عشقتك و كان قدري فراقك

الجزء الثاني

الفصل الثاني
__
{المستشفى}
طلال دخل بسرعه و راح للاستقبال و وصف حالة أخته و خبروه فيه مريضه توها دخلت للطوارئ، مشى بسرعه و دخل و صرخ:فدوى.
فدوى بتعب:طلال أنا هنا.
صديقتها فتحت الستاره:موجوده هنا.
طلال شاف شكلها منسدح و تعبانه و مشى لها و ضمها:قلبي أنتِ وش جاك؟
فدوى بعدت عنه و دموعها تنزل:طحت و أخاف يكون كسر مابي كسر.
طلال:تحسين بدوخه أو تبين تستفرغين.
فدوى هزت راسها بلا:لا.
طلال:اذا الحمدلله ما فيه كسر يمكن غض أو التواء.
فدوى ببكا:إن شاء الله.
طلال:اششش نــوف كل شي و لا دموعك تنزل.
فدوى ابتسمت غصب:حتى و أنا بذا الحال تناديني بإسمها.
طلال عقد حواجبه:ليه وش قلت؟
فدوى بضحكه:نـ نـوف.
طلال ابتسم:آسـف، بأروح أشوف للدكتور سالم ابيه هو اللي يمسك حالتك، و طلع.
صديقتها قربت منها بهمس:مين نـوف؟
فدوى بإبتسامه:قـصـه طووويله.
بذا اللحظه...
دخلت نوف من البوابه و مشت للاستقبال:عفواً بس ابيي مكتب الدكتوره نايا.
الموظف وهو يناظر فيها بصدمه من جمالها:الدكتوره نايا سعود قصدك.
نوف هزت راسها بايه.
الموظف:أبشري من عيوني أوديك للمكتب، ناظر للي جنبه:عبداللطيف رايح شوي و جاي، و مشى معها:تفضلي يا آنسه.
نوف ما اهتمت له:ابيي بس نايا ، و مشت معه بهدوء.
عبداللطيف بابتسامه:مجنون يا منذر بتودي نفسك بداهيه.
منذر يمشي و يسولف معها و يخبرها عن أخلاق نايا و يمدح فيها:هذا المكتب.
نوف:شكراً، دقت الباب و دخلت و شافت نايا مع هلا.
نايا من شافتها وقفت بسرعه و حضنتها و بكت.
نوف بهدوء:بس نايا بس أنتِ قويه.
منذر:حابه اطلب لكم شي يا دكتوره نايا أنتِ و الانسه.
نايا بعدت عن نوف و نوف التفتت له:مابي شي شكراً و بعدين أنا مدام و اقفل الباب وراك.
منذر انصدم و طلع و قفل الباب.
نوف سلمت على هلا و جلسوا على مكتب نايا:قولي وش اللي صار؟
هلا:أنا اللي بأقولك.
__
{مكتب سالم}
طلال دخل لعنده و خبره بحالة فدوى و طلعوا مع بعض للطوارئ و فتح الستاره:الدكتور سالم جاء معي حطي طرحتك.
فدوى حطتها بإهمال من الالم و صديقتها تضبطها شوي.
طلال:ادخل يادكتور.
سالم دخل بابتسامه:سلامات يا أخت الغالي.
فدوى بتعب:الله يسلمك.
سالم:أي قدم اللي طحتِ عليها؟
فدوى تأشر اليمين.
سالم مسك رجلها و لفها بهدوء و صرخت فدوى:اااي.
طلال بحزن:ما عليش يا قلبي تحملي.
سالم:ذا المكان اللي يوجعك؟
فدوى هزت راسها بايه.
سالم:هذا التواء لازم ارجعها لمكانها الطبيعي لازم تتحملين.
فدوى:لا أخاف يكون كسر.
سالم:لا مو كسر، لو كسر كان صوتك بالمستشفى كله.
فدوى ابتسمت بخجل و ضحكوا عليها.
سالم بإبتسامه:مستعده؟
فدوى رفعت أصبعها:اوكيه بس ما توجعني.
سالم:وقت ما تكونين مستعده قولي لي أنا واقف هنا.
فدوى تاخذ نفس و تناظر فيه و رجعت ناظرت في طلال:اوكيه مستعده.
طلال قرب لها:امسكي بكتفي لو حسيتِ بألم و عضيه.
فدوى باستغراب:وش ذا الطلب الغريب؟
طلال تذكر و ابتسم.
سالم:يلا ١،٢،٣، و بسرعه عمل الحركه و طقت رجل فدوى و صرخت بألم و كتمت صرختها في كتف طلال.
سالم:كذا بتكون تمام ان شاء الله.
طلال تذكر:فدوى كم طحتِ على ذا الرجل؟
فدوى بعدت عن كتف طلال و دموعها تنزل:خمس مرات في ثلاثه شهور.
سالم عقد حواجبه:هي توجعك الحين؟
فدوى حركتها و صرخت بألم.
سالم مسح على جبينه:توقعت.
طلال:وش السالفه؟
سالم:فدوى لازم تنسين النادي نهائي و ترتاحين حول الثلاث شهور من دون جهد او تعب.
طلال:سالم وش فيه تراك خوفتني.
سالم:لا تخاف ما فيه الا كل خير بس دام طحتِ عليها أكثر من مره و بهالمده الكاحل الملتوي يسبب بخلخلة مفاصل القدم عشان كذا احنا لازم نرتاح يا فدوى.
فدوى ببكا:بس أنا عشقي النادي.
سالم:النادي و الا صحتك؟
فدوى بكت على كتف طلال.
سالم:لازم تعرفين كمان انك اذا أهملتِ راح يسبب لك التهاب او ارتخاء او تمزق في الاوتار، و هذا الشي ما ابيه لان نتيجته عمليه و تجلسين فتره أطول في البيت، المهم أنا راح أجيب ضماده و الفها على كاحلها و راح تمشي بعصا وقت الضروره و الافضل تكون جالسه على طول، ناظر في فدوى:ماشي يا فدوى.
فدوى ناظرت له بدموعها.
سالم بابتسامه:اوكيه.
فدوى هزت راسها بايه.
سالم:شوي و جاي.
طلال:تمام.
صديقتها:دام تطمنت عليك فأنا راح أمشي.
فدوى:شكراً عُلا تعبتك معي.
عُلا:أفا عليك بس، عن اذنكم.
طلال:شكراً لك.
عُلا:العفو، و طلعت من عندهم.
فدوى ناظرت له و انتبهت انه يناظر السرير اللي جنبها و مبتسم، استغربت:وش سارح فيه؟
طلال ناظر لها:تذكرين لما طاحت نوف و جبناها لهنا.
فدوى:لا ما اذكر.
طلال:اهلي و اهلها حضروا زواج في الطائف و طلعنا نلعب فوق و تعثرت في حبل و طاحت و التوا كاحلها.
فدوى:ايه لما مسكتنا و اتفقنا تكون كلمتنا وحده.
طلال:بالضبط، ضحك:جبتها أنا و نهى و فجر هنا و بنفس الغرفه بس سريرها كان اللي وراك.
فدوى ناظرت للسرير و ابتسمت.
طلال يتذكر[جاء الدكتور و شافه التواء و قال بيرجعها:مستعده.
طلال بخوف:لحظه بس، ناظر لها:أمسكي بذراعي و اذا بتصرخين اكتميها بكتفي.
نوف هزت راسها بطيب و حضنت ذراعه.
الدكتور رجعها بسرعه و نوف شدت بقوه على ذراع طلال و صرخت بكتفه و من الالم عضت طلال.
طلال مسكر عيونه من صراخها اللي قطع قلبه قبل ما يفقع أذنه و فتح عين واحده لما عضته.
الدكتور:الحمدلله عالسلامه، ما تمشيش عليها كتير و حنادي الممرضه تلف على رجلك و أعطيك شوية أدويه ناخذها عند اللزوم و الف الحمدلله عالسلامه.
طلال بابتسامه:الله يسلمك دكتور، التفت وشافها مسنده راسها على كتفه و همس:نوف فيه شي يوجعك غير؟
نوف هزت راسها بلا بخفيف.
الممرضه جت لهم و ربطت رجل نوف و اعطتهم الوصفه.
نهى كشرت:الحين أمي بتزعل و تسوي سالفه عشان غيابك و أنتِ أخر سنه و درجات مواظبه و سلوك.
فجر:لا نوف لا تهتمين تعرفين مدرستنا مدرسه فاشله ما يهتمون لهالأمور.
طلال بهدوء:بلا كثرة حكي و روحوا جيبوا الوصفه و جيبوا كرسي متحرك معكم.
نهى:طيب، و طلعوا ثنتينهم.
طلال بعدها عن كتفه و سندها عالسرير و جلس قدامها:جعلها فيني و لا فيك.
نوف بتعب:بسم الله عليك.
طلال:طيحتِ قلبي معك.
نوف ابتسمت:خوفتك، شهقت و ناظرت في يده:أنا عضيتك.
طلال بضحكه:ايـه.
نوف نزلت دموعها:جعلها فيني، مسحت عليها:عورتك؟
طلال قرب منها و باس دموعها:ما فيه شي يوجعني الا فراقك.
نوف قربت منه و باست مكان العضه.
طلال ابتسم و قرب منها و باس جبينها و همس:أحبك يا عذابي].
"نووووووف"
نوف صحت من ذكراها:وش صاير؟
نايا:وقت تروحين عند ذا المليح.
هلا:قلت لك ما أرسل لي الشخص بانه رجع، عنده بيشن(مريض).
نوف:و بعدين أنتِ مستعجله على أيش؟
نايا:ابي عصبيتك تطلع عليه مو أنا بس.
نوف:أجل سامعه نفسك وش كنتِ تقولين؟
نايا سكتت بقهر.
نوف تنهدت و طلعت جوالها تشغل نفسها.
__
{بيت أبو طلال}
فجر عالجوال و مصدومه:نهى أنتِ متأكده إنها موافقه.
نهى:ايه متأكده بس أنتوا أعملوا السيفيهات و ضبطوا كل شي راح أرسله لكم عالواتساب.
داليا:و متى بنجي؟
نهى:الود ودي بكره بس نوف مسافره الليله و لا أدري متى بترجع.
سماهر:فين مسافره؟ لندن و لا إيطاليا.
نهى ضحكت:وش معنى هالبلدين.
سماهر:ماشاء الله اول شي ما تنتظر رجال، ثاني شي يمكن رايحه لاجتماع أو مؤتمر.
نهى ضحكت من قلبها.
البنات ابتسموا لسماهر.
نهى:لا و لا شي من اللي قلتيه نوف بس محتاجه تريح قلبها و بعدين مسافره بالسعوديه بس ما أدري وين قالت، يلا بنات عندي شغل و طمنوني على فدوى.
فجر:اوكيه ، باي حياتي، و قفلت و ناظرت داليا:كلمي سعد عشان نطلع العصر و نخلص أوراقنا.
داليا كشرت:لازم أكلمه وجهً لوجه ما أعرف أكلمه بالجوال.
فجر بسرعه:كلميه يتغدا عندنا.
داليا:ما أعتقد بيوافق.
فجر:بأكلم أبوي حتى طلال غصب عنه يجي يتغدا معنا قبل ما يسافر.
انفتح الباب و دخل طلال بابتسامه:السلام عليكم.
البنات وقفوا:و عليكم السلام، وين فدوى؟
طلال بابتسامه:الكوتش فدوى هنا بس انتظر توصل.
فدوى دخلت بعكازتين و شهقوا البنات:وش صاير؟
طلال:كــل خير.
أم طلال طلعت من المطبخ و انهبلت:بنتي اسم الله عليك.
طلال:يالغاليه ما فيها إلا كل خير بس ابعدوا شوي عشان تجلس و أقول لكم بكل شي.
__
{المستشفى}
نوف توجهت لمكتب سالم و دقت الباب و سمح بالدخول و دخلت بهدوء و شافته لابس نظاره و ملتهي بأوراق، توجهت له بثقه:السلام عليكم.
سالم ناظر و وقف اللي بيده:و عليكم السلام.
نوف:وش لونك دكتور سالم؟
سالم:اهلين بخير، تفضلي.
نوف جلست:أول مره نتقابل.
سالم يناظر فيها و في عبايتها و شكلها:و الله ما أدري كثير نساء يدخلون للمكتب عشان عائلتهم المقيمين هنا كمرضى.
نوف:لا أنا اول مره أدخل مكتبك و أول مره أشوفك لانك كنت تدرس الطب بامريكا.
سالم عقد حواجبه:مضبوط، كيف عرفتِ؟
نوف بابتسامه:أنا نوف أرملة خالك سند.
سالم رفع حاجب واحد:أنتِ هي نوف؟
نوف:بشحمها و لحمها.
سالم ترك اللي بيده و قرب للمكتب و بسخريه:سيدة الأعمال الأولى نوف بنت سند.
نوف حست بنبرة السخريه:اللي هو.
سالم:مبسوط إني شفتك من كثر ما أمي تتكلم فيك و عن جمالك و هدوءك و أخلاقك كمان.
نوف بضحكه:شكراً هذا من ذوقك، بس لا يكون أنت مع خوالك الباقين و ضايفني باللسته السوداء.
سالم:لا أنا ما أعرفك عشان أحبك أو أحقد عليك كل اللي اسمعه من أمي عنك كلام زين و أنا مالي خص بخوالي.
نوف إبتسمت:قلبي هي، أخذت نفس:و أتمنى نايا تكون خارج هالحرب اذا كلامك صدق.
سالم عرف موضوعها و بهدوء:نايا غلطت و لازم تتحاسب و أنا من النوع اللي ما يحب يدخل المشاكل العائليه في الشغل.
نوف جلست باهتمام:شوف يا دكتور جيتي مو لك... و لا عشان أهددك أو أدافع عنها او اي خرابيط ثانيه، جيتي لهنا عشان أمنع قرارها المتسرع لانها تبي تستقيل و أنا مستحيل أشوف تعب أختي كل هالسنين يروح بلحظة ضعف منها، نايا تموت في الطب من قبل لا تمسك أنت إدارة المستشفى و لما صار الدكتور سالم بن حمد مدير لها أختي كرهت الدوام براسه و تبي تستقيل.
سالم ساكت.
نوف باهتمام:الدكتور حسان نقل لك خبر إن نايا تشتغل قارئة كف و نايا ما تعرف في ذا الامور بس السالفه إنه مر من جنبهم و هي تقرا الابراج لهلا صديقتها بس قرر ينتقم لنفسه عشان نايا مطنشته و لا تعطيه وجه و يبي تتغزل فيه، و بهدوء:نايا دلوعه صح و تشوفها تضحك بس لما تكون المسأله شغلها هنا تقلب نايا ثانيه لدرجه يمكن تحرق لك المستشفى و اللي فيه فاتق شر الحليم إذا غضب، رفعت اصبعها:لا تفكر ان ذا تهديد بس يا ليت تركز على موظفينك صح و تشوف من اللي يحب شغله و مين اللي ما يحبه.
ابتسمت و وقفت:عن إذنك و مبسوطه تعرفت عليك، و مشت للباب و وقفت:نسيت أقول لك البقى براسك.
سالم نزل راسه بحزن.
نوف:كلنا بهالطريق يا دكتور بس عيش حياتك، باي، و طلعت و قفلت الباب.
سالم سند راسه عالكرسي و تنهد بتعب.
__
{بيت أبو طلال}
داليا قفلت الجوال:سعد رفض يجي يتغدا يا خالتي.
أم طلال:و ليه؟
فجر:يمكن طلع لهم شغل.
داليا:لا مو كذا، أخذت نفس:يقول صعب أروح من دون عزيمة أهل البيت.
أم طلال:يوووه و هذا مو بيته يعني، وقفت:كلميه يا فجر و قولي له أمي ملزمه تجي تتغدا معنا، يا ذا الشباب اللي بيطقون لي الكبد قلت البلا في طلال الا و طلع البلا في سعد كمان.
فجر كشرت:يمه كلميه أنتِ أو فدوى.
أم طلال مشت:أنا رايحه أشوف الغدا.
فدوى ببحه:و أنا أتفرج عالمسلسل و مالي خلق أكلم أحد و صوتي مبحوح من بعد البكي.
سماهر:خلاص انطمي نسمع.
داليا باستسلام:الموضوع بيدك.
فجر بحزن:داليا أنا استحي أكلمه.
داليا بهمس:اكسري هالقاعده بليز، لازم تتجرأين و تكلمينه و بعدين ما يعض.
فجر بحزن:ما قلت ذا الشي بس استحي.
داليا تأشر عالجوال:كلميه بسرعه.
فجر رفعت جوالها و بعدت عنهم و هي تحاول تمسك نفسها، أخذت نفس و دقت على رقمه و جا لها صوته اللي تعشقه:هـلا.
فجر بخوف و رجفه:السـ السلام عليكم.
سعد عقد حواجبه:و عليكم السلام، من معي؟
فجر انصدمت لما ما عرفها:رقمي مو عندك؟ أنـا فـجـر.
سعد بهدوء:حيا الله هالصوت يا بنت العم، لا و الله مو عندي رقمك.
فجر ابتسمت من نبرته الهادئه و كأنها غفرت له:دامك عرفتني فسيفه (احفظه)عندك.
سعد بابتسامه:تبشرين، كيفك كيف الاهل؟
فجر:طيبين نسأل عنك.
سعد:تسأل عنكم العافيه.
فجر بنبره حلوه:سـعـد.
سعد:سمي.
فجر:سم الله عدوك، أمـي تقول لا تتغدا الا عندنا.
سعد:دام خالتي اللي عازمتني ليه تكلميني أنتِ؟
فجر بنبرة حزن:مو قد المقام يعني.
سعد:لا مو قصدي و الله بس داليا كلمتني و بلغتني و قلت لها ما يصير و الحين أنتِ تكلميني و.......
فجر قاطعته:لا تكمل أنا اللي قلت لأمي اعزمي سعد عالغدا لاني لاني، سكتت مو قادره تطلع الكلمه.
سعد بابتسامه:لانك وش هو؟
فجر بتصريفه:لاني ما أرضى تتغدا برا أو تطلب غدا من برا و تاكل لحالك و أحنا هنا مجموعين و نتغدا سوا.
سعد:طيب.
فجر وصلت معها:وش طيب؟ سعد!
سعد:لبيه.
فجر بدلع:ممكن تقبل عزيمتي و تجي تتغدا معنا.
سعد ابتسم:اوكيه دام أنتِ اللي عزمتيني فأنا ما راح أردك ابداً.
فجر اتسعت إبتسامتها:شكراً سعد.
سعد ابتسم:العفو، تبين أجيب شي معي؟
فجر بهمس يسمعه:ابي سلامتك و بس.
سعد:الله يسلمك.
فجر:وسيف رقمي لا تنسى.
سعد:وش تبين اسميك؟
فجر بدون قصد:اللي بقلبك، باي.
سعد عقد حواجبه:باي، و قفل:اللي بقلبي، تنهد بقوه:و الله ما أدري يا بنت العم بس إني أشوفك مثل أخواتي و لكن حكم عليي الغالي طول حياتي و كسر ظهري.
__
{مكتب نوف}
نهى دخلت على أختها و شافت غطستها بين الأوراق و بترجي:ممكن تتركين كل شي و تمشين معي الله يعافيك.
نوف ناظرت لها:لوين؟
نهى:بنروح نتغدا و نرجع.
نوف بتعب:ما أقدر لازم أخلص هالأوراق لان ما عاد عندي وقت.
نهى بعصبيه:يا شيخه ريحي لك شوي.
نوف نزلت القلم:كل ذي الاوراق لازم لها توقيعي.
نهى:طيب قلت لك نروح نتغدا مع أمي قبل ما تسافرين و نرجع على خير.
نوف باستسلام:تبشرين، وقفت و لبست عبايتها و حجابها و سحبت شنطتها و طلعت مع نهى.
__
{المستشفى}
سالم طلع من مكتبه و توجه للأقسام و يشوف المرضى، وقف عند مكتب نايا و طل براسه و شافها تعاين مريضه و كبيره في السن:خالتي ضغطك مرتفع، وش أكلتِ عشان يرتفع؟
المريضه:و الله يا بنتي ما يرتفع الا من ذاك الشايب اللي ناشب لي بكل شي.
نايا ابتسمت:الله يخليكم لبعض، ريحي نفسك خاله و لا عاد تعصبين عشان صحتك و ما فيه أهم من صحة الأنسان.
المريضه:و الله صحتي بتصير كويسه اذا مات الشايب.
سالم ضحك بخفه على كلامها.
نايا بضحكه:بعد عمر طويل يا خاله، كتبت لها علاجات:تفضلي ذي الادويه و خذيها في الوقت المحدد و ابعدي عن العصبية.
المريضه:إن شاء الله، أقول يا بنتي متزوجه؟
نايا:لا خالتي.
المريضة:الله يكتب لك اللي يحبك و يشيلك من تحت الأرض شيل.
نايا:آمين.
المريضه وقفت على عصاتها:في أمان الله.
نايا وقفت:الله معك يا خاله، و ناظرت لين طلعت من الباب و صار وجهها بوجه سالم، صدت بسرعه و جلست مكانها بزعل.
سالم يناظر لها بابتسامه و جاء له الدكتور حسان:مساء الخير دكتور، و بيده قهوه.
سالم ناظر له:مساء النور، حلو شفتك تعال معي، و دق باب نايا:ممكن ندخل؟
نايا وقفت و بهمس:تفضل دكتور.
سالم:اجلسي دكتوره نايا، ناظر في حسان:الدكتوره نايا تخلص مناوبتها بعد ساعتين.
نايا بحلقت عيونها بصدمه.
سالم يكمل:و أنت بتمسك المناوبة عنها لبعد بكره.
حسان انصدم:ليه دكتور؟
سالم بكذب:أنا عملت لفه عالمستشفى و شفت اللي محترم شغله و اللي مو محترمه و جاي لي بيدك قهوه و مبتسم و تارك مرضاك عكس الدكتوره نايا اللي ملازمه مرضاها و بكل جد، ناظر لها:دكتوره نايا اسمك نزل عن لائحة المناوبه و تقدرين تسلمين المناوبه بعد ساعتين، عن اذنكم، و طلع تارك نايا و حسان بدوامة صدمه.
__
{بيت أبو طلال}
عالغدا جالسين كلهم و يتبادلون أطراف الكلام و المواضيع المهمه.
سعد:الله يكرمكم و تسلم يدينك يا خاله.
أم طلال و هي تاكل:ما أكلت يا ولدي.
سعد:غارف لي مرتين و تقولين ما أكلت الا الحمدلله شبعت.
أم طلال:هني و عافيه.
سعد:الله يعافيك.
فجر نزلت الملعقه:الحمدلله.
فراس:و أنتِ كمان يا الموظفه.
فجر بضحكه:ما قدمت أوراقي و لا انقبلت عشان تقول عني موظفه.
طلال:و هم يقدرون يقولون لك لا.
فجر:كل شي جايز، و ضحكت بخفه.
طلال كشر:هم الخسرانين ما يوظفون بنت أبوطلال.
سماهر من قلب:بلاك ما تدري احنا بنتوظف عند مين؟
البنات ناظروا لها كلهم بسرعه.
سماهر بهمس:آسفه.
طلال:و خير يا طير لا يكون عند الملكه اليزابيث.
سماهر بترقع:لا لا بس المديره يقولون شديده شوي و تحب الشغل الصح.
سعد عقد حواجبه:و ليه تتكلمون بصفة الجمع كأن كلكم مقدمين على هالشغل.
داليا:سعد كنت بأكلمك بخصوص هالموضوع بعد الغدا بس سماهر ما شاء الله ما تقدر تبلع الحكي.
سعد بهدوء:اللي هو.
داليا:المركز اثنين في واحد مجله و تصميم اعلانات لسيدة أعمال سعوديه و طالبين موظفات من بينهم مصورات و سكرتيرات و محاسبات و اللي عرفته كل اللي بالمركز نساء ما فيه رجال الا الحارس اللي عند البوابه و قلت بعد ما ناخذ موافقتك نرسل لهم بياناتنا مع فجر ،اذا اشتغلنا فيها الحمدلله و اذا لا فالرزق عند الله.
سعد:ما عندي مشكله دام تبون هالشي بس كمان أمي لازم تعرف بالموضوع.
داليا:أكيد و أنا أختك.
سعد وقف:عفواً وين المغاسل؟
أم نوف:روحي معه يا فجر دليه عالطريق.
فجر انهبلت من طلبات أمها اليوم مره تكلمه و الحين تدله عالمغاسل و بهدوء:أكيد يمه، وقفت:تفضل سعد من هنا، و مشت قبله و فتحت باب للضيوف و دخلت:تفضل.
سعد دخل معها و غسل يدينه و هي وقفت و بيدها اليسار ماسكه المنشفه و تناظر فيه بابتسامه.
سعد ناظر لها و ابتسم بخفه.
فجر مدت له المنشفه و يدها ترجف:تفضل.
سعد أخذها من يدها:شكراً، و صار يمسح يدينه.
فجر تبي تطول معه:شكراً لانك ما كسرت بخاطر أخواتك.
سعد:لو يبون عيوني أعطيهم.
فجر:تسلم، داليا أكثر وحده متحمسه.....
سعد قاطعها:المديره ذي صدق قويه.
فجر سكتت و استوعبت كلمته و رفعت أكتافها:ما أدري لازم يطلعون حكي عن أي أحد ناجح و بعدين.....
سعد قاطعها مره ثانيه:الله يكتب لكم الخير.
فجر استغربت يقطع كلامها و بهمس:آمين.
سعد مد المنشفه:وين أوديها؟
فجر أخذتها من يده:بأحطها بالسله.
سعد:شكراً، و طلع.
فجر ناظرت له بحزن وهو يطلع و بلعت غصتها:وش صاير له؟
__
{مكان ثاني}
دخل غرفتها و ناظر لها نايمه(ديما بنت هاني و عمرها ٨شهور)، مسح على راسها:الدنيا ذي تهبل لانك فيها و بس.
دخلت أخته هنادي و ابتسمت:انتعش و تعال تتغدا.
هاني ناظر لها:تعبتك اليوم؟
هنادي:لا بس شكلها اشتاقت لك.
هاني تنهد:و انا بكل دقيقه أشتاق لها، شكراً على كل شي يا هنادي تعبتك معي.
هنادي:أفا يا عيون أختك و من متى بيننا كلمة شكراً، يشهد الله كأنها بنتي، اسمع! نسيبك بيقوم الحين يبي يتغدا انتعش أنت و تعال لا تتأخر.
هاني بهمس:ابشري، تنهد بعد ما طلعت و دخل ياخذ له دش.
__
{مكه}
نوف بعد ما نزلت أغراضها بجناح الفندق، ناظرت من الشباك و شافت الكعبه و الحرم المكي و الناس، ارتاح قلبها من هالمنظر و جماله.
مادا المؤذن لآذان الفجر و لفت طرحتها و أخذت شنطتها الصغيره و طلعت تنزل تصلي و بعدها تبدأ عمرتها.
بالجناح اللي جنبها طلال كان واقف مثل وقفتها و يناظر للحرم و حمد الله و شكره على نعمة المنظر اللي يشوفه و يريح قلبه وقلب كل مسلم، من سمع الاذان كانت خطته نفس خطة نوف يصلي الفجر و بعدها يعتمر.
__
{بيوم جديد بجده....مركز نوف}
نهى دخلت غرفة الضيوف:تفضلوا تفضلوا.
فجر باندهاش:وااااو يا نهى ماشاء الله الديكور يفتح النفس.
داليا:و الالوان مريحه للعين.
نهى بابتسامه:هذا ذوق نوف.
فجر بحزن:يا ليتها هنا أحس مشتاقه لها حيل.
نهى:بكره و هي عندنا إن شاء الله.
فجر:إن شاء الله.
سماهر تناظر من الشباك:القزاز عاكس.
نهى بضحكه:ايه، تعالوا اجلسوا عشان تاخذون ضيافتكم.
داليا جلست:الملفات و جبناها، وش الخطوه الثانيه؟
نهى:كل شي متوقف الين تجي نوف.
فجر:و هي بتطول؟
نهى تمد لهم القهوه و الحلا:قالت لي يومين أو ثلاث وهي عندنا ان شاء الله و راحت يومين .
سماهر:طيب وين راحت لأن عندي فضول أعرف وين سافرت؟
نهى ضحكت بخفه:نزلت مكه.
فجر عقدت حواجبها:و ليه مكه؟
نهى:نوف تنضغط مع الشغل و تقول تبي تاخذ عمره من زمان وتو هالوقت تيسر لها.
فجر:طلال كمان نزل مكه بنفس السبب بس أضاف إن عندهم شغل هناك.
داليا:غريبه وش شغلتهم بمكه؟
فجر:بابا يقول جتهم صفقه لبناء قاعة ضيافه كبيره لاحد رجال الاعمال المشهورين بمكه.
كلهم سكتوا و يناظرون في بعض.
نهى بربكه:تتوقعون بيتلاقون؟
فجر بخوف:ما أدري؟
سماهر توترت:ولو صار كيف بيكون اللقاء؟
داليا ببرود:مستحيل اذا كل واحد بفندق غير الثاني.
نهى طلعت جوالها:أنا بأدق عليها و بأسألها و اذا قفلت دقوا على طلال و أسألوه.
فجر:تم.
نهى تنتظر و حطته سبيكر و ردت بصوت كله نوم:آلو.
نهى بحلقت عيونها:نايمه و أنتِ قلتِ تنزلين تتعبدين.
نوف:اففف نهى اقلبي وجهك.
البنات كاتمين ضحكتهم.
نهى:قومي صحصحي
نوف بنوم:نهى قفلي تكفين ابي أنام.
نهى:طيب صليتِ الظهر ترا ما فيه مسافه من جده لمكه عشان تجمعين.
نوف:لا حول و لا قوة الا بالله، ايه يا نهى ايه.
نهى:طيب أخر سؤال، أنتِ وين أقمتِ؟
نوف:بالأبراج، ليه؟
نهى:كنت شاكه إنك هناك، اسمعي الشغل تمام و كل شي تمام لا تشغلين بالك اوكيه.
نوف بطفش:طيب طيب.
نهى:و لا تنسين هديتي يلا باي، و قفلت.
البنات ضحكوا من قلب.
نهى أشرت:ترا بأتهزأ بعد ذا المكالمه، ناظرت في فجر و انصدمت:وش فيك؟
فجر تمسح دموعها و تضحك:آسفه، سكتت شوي و رجعت بكت:نبرة صوتها نفس ماهو ناعم مثل ما يحبه طلال بس واضح فيه الحزن.
نهى ابتسمت بحزن.
داليا تصرف:خلاص فجر، قوي نفسك لانك بتكلمين طلال الحين.
فجر مسحت دموعها و زفرت بهدوء و رنت على جواله و رد بتعب:هلا فجر.
فجر ببحه:هلا فيك حبيبي، كيفك؟
طلال:بخير الحمدلله، توني داخل من برا.
فجر:الله يكتب أجرك
طلال بابتسامه:آمين يارب.
البنات يأشرون لها بسرعه تسأله..
فجر هزت راسها بطيب:طلال أنت وين أقمت؟
طلال ما يحب يقول و بكذب:في فندق برا الحرم.
البنات كشروا بضيق.
طلال:ليش تسألين؟
فجر:لا سلامتك بس فكرت مثل كل مره بالابراج.
طلال:كلها واحد و أنا أخوك، و بشك:فجر.
فجر غمضت عيونها:عيونها.
طلال ابتسم:تسلمين، وش فيه صوتك مو عاجبني؟
فجر تنهدت بصمت:ما فيه شي حبيبي.
طلال:قلت لك أكثر من مره لا تكذبين عليه أنتِ و أختك لاني كاشفكم.
فجر بحزن:أخاف تتضايق اذا قلت لك.
طلال:و ليه؟
فجر ما تحملت و نزلت دموعها:لان اللي متضايقه منه بسبب ذكرياتنا الحلوه في عمارة ٦٦٦، و ببكا:اشتقت لهم يا طلال اشتقت للبنات و لخالتي اشتقت لهبالنا لضحكنا لجمعتنا لكل شي أتمنى كل شي يرجع مثل أول.
طلال بهدوء:هدي و أنا أخوك.
فجر ببكا:أسألك سؤال؟
طلال:قولي.
فجر:لـو أنا لقيت خالتي سالمه و بناتها و خبيت عليكم راح تزعلون مني و انتبه لسؤالي لـو؟
طلال ابتسم:بالنسبه لي بأقولك ايه لانك عارفه إنها النبض اللي يرجع الحياه لقلبي.
نهى تبكي بصمت و داليا و سماهر يتمسكون غصتهم.
فجر بدموع:وعد مني أختك باجيبها لحد عندك.
طلال ابتسم:كل أملي متعلق بالله يا فجر.
فجر بهمس:و نعم بالله.
طلال:يلا بأسكر و الحق أنام لي قبل الاذان، تبين شي؟
فجر:سلامتك.
طلال:باي، و قفل و تنهد:اخخخ منك يا فجر وش خلاك تتذكرين ذا كله.
فجر من قفلت حضنت نهى و بكوا سوا و داليا و سماهر نزلت دموعهم بصمت.
__
{بمكان ثاني}
فراس كان يلف حول بنايه كبيره كان مسؤول عن تصميمها و فجأه دخل برجله اليسار مسمار كبير و صرخ و صار ينادي أي أحد لكن المكان كان فاضي من العمال، مشى بمهل و ركب السياره و توجه للمستشفى.
هلا دخلت لنايا:دكتوره نايا طالبينك في غرفة الطوارئ.
نايا بطفش:وش الحاله؟
هلا ببرود:مهندس دخل برجله مسمار و الدكتور سالم اللي قال تشوفينه لانه على حسب فهمي انه من الأقارب.
نايا وقفت:الدكتور سالم عجيب غريب هاليومين.
هلا:يمكن بعد زيارة الليدي نوف أثرت عليه و أعطت مفعول.
نايا تلبس القفاز:نوف ما كلمته عني بس تعرفت عليه هي شاطره تخانقني و بس.
هلا:طيب اطلعي قبل ما يعصب.
نايا:رايحه، و طلعت بسرعه و توجهت للطوارئ و فتحت الستاره و ابتسمت:الحمدلله عالسلامه حضرة المهندس.
فراس بألم:تكفين تعالي طلعيه لاني بأموت من الألم.
نايا:لازم تخدير عشان لما أسحبه ما تتألم.
فراس بترجي:تكفين عجلي.
نايا:أبشر، لفت للممرضه و صارت تعطيها أوامر و تنفذها.
فراس ما تحمل الألم و مسك يد نايا:تكفين دكتوره بسرعه.
نايا لفت عليه لما مسك يدها:طيب، رفعت يدها تمسح على كتفه و ذي كانت أول مره تسويها لرجل:اهدأ حضرة المهندس.
فراس بسرعه:اسمي فراس بدون مهندس.
نايا ابتسمت:اوكيه فراس، ناظرت في بياناته و انتبهت للممرضه و أخذت الابره:الحين باشتغل بدون ما تحس بأي ألم بس قوي قلبك.
فراس هز راسه بايه.
نايا بدأت تشتغل بهدوء و فراس بدأ يحس بالألم يهدأ شوي شوي و فز لما شهقت نايا و ناظرت له:أنت وين كنت؟
فراس:وش السالفه؟
نايا:جاوب لو سمحت.
فراس:أنا مهندس و ين كنت بنظرك؟
نايا رمت المسمار:فراس الجرح عميق و العظم بان لازم ابر.
فراس بلع ريقه بخوف:طيب ليه تتكلمين؟
نايا بحده:أتكلم لك لانك لازم تعرف، راح أعطيك حقنه خاصه لان بعض المسامير يكون فيه بكتيريا و ينتج عنها السموم يمكن تنتشر في الجسم او تسبب تشنج في العضلات، بعدها راح انظف مكان الجرح بمطهر و الخطوه الاخيره راح احط عليها مرهم مضاد حيوي و الف عليها و راح أكتبه لك.
فراس يناظرها بصدمه طول ماهي تتكلم.
نايا ما ناظرت له و بدأت تهتم فيه و تسكر عالجرح:راح أكتب لك المرهم و راح أكتب لك اجازه لمدة أسبوع.
فراس:شكراً.
نايا:العفو، و وقفت و أعطت الممرضه الروشته:جيبي ذا.
الدكتور سالم دخل و ابتسم:سلامات سلامات، وش قصتكم يا عايلة مقبل قبل يومين فدوى و أنت اليوم.
فراس كشر:من حبنا للمستشفيات.
سالم ضحك بخفه و ناظر لنايا:هاه دكتوره بشري.
نايا تكتب و ناظرت له:كل شي تمام، المسمار طلع بس العظم بان معنا و اعطيناه حقنه و نظفناه و فوق ذا اعطيته اجازه.
سالم:يعطيك العافيه عسى ما تعبك بس؟
نايا ابتسمت:فراس من صغره وهو متعبنا و متعب أهله بشقاوته، أخر الاوجاع يارب استئذن، و طلعت.
سالم و فراس عاقدين حواجبهم باستغراب من كلامها.
__
{شركة أبو طلال}
سعد عند عمه بالمكتب بعد ما خلصوا مراجعة الاوراق و التخطيط الجديد للارض و المشروع.
أبوطلال تنهد:العمر يخلص و الشغل ما يخلص.
سعد ابتسم:اي و الله.
أبوطلال:أتمنى لو أجي يوم ما فيه شي عالطاوله فاااضيه.
سعد:صح شغلنا ننهيه أول بأول لكن الا و يطلع ورق من أي مكان.
أبوطلال:الحمدلله و ذا رزق من الله و ثم ثقة العملاء.
سعد يلعب بالقلم:الحمدلله.
أبوطلال بشك:كأن في فمك حكي يا ولد الغالي.
سعد تنهد:أي و الله يا عم الأسبوع الجاي قراءة وصية أبوي و لازم تكون متواجد.
أبوطلال:ما بغيتوا و أنا عمك.
سعد بحزن:تعرف وش مرينا فيه طال عمرك.
أبوطلال:عارف و مقدر و أنا عمك و يا سرع السنين اللي مرت و كان ماله الا ثلاث شهور من مات وهو كمل الثلاث سنين عسى ربي يرحمنا و يرحم أموات المسلمين.
سعد وقف بضيق:لا تنسى الخميس الجاي.
أبوطلال:و أنت طيب إن شاء الله.
سعد طلع بهدوء و تنهد و مسح على وجهه و عقد حواجبه لما شافه:عم ناصر.
أبو بشرى مد يده:كيفك سعد؟
سعد صافحه و قرب من راسه و باسه كاحترام لكبر سنه:هلا حياك نورت شركتنا.
أبو بشرى بملامح حاده:بوجودك، عمك جوا.
سعد:ايه تفضل.
أبو بشرى:عن اذنك، مشى الباب و طقه و دخل و شاف أبو طلال يخانق عالجوال و أشر له بابتسامه يجلس و يكمل:فراس أنت متأكد عندك عيون و أنا أبوك و الا لا.
فراس:صار اللي صار و مكتوب وش أسوي طيب.
أبوطلال مسح على وجهه:خلاص أهم شي صحتك كويسه.
فراس بابتسامه:عال العال.
أبوطلال:بوجهك عالبيت ترتاح لاتلف يمين و لا يسار حتى البحر ممنوع.
فراس بضحكه:أبشر، في أمان الله.
أبوطلال:بحفظه، و قفل و وقف:المعذره منك يا ناصر، سلم عليه:لكن معي ولد الله يهديه مغربل فيني من هو صغير و كبر و لا عقل.
أبو بشرى بحده:صار خير، جايك بموضوع مهم و لازم اني افتحه لك كل مره لان وجهي طاح بين الناس.
أبوطلال كان عارف و فاهم هالأسطوانه اللي كان يرددها أبو بشرى و أم بشرى لهم(بشرى مخيره لطلال و هالكلام طلع من أهلها مو من طلال و أهله)، ابتسم:خل موضوعك ذا الين البيت , عازمك أنت و عيالك عالغدا عندي صار لنا مده ما شفنا بعض و لا جلسنا مع بعض اللهم يا كافي، وقف:يلا أمش معي و لا ترفض عزيمتي.
أبوبشرى بصدمه:عزيمه يابو طلال ، الله يكرمك بس مو وقته.
أبوطلال:الا وقته يلا بس نروح للبيت.
ناصر استسلم و وقف معه و طلعوا سوا.
__
{مركز نوف}
فجر قفلت الجوال بتكشيره.
نهى:وش فيك؟
فجر:لازم أرجع البيت لأن أبوي عازم بيت خالتي.
نهى بهدوء:قصدك أم بشرى.
فجر:ايـه.
داليا بتفكير:غريبه.
نهى بتكشيره:باقي نفس حركاتها القديمه.
فجر بضحكه:كبرت و عقلت نص نص بس تبي تكوش على طلال و مو معطيها وجه.
سماهر بصدمه:واااو اروح اذل نفسي عشان رجال ما جاب لي خبر الله لا يبلاني.
فجر بضيق:طلال ما يعطيها وجه اساساً لا هي و لا غيرها.
نهى ابتسمت:عرفوا إنا رجعنا تقابلنا.
فجر هزت راسها بلا، وقفت:يلا نهى نشوفك على خير.
نهى:راح أتصل فيكم اذا جت نوف.
داليا:اسمعي نهى لازم تمهدي لها مو ندخل و نصدمها.
سماهر:أي و الله خايفه عليها.
نهى:لا تخافون راح أعطيها خبر.
فجر:نشوفك يا قلبي.
نهى:في حفظ الله.
سماهر:سلمي على خالتي، و طلعوا.
نهى:الله يسلمكم، جلست نهى على مكتبها و تنهدت:ماني عارفه كيف راح أبدأ في الموضوع.
__
{بيت أبو طلال}
فراس دخل البيت وهو يعرج على رجله و قفل الباب و نادا:يــُمــه يـُـمــه.
فدوى بانزعاج:ياخي اسكت داخل و مزعجنا يمه يمه.
فراس كشر:وينك ياللي تتكلمين.
فدوى رفعت يدها و قرب و شافها منسدحه و ضحك:وخري وخري أنا صاف معك.
فدوى ناظرت كيف يمشي و ضحكت:حتى أنت بعد، وش صار؟
فراس تنهد:حادثه بسيطه و الله لطف.
فدوى بعدت يجلس جنبها و بضحكه:تعال صف معي و الله يستر لا يصفون أهل البيت معنا، و ضحكت.
فراس ضحك بخفه و تذكر:وين أمي؟
فدوى:أمي زعلانه في المطبخ.
فراس:أفا ليه؟
فدوى بتكشيره و همس:خالتي بتجي تتغدا عندنا مع زوجها و بنتها.
فراس كشر:بالله عليك.
فدوى:أبوي عزم خالي ناصر و قال لأمي الحين و مو مجهزه شي.
فراس:ما عليك بأكلمها الحين، و صرخ:يمه يمه يا أم طلال.
أم طلال طلعت من المطبخ و هي معصبه:وش فيك؟ على وش هو الصراخ؟
فراس ابتسم:لا الله يسلمك بس تعالي شوفي وش صاير لولدك.
أم طلال ناظرت لقدمه الملفوف و بحلقت عيونها:وش فيك؟
فراس:مزحت مع مسمار و أدبني بطريقته.
فدوى:هههههههههههههههههههه.
أم طلال بحزن:يا سلام و أنرصوا لي اثنين بوجهي أنا بعرف من داعي عليه.
فراس:يمه لا يجي ببالك كلها كم يوم و نقوم إن شاء الله، فدوى قالت لي عن عزيمة أبوي و الغدا راح أوصي من المطعم بس قولي لي وش تبين أصناف؟
أم طلال:أنا ما يهمني الغدا جعلهم ما كلوا أنا اللي يهمني سبب العزيمه ذي وش هي؟
فراس:كل خير يمه.
أم طلال:لا...قلبي مو متطمن، أكيد الموضوع مثل كل مره.
فدوى:وش بيغير يمه، طلال و معند و مايبي غير نوف تكون زوجته و أم عياله و كم مره خالتي تسولف عن بنتها قدام طلال لكن طلال مطنش بمزاجه.
فراس بتكشيره:أنا ما أدري متى يقفلون على هالموضوع.
أم طلال من قلب:اذا حطيناها قدام الأمر الواقع و قلنا لهم خطبنا لطلال.
فدوى بخوف:قصدك تزوجين طلال غصباً عنه.
فراس بصدمه:لا يمه تكفين الا الغصيبه.
أم طلال نست من نفسها و بهدوء:ما قصدي كذا بس أبوك يمكن يركب راسه لو فتح ناصر الموضوع عليه و بينضغط نفس كل مرره و كلنا عارفين طلال ما يبي الا هالبنت من شبابه بس.......، ما قدرت تكمل.
فراس كمل:بس ما ندري وينهم قصدك.
أم طلال هزت راسها ايه و بكذب.
فراس بابتسامه:أنا عرفت وينهم؟
أم طلال و فدوى بحلقوا عيونهم بصدمه.
فراس:الدكتوره اللي جبرت على جرحي هي الدكتوره نايا بنت عمي سعود و تشتغل بالمستشفى اللي فيه الدكتورسالم صديق طلال أخوي، يمه احنا لقينا وحده من العائله يعني إن شاء الله طلال بيتزوج نوف.
فدوى ناظرت لامها:لازم يعرف.
أم طلال هزت راسها بايه.
فدوى ناظرت له:اسمع اللي عندنا و يا ويلك يا فراس لو تطلع كلمه وحده لطلال بتكون أخرتك على يدي و على يد أمي.
فراس بصدمه:وش السالفه؟
__
{بيت أم نوف}
نهى و زوجها متغدين عند أم نوف, فتح زوجها موضوع
نهى مبحلقه عيونها بصدمه:تمزح صح.
باسم بابتسامه:و هالأمور فيها مزح.
أم نوف:و أنا كلامي مع زوجك جيبيهم حدك صغيره.
نهى صرخت:أمي حرام عليك اوقفي معي ولو مره، وش هو أحمل و آدم ما حتى فطمته من الحليب و لا كمل الثلاث سنين و بعدين أنت وش دخلك؟ أنت اللي تتعب طبعاً لا.
باسم بهدوء:يا روحي يا حياتي أنا مو قصدي بس لازم نجيب أخ و الا أخت لآدم بهالسن و بعدها لو ما تبين تحملين الا بعد عشر سنين مو مشكله عندي.
نهى نزلت دموعها من القهر:لا أنا كنت بأموت على آدم و جلست ثلاثه أيام عندهم و باقي ما نسيت هالوجع و اللي حضرتك أنت سببه.
نايا ضحكت بصمت.
باسل:يا روحي ليه تبكين؟
أم نوف:ايييه هذا دلع بنات هاليومين.
نهى تمسح دموعها:مو دلع يمه بس أنا ظروفي كانت غير و لا مستعده اني اكرر التجربه الا بعد ما يكبر آدم، وقفت:قفل عالموضوع باسم اوكيه و يا ويلك مني لو حاولت تسوي شي من وراي و الله ما يردني الا باب المحكمه، و مشت من عندهم تاركه باسل و أم نوف بصدمه من قرارها و نايا تسمعهم و تبتسم.
__
{مكه،الساعه ١٠ مساء}
نوف طلعت أسواق البرج و بدأت تدخل المحلات تشتري الهدايا لأهلها، دخلت محل عطور و سألت عن إسم عطر قديم و كان منه الأعتذار لان الشركه وقفت تصنيعه، طلعت و دخلت محل ساعات و اختارت ساعه رجاليه أنيقه و حاسبت عليها و طلعت و دخلت محل رجالي اختارت طقم تيشرت مع سروال جينز و حاسبت عليها و طلعت للمقهى بعربيه تسوق تدفعها قدامها و جلست عالطاوله اللي جنب الباب و تنهدت تبي تبل ريقها بشي بارد، انتظرت النادل يجي ياخذ طلبها بس من الزحمه مو قادر يلحق، رفعت يدها و نادت:اكسكيوزمي غرسون.
النادل التفت لها و ابتسم:حاضر بس أخلص.
نوف ابتسمت:اوكيه.
الطاوله اللي قدامها كان جالس طلال و لابس كاب و كمامه و قدامه قهوه تركيه و يلعب في الجوال و من سمع صوتها نبض قلبه بقوه و رفع راسه لها و شافها بحجابها و كمامتها السودا ما تبين شي من ملامحها الا عيونها اللي يناظر فيها.
نوف حست بشي ينغزها بقلبها و كانه يقول لها ناظري للي قدامك ناظري، رفعت عيونها و التقت بعيون طلال اللي رافضه تنزل و رفعت حاجب:عفواً فيه شي؟
طلال هز راسه بلا و أعتذر و بصوته:أنا آسف.
نوف رجعت نادت النادل و جا لها بسرعه:تفضلي أختي.
نوف:ابي ايس موكا مع كوكيز.
النادل يكتب:ابشري، شي ثاني؟
نوف:يس ممكن يكون تيك اوت لان وراي شغل.
النادل:تحت أمرك، و مشى النادل من عندها.
نوف رفعت جوالها و تلعب فيه و عيون طلال تراقبها من دون ما تحس، كان فيه صراع جواته يقول ذي نوف و صراع ثاني يقول لا مو نوف ذي شبيهه لنوف، بس الصوت نفسه العيون نفسها لكن ذي مليانه حزن نفس الحركات و الهيئه، انتبه على نفسه لما ناظرت له و نزل عيونه بسرعه.
نوف بنفسها:وش سالفته ذا؟ لا يكون شاف عفشي و يبي يقشه، و قفت و جلست عالكرسي المقابل و صارت صاده و ظهرها لطلال.
طلال ابتسم بسخريه و في نفسه:أصحى يا طلال أنت وين و هي وين ، شرب قهوته و وقف و طلع من المحل كله.
جاء طلب نوف و اخذته و حاسبت عليه و طلعت بعربيتها و ركبت الاصنصير و طلعت منه و توجهت للاصنصير المقابل و اللي يطلع للابراج، وقفت قدام الشقه و طلعت الكرت و طاح في كرتون القهوه و صارت تدوره و دقت كوب القهوه و انكب شوي منه و رفعته بسرعه و شافت البطاقه كلها قهوه و شهقت و بسرعه اخذت كلينكس من الشنطه و مسحت عليها:يارب وش ذا اللي سويته ، و صارت تمسح عليها، حطت البطاقه بالباب رفض يفتح و رجعت مره ثانيه تحاول فيه و رفض و بغبنه:لا لا تكفين مو وقتك.
طلال طلع من الشقه و مغير لبسه و شافها و عرفها و باين انها تحاول تفتح الباب و على ملامحها الغبنه:تبين مساعده؟
نوف تنهدت بصوت مسموع:الباب عيا ينفتح.
طلال تقدم و مد يده:أعطيني البطاقه.
نوف ما عرفته لانه بلا كاب و اللبس متغير، ناولته و بعدت العربيه عنه و طلال صار يحط البطاقه و ترفض و ترفض ناظر فيها:خلصت إقامتك هنا؟
نوف:لا باقي لبكره.
طلال شم ريحة البطاقه قهوه و بشك:كبيتي عليها شي صح.
نوف بحزن:طاحت من يدي بكرتون القهوه.
طلال:أكيد تعطلت البطاقه و احترقت شريحة التعريف، ما يدري ليه سوا كذا و طلع بطاقته:تفضلي هذا كرت جناحي و أنا أساساً طالع مشوار لنص ساعه و كلمي الاستقبال من تليفون الجناح.
نوف بخوف:لا ما يحتاج شكراً بأدبر نفسي.
طلال بابتسامه:الجار للجار و ما ارضا بنت مثلك و وحدها جالسه كذا بالممر و هذي البطاقه تفضلي للجناح ما فيه أحد.
نوف تذكرت هالكلمه(الجار للجار) و ابتسمت و أخذت البطاقه و فتحت جناحه و أعطته:شكراً بس ترا بأكلم الريسبشن و اطلع.
طلال:خذي راحتك، و مشى من عندها و انتبهت الين ركب الاصنصير و نزل.
نوف بسرعه أخذت العربيه و دخلت و قفلت الباب بالسلسله و بعدت الكمامه و انبسطت من برودة الجناح و اخذت القهوه و شربت منها من كثر ماهي عطشانه و سحبت التليفون و كلمت الاستقبال و قالت بمشكلتها و أعطتهم المعلومات حقتها كامله و قالوا لها ربع ساعه و تكون البطاقه عندها، قفلت منهم و تنهدت و تشرب القهوه بهدوء، لفت انتباهها ريحة عطر نسائي تعرفه زين لكن مختلط مع ريحة عطر رجالي و جاها فضول و وقفت و دخلت غرفة نومه و شافت حوسته و انصدمت:وش ذا الحوسه؟ ناظرت التسريحه و عرفت العطر اللي ما تنساه بحياتها و ابتسمت بحزن على هالذكرى
[بمكانهم اللي فوق السطح ، نوف جالسه بجنب طلال و حاضنها من الجنب و أعطاها قارورة عطر صغيره:خذي.
نوف أخذته باستغراب:وش ذا؟
طلال:ذا ابيك تعبينه من عطرك.
نوف باستغراب:و ليه؟
طلال يناظر فوق:بس.
نوف:طلال ناظر فيني و قول لي ليه؟
طلال بهمس:مسافر بكره و ابي ريحتك معي.
نوف انصدمت:وين مسافر؟
طلال ابتسم:لا تخافين بس أسبوع و مسافر وين؟ تبوك.
نوف بحزن:لا طلال بعيد وش يوديك هناك؟
طلال يمسح على شعرها:يا دنيتي أنتِ كله سفري عشان الشغل و مجبور.
نوف نزلت راسها بحزن و هي تناظر في قارورة العطر الصغيره.
طلال تنهد و رفع راسها له و بهمس:لا تنزل دموعك يا دنيتي عشان سفر.
نوف بهمس:بس بأشتاق لك.
طلال أشر على نفسه و بنفس الهمس:يعني أنا اللي ما بأشتاق لك و بعدين يا روحي سفرياتي ذي كلها عشان اترقى بسرعه و أخطبك و نتزوج و نعيش سوا.
نوف هزت راسها بطيب و تبلع غصتها.
طلال ابتسم يبي يغير جوها:عشان كذا أنا قلت لك حطي لي من عطرك لان ابي ريحتك تكون معي بكل مكان.
نوف ابتسمت:من عيوني بس ترا ذا العطر أنت اللي جبته لي و حبيته لانه منك.
طلال قرب منها و بيد مسك وجهها و باس خدها بعمق و بيده الثانيه حرك عند بطنها و صار يدغدغها و هي تضحك و تحاول تبعد يده و هي تضحك و يضحك معها بخفه].
نطت على دقة الباب و مسحت دموعها و حطت الكمامه و راحت الباب:مين؟
"أستاذه نوف"
نوف فتحت الباب و شافت موظف من الاستقبال:أستاذه نوف تفضلي ذي بطاقتك الجديده.
نوف:ألف شكر لكم و أعتذر عن الحوسه اللي صارت.
الموظف:يهمنا راحتك و لا تخافين سبق و صار مثل كذا.
نوف:يعطيكم العافيه.
الموظف:صاحب الجناح يقول تقدرين تضلين بالجناح لوقت ما تحبين.
نوف:لا خلاص بطاقتي و وصلت لي، يعطيه العافيه.
الموظف:أوامر ثانيه.
نوف:يعطيكم العافيه و أعتذر للمره الثانيه.
الموظف مشى من عندها و هي رجعت تدخل الجناح و ناظرت في المكان و اخذت القهوه شربتها كلها و رمت الباقي، ناظرت في العربه و هي متردده من اللي بتسويه.
__
{بيت أبو طلال}
{بعد الغدا... بمجلس الرجال}
أبو بشرى:الله يكرمك و يعمر بيتك.
أبو طلال:بالعافيه يابو بشرى و الله يديم الجمعات الحلوه هذي.
سعد وفراس:آمين.
أبو بشرى:آمين و أتمنى يا أبو طلال العلاقه اللي بيننا تتطور أكثر و تصير نسب.
فراس بحلق عيونه من جرأة زوج خالته سحب جواله و سجل فيديو بسرعه.
أبو بشرى:صح ما يصير اني بكل مره أتكلم و أقول بشرى لطلال لان هذا عارفينه من زمان و المثل يقول أخطب لبنتك و لا تخطب لولدك.
سعد بهمس لفراس:أبو قوة الوجه.
أبوطلال بهدوء:بشرى بنت و النعم فيها و في أهلها و النعم في تربيتك كمان بس أنا مالي خص بهالموضوع ،من زمان و أنا أتمنى ولدي الكبير يتزوج و أشوف عياله قدامي لكن المكتوب أقوى مني و منك.
أبو بشرى:الموضوع طال و لازم تجبره عالزواج.
أبوطلال:أنا من خلقت على هالدنيا أهلي ما جبروني على أي شي و هالشي طبقته مع عيالي و مستحيل أجبرهم على شي هم ما يبونه.
فراس ابتسم بفخر على كلام أبوه.
أبو بشرى بحده:و الكلام اللي بيننا يابو طلال، بشرى لطلال و الخطابه ما عاد صاروا يدقون الباب لما عرفوا أن البنت لولد خالتها.
أبو طلال بصراحه:احنا ما طلع منا هالكلام ابداً و لا نرضا إنا نوقف نصيب البنت لكن طلال يحب بنت سعود بن محمد من زمان و لولا الظروف اللي صارت كان هم مع بعض و لبعض لكن لا أنا و لا أم طلال و لا العيال قلنا ان طلال لبشرى.
أبو بشرى بنص عين:يعني وش أفهم من كلامك؟
فراس من قلب:يعني يا عم ندور عاللي طلع الكلام و نأدبه بطريقتنا بكم كف بكم لكمه على بطنه و وجهه يعني شغل عصابات و نقول له سنع نفسك و لا عاد تألف أن بنات خلق الله لشباب خلق الله، و غمز له.
سعد:بس الحمدلله عائلتنا مو كذا عائلتنا راقيه جداً و لا تحب مثل هالأمور.
أبوطلال:بنتك نصيبها مو هنا بنتك نصيبها بمكان ثاني لكن حط ببالك إن هي بنتي و بحسبة فجر و فدوى و بنات أخوي و أتمنى لها الخير.
أبو بشرى حقد عليهم كلهم.
فراس قفل الفيديو:اشرب شاهيك يا عم قبل لا يبرد.
__
{عند الحريم}
بشرى بدلع:وين توظفتوا؟
فجر:بمجله نسائيه.
بشرى رفعت حواجبها:حلو، و مشهوره هالمجله؟
فجر:ايـه، وصل الفيديو من فراس و كان كاتب"اسمعيه لوحدك".
أم بشرى تغير الموضوع:كيف طحتِ يا فدوى؟
فدوى ابتسمت:بالنادي خالتي و أنا أسوي تمارين و غفلت و طحت عليها،
(ما تكلمت لأحد بالموضوع الحقيقي اللي صار لها).
أم طلال بغبنه:و ما تطيح الا على نفس القدم، و عندها إجازه ثلاثه شهور و طلب منها ما تتحرك.
فدوى بحزن:قصدك طلال سحب أوراقي و قدم استقالتي من وراي.
داليا بابتسامه:من حبه و خوفه عليك.
سماهر:و حالتك الصحيه ما تسمح لك حتى توقفين كثير.
بشرى بجرأة:يا فديته اللي يخاف على أخته.
فجر حطت الايربيس و انصدمت من الفيديو و الكلام و انقهرت أكثر على أخوها و نزلت الجوال.
أم بشرى ابتسمت:حبيبي هو...جا و زارني بالبيت قبل لا ينزل مكه و كله طلب من بشرى اللي ما رفض لها هالطلب.
فجر بحقد:ايـه هو كذا مع أخواته ما يرفض لهم طلب و بشرى حسبة أخته.
داليا ناظرت لها باستغراب من حالتها.
بشرى غمزت لها:كلنا عارفين إنكم أخواته و أنا أيش بالنسبه له.
فجر بهدوء:أنتِ و لا شي بالنسبه له الا بنت خالته و أخته فقط و الا القلب ما سكن فيه غير نوف.
بشرى كشرت:أعوذ بالله من سيرتها، أنتوا لازم تنكدون قعدتنا بذكر اسم هالأرمله.
فدوى بحده:احترمي نفسك.
داليا بهدوء:الكلام له حدود يا بشرى.
سماهر:المسمى مو مأثر على حياتها و بعدين اسمها سيدة الاعمال الأولى نوف بنت سعود مو الارمله.
فجر بضحكه:من يوم يومك و أنتِ تغارين منها.
أم سعد خافت تكبر السالفه:اذكروا الله يا بنات.
أم طلال:اقفلوا هالسيره، و ناظرت في بشرى:ترا كل شي عندي يهون الا نوف.
أم بشرى بحقد:أشوف بناتك أكلوا بنتي على سيرتها و أنتِ كمان ما ترضين عليها.
بشرى تمثل الحزن و الزعل.
أم بشرى:وش صار لك يا أختي وش اللي يخليك تدافعين عن بنت الغريب بدال بنت أختك و زوجة ولدك المستقبلي.
فجر انفجرت بعصبيه:يجيب الله مطر.
كلهم ناظروها و شافوا كيف عصبيتها.
فجر ناظرت لأمها:أنا ما عاد فيني أتحمل أكثر من كذا لازم الكل يعرف يمه.
الكل يناظرون لها مستغربين يعرفون ايش بالضبط؟
فجر بلعت ريقها:طلال خطب نوف بنت عمي سعود و ملكتهم عالاسابيع الجايه.
الكل انصدم من كلامها متى طلال خطب و متى عرف بمقابلة اهل نوف و وش السالفه؟
بشرى وقفت و بصراخ:تخسي الا هي طلال حقي من زمان و غصباً عن الكل.
فجر ناظرت لهم تبيهم يتكلمون معها.
سماهر انتبهت:لا حبيبتي ما فيه شي اسمه غصب هذا حب و حب قديم.
فدوى:لا أنتِ و لا غيرك بتقولون لا لحبهم.
داليا:صح هم انفصلوا عن بعض بس الله اراد انهم يكملون مع بعض.
أم سعد ناظرت لأم طلال:و تخطبين لولدك من دون ما تقولين لي.
أم بشرى:الا قصدك خبت عليه مقابلة جارتها العزيزه بعد هالسنين.
أم طلال غمضت عيونها باستسلام هي لام سعد و الا لاختها.
فجر:و الله هالشي صار و انتهى و لازم الكل يتقبله.
فدوى بقصد:و لازم الكل يستحي على وجهه و لا يطارد ورا شخص مو معطيه وجه عشان يحافظ على كرامته اللي بقت منها شوي.
بشرى عرفت انها المقصوده:امشي يمه مالنا قعده بهالبيت، مشت لفجر و همست بنظرات شر:لا أنتِ و لا حبايبك راح أخليكم تتهنون و خصوصاً أنتِ و نوف.
فجر ببرود:أعلى ما بخيلك اركبيه.
بشرى ابتسمت بشر و مشت.
أم بشرى وقفت:الله يسامحك يا أختي أجل بنت سالمه طلعت اهم من بنت أختك اللي من أمك و أبوك.
أم طلال:أنا مع ولدي حتى باختيار قلبه.
أم بشرى:ما قصرتِ عن اذنك، و طلعت لبست عبايتها و خرجت من الباب.
الكل تنهد بتعب.
أم طلال بعتب:وش سويتي يا فجر؟
فجر:اللي المفروض أسويه من زمان يمه، عاد ذا و لا شي بعد اللي صار عند الرجال جاي عمي ناصر و بوقاحه يخطب طلال لبنته و يقول انهم لبعض من زمان.
فدوى:متأثرين بالأفلام الهندية.
سماهر:و أنتِ يمه الله يهديك عاد صدقتي إن خالتي خطبت لطلال.
أم سعد ما عرفت وش تقول:ما أنتوا تشيبون بلد بأكمله من سوالفكم التافهه.
فجر:يمه يكفي نخبي على طلال، لازم نقول له بكل شي.
أم طلال:و من يتحمل زعله؟
فجر بحزن:أنا...كل شي بوجهي أنا.
__
#يوم جديد...مكه}
نزل و بيده شنطته و سلم البطاقه للريسبشن.
الموظف يناظر للكمبيوتر:كيف كانت إقامتك عندنا سيد طلال.
طلال بابتسامه:جميله جداً.
الموظف إبتسم:نرحب فيك بأي وقت.
طلال:شكراً لك، طلع كيس هدايا:عفوًا بس ابي يوصل هالكيس للغرفه اللي جنبي رقم ١٠١٠.
الموظف:ايه اكيد، وش الاسم؟
طلال ابتسم:ما أدري و الله بس صار لها ظرف أمس و نست الكيس عندي.
الموظف يطقطق عالكمبيوتر:الاستاذه عملت شيك اوت من خمس دقايق.
طلال:كيف أقدر أوصل لها؟
الموظف:أنا آسف ما أقدر أعطيك أي معلومه لان كل شي سري.
طلال أشر عالكيس:و الله بس ابيي أعطيها هالأمانه.
الموظف ناظر له و ناظر للكمبيوتر:أساعدك باسمها فقط.
طلال ابتسم بسخريه:وش ابي بإسمها الله يحفظك.
الموظف:هذا اللي أقدر عليه.
طلال تنهد:خلاص مو مشكله، أخذ الكيس و سلم عليه و طلع.
__
{جده}
نوف دخلت البيت و ابتسمت برضا و دخلوا الخدم من وراها يسحبون الشنط و صرخت:يُـمـه.
أم نوف صرخت:نوف وصلت نوف وصلت.
نوف ضحكت و هي تسمع صوت رجولهم يجرون و شافت أمها و نهى و نايا و آدم يجري قبلهم و تخرفنت على ركضه:لبى هالطول، فتحت يدينها له و حضنته و شالته و باسته بقوه، ثم سلمت على أمها و أخواتها و مشت معهم و جلست و تسأل عن حالهم و تسأل نهى عن المركز و الموظفين و تسأل نايا عن المستشفى و كلهم يطمنونها أن كل شي تمام.
__
{بيت أبو طلال}
طلال دخل و انتبه لصراخ فراس و فدوى على بعض و يلعبون بلايستيشن و فجر جالسه معهم بس سارحه في مكان ثاني، ضحك بخفه يوم شاف فدوى تضرب فراس بالخداديه على راسه:وش بقيتوا للبزارين بالله.
صرخوا كلهم باسمه و فجر الوحيده اللي وقفت و حضنته.
طلال حضن فجر و ناظر لفدوى اللي تدور عكازها تقوم:خليك جالسه أنتي باجيك.
فراس متعيجز:أنا نفسها، و آشر على قدمه.
طلال بعد عن فجر و انفجر ضحك و يأشر عليهم.
فجر ضحكت معه لما شافته يأشر عليهم.
طلال قرب منهم و باس فراس و بعدها فدوى:وش فيكم يا التؤام المختلف.
فجر ضحكت:الا المتفق كلهم ما يمشون الا بعصا.
فراس:و الله يالحب أنا رحت أشيك على المشروع الجديد و وطيت رجلي على مسمار و صار اللي صار.
طلال كشر:وين عيونك؟
فراس تنهد:صار و انتهى.
طلال:و أنتِ يالغلا.
فدوى بتكشيره:مثل ما تركتني.
فجر:لا تخاف ماشيه على أوامرك و أوامر الدكتور سالم، ما عليك منا أنت طمني عنك كيفك وش أخبارك و كيف سفرتك؟
طلال ابتسم لها:أنا بخير الحمدلله كانت أجمل ثلاث أيام عشتها بمكه و بروحانيتها.
فجر بحزن:حسيت براحه.
طلال:فوق ما تتخيلين كأن شي أصاب جسمي و أرتاح.
فدوى:دعيتي لي معك لاني بدأت أطفش من وضعي.
طلال ابتسم:دعيت للكل و لنفسي و الله يقبلها.
فجر تنهدت بصمت.
طلال:وين أمي و أبوي؟
فراس:طلعوا مع بعض.
طلال ابتسم:ربي يحفظهم.
الكل ساكت.
طلال استغرب هدوءهم و ناظر في فجر اللي شوي و تبكي و ناداها:فجر.
فجر ناظرت له و ابتسمت:لبيه يا روحها.
طلال:وش فيك؟
فجر بابتسامه:ما فيه شي الا سلامتك.
طلال:فدوى وش فيه؟
فدوى ناظرت في فجر و بصراحه:أنا بأقول له باللي صار أمس.
فجر هزت راسها بايه.
فدوى:اسمع السالفه، و قصت له كل شي صار مع خالته و اهلها.
__
{بيت نوف}
نوف طلعت الهدايا من الشنطه و أعطت أهلها، و أخذت أكبر هديه و أعطت آدم:هذي لحبيب خاله.
آدم:سُكراً.
نوف بخرفنه:أجمل سُكراً في الدنيا، أخذت كيس ثاني و ناولته لنهى:ذي لأبو آدم و إن شاء الله تعجبه.
نهى أخذتها:ما قصرتِ.
أم نوف:أختك زعلانه لها يومين عندنا.
نهى رفعت عيونها لفوق و هزت راسها بلا.
نوف:ليه؟
نهى:أمي و زوجي يبوني أحمل و أجيب أخ لآدم أو أخت.
نوف بحلقت عيونها:لا مو من جدكم.
أم نوف:بكيفها بس لا تجي تبكي عندي اذا أعرس عليها.
نوف:يمه نهى كانت بتموت على آدم لولا لطف الله و الدكتوره منعتها تحمل الا بعد فتره طويله عشان الرحم يرتاح.
أم نوف عقدت حواجبها:بكيفها بينها هي و زوجها.
نهى:أمي موضوعها هين لكن باسموه اللي له وقت ينق على راسي.
نوف بغضب:طنشيه عمره ما رضا ناسي كيف كان وضعك وقت الطلق، خليه بس يجي و العن سابعه لو فتح الموضوع.
نهى ابتسمت:فديتك.
أم نوف وقفت:بأروح اقرأ لي شوي في القرآن.
نوف:تفضلي يمه.
نايا وقفت:بأروح أدور مفكات عشان لعبة آدم، مدت يدها:تجي آدم.
آدم:يس، وقف و مسك يدها و مشت معه.
نهى ناظرت لها:بشريني كيف إجازتك؟
نوف إبتسمت:تهبل الحمدلله، كل شي طلعته لما شفت الكعبه و الحرم.
نهى بفرح:بكيتي اخيراً.
نوف:كأنه قفل على قلبي و انفتح، الحمدلله يارب.
نهى ناظرت للشنطه المفتوحه:باقي مبرمجه يا نوف عالهدايا.
نوف ناظرت للكيس:عادتي من زمان إذا سافرت أجيب له معي هدايا، ناظرت لها:صارت لي قصه و لا في الأحلام.
نهى:خـيـر.
نوف قصت لها باللي صار بينها و بين طلال.
نهى بحلقت عيونها:انهبلتي تدخلين جناحه و تخلين له هدية شكر و عرفان.
نوف:أكذب عليك اذا قلت لك ان كأني أعرفه من زمان.
نهى:هيه أنتِ انهبلتِ ترا يبقى رجال غريب.
نوف:لا تمسكين عليه الحين و بعدين هو فتح لي الباب و راح و انا ما طولت عملوا البطاقه في خمس دقايق و جابوها.
نهى نست من نفسها:ليت طلال يسمع.
نوف سكتت.
نهى بسرعه:آسفه مو قصدي.
نوف ابتسمت لها:ليته و الله يسمع و يجي يشوف كيف أنا بعده.
نهى:اسمعي نوف، البنات اللي قلت لك عنهم حيجون بكره عشان تعملين معهم المقابله.
نوف نست:أي بنات؟ و أي مقابله؟
نهى:البنات اللي قلت لك أعرفهم و طلبتِ يجيبون السيفيهات و تشوفينهم بعد إجازتك.
نوف تذكرت:ايه ايه، اوكيه و بعدين تعالي وش عندك مع هالبنات بالذات.
نهى بابتسامه:نسيتِ إني أحب الخير للجميع.
نوف إبتسمت لها:اوكيه.
نهى:بيجون بكره على تسعه الصباح.
نوف:إن شاء الله.
__
{بيت أبو طلال}
طلال:و أبوي و أمي تخانقوا على هالموضوع؟
فراس:لا عدت سليمه و الحمدلله.
فجر:أبوي شاف أمي متضايقه بعد اللي صار أمس و قال لها تطلع معه.
طلال ناظر لفجر:تعالي أنتِ و كيف تقولين لهم اني خطبت نوف و أنا ما أدري في أي أرض أو سماء هي فيه؟
فدوى بعصبيه:وش تبينا نقول غير هالكلام، ما شفت مثلهم يجون يخطبون لبنتهم.
طلال:وش الجديد طيب؟ من زمان وهم يطاردون ورانا و قالوا مثل هالكلام و الحل كان التطنيش.
فراس بهدوء:بس هالمره كان ناويين من جد يجبرون أبوي على زواجك منها.
طلال:أنا حرمت بنات خلق الله من بعد نوف، و بحزن:و نوف ما أدري وين هي عايشه ميته متزوجه مطلقه......
فجر قاطعته:عايشه و أرمله و باقي تحبك و تنتظرك.
طلال ناظر لها بهدوء.
فجر بلعت ريقها:طلال فيه شي مخبيته عليك و كلنا مخبينه بس لأن خفنا عليك ترجع تتعب أكثر و عشان هي كمان ما ندري وش بتكون ردة فعلها.
طلال دق قلبه:وش مخبين؟
فراس وقف و مشى لاخوه و جلس و حضنه من الجنب:قوي قلبك.
فدوى تناظر له بحزن.
طلال:وش السالفه ترا طيحتوا قلبي.
فجر بهدوء:الزياره اللي كانت لصديقتي الأسبوع اللي راح كانت لبيت عمي سعود.
طلال بحلق عيونه بصدمه.
__
{شقة هاني}
هاني بحلق عيونه:تقولينها صادقه.
هنادي بدموع:أي و الله و هذا اللي صار.
هاني انتبه لنفسه و ابتسم:طيب الانتداب ما يطول و كلها سنتين مثل ما قلتِ.
هنادي بحزن:اللي مبكيني إن هالبلد مو قريب من هنا الا بالطرف الثاني من العالم.
هاني:عاد ربي كتب له هالشي.
هنادي:هاني و أنت؟
هاني بهدوء:أنا وش فيني؟
هنادي:وش بتسوي بنفسك وش بتسوي مع ديما و كيف تقوم فيها؟
هاني بإبتسامه:راح نكون بخير إن شاء الله.
هنادي بترجي:خلني أخطب لك قبل ما أمشي.
هاني ضحك:لا شكراً لان هالموضوع ينرفزني فاسكتِ.
هنادي:عشان ديما طيب.
هاني بحزن:أختي تكفين اسكتِ.
هنادي استسلمت:حاضر،مثل ما تبي.
__
{بيت سعد}
سعد جالس في مكتبه يضبط الاوراق و يراجعها، اندق الباب و دخلت داليا:سعد ممكن دقيقه.
سعد ابتسم:اكيد تفضلي و الوقت مفتوح لك.
داليا دخلت و بيدها قهوه و مشت لعنده:قلت أكيد محتاج لهالفنجان اللي يعدل الراس.
سعد:إحساسك في محله.
داليا جلست و حطت القهوه:تعال اشربها هنا بعيد عن الورق.
سعد:أعطيني ثواني بس.
داليا:خذ راحتك، ضمت يدينها لبعض و تناظر في الفراغ.
سعد خلص الاوراق و ناظر لها و شاف هي وين سرحانه، تنهد و عرف إن أمه بلغتها، و وقف:القمر وين سارح؟
داليا صحت من سرحانها و ابتسمت:هنا مو بعيد.
سعد جلس جنبها و شرب من القهوه:أنتِ الوحيده اللي يضبطها على مزاجي.
داليا بإبتسامه:بالعافيه.
سعد:الله يعافيك، وين أهل البيت؟ فالعادة نسمع التلفزيون هالوقت.
داليا:أمي ترتاح و سماهر تنسق لبس لبُكره.
سعد:متحمسه سموره.
داليا:كلنا متحمسين، سكتت شوي:سعد ادخل بالموضوع.
سعد:أي موضوع؟
داليا بتكشيره:سعد الموضوع اللي أنت تعرف رأيي فيه.
سعد:و ليه أفتحه عليك و أنتِ رافضه.
داليا ضمت نفسها:قلت لكم من قبل بعد اللي حاول يسويه كليله أنا عفت الرجال.
سعد تنهد:لا تخافين داليا كل الناس مو مثل الاستاذ كليله.
داليا نزلت دموعها و مسحتها:عارفه بس ما أقدر يا سعد و أمي الله يهديها على طول مهاوشتني كأن أنا البنت الوحيده اللي بقت بهالدنيا و ترفض العرسان.
سعد حضنها من الجنب:ما عليك من أمي ما تعرفينها أنتِ تسمع الكلام من خالاتي و جدتي و تنقله بطريقتها و هذا العريس لا تقولين عنه شي بأقول لها أنا اللي رفضته، اوكيه دلول.
داليا هزت راسها بايه.
سعد:لا تخلين موضوع مثل هذا يطفي حماسك لبكره.
داليا ابتسمت:إن شاء الله خير.
__
{بيت أبوطلال}
فجر خبرته بكل شي و كانت تحاول تبرر كل شي.
طلال بحزن:يعني عمي سعود توفى.
فجر هزت راسها بايه:بعد ما وقع هو على العقد.
طلال:يعني مو نوف اللي وقعت.
فدوى:نوف كانت بغيبوبه بالمستشفى بس يعتبر زوجها رسمي.
طلال غمض عيونه و هز راسه بلا:فجر أنا ابي السالفه الصح.
فجر:طلال ذا كله كلام نهى.
فدوى:طلال صدق أبو علي شافكم بوضع مو حلو مع بعض.
فجر صرخت:فدووى.
فدوى:وش فيك أنا سألت.
طلال يتذكر:كانت راجعه من آخر اختبار و... و زعلانه و ما قدرت الا و أضمها.
فدوى بصدمه:بــس ، حسبي الله عليك يابو علي.
فراس:الله يسامح عمي سعود و يرحمه.
فجر:نهى تقول لي لها ١٥ سنه ما نزلت دمعتها على احد لا موت عمي و لا موت زوجها و اللي تعتبره أبوها.
طلال بحزن:يا روحي عليها، قولي لي كيف صارت كيف شكلها تغير أو لا باقي هاديه مثل أول.
فجر:و الله يا طلال ما قد شفتها بكره إن شاء الله راح نتقابل و هذا على كلام نهى.
طلال بغصه:أنا دعيت ربي ببيته و نذرت إني لو أشوفها قدام عيوني ما راح يصير بيننا شي الا بالحلال، و نزلت دموعه:الله يسامحك يا عم سعود.
فجر وقفت و حضنته:يا روحي أنت، إن شاء الله يا عمري إن شاء الله انكم لبعض لاخر العمر.
طلال ضم راسه بين يدينه:يارب يااارب.