كونو رجالاً لهن(ليبية_منقولة)

البارت الثامن عشر

كونو_رجالاً_لهن 🍃🌸
الحــــ 18 ــلقه 💕
.
.
.
.
.
.

ساره"خشيت للجنان ولفيت من وراه كنت عارفه بنلقى اشرف كنت نبي نكلمه وقفت عليهم وصدمت باللي نشوف لفيت وجهي وطول ودمعتي في عيني تجمعت مش قادره نستحمل اكتر من هكي مش قادره بجد"

منى"تباعد عليه بشوي ونشوف فيه ومبتسمه":- شفت انت ماتحبها ساره كان تحبها راه ماتبادلني بنفس شعور
اشرف"يشبح لعيون منى بيتكلم وشبح وراها لقا ساره تمشي فنص عينه":- عنـ***** "دف منى بشوي ومشا يجري وراه ساره"

ساره"مشيت نجري ودمعتي ع خدي ويدي ع فمي حاسه بجسمي كله يرعش مع بعضه من اللي شفته قلبي حسيته كأن بيوقف نسمع في صوته ومش قادره انشوف فيه"
اشرف"مشا فيسع شورها وقف قدامها ويتكلم وخايف":- سريوووه وقفي
ساره"بصوت عالي ونبكي":-اشششششرف ابعد عني ابعععععد
اشرف"عيونه فيها علامات ندم ويشبح فيها هايف يخسرها":-سريووووووه بالله والله هي جت شوري ياسريوه ماجيت انا بالله افهميني بالله 💔
ساره"نضرب في ع كتفه ونبكي وبصوت عالي":- الله لايسامحك ياااشرف الله لايسامحككك انت طعنتني انت غدرت بيا انت خليت جرح في قببي من اللي درته ليششش ليششش بس الله لايسامحك وانت عارف انها بتكون رزن ع قلبي الله لايسامحك اللي زدتني الهم عشره هموم الله لا ايسامحك يااشرف الله لايسامحك "انغصة فيا العبره ويدي ع صدره وهو شادهم ونشهق ونبكي بصوت عالي"
اشرف"دموعه ع حافة عينه":-سريوه
ساره"راسي لوطه ونبكي شديت يدي بالقوه عصرتهم":- ماتقولي سريوه خلاص يااااااسر من اللي ايصير "تباعدت عليه ومسحت دموعي وشبحت فيه وعيوني فيها دموع قاعد" اصلا كنت بنقولك اللي بيني وبينك كل شي تم وماعادش اتقول شي ولا تناقشني بحاجه "مشيت جنبه ومشيت"
اشرف"وقف في مكانه ومتجمد"

.
.
.
.
.
.
.
.
.
.

ايهاب"لبس بالطو متاعه كحلي لونه مع فانيليه رقبه سوده وجينز فاتح وسبيدرو اسود معاه لبسه ويشبح في يزن وهو تحت عيونه تعب واضح عليه وعيونه دابلات يستجمع في قوته قدامهم وكأنه مافي شي":- خيركممم تي مافيا شي انا راه 🤨
يزن:-ماعندي مانقولك انا بجد
معز:-ايهااااااب بتروح لحوشنا بتقعد معانا
ايهاب:-مو كنت جاي ليكم وبعدها مش عارف شن صار
يزن:-تمام هيا نمشو "مد مفتاح موتور لمعز" خليه عندك للنجي بعدين عندك مناوبه اليوم صح
معز:-اي عندي مناوبه "رفعه منا" انت ارفع ايهاب
ايهاب"ناض فيسع حس بروحه ان بيطيح لكن ناض عادي ويضحك":- هههه هلاص بنمشي في سيارتي وكان تبي تمشي معاي يزن
يزن:-تماااااام هيا "طلع قدامه"
ايهاب"وراه يمشي حاط يده في جيوب البالطو"

ركبو سياره مع بعضهم ومشو 💫
#بعــد___نص__ساعه

نزلو مع بعضهم وخشو للحوش

يزن:-هيبااااا خليك في المربوعه بنتكلم معاك في شي
ايهاب:-يزن كان بخصوص علاج ماعلاج فوتها
يزن:-لالالا مش بخصوصه انت خش واشوي ونجيك
ايهاب:- تمام "خش للمربوعه سلب بالطو وحطه ع صالون وقعمز ورفع راسه فرق وحيله مهدود بكل يتمنى ان يرقد بس وماينوض لكن لالا مستحيل يرضى بروحه ان ايكون هو ضعيف"