الجزء الأخير
نايم وفجأة صحى على صوت شادي بينادي عليه لإنه أتأخر على شغله قعد يفكر فى الحلم اللى شافه وكمان البنت قام ولبس فطر وخرج يروح القسم وهو قاعد سمع صوت خناق فى الخارج نادي على العسكري علشان يفهمه الحكاية
جواد : فى أيه يا نصر أيه الصوت العالي ده
نصر بضحك : شباب جايين يقدموا بلاغ فى صاحبة جروب
جواد بتعجب : ازاى يعني فهمني أيه الحكاية
نصر : جروب يا باشا إعلانات جواز والشباب بيروحوا يتقدموا للبنات اهلهم يض.ربوهم ويقدموا بلاغات فى الاقسام
جواد بسخرية : شباب مجانين البنات مفيش أكتر منهم فى البلد دخلهم خلينا نشوف هنوصل لأيه
نصر : بس يا باشا البنت هنا معاهم جاية تقدم بلاغ باعتدائهم عليها بالضرب والشباب عاوزين يقدموا بلاغ إنها نصبت عليهم
جواد : طيب دخل الشباب الاول نفهم منهم وبعدين دخلها
دخل ٣ شباب وقعدوا يتكلموا معاه
جواد : انتم مستنين منى أعمل أيه معاها ومعاكم
__ يا باشا ضحكت عليا واخدنا عناوين غلط وكل اللى نروح نتقدم لها يا متحوزه أو مخطوبه
_ حضرتك أنا روحت لواحده أهلها صعايده وكانوا هيق.تلونا احنا الاتنين لولا تدخل الشرطه
جواد : انتم عندكم اخوات بنات
بصوا لبعض وسكتوا كمل جواد : ياتري لو اخت واحد منكم فى مكان البنات اللى روحتم لهم هيكون موقفكم أيه
__ حضرتك عاوز نسكت بعد اللى عملته معانا
جواد : أنا هطلب من العسكري يدخلها ونحل القصه بشكل ودى بينكم وبينها أيه رأيكم
وافقوا وطلب جواد من العسكري يدخل البنت واول ما شافها وقف مصدوم كانت مضر.وبه بس نفس البنت اللى شافها فى الحلم وهى وقفت قدامه ساكته مش مصدقه انها شافت قدامها الشخص اللى فيه مواصفات عريسها المطلوب
كارما بابتسامه : صباح الورد يا ورد
جواد بتعجب : انتى مجنونه !!
كارما قعدت على مكتبه : أنا هحكى لك حكايتي يا لذيذ
جواد بصدمه : انتى اكيد مجنونه
كارما : قبل ما أشوفك كنت مجنونه لكن النهارده عقلت تتجوزني يا قمر
جواد للشباب : هى دى صاحبة الجروب
حركوا رأسهم واتكلموا مع بعض : أيوه يا باشا هى وحضرتك ممكن تدخل الجروب وتشوف بنفسك
حرك رأسه بتعجب مش مصدق البنت اللى بيحلم بها قدامه لكن مجنونه
جواد : ايه رأيك فى كلامهم ده يا انسه
كارما بغيظ : هو غلط يعني أساعد الشباب على الجواز ولا عيب أنا حتى بدور على عريس ليا بس أظن لاقيته لاقيته اللى اتمنيته لاقيته 😉😉
جواد بنفاذ صبر : لا كده الأفضل تتحولي على النيابه
وقفت بسرعه قدامه : يرضيك عروستك تتحبس مع المتهمين
بعد إيدها : عروسة مين !! لأ كده أنا هشوف حد تاني يحقق معاكي
علياء بغمزة : العنوان 7 شارع ***** الدور التالت شقه التانيه على ايدك اليمين
مسكها من فستانها بغضب : بقولك ايه انتى لو مجنونه أنا أجن منك اسكتى بقي ايه اليوم ده
شادي قاعد فى مكتبه دخلت تسنيم عنده بتنهج من الجري
تسنيم : شادي مفيش غيرك ممكن يساعدني قبضوا على تسنيم بسبب الجروب وهى عند جواد فى القسم
شادي بصدمه : عند مين يعني ما صدقت يوافق إنه يقابلها تقوم تروح له هى الاول بنفسها .. ضرورى أبلغ عمي سالم علشان يساعدني بنت عمك مجنونه
تسنيم بدموع : كلمه واحنا فى الطريق يلا بينا
شادي بتمثيل : تسنيم أظن اننا مش هنتجوز بسبب بنت عمك
وصلوا القسم وشادي دخل شاف جواد متعصب جدا وخاف من رد فعله لما يعرف إن كارما العروسه اللى كان رايح يتقدم لها النهارده
جواد : إنت بتعمل ايه هنا !!
شادي : بصراحه كارما تبقي بنت عم تسنيم البنت اللى حكيتلك عنها قبل كده
جواد بغضب : نعم يا ــــــــــــــ
شادي بخوف من جنانه : أهدى يا جواد أنا لو كنت غرفتك كنت رفضت
كارما بسعادة : عريسي اهاه
شادي بتوتر : اسكتى يا كارما والا هنتحبس سوا
كارما : المهم اتجوز الليله
جواد ساب المكتب وركب عربيته يهرب من الجنان اللى سمعه وكارما أخدت عربية شادى وراحت وراه قبل ما يهرب منها تاني
بعد مرور شهر كانت كارما هى وجواد كانوا مسافرين شهر العسل
كارما : جواد مش هتقولي بقي أيه حكاية الحلم
جواد : يوم ما شوفتك فى القسم حلمت بكي فى نفس الليله ولما شوفتك اتفاجأت وقررت اهرب من جنانك .. لكن لاقيتك جايه ورايا بعربية شادي وعملتي فضي.حه فى العمارة ليا وكويس إن خالى كان عارفك والا
كارما بضحك : والا ايه يا حضرة الضابط
جواد بابتسامه : والا وقتها كان زمانى اتجوزت أجن شخصية على الكوكب كله يا حبيبتي
مر عدة شهور وكارما كانت حامل وفجأة شافها قدامه فى القسم مع أشخاص مصممين يقدموا فيها بلاغ بسبب جروب عريس دليفري
وكده انتهت الحكاية اتمنى تكون عجبتكم 🤗🤗
