هوس الفهد

الفصل الثاني

همس:- انت بتعمل ايه هنا وفين دكتور سليم السيوفي

سليم :- مش يمكن اكون الدكتور سليم السيوفي

همس بتوتر:- حضرتك الدكتور سليم

سليم بغرور :- ايوا

همس في نفسها لكن صوتها كان واضح يالهوي دا هيموتني علي اللي حصل الصبح حيث كدا بقي الجري نص الجدعنه

همس لسه راحه تجري سليم مسك دراعها
وقالها

سليم:- تؤ تؤ انتي راحه فين يا حلوة دا انتي جتيلي برجلك

همس بخوف :- ونبي سيبني خلاص مش عايزة اتعين هنا

سليم بغموض :- لا خلاص انتي اتعينتي

همس بفرحه ونسيت كل اللي حصل:- بجد وفضلت تقفز من الفرحه وسليم بيفكر ازاي ينتقم منها علشان شتمته

همس بحماس:- طب هبدا امتي

سليم :- تقدري تيجي بكرة

همس:- تمام

همس خرجت وهي فرحانه وسليم واقف زي ما هو وقال

سليم:- اما نشوف اخرتها معاكي ايه

__________________________

عند عشق في كافيه في الكليه قاعده هي وأميرة

أميرة وهي شايفه ولد جاي عليهم من بعيد:- عشق هو الواد البارد ده مش هيسيبك في حالك

عشق بزهق :- مش عارفه والله زهقت منه كل مرة يجي يقولي نفس الكلام ويمشي

أميرة :- اسكتي علشان جاي

الولد :- عشق حبيبتي اخبارك ايه

عشق بحدة :- لو سمحت انا مش حبيبة حد وقولتلك اكتر من مرة احنا صحاب وبس

حازم بضيق:- عشق انا قولتلك اني بحبك ومش هسيبك الا لما تحبيني

عشق بحدة:- وانا عمري ما هحبك ابعد عني بقي

وقامت مشيت هي وأميرة

حازم في نفسه:- مش هسيبك يا عشق

________________________

في مكان آخر في الكليه

عشق :- انا حاسه بملل اوي من الكليه للبيت ومن البيت للكليه

أميرة :- اه والله عندك حق بس هنعمل ايه يعني

عشق :- انا بفكر انزل شركه اتدرب فيها علي اما ابقي اتخرج

أميرة:- فكرة حلوة انزلي شركة ابوكي اتدربي فيها

عشق:- لا طبعا انا لما هنزل اتدرب هروح شركه تانيه

أميرة:- ليه يعني

عشق:- مش عارفه بس مش عايزة كدا

أميرة :- تمام

عشق :- وانتي مش هتنزلي تدربي ولا ايه

أميرة :- مش عارفه والله هفكر الاول