#اسيـرتـه
بـارت السابـع
لا تنسـون التصـويـت+ تعليق بين الفقرات+ متابعه للحسـاب 🤎
الچان يوعَدني بـ وَطن ، هَدملِي بيتِي و راح
♡♡♡♡♡
جيلان: يلا فوف حروح للكُليه
فرقد: الله ويـاج حبيبي ديربالج على نفسج
جيلان: من عيونـي حبيب قلبـي
-أبتسمتلي وفتحت باب الشارع وصعدت بالسياره وابو الخط رجال جبير وگوه يشـوف ونوب جابته صديقتي نمشي وبالي يمهه كلت هاي هيه راح نموت ونودع الحياة الموحلوه
بتـول: شبيج تتهامسين ويا روحج؟
جيلان: انچبي ام الوصخ اكو وحده تجيب هيج خط
بتـول: ليش شبي الرجال
جيلان: دشوفي لا يشوف وكوه يحرك الستيرن وعضامه مگسره هسه ننگلب ونموت
بتـول: اسم الله علينه لج مالكيت شسوي واهلي اله رجال جبير عاد اخويه جابه
جيلان: طاح حضج وحظ اخوج الخايس
بتـول: صح لسانج اني عبالي راح يجيب واحد صاك وازوجه وماادفع فلوس
جيلان: باع هاي وين تفكـر
-ضحكت وصلنه للكُليه بخير وسلام الحمدالله بدت المحاضرات واني اليوم بيه حيل بس اكتب وادرس وكلساع وكايمه شارحه والاساتذه والدكتورات يأيدني ويفرحولي كُلش هواي اني من مرحله اولى شاطره فـ صرت مُتميزه بينهم خلصنه ورجعنه للبيت سلمت وبدلت وغسلت وكعدت اتغده كملت وشلت المواعين وغسلتهن صارت بـ 3 راحت فرقد للعياده وعمو اجه من الشغل بـ 12 واتغده ونام وطبعاً بطل من شغله القديم هسه صار عنده وظيفة هندسه والحمدالله راتب جان كُلش تعبان وميلحگ لكُلشي هسه أحسن بهواي للـ 9 بليل يلا اجت فرقد جايبين وياهم عشه كباب شوي وصمون وببسي كعدنه ناكل وفرقد صورت الاكل ودزته لـ اسيل
فرقد: هاي اوسيله تموت على كباب خل اضحك عليها
امجـد: هههههه خطيـه يابه عوفيها
فرقد: لا خل اضحك عليها ههههههه
-شويه ودزت بصمه اسيـل متنه من الضحك
اسيـل: اححح بووويه والعباس ابو فاضل اذا ماتعزميني على كباب من راتبج لو راتب زوجج فـلا بعد اعرف عندي عمه واسمها فرقد والعباس احظرج وبعد خل نشوف منو تساعدج بسوالفج
امجـد: ياسوالف؟
فرقد: هههههه هاي اني مرات اخبث على سلطان لو هشام وهيه تضملي لو تساعدني بالجريمه
أنت تقرأ
اسيـرتـه
Tiểu Thuyết Chung" حَنيتلي وجيت شعَجب مشتاكَ لو جاي بعَتب نايم ضميرك من رحت معقولة قرر يصحى؟ لو فكرت راح انلوي لا عمي الگبالك قويّ من عفته مجروح ورحت بدموعه ضمّد جرحه . "" اسيـرتـه""
