هَيْصَم

مهم

صباحكم عسل ياعسل انتوا..

محبيت احجي بهذا الموضوع لكن هوايه شفت تسائلوا ونزعجوا من اسماء الأبطال لذلك راح احجي اهنا بالتفصيل عن هذا الموضوع ،

القصه هي قصة ضباط تتحدث بشكل أساس عن المهمه الوطنيه اللي يقودوها وعلى العلم اني مذكرت الا فقط بعض الشخصيات المهمه واللي عدها تواصل وي البطل واللي الهم دور مذكرت احد مو مهم هم فقط خمس اشخاص نبدي ب هَيْصَم ، لائِث ، هَمْهَام ، هَمَّاس ، ضَرْضَم ،

لاغير بالنسبه للتسميه فهم لأن ضباط ويحاربون ويواجهون الأعداء ببساله فأني شبهتهم بالأسود وعليه الأنسان المميز يحقله اسم مميز ومختلف،

للعلم القصه اكشن غموض وهوايه اسرار اذا مجانت مبنيه على اسرار ايضاً كل شي انكتب اله سر،

بالأضافة شغله مهمه روعة القصه وجماليتها ميحددها الأسم على رغم اني اعتبرها اسماء مميزة وكلش حابتها حتى ابطالي حبوها ماعرف ليش انتوا عدكم مشكله بيها؟!!

البارت بأذن العليم اليوم ينزل وحابه انوه على شي مهم ايضاً موعد التنزيل حيتغير ابتداء من الأسبوع القادم ان شاء الله ويصير أحد، ثلاثاء ، خميس،
وهذا التغيير لخاطركم على رغم مازلت مشغوله فأذا اتأخرت منزلت نفس اليوم لأي سبب راح انزل باليوم اللي بعدة وان شاء الله ميكون اكو تأخير لكن في حال صار عارض ما حتى متگولون خلفت بوعدها ومنزلت على الموعد اخليكم بالصورة.

وبالختام خبروني برأيكم بالقصه ومدا حماسكم الها.