مابغيت الا تكونين نجمه من نجومي .

اسم البارت {عيشه جديده }

قامت نجم على صراخ ابوها
ابو سعد : قومو يا عيالي جهزو شنطكم خلاص بكرا رايحين الرياض
قامت نجم بكل حماس
نجم : اخيراً يلا بقوم اغسل وجهي واسوي لي فطور بعدها ابدا اجهز نفسي ..
قامت و سلمت على امها و ابوها سوت لها فطور. وراحت ترتب شنطتها
نجم : الحين يعني ذي اخر لحظات اشوف غرفتي فيها ... باي يالمكيف الخربان ، باي يالسرير الي يكسر الظهر ، باي يا مرايتي الي نصفك منكسر ..
شلت شنطتها ولبست عبايه الراس
ام سعد : على وين يا نجم ترا بكره بنروح مو اليوم انخبلتي
نجم : بروح اودع خالتي ام خالد و اودع خوياتي واجي
ام سعد : الله معك
-
كانو قاعدين يفطرون وسمعو صوت دق باب
ام خالد : خالد قم افتح شوف مين يمكن زبون
خالد : ابشري
سميره : ياذول الزباين على وش كلها بهارات
ام خالد : احترمي نفسك ذا شغلي ...
فتح خالد الباب وصرخ : يما ذي نجم تبي تدخل
ام خالد : اي نجم دخلها دخلها
سميره : نجم ذي كل يوم طابه عندكم بيتهم مافيه بهارات
ام خالد : وبعدين معك انتي ؟
نجم : سلام عليكم يا خاله عسى ماقاطعتكم ؟
ام خالد : لا لا المهم امريني وش بغيتي ؟
نجم : خالتي احنا بكرا مسافرين الرياض وانا جيت اودعك لاني بشتاق لك
ام خالد : جد بتروحون الرياض؟ ماعاد ترجعون ؟
نجم : لا راح نسكن هناك خلاص ابوي لقا لنا بيت و لقا له شغل و تدبر وضعنا
سميره بصوت خافت : محظوظه انا كنت في هذاك النعيم لين توفو امي وابوي واضطريت اسكن مع هذول ...
ام خالد : قلتي شي ؟
سميره : هاه لا اقول الله معك يا نجم
نجم : حبيبتي ..
باست راس الخاله و ودعتهم وهي الدموع بعينها وطلعت ...
راحت لبيوت صديقاتها وعند كل صديقه تبكي اكثر واكثر ...
-
الفراق حزن كلهيب الشّمس يبخّر الذّكريات من القلب ليسمو بها إلى عليائها، فتجيبه العيون بنثر مائها؛ لتطفئ لهيب الذّكريات.
-
رجعت البيت على العصر وقعدت تساعد امها في التجهيز
ابو سعد : بكره الساعه 12 الظهر تكونون جاهزين وراكبين السياره بنحرك تقريباً بناخذ 7 الى 8 ساعات ...
يعني بنوصل هناك 7 الليل ننام على طول و اليوم الثاني نرتب البيت و الوضع ...
خلصو راحو نامو بدري لان بكرا يوم شاق عليهم ...
-
اليوم الثاني ...
ام سعد : نجم قومي الساعه 10 رتبي نفسك وافطري
نجم : يلا يلا قمت
راحت نجم الحمام و غسلت وجها بعدها لبست لبس مريح للسفره ورتبت شعرها جهزت عبايتها و شنطتها و طلعت فطرت مع العيله
بداو الساعه 11 يحطون الشنط في السياره ...
نجم : يبا نزل كل الكراسي عشان يكون في مكان ننسدح ونرتاح في السياره ..
ابو سعد : صحيح فكره و الشنط الكبيره بربطها فوق السياره ...
خلصو كل شي بضبط على الساعه 12 ودعو اهل الديره وراحو ...
نجم : بابا هناك الحياه مرا غير يعني في اشياء لازم تتغير وانا حطيت قائمه
ابو سعد : الله يستر وش هي ؟
نجم : اولاً ماراح البس عبايه راس راح البي العبايه العاديه نفس كل البنات
ثانياً راح تشتري لكل العيله جوالات جديده ثالثاً راح تبيع السياره هاذي وتشتري جديده رابعاً راح تودينا نتسوق ملابس جديده لنا ...
ابو سعد : اوف اوف تكاليف بس تبشرون بالخير ...
ضحكت نجم وانسدحت نامت لين يوصلون ...
وصلو الساعه 7 نزلو و راحت نجم الغرفه الي ابوها قال انها لها
ابو سعد : مافي اثاث راح تنامون على الارض لين نأثث البيت
راحت نجم غرفتها وانصدمت من جمال الغرفه و و سعها فرشت فراشها الي جابته على الارض مع مخدتها و راحت تسبحت و لبست ملابسها ونامت نومه عميقه بعد التعب ...
قامت على صوت اهلها يعدلون و يشيلون ويحطون الاغراض
نجم : يبا شصاير
ابو سعد : بس قاعدين ناخذ افكار التأثيث و نعدل اغراضنا
طيب اسمعوني ، عشان راحتنا اول شي راح نبدا تأثيث فيه هو غرفكم و الله يجزاه خير ابو صالح عطاني راتب مبكر و اجازه اسبوعين ارتب حالي
راح نروح اليوم محل اثاث تاخذون اثاث للغرف و يوصلونها لنا بكرا البسو يلا ...
لبست نجم عبايتها وراحو المول انصدمت من كبره وجماله ...
راحو محل الاثاث و اختارت نجم اثاث غرفتها و قالت : يبا في محل عبايات بروح اشتري لي عبايه جديد
ابوها : روحي يعيوني بس خذي امك معك
راحت وهي طايره من الفرحه و شرت عبايه جديده جميله
رجعو البيت تعبانين و تعشو و نامو ...
قامو اليوم الثاني على صوت الجرس ...
ابو سعد : ياهل البيت قومو الاثاث وصل
تحمست نجم و قامت دخلو العمال وركبو لهم الاثاث
دخلت وعد غرفتها بعد ما راحو العمال فرحانههه من جمال الغرفه ...
حطت لها فراش جديد و رتبت ملابسها في الخزانه و قعدت تصور غرفتها لخوياتها فرحانه ...
ناداهم ابوهم وقال : هاذا الاثاث اول شي خلصناه اثاث المطبخ و المجلس بيوصلون بكره اما عن الجوالات ... مد يده معه جوالات جديده شاريهم عطاهم كلهم وفرحت نجم وحضنت ابوها
راحت غرفتها وبدأت تشكر ربها
نجم : معقوله اخيراً حياتي تحسنت كذا اخيرا بتكون حياتي جميله زي ماتخيلت طول عمري .. فتحت جوالها و ورت خوياتها وقعدو يباركون لها فيه ...
بعد ماخلصو كل الضغوطات و انهو بيتهم و ابوهم جاب سياره جديده ...
كلمت نجم سعد عن الجامعه انهم يكلمون ابوهم في جامعه قريبه منهم يوصلهم قبل يروح الدوام ويرجعهم وهو راجع و تكلفتها بسيطه جداً ..
نجم : يبا انا و سعد نبي نقولك شي .
ابو سعد : تفضلو ...
نجم : يبا في جامعه قريبه منا نبي نسجل فيها تكلفتها بسيطه واعتقد تقدر عليها نبي مستقبلنا ينبني
ابو سعد : تمام .. بس كيف الروحه و الجيه و التسجيل وكل ذا ؟
نجم : التسجيل الكتروني بنسجل ويرسلون لنا القبول اما الروحه و الجيه تودينا وانت رايح دوامك ترجعنا وانا راجع منه لان بنفس الوقت ...
ابو سعد : عجبتني الفكره خلاص قدموا على الجامعه والي يصير بيصير .
فرحت نجم وفتحت جوالها قدمت لها و لسعد. وانتظرت القبول اسبوع ..
جاهم قبول وطارو من الفرحه لازم يبدون يداومون من الشهر الجاي
نجم : يبا
ابو سعد : هلا بنيتي ؟
نجم : عطنا فلوس انا و سعد بنروح نشتري لنا اقلام و دفاتر و اغراض للجامعه بعد شهر بنداوم ونبي نتجهز من الحين ...
ابو سعد : خذو بس بتروحون مع مين ؟
نجم : تطبيق توصيل يوصل للمكان الي تبيه بسعر حلو
ابو سعد : انتبهوا على نفسكم وارجعو قبل الساعه 6 المغرب ..
طلعو سعد ونجم وشرو لهم
شرت لها نجم دفاتر اقلام محددات شنطه و غرشه تخزن فيها مويتها للدوام
خلصو ورجعو تعشوا ونامو ...
و بعد فتره ...
فرحه نجم ماتوصف بكرا اول يوم جامعه خلاص حلمها تحقق جامعه ودراسه مستقبل ينبني ....
وبس هاذا هو البارت الثاني اتمنى نال اعجابكم 🙏🏾 .