#اسيـرتـه
لا تنسـون التصويت+ تعليق بين الفقرات+ متابعة للحسـاب🤍
#بقلمـي: جَـنـات الـ شمـري
♡♡♡♡♡
"بعـد مرور 3 اشهـر"
الساعـة 11:11 دقيقـه ليلاً
-أبتسمت واني بحضنـي ابنـي يشبهني كُلش جبتـه بهيچ وقت وبـ شهر الـ 11 اتقدم يمي وحضني
سلطان: الحمدالله علـى سلامتـج حبيبي
جيلان: الله يسلمك حبيبي
اسيـل: شنوو هاي شو ميشبه اخويه
ام سلطان: الحمدالله طلع علـى امه اشگراني وعيونه زرك البنات يصيرن علينه فيلق
اسيـل: اي والعباس ابن اخويه الصاك
هشـام: شراح تسمـو
سلطان: بگيـف امـه
جيلان: دانيـال
هشـام: شني هذا اسم بنيـه
اسيـل: لا كُلش حلو بالعگس
سلطان: متأكده تردين هذا الاسم؟
جيلان: اي حبيبي
سلطان: هاي هيـه ادللي بويـة
هشـام: تعال يابعد عمك دانـي ابو عيون الزرگ
-أبتسمت وره يومين رجعت للبيت واجو هواي ناس بارگولي وياهو اليجي يتعجب بـ دانيال صارت خالتي تقراله معوذات وحرمل بحيث صار الليل مينامه وبس يبجي اخذناهه لدگتور ميفيد لحدما اجت بيبي رضيه وقرت عليه مدري شنو وصار زين وانطته علاج مال عرب ولأن هيه مره جبيره فـ تعرف بكُلشـي
جيلان: بيبي حبابة ابقـي هنا
رضيـه: لا يمـه اليـوم اروح يم امل
هشـام: انتِ كُل اسبوع بـ مكان متنقله
رضيـه: وانتَ شعليـك يالفگري
هشـام: بشنـي فگري بـلا؟
رضيـه: بس انخطبت بتول وره شكم يوم اتوفه ابوها
هشـام: چا عمره 55 سنه من حقه يموت
رضيـه: اصلاً بعده بشبابه شايف من حياته
هشـام: اي حقچ انتِ هسه عمرج شكد
رضيـه: 60 سنـه
اسيـل: ياااا بيبي عمـرج 70 سنه
هشـام: هنياليييي والعبااااس هنيالييي
رضيـه: وسم حتى سم شتريد منـي
هشـام: والحبچ ماخسـر رضوه والحبچ ماخسر ضوضايه
رضيـه: دولي من وچهي يلا واحد منكم يوصلني لـ بيت عمتكم امل
ام سلطان: ابقي يمنه عمه
رضيـه: غير مره إن شاءالله هاي بنات امل يبجن اله يمنه تجين
أنت تقرأ
اسيـرتـه
General Fiction" حَنيتلي وجيت شعَجب مشتاكَ لو جاي بعَتب نايم ضميرك من رحت معقولة قرر يصحى؟ لو فكرت راح انلوي لا عمي الگبالك قويّ من عفته مجروح ورحت بدموعه ضمّد جرحه . "" اسيـرتـه""
