هوس الفهد

السادس عشر

غيث بصدمه وغضب:- هرب ازاي يعني

الشخص:- والله يا غيث بيه احنا سبناه خمس دقائق رجعنا لقيناه هرب

غيث بغضب:- اصل انا مشغل شويه بهايم عندي عارفين لو مظهرشي هعمل فيكوا ايه

غيث رمي التليفون بغضب وقال:- هلاقيك و وقتها عقابك هيكون زاد يا زباله

___________________________

صباحا في قصر العمري

نرمين:- يلا يا بنات علشان نروح قصر السيوفي

قمر:- ماشي يا ماما بساعد همس في اللبس ونازلين

أميرة:- انا خلصت

نرمين:- جبتي الفستان اللي هتلبسيه بالليل

أميرة:- اه جبته

محمد:- انا هروح الشركه في اجتماع سريع كدا هخلصه واجيلكوا هناك

همس وهي نازله:- ماشي يا بابا بس متتاخرشي

محمد:- ماشي يا حبيبتي

محمد مشي وقمر وأميرة وهمس ونرمين ركبوا السيارة ومشيوا

قمر:- هو ليه كتب الكتاب هيبقي هناك

نرمين:- هما اتفقوا علي كدا بقي

قمر:- تمام

________________________

في قصر السيوفي كانت عشق وسيلا وهنا وفهد وسليم وأحمد قاعدين في الصالون

فهد :- سليم خلصت الاوراق السفر ولا لسه

سليم:- اه خلصت وان شاء الله هنمشي بكرة

هنا:- ربنا معاكوا وترجعوا بالسلامه

الكل:- يارب

وبعد شويه وصلت قمر وهمس واميره ونرمين وسلموا على بعض وقعدوا

احمد:- امال فين محمد

نرمين:- عنده اجتماع سريع وهيجي

احمد:- ماشي كتب الكتاب بعد المغرب قوموا يا بنات اجهزوا يلا

عشق وقمر وسيلا وأميرة وهمس طلعوا غرفة سيلا

سيلا بفرحه:- انا هموت من الفرحه

أميرة :- وانا كمان تعرفوا ان كنت في الاول شايفه اني بتجوز عز وخلاص من غير حب وكدا اما دلوقتي بحبه اوي بس مش عارفه هو بيحبني ولا لا

سيلا:- عز بيحبك اوي علي فكرة وباين عليه

عشق بابتسامة:- ربنا يتمملكوا علي خير يا حبايبي

قمر:- ايه يا همس مش فرحانه ليه

همس :- بالعكس أنا فرحانه اوي بس خايفه احسن يتعلق بيا ويحصلي حاجه انا بحبه اوي

عشق :- ان شاء الله يا قلبي مش هيحصلك حاجه وافرحي بقي دا انتي هتتجوزي اللي بتحبيه

همس :- وانتي عامله ايه مع فهد