مابغيت الا تكونين نجمه من نجومي .

اسم البارت { حلم ينبني }

قامت نجم على صوت المنبه
نجم : اوهه جامعه يلا بقوم ...
راحت الحمام غسلت وجها و رجعت الغرفه كشخت بملابسها الجديده وشالت شنطتها و رتبت شعرها و حطت شوي ميكب
نجم : سعد وراك ماقمت قلت لك حط منبه يلا بنتاخر قوم
راحت شافت امها حاطه الفطور
ام سعد : صباح الخير بنيتي يلا افطري
نجم : صباح النور يا كل النور من عيوني وتسلم يدينك
سعد : اففف ... الله اكل !!
نجم : اول شي اف بعدها الله ههههههههه
سعد : انا بروح اتجهز وبعدين بجي اكل لا تخلصون الاكل
نجم : مو مفاجيع نفسك لا تخاف
ابو سعد : صباح الخير وش ذا الازعاج
نجم : ولا شي بس قايمين نفطر ونجهز للجامعه
ابو سعد : اي شوفو بنطلع الساعه 8:30 عشان اوصلكم الساعه 9 وانا اكون في دوامي الساعه 9:30 وبرجع اخذكم الساعه 2
سعد : اناا جيت عطوني الاكل جوعان
قعدو ياكلون ويسولفون
ابو سعد : يلا طولنا امشو السياره
نجم : يلا اسبقنا يبا بنجي
ركبو مع ابوهم
نجم : السياره الجديده تجنن يبا الله ما شاء الله
ابو سعد : شرايك بس هههههه
ابو سعد : وين الجامعه دلوني معرف
سعد : شف يبا روح هنا يمين بعدها ثاني لفه يسار بتكون على يدك اليمين
وصلهم ابوهم ونزلو
نجم : متوتره مرا
سعد : ليه ترا جايين نبني حلمنا ادخلي يلا
دخلو و سألو السكرتير و راحو صفوفهم
الدكتوره : رحبو معي بطالبه جديده اسمها نجم محمد ... شوفي نجم هاذا كلاس إداره الاعمال برسلك كل شي عنا في الواتس اب يعني كيف شغلنا ومتى حصصنا و ايش تحتاجين اغراض وغيره ...انا اسمي دكتوره هند
نجم : تشرفت فيكي دكتوره هند وين اقعد ؟
الدكتوره : شوفي ثاني مقعد هنا فاضي ... يلا نكمل حصتنا
-
الدكتور : رحبو معي بطالب اسمه سعد محمد ... سعد هاذا كلاس التداول تقدر تتفضل تقعد هنا انا الدكتور مهند ..
-
في مكان مو بعيد كثير ...
قام على صوت الخدم في القصر ....
عمر : شفيكم انتم شصاير ؟؟
ميري : عمر تحت في شرطه ياخذ ابوك
عمر : ابوي ؟ ليه ؟ متى ؟
ميري : انا مايعرف !!!
ركض تحت وراح و هو يصرخ اتركو ابوي انتم هيي !!
الشرطه : معك الشرطه و راح ناخذ ابوك بتهمه نصب .
عمر : وش ؟ نصب في وش ؟؟
الشرطه : اتضح ان ابوك بايع 3 اراضي بملاين ومزور اوراق وهاذي الاراضي مو له اصلاً اراضي للبلديه ...
عمر : كيف لا ابوي مايسويها ..
الشرطه : ابوك سواها و تم رفع عليه قضيه وراح ياخذ جزائه .
جلس عمر على الارض بين مشاعر متلخبطه ... يقولون ابوه حرامي ؟ هو ماله غير ابوه واخته !! كيف ياخذون اغلى شخص عنده بهاذي السهوله ؟
لف وشاف اخته تهات مقفله عيونها تبكي ....
عمر : تهاني يروح عمر بابا مافيه شي بيرجع بكره هو عنده شغل
تهاني : بس هذا شرطه
عمر : اي عادي امشي نروح الغرفه شرايك اقرا لك قصه ؟
تهاني : ياي يلا
تهاني : عمر اليوم مافي مدرسه ؟
عمر : لا اليوم بخليك تغيبين وبعدين بوديك الالعاب وبناخذ ايسكريم
تهاني : ياييي احبك عمر
عمر : بس شرط تنامين الحين و بسرعه ؟
تهاني : اوكي
طلع عمر من غرفه تهاني وراح غير لبسه و غسل وجه و طلع على مركز الشرطه يشوف ابوه ..
وصل
الشرطه : عمر ابوك بعد هاذي التهمه اول لازم تدفعون دين 7 ملاين ثانياً بينسجن لمده 8 سنين ....
عمر : لا تكفى مالي غير ابوي و اختي صغيره في البيت تحتاج ابوي بسدد لكم الدين بس طلعوه
الشرطه : مانقدر و يفضل تسجل الدين بسرعه في حال تاخر راح تزيد عدد ايام السجن
عمر : هاك بطاقتي ادفع كل الي تبيه
الشرطه : تم ازاله الدين بس لازم تنتظرون 8 سنين يطلع يلا ممكن تتفضل ؟
طلع عمر وهو مكسور وراح البيت مبين ان مافي اي شي
عمر : ميري نادي كل الخدم و السواقين كلهم
ميري : تمام ..
عمر : اسمعوني بابا انسجن 8 سنين انا بدفع لكم رواتبكم وبتمشون الحياه طبيعيه اذا تهاني سألتكم بتقولون مسافر فقط ! اي شي غير راح اطردكم على طول
كلهم : ان شاء الله
عمر : يلا روحو و ميري جهزي تهاني و كشخيها بوديها الالعاب ..
ميري : تمام
-
ابو سعد : الو سعد انا برا تعال انت ونجم
سعد : تمام جايين ، نجم يلا امشي ...
ركبو السياره
ابو سعد : كيف كان يومكم ؟
نجم : متعب بس يونس
سعد : نفس الشي تعب بس شي جميل انك تدرس وتعرف ان عندك حلم ينبني ...
وصلو البيت و راحت نجم تنام تعبانه و منهكه
اتصل ابو صالح في ابو سعد
ابو صالح : ابو سعد عندي معك موضوع مهم
ابو سعد : ان شاء الله خير وش ؟
ابو صالح : ماينفع نتكلم في الجوال قابلني في بيتي ...
حرك ابو سعد بسرعه وراح
دخل وشاف ابو سعد وقدامه ولد غريب ...
قعد وقال : شصاير ؟
ابو صالح : هاذا عمر ولد خوينا فهد ...
ابو سعد : فهد ماغيره ؟؟
ابو صالح : ايه ... فهد انسجن وانا اعرف كيف اطلعه بس انت عارف ايش سوا فيك اخر مره هل تبي تشرط عليهم شرط ترد الجميل لنفسك ؟
عمر : بدفع لك كل فلوس الدنيا يا عم بس طلعو ابوي ...
ابو سعد : انا عندي شرط واحد... عندي بنت بعمر 20 سنه تدرس جامعه
عمر : المطلوب ؟
ابو سعد : بنتي مو متزوجه وانا ادور لها زوج صالح ابيك تتزوجها على سنه الله و رسوله و تبر فيها وتحطها بعينك ...
عمر : هاهه ؟ ياعم طلبك صعب !
ابو سعد : ابوك الي سواه فيني اصعب ... هاذا شرطي و بس
ابو صالح : يا تسوي شرطه يا ابوك ماراح يطلع ...
عمر : خلاص تم اباخذ بنتك وجاي اخطبها بكرا بس طلعو ابوي ...
ابو صالح : اعتبر ابوك طالع الاسبوع الجاي ...
رجع عمر البيت ...
عمر في نفسه : بتزوج ؟ معقول ؟ ومن بنت اصغر مني با 6 سنين !! انا ماحبها ولا اعرفها !! اخخخ
تهاني : عمرر شكراً على الالعاب احبك
عمر : العفو ليه مانمتي بكره مدرسه يلا روحي نامي حبيبتي
تهاني : وين بابا ؟
عمر : بابا مسافر شغل بيجي بعد اسبوع .
تهاني : اشتقت له قوله يجي بسرعه
عمر : من عيوني يلا روحي
-
رجع ابو سعد البيت فرحان
ابو سعد : ياهل البيت تعالو
كلهم جو
ابو سعد : بنتي نجد لقيت لك الولد الصالح غني و ما شاء الله عنده خير و عمره 26 سنه عنده ثلاث شركات و رجل اعمال جميل و بيجي يخطبك بكرا وبيحطك بعينه
نجم : بس يبا انا مابي اتزوج ابي ادرس
ابو سعد : ادرسي على حسابه عادي اهم شي تتزوجين ...
كلهم فرحو و جا عمر خطب نجم و تزوجو بعد فتره ...
بعد ليله العرس في القصر ..
نجم : وين الغرفه ؟
عمر؛ هاذي غرفتك وهاذي غرفتي
طالعته نجم بأستغراب
عمر : نجم زواجنا على ورقه انا مغصوب من ابوك اني اتزوج و عشان اعلم ابوك اني ماني هين بوريك نجوم الليل بالظهر
نجم : شدخلني اذا بينك وبين ابوي خلافات بعدين حتى انا مغصوبه عليك
دخلت الغرفه و بدت تسيل دموعها وتبكي . كيف باعها ابوها على شخص بسهوله ....

خلصنا البارت اتمنى يعجبك و الاحداث الجايه مرا قويه