هوس الفهد

الفصل الرابع

عشق وهي تقرأ الرساله بصدمه

عشق بصدمه:- وقوع جميع شركات العمري

عشق قامت بسرعه من علي السرير ونزلت تحت بسرعه شافت ابوها واقع علي الارض وامها عماله تصرخ

عشق ببكاء:- في ايه يا ماما

نرمين بانهيار:- ابوكي اول ما قرا خبر أن شركاته وقعت أغمي عليه ومش راضي يصحي

همس ببكاء :- طب بسرعه ناخده علي المستشفى

همس راحت شغلت عربيتها وعشق طلعت بسرعه غيرت ملابسها ونزلت سندت ابوها مع امها ودخلوه العربيه وركبوا وهمس ساقت بسرعه كبيره وخلال وقت قصير وصلوا مستشفى السيوفي عشق نزلت بسرعه من العربيه ودخلت المستشفى وفضلت تصرخ بصوت عالي وتقول

عشق ببكاء وصوت عالي:- حد يجي بسرعه بابا هيروح مني

الممرضه وهي تاخذ ترولي وتذهب معها الي العربيه وركبوا محمد علي الترولي ودخلوا المستشفي ومحمد دخل غرفة الدكتور وقال

الدكتور:- لو سمحت الكل يخرج برا

نرمين ببكاء شديد:- بس

عشق بمقاطعة:- يلا يا ماما علشان الدكتور يطمن عليه

همس وعشق ونرمين خرجوا وقفوا أمام الغرفه ينتظروا خروج الدكتور وعدي وقت والدكتور لسه مخرجشي سليم كان معدي من جمب غرفة محمد شاف همس قاعده علي الارض وبتعيط سليم استغرب هي بتعيط ليه راح وقف قدامها وقال

سليم :- دكتورة همس بتعيطي ليه

همس ببكاء أشد:- بابا جوا من زمان والدكتور لسه مخرجشي

سليم وقف جمبها وفضل يطمنها بحنان وبعد شويه الدكتور خرج همس وعشق ونرمين وسليم جريوا عليه

نرمين :- في ايه يا دكتور

الدكتور :- للاسف المريض اتعرض لصدمه قويه أدت إلي حدوث سكته قلبيه ولو ما فاقشي خلال ٢٤ ساعه هيدخل في غيبوبة والله اعلم هيفوق امتي

نرمين أغمي عليها وسليم مسكها ودخلها غرفة اللي جمب غرفة محمد وهمس وعشق فضلوا يعيطوا ومش عارفين يعملوا ايه

سليم راح عليهم وقالهم:- متقلقوش ان شاء الله هيفوق

همس ببكاء :- شكرا يا دكتور سليم علي وقوفك جمبنا

سليم :- عادي انا معملتش حاجه دا واجبي هسيبكم ترتاحوا شويه

سليم خرج من الغرفه وهمس نامت علي الكرسي اللي جمب سرير نرمين اما عشق فكرت في حاجه وقامت خرجت من المستشفى كلها وركبت عربية همس ومشيت

______________________________

في شركة السيوفي

في مكتب فهد كان يجلس بفرحه بسبب اللي عملوا في عشق