلاثه جايين.
نايا عقدت حواجبه:وش هو؟
نوف:لا مو وقتهم الحين.
نايا:نوف وش تبربرين؟
نوف:وقفت بهدوء و انحنت بألم:لازم نروح المستشفى بس مابي أحد يدري، و مشت بمهل و دخلت و شافت بشرى:عمي أنا بأسافر أغير جو.
أبوطلال:يا بنتي الوضع ما يسمح.
بشرى:اذا كان وضع طلال فمالي علاقه ابداً.
نوف تذكرت كل شي و بحقد:على وين؟
بشرى:مالك علاقه.
نوف قربت منها و صفقتها كف و الكل شهق.
نوف بحقد:خسيسه و لئيمه، تسوين فعلتك و تروحين.
بشرى تناظر لها ببرود.
نوف:حاولتي تقتليني و لا قدرتي و حولتي لطلال و ضريتيه بانك تسحريه.
الكل شهق.
بشرى:أنتِ وش تتكلمين عنه؟ عامله عملتك و جايه تردينها فيني.
نوف:أنا مو حقيره و نفس حقارتك يا بشرى قولي وش سبب ذا كله؟ فلوس او حب او انتقام أنا عمري ما أذيتك و لا أذكر اني أذيت منك شعره وحده.
بشرى بحقد:أنتِ أخذتِ طلال مني.
نوف قفلت عيونها بألم.
نايا همست:نوف يلا.
نوف رفعت يدها:لو جيتي لعندي و قلتِ إنك تحبيه صدقيني كنت استقبلك كضره بس ايه، همست:طلال ما يحب غيري يعني مالك مكان.
بشرى عضت على أسنانها بقهر.
نوف:صدقيني لو ضليتي تأذيني و تحاولين قتلي كان تنازلت عن كل شي بس ضريتِ الاهم بحياتي و حلفت ما أخليك و الشرطه جايه تشيلك.
بشرى صرخت:أنا ما سويت لك شي.
نهى:بطلي تكذبين يا بشرى، كل الادله عند الشرطه و تولا و روهان صاروا عندهم و اعترفوا بكل شي.
أم طلال:يعني أنتِ السبب في اللي بطلال.
بشرى تخصرت:ايه، عندك مانع يا عجوز الشر.
نوف صرخت:أمي ما تكلمينها بذا الطريقه.
بشرى بهبال:أنا حبيت طلال و أنتِ و الكل حرموني منه و قلت و الله تحلمين تطولينه و لاخذه منك غصب عليك حاولت اقتلك بكل مره تفلتين بكل مره و قلت انا يهمني الرجال وش عليي منك و سحرته عشان يكرهك و يكره أهله و ولدك اللي جاي بالطريق و يحبني أنا يحبني أنا و بس.
نوف:ما استفدتِ شي غير انك بتنامين بالسجن ورا الاقفاص، يا خسارة شبابك و يا غبائك يا بشرى.
بشرى:ما راح أنام في السجن ابداً، و راح اخليك تخسرين ولدك، و مشت لنوف اللي لفت عنها و دفتها و نوف صرخت و كانت بتطيح على بطنها لكن بسرعه لفت و طاحت على ظهرها و صرخت بألم.
__
{المستشفى}
نايا رايحه جايه و تدخل غرفة العمليات و الاهل ينتظرونها برا.
أبوطلال يرفع يده:يارب سلم بنتي و عافها يا رب.
فجر تبكي:يارب.
نهى:أمي حرقت جوالي.
فراس:و أمي بعد و فدوى.
نهى:إن شاء الله تطلع تطمنا نايا.
ما كملت نهى جملتها الا و طلعت نايا بملامح هاديه:أبشركم.
أبوطلال:ايه يابوي بشري.
نايا:عملوا العمليه لنوف و رزقهم ربي بولدين و بنت.
ناظروا فيها بصدمه.
نايا:و بالنسبه لنوف فالحمدلله هي بخير.
الكل:الحمدلله.
أبوطلال:يا بنتي أنتِ متأكده بإنهم ثلاثه ولدين و بنت.
نايا:اي يا عمي، مبروك.
فجر بفرح ممزوج ببكا:مبروك يبه مبروك لطلال.
وصاروا يباركون لبعض.
نايا:الاطفال (خُدج) و راح يضلون بالحضانه الين يكتملون لشهرهم التاسع.
سعد:يعني كم يجلسون تقريباً؟
نايا:شهرين و أسبوع.
نهى:متى يطلعونها التنويم؟
نايا:بعد شوي تطلع بجناح خاص، روحي أنتِ لبنتك و آدم و أنا بأجلس معها.
__
{بيت أبوطلال}
فدوى جالسه عند الملحق و تبكي:طلال قوم يا عيوني، اصحى أنت صار عندك عيال، و ابتسمت:ثلاثه ماشاء الله.
و رجعت تبكي:طلال اصحى راحت النبته الضاره ببيتنا.
سالم جلس جنبها:حبيبي.
فدوى:ابيه يصحى يا سالم ابي أبشره ان صار عنده ضنا.
سالم حضنها من الجنب:حتى لو صحى و شافنا ترا ما بيكون طلال الاول ما راح يرجع الا بعلاج القران بحول الله و وقتها راح نبشره إن شاء الله.
فدوى ناظرت له:كم بيجلس؟
سالم بحزن مخبا:ما راح يطول العلاج ان شاء الله.
فدوى:يارب.
__
{شقة هاني}
داليا قفلت باب غرفة ديما بعد ما تطمنت و مشت لغرفتها و دخلت جناحهم و قفلت الباب و تنهدت:اليوم مليان أكشن و مغامرات ما راح أنساها بحياتي.
هاني يناظر لها ساكت.
داليا جلست جنبه:نوف و طلال رزقهم ربي بتوائم ماشاء الله، و بحزن:و اللي كاسر خاطري ان طلال ما يقدر يشوفهم الا بعد ما يتشافا إن شاء الله.
هاني ببرود:عقبالنا، المفروض إنك حامل مثل فجر و قبلها بعد.
داليا أخذت كريم ترطب يدينها:ديما باقي صغيره يا هاني و على أيش الاستعجال؟
هاني:لاني أحب الأطفال.
داليا:و أنا بعد أحبهم بس مسؤوليتهم كبيره يعني افكر في نوف كيف بتدبر عمرها مع الثلاثه.
هاني:ما راح تشوفهم مسؤوليه كبيره أو تعب اذا كانت نتيجة الحمل هو الحب،
رمى لها الحبوب:ابغا تفسير لذا لو سمحتِ.
داليا مسكت الشريط و خافت جواها و ناظرت له ببرود:عادي كانت فيه أمور ملخبطه و أخذنا ذي عشان تنظمها.
هاني بحده:من دون ما أعرف و من دون ما ترجعين لي.
داليا:حبيبي كنت عارف انت هالشي و بعدين كنت مشغول و لا حبيت أزيد عليك بس.
هاني بزعل:مشغول هاه ذا عذرك يعني.
داليا ابتسمت:لاني أحبك ما أزعجتك بهالشي، قربت منه و باست خده و أخذت الشريط و رمته قدامه في سلة النفايات:هاه و رميناها، همست:قول لي كم تبغا أخ و أخت لديما؟
هاني ساكت.
داليا تمسح على خده:حبيبي.
هاني انحنى و أخذ الحبوب و أعطاها:ديما باقي صغيره و لا ابيك تتعبين مع الاثنين يلا نلاقي وقت مع ديما.
داليا قربت منه و حطت جبينها على جبينه:أحبك و الله و مسألة مابي عيال منك هذا مستحيل، أحبك أنت و عيالك.
هاني باس جبينها بحب و ابتسم لها برضا.
__
{ المستشفى.... الحضانه}
نايا واقفه عند قزاز الحضانه و تبكي و فراس معها و حاضنها من الجنب.
نايا بدموع:أمهم ما تبي تشوفهم من دون أبوهم و أبوهم مريض و لا يدري هو بأي أرض.
فراس:الله يكون بعونهم، صدقيني يا نايا خيره من الله انهم جو بهالشهر
__
{بيت سعد}
فجر تبكي بالصاله:فدوى تراك ذبحتيني ما صدقت أنسى.
فدوى ببكا:اقول لك اسمع صراخه و لما نام سالم كان معطيه منوم عشان لا يأذي نفسه بس صحى، صحى و يصرخ.
فجر:لا تفتحين له ابداً يا فدوى ابداً، و قفلت و رجعت تبكي:حسبي الله عليك يا بشرى.
__
{بيت أم نوف...جناح نوف}
نوف بتكشيره:يمه مابيه ابعديه عني.
أم نوف:رشفه وحده يا نوف.
أم طلال:يا بنتي لازم تشربين عشان عظامك يقوى.
نوف هزت راسها بلا:مو قادره يا خالتي.
أم نوف نزلت الكوب:قولي كيف بترضعين الصغار وهم طالبين منك حليب و اكلك و شربك بهالشكل.
نوف ساكته.
أم نوف باستسلام:الله يصلحك.
أم طلال:لو نجيبهم يا روحي بترضعينهم.
نوف بغصه:مابيهم مابي أشوفهم.
أم طلال:وش ذنبهم يا أمك عشان تقولين هالكلام، مثل ما تبين طلال هم يبونك و مالهم ذنب باللي صار كله.
نوف بكت:يمه ما أقدر أشوفهم و أبوهم مو معي ما أقدر و الله.
أم نوف حضنت بنتها:ظروفك غير عن ظروفه يا بنتي، حرام عليك يا نوف ذولا شلتيهم ببطنك و تمسكوا فيك لين جو عالدنيا الحين هم يبونك يمه لازم يسمعون صوتك و يحسون بانك حولهم.
نوف تبكيي.
__
{الملحق}
الشيخ:يعني بحول الله و قوته إنك تشافيت من السحر.
طلال:الحمدلله.
الشيخ:اهم شي تحافظ على اذكارك و على صلاتك يا طلال و استمر عالزيت و المويه و الرقيه الشرعيه.
طلال بابتسامه:إن شاء الله يا شيخ، الله يعطيك العافيه و يكتب أجرك.
الشيخ طلع و سلم على طلال و طلع و طلال ناظر في البيت برضا و دخل لاهله و شاف أمه و أخواته اللي يسولفون و فتح يدينه و صرخ:يمه.
ناظروا فيه بخوف.
طلال ابتسم:أنا رجعت الحمدلله.
أم طلال بغصه:الحمدلله الحمدلله، و وقفت و حضنته.
فجر وقفت بفرح و فدوى و مشوا له و حضنوه:الحمدلله يا رب.
فدوى ناظرت له:طيب قول تذكر وش صار؟
طلال:و لا أذكر و لا شي و الشيخ يقول شي طبيعي.
فدوى:وش آخر شي تذكره.
طلال يفكر و بمزح:يوم ولادتك و لا ادري كيف كبرتِ؟
فدوى بصدمه:يمه من جدك.
أم طلال و فجر:هههههههههه.
طلال ابتسم:أمزح معك، تنهد:اذكر اخر مره كنت مسوي مفاجأه لنوف و بعدها ما أعرف وش صار.
الكل ساكت.
طلال بحلق عيونه:اذيتها في شي ، و بضياع:ضربتها او وش سويت بالضبط؟
فجر:لا حبيبي لا اهدأ، بس صرخت عليه بوجهها و بس.
طلال مسك راسه:يا بعد عمري.
فدوى بابتسامه:طيب أنا بأقول لك شي و حلفت ماحد يخبرك غيري.
طلال:وش هو؟
فجر:الافضل نوف تقول له.
فدوى:لا أنا بذاك الليله من فرحي جالسه ابكي عنده و ابشره و حلفت ماحد يقول غيري.
أم طلال:صادقه فدوى.
طلال:طيب يا قمر وش تبين تقولين؟
فدوى تنهدت بابتسامه:صار عندك ٣ توائم.
طلال بفرح:وصلوا الدببه الثلاثه.
فدوى بصدمه:يعني كنت تعرف.
طلال هز راسه بايه و بابتسامه.
فجر ناظرت لها:قلت لك هو و نوف عارفين.
أم طلال:ربي يحفظهم لك حبيبي.
طلال بتخمين:شفتيهم يمه؟
أم طلال:لا يا عيوني.
فجر:ما أحد شافهم حتى أمهم.
طلال:ليه نوف ما شافتهم؟
فجر:لان يا روح أختك عيالك خدج و لازم لهم رعايه خاصه و حاطينهم بحضانه خاصه و نايا و فراس هم اللي شافوهم بس.
فدوى:حتى فراس و الله يقول ما يشوف منهم شي.
أم طلال:أمهم يا حبيبي كانت تعبانه بعد طيحتها و رفضت تشوفهم لانك مو معها.
طلال بحزن:يا بعد روحي، كان عندها إحساس انها بتولد في الشهر السابع و خوفوها حتى الدكاتره الله يسامحهم، عقد حواجبه:لحظه شوي تقولين نوف طاحت.
فدوى:كبيتي العشاء يمه.
طلال:ابيكم تقولون باللي صار كله.
__
{احد مراكز الشرطه}
جلس على مكتب الشرطي.
الشرطي:تفضل أخوي.
أخذ نفس:أنا طلال بن مقبل، قريب المريضه بشرى بن ناصر و جاي أتنازل عن الشكوى اللي رفعت في حقها و القضايا اللي ضدها.
الشرطي:بس السجينه حاليا في مستشفى الامراض النفسيه يا أستاذ طلال و ظروفها غير يعني على حسب حالتها فهي بتطول.
طلال بلع ريقه:هي الفرد الوحيد اللي بقى من عائلة أمي و مثل ما طلبت ابي كل التهم اللي ضدها تسقط عنها.
الشرطي يناظر:التهم اللي تقول عنها رافعه عن طريق زوجتك:نوف بنت سعود ال(....).
طلال:ايـه و على كامل مسؤوليتي.
__
{بيت أم نوف... جناح نوف}
نايا دخلت بإبتسامه و بيدها ورد:سلام يا أجمل أم بالدنيا، حطت الورد جنبها:ذي لك.
نوف بهمس:شكراً.
نايا:ما عندك فضول تفتحينها و تعرفين من مين؟
نوف بعدم إهتمام:بعدين.
نايا:اوكيه.
أم نوف وقفت:قومي يلا بدلي ملابسك فيه زوار جايين.
نوف بتكشيره:من باقي يجي يمه؟
أم نوف:اششش عمك مسوي عشاء بسلامتك.
نوف:طيب مو سوا يوم العقيقه و ست ذبايح الله يكرمه و يجعلها بميزان حسناته.
أم طلال:يقول نوف و عيالها غير.
أم نوف:و اليوم بالذات عشان عيالك طالعين للبيت، قومي على مهلك يا نوف و ساعديها يا نايا.
نايا:حاضر.
أم نوف و أم طلال طلعوا مع بعض.
نوف ناظرت نايا بحزن.
نايا ابتسمت لها:يلا.
نوف تأففت:خلصت شهرين من نفاسي و هم باقي يعزمون و يذبحون.
نايا تطلع لها لبس:اليوم غير.
نوف بنرفزه:كلها الايام مثل بعض.
نايا:ما تبين تروحين تاخذين عيالك؟
نوف بسرعه:لا
نايا ناظرت لها:ليه لا؟ من انولدوا و أنتِ رافضه تشوفينهم.
نوف:ما راح أشوفهم الا و أبوهم معاي.
نايا ابتسمت:وهو نفس الكلام.
نوف طنشت:اخترتي فستان و الا أروح انسدح ترا ظهري بعافيه.
نايا:هذا، و طلعته.
نوف:فاتح يا نايا.
نايا:طيب ذا، و طلعت فستان بسيط و عنابي.
نوف مسكته:يمكن مع شوز ابيض و اكسسوار ابيض.
نايا:البسيه و أنا جايتك فراس حرق جوالي، و طلعت.
نوف تنهدت و حطت الفستان على جنب، ناظرت في شعرها المبلول و في نفسها و بحزن:اشتقت لك يا طلال، ناظرت الكرت و كان من طلال و شهقت.
__
{بيت أبوطلال}
طلال يرفع شماغه لفوق و يناظر نفسه و تنهد:الحمدلله على كل حال.
اندق الباب و دخل فراس:جاهز يابو الوليد.
طلال ناظر له و إبتسم:جاهز إن شاء الله.
فراس صفر بفمه:واو يحليلك يا نوف.
طلال ضحك:اليوم طلوع الشيوخ و الاميره، و العزيمه لي و لامهم و لهم بعد فكيف ما أتذوق لهم.
فراس:يلا بس لا نتأخر، عيالك صاروا بالبيت هناك لا ينتظرون.
طلال بعجل:اي و الله يلا.
__
{بيت أم نوف}
فجر:يا بعد قلبي، و تأشر:ذا يشبه طلال.
فدوى:و ذا بعد.
سماهر:حتى البنت، همست:كيف طلعتوهم من المستشفى؟
فجر بهمس:واسطة نسيبنا.
فدوى تلف شعرها لورا:حبيبي اكيد.
سماهر ضربتها بخفه:أقول لا يكثر.
داليا تناظر:أحس كلهم شبه بعض و كلهم يشبهون لطلال.
أم طلال صرخت:ابعدوا عنهم ابعدوا باقي تراهم ضعيفين و لا يتحملون حرام عليكم.
طلال من عند الباب:إن شاء الله أمي ما تصرخ عليكم عشان عيالي.
فجر:لا ابداً.
طلال بمزح:ايه أشوا و الا كنت بــ....... سكت لما شافها تنزل الدرج بهدوء و التزم الصمت.
نوف شافته و ابتسمت بفرح ما كانت تعرف انه موجود الا لما سمعت صوته و مشت له و مسكوا يدين بعض و ناظروا في بعض.
طلال بهمس:اشتقت لك.
نوف بهمس:و أنا بعد اشتقت لك أكثر.
طلال باس جبينها و حضنها و يستنشقها كلها، بعدو عن بعض لما سمعوا صوت أبوطلال يذكر الله.
نوف:تجي نشوف المشاكسين؟
طلال هز راسه بايه.
نوف مشت:طلال بيدخل معي
أم نوف:تعالوا يمه البنات لابسين عباياتهم.
نوف و طلال دخلوا مع بعض و وقفوا عند سرير الاطفال و ناظروا في عيالهم و ابتسموا و نوف بسرعه بكت و حطت يدها على فمها.
طلال يناظرهم بهدوء:ربي يحفظكم يا روح و نظر بابا، ناظر وراه:فجر.
فجر وقفت بمهل:نعم يا روح فجر.
طلال:قالوا لك مين الكبير و مين الوسط و الصغير.
فجر:إيه، أشرت من اليسار لليمين:الكبير ، البنت الوسط ، الصغير.
نوف بابتسامة دموع:مثل ما تخيلتهم.
طلال أشر:الوليد الكبير، الوتين الوسط، الوسام الصغير.
نوف هزت راسها بايه:إن شاء الله.
أم طلال تمسح دموعها:أذن في أذانيهم حبيبي.
طلال:ايه، شال الوليد و سمى و بدأ يأذن في أذنه و نوف تمسح على راسه بمهل، رن جوالها و قفلته.
طلال نزله و أخذ وتين و بدأ يأذن في أذنها و يقيم في الثانيه.
فجر:شفت ذي اللي في يدك.
طلال خدرها:قصدك بنتي.
فجر:ايه، ذي بتجي تاخذ الدلع كله من أخوانها و قولوا فجر ما قالت.
سماهر:عادي أمها تجيب لها أخت ثانيه.
نوف ناظرت لها بصدمه:عمى في عين العدو خليني أنسى حملهم و ولادتهم أول ما مداني.
الكل:هههههههههههههه.
طلال نزل وتين و شال وسام و اذن في اذنه و اقام في الاذن الثانيه و نزله:الله يصلحكم و يجعلكم من البارين.
الكل:آمين.
طلال ناظر في نوف اللي تناظر له بصدمه:أنت وش سويت؟
طلال عقد حواجبه:وش السالفه؟
نوف:أنت تنازلت عن قضية بشرى؟
طلال ببرود:ايـه.
نوف:ليه؟
طلال:لانهم اكتشفوا انها مختله عقلياً و لا ينفع معها العلاج.
نوف بحده:و مين كذب عليك ذا الكذبه؟
فجر بصدمه:جد طلال تنازلت.
طلال ناظر لها:ايه.
نوف صرخت:و لـيـه؟ أنت ما تدري وش سوت فيني؟
طلال ببرود:عارف كل شي.
نوف:و عارف انها هي اللي ضرتك و ضرتني و كانت ناويه بعيالنا.
طلال هز راسه بايه:عارف كل شي يا نوف.
نوف وقفت بحده:و تنازلت بكل بساطه.
الكل يناظر لها بصمت.
داليا بسرعه:نوف اهدي أنتِ باقي مريضه.
طلال:قلت لك مختله عقلياً.
نوف:و مين كذب عليك و قال لك انها مجنونه ذي أعقل مني و منك و عقلها يوزن بلد.
مسكت راسها:لما كلمني الرقيب فكرته يكذب عليي و الا فراس مسوي مقلب معي لكن لا طلع صدق.
أم طلال:يا بنتي اهدي و خلينا نفهم منه.
نوف بحزن:وش بتفهمين يا خالتي السالفه واضحه، و يا ليتك متنازل عن القضايا اللي ضرتني أنا فيها و بس لا اللي ضرتك و كانت بتضر فيها عيالنا بعد.
و بغصه:الحين عرفت وش أنا بالنسبه لك؟
طلال:حبيبي لا تخلطين الامور.
نوف صرخت:اي أمور، قدام أهلك كلهم حضروا كل شي كانت تبي تقتل عيالك و جت فيني أنا و أنا ما يهمني نفسي كثر ما تهمني أنت و عيالك.
نزلت دموعها:شكراً لاني عرفت وش أنا بالنسبه لك، قدام أهلك كلهم، و بقهر:و أقولها بعد أحلم اني أكون على ذمتك من بعد اللي سويته اليوم.
الكل شهق بصدمه.
أم نوف صرخت:يا نوف تعوذي من ابليس.
نوف:ابليس بكبره بيتوسطنا الايام الجايه، و مشت و هي تبكي بصمت.
طلال تنهد و وقف و مشى وراها.
العيال صاروا يبكون.
فدوى بهمس:يمه كأنهم حسوا.
أم طلال بحزن:الله يهديك يا طلال على هالسواة.
__
{جناح نوف}
نوف دخلت و قفلت الباب و تبكي.
طلال يحاول يفتح الباب:نوف افتحي.
نوف ببكا:روح طلال.
طلال:يا دنيتي افتحي الباب عشان خاطري.
نوف صرخت:قلت لك روح ابعد عني ابعد.
طلال تنهد:ترا بأكسر الباب.
نوف:ما فيه شي بيتغير يا طلال ما فيه شي، أنا عرفت وش أنا بالنسبه لك.
طلال:أنتِ كل دنيتي.
نوف ضربت الباب بقوه و صرخت:كذاب كذاب لا تقول كذا، أنا مابيك مابيك روح عني روووح.
طلال:نوف.
نوف تبكي.
طلال:حبيبي افتحي الباب.
نوف:حتى كلامك في الكرت كذب، تفاجئني بحضنك و فاجئتني بغدرك روح و لا عاد أشوفك و ورقة طلاقي توصلني.
__
يـــتـــبـــع————->