بعد طريق طويلة من العمارة لفين ساكن مارد خارج المدينة عاد وصلو..هزات راسها تطل من الزاج تيبان ليها سور ضاير بواحد الفيلا كبيرة تحل بابها الخارجي بشكل اوتوماتيكي عاد دخلو للداخل فين كانت الخضورية ضايرة بيها...
خرج الشيفور حل ليهم الباب و توخر ضام يديه حتى حل الكوفر جبد الباليزة..هبط مارد و مد يدو لمريامة لي كيف حطات رجلها فوق الأرض هزات راسها فالمكان بذهول بحال هاد الديور لي تتشوف فالمسلسات التركية و الأجنبية!..شد الباليزة عند الشيفور لي مشا يباركي الطونوبيل و يمشي فحالو...
بقات غادية تتمشا معاه و يديهم مشابكين وسط الصمت لي كاسرو غير صوت الروايض د الباليزة المجرورة..حل ليها الباب حتى دخلات تضور راسها مندهشة اشمنك يا صالونات اشمنك يا ديكورات كلشي تيهبل و باين غاالي و مخدوم عليه بعناية..اشار ليها بلباقة لفين كاين الدروج قداش تيطلع للفوق حتى وصلو قدام اكبر بيت فالفيلا و هي بيت النعاس...
دخلات تتحرك راسها و تمنضر بعينيها كان السواد و اللون البني طاغيين على الجو..هادشي بطبيعة الحال عادي مادام مالك الغرفة رجل...
مارد بابتسامة: من بعد و نبدلوه كيف بغيتي عارف مغيعجبكش ذوقي فالبيت حيت طاغي تاني بزاف كرجل..خليت كلشي كيفما هو حتى تجي و نتافقو على الديزاين و كلشي يالاه زدت غير هاد الكوافوز على حسابك (حرك يديه) فاش تبغي تقادي و كدا...
مريامة حركات راسها بالنفي: لا لا لا ماشي مشكل خاص غير شي لوينات مفتوحين نهرسو بيهم هاد الظلام لي خالقو الكحل و القهوي فالبيت و كلشي غيكون مزيان (بتاسمات محركة راسها بإمتنان) و عجبني بزااف الكواافوووز تيبان بحال داكشي د الصالونات الكبار ههه
مارد فرح: فرحتيني فاش عجبك سولت غير لي خدامة تما و قتارحاتو عليا (حرك يدو) متنفهمش فهادشي ديالكم نتوما العيالات
مريامة بابتسامة دافئة و عيون لامعة: المهم عندي هو انك حاولتي و المحاولة كانت ناجحة ههه
مارد قرب منها حتى عنقها: حاجة وحدة لي بغيت منك و هي ماتحشميش مني..لي بغاتها خاطرك قوليها عمرني غنفكر فشكل بخصوص احتياجاتك واخا؟
مريامة حركات راسها بالإيجاب وسط حضنو الدافئ: واخا تنواعدك بهادشي ولكن تحمل المسؤولية ههه
مارد بعدها منو بشوية: قاد بيك و بقبيلتك كلها ا القزمة ديالي
مريامة بخجل: ماشي لديك الدرجة!
مارد ضحك: ههه بصراحة نتي اطول من الأقزام ولكن غير شوية كون شبهتي غير شوية لباك كنتي غتكوني طويلة
أنت تقرأ
ولــــع العــــفــــريــــت❤️🔥👺|🇲🇦
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 👺❤️🔥ولـــــــــــع العــــــفــــريـــــت❤️🔥👺 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 ___________________________________________ هي فتاة بش...
