اسيـرتـه
لا تنسون التصويت+تعليق بين الفقرات+متابعة للحسـاب♥
ليش تهديلي اغاني ؟
چا كدرت اكسرهة لو هاديلي سلعه
ذاك 'هيثم يوسف' الكلش احبه كمت ما أكدر اسمعه .
...................................
حـور: لج جيلان شوفي حال امي شسوي هسه انـي لج سلطان تعذببب منا وفاة المرحومه ومرض امي لج ونبي يوميه بليل اشبع بجي اسألي علي تعبت اني
جيلان: خلي ايمانج بـربـج قوي مو على شي صار بسرعه تنكسرين صيري اقوى من هذا الشي ادري مو بيدج بس ابدداً لا تسوين هيج بنفسج حوري
حـور: تعبانة جيلان احس راح اخسر امي مااگدر اني خسرت اختي نوب اخسر عزيزة گلبي اموت والله
جيلان: اسم الله عليها شبيج انتِ لا تفاولين على امج هيچ وبعدين سلطان مو اخذها لـ ديوانية اكو دكتور هناك زين وبلكي تصير زينه وترجعلنه بحيلها القديم
حـور: اووففف امين شوكت يرجعون
جيلان: كال بليل يلا راح اسوي عصرونية
حـور: ونبي مااشتهي لج جيلان شوفي البيت وحشه بدونها هسه لو هيه بنصنه؟ هم بنية وعدها طموح واحلام هاي السنه مرحله اولى داومت بس شهر وتوفت من قريت اللافته باب الكُليه واسمها مكتوب لج متت بجي يريد علي يسكتني مايكدر اخخ ياگسرة كلبي
جيلان: كافي حبيبي والله مو كد هل وجع احنة لعد شتكولين عليه اني عايشه بالبيت وهيه مو يمي وخاله يوميه يم دكتور وسلطان وهشام وياها وبس بالبيت اني ودانيال اني هم تعبانة وفراك اسيل تعبني بس شنسوي منكدر نعترض على حكمة رب العالمين
حـور: لج هيههه ليش انتحرررت والله محتاجتها شفتيها من وصتنه وتكول ميحجون وياي اخخ ياخيتي ثاني وجعه اليه بعد وفاة بابا صارت يم ابويه جانت يوميه تكلي حور اريد اشوف ابويه واحضنه حيل
جيلان: سوده عليه هيه شكد عمرها واتوفه
حـور: عمرها 13 سنة اصلاً صغيره واني 19 سنة جنت استوني مرحله اولى وهو الـ قدملي ؏ كُليه وجان حيل فرررحان اخخ يابابا سوده علية تدرين مرات افكر انتِ شلون عايشه هيج بدون أب وأم ولا اخت ولا اخ لج اني هذوله اهلي واحس نفسي يتيمه بس لان ابويه مات وانتِ امج عايشة وعايشه حياتها يم زوجها وبتها
جيلان: هلـي ضيمـي الأول والأخير
حـور: الله يساعدج يروحـي
-أبتسمت بحزن وسويت جاي وكعك وكعدنه ناكل ونسولف بعد شهر لـ سنوية اسيل وخاله بعدها مريضة صارت بـ 9:30 بليل واجو خاله وسلطان وهشام سلمو وكعدو انطيتهم مي
حـور: بشـرو؟
هشـام: شنبشر متكليلي
حـور: شگو ياستار
سلطان: هشـام ودي امي للـ غرفه تعبانه
-راح هشام وده خالتي للغرفة وبده يسولف سلطان
سلطان: موزينة حالتها وكال شفائها 10٪ وبعد ماندري ؏ الله
حـور: سلطان فدوه عالجها ونبي اذا صار شي بيها اموت
سلطان: اتحملي الصدمات خوية الصار قبل ماقوة گلبج
حـور: عله بگلبي الصار بس خايفة اخسر امي
سلطان: الله كريم
-احس سلطان بااارد وعنده عادي صعد فوك اتعچبت عليه وحور تبجي كوه سكتتها وخابرت رجلها وشويه واجه واخذها وراحو شفت هشام كاعد ؏ تخم ويبجي هاي ثاني مره اشوفه يبجي كعدت يمهه وأبتسمت
جيلان: تبجـي ؏ خالـة؟
هشـام: ؏ امـي و؏ بت امي الي جوه التـراب لج جيلان شوفي البيت وحشه بدونها بعد شهر وتصير سنه شبسرعه؟ والله احسها البارحه توفت اذكر من كتلتها وهيه تبجي وتترجه نعوفها اخخ تنگسر ايدي المديتها عليها ياريتني لو ميت وياها ولا متحمل فراگها لج هاي اميرتي احسها بعد 3 اشهر واطـب بـ 20 سنة وهيه ماموجوده جان من يقرب عيدميلادها هيج وقت كلساع تخبصنه وتكول عيد ميلادي قرب اريد هدية وهسه هيه ماكو؟ قبل اشهر تحظر للـ كليـه وهسه هيه ماكوو
جيلان: نزلن دموعي، الله يرحمها مانگدر نكول غير شي هذا قدر الله مو بيدنه ويمكن هذا يومها حتى لو انتحرت تدري قبل لا تموت بساعات كالت انتظرو خبر موتي بعد 4 ساعات
هشـام: وليشش مگلتييي ليشش؟؟
جيلان: ماادري حسبالنه تشاقة لان جانت تضحك وحضنتنه اني وحور وقبل لا تموت بايسه خالتي وصاعده فوك منتحره
هشـام: منو كلج
جيلان: خالتي حاسها عليـها بس مغلسه لان زعلانه وياها خالتي ليهسه تلوم بروحها
هشـام: خررررببب واكول بهذاك اليوم منو باسني طلعت هيـة
جيلان: يعني باسـتك
هشـام: اي اي ياريتني حاس وكاعد راحت مني وانـا مامودعها غصه بگلبي خبر وفاتها
-سكتت وبس دموعي ينزلن حرفياً موقف صعـببب راح هشام لغرفة خاله لان ينام يمها خاف تاخذ علاجها لو شي صعدت فوك شفت سلطان صافن على سگف ودانيال نايم خليته بالكاروك راح يصير عمره سنتين سمنان وحليان لبست دشداشه قصيره سوده ورفعت شعري ونمت بصف سلطان انتبه عليه وگال
سلطان: ضميني بضلوعـچ بت گلبي
جيلان: اضمـك بروحـي مو بس بضلوعي حبيبي انتَ
سلطان: أبتسم، احبـچ ياتعـب سنيني
-أبتسمت وهمست احبـك ونمنـه براحة وسعاده......
.........................
اللهم صلِ على محمد وال محمد ♥
اشوفكم بارت جديد ♥
أنت تقرأ
اسيـرتـه
General Fiction" حَنيتلي وجيت شعَجب مشتاكَ لو جاي بعَتب نايم ضميرك من رحت معقولة قرر يصحى؟ لو فكرت راح انلوي لا عمي الگبالك قويّ من عفته مجروح ورحت بدموعه ضمّد جرحه . "" اسيـرتـه""
