حبيت ابن صاحب الشركة 🤭♥️

البارت 2 بداية القصة ♥️

طيف: قدمت على شركة تريد مهندسة معمارية و چنت اشتغل بمجمع سكني بس تركته لان مو مرتاحه و قدمت على الشركة ( طبعاً حالتي المادية زينه ) و مر يوم خابروني گالو تعالي قابلي گمت سبحت و لبست تيشيرت لون ابيض و سترة لون اسود و بنطرون لون اسود و حذاء كعب لون اسود 8 سانتيم العلو مالته و اخذت جنطة صغيرة لون بيجي و حطيت مكياج و سويت شعري ستريت طلعت اخبل و طلعت رحت للشركة وصلت شركة كلش حلوة من برا و مكتوب اسمها اجاني حارس گال انتي طيف الي تريد تسوي مقابلة گلت اي گال تعالي لحگتة و دخلنه للشركة كلش حلوة و راح دگ باب غرفة و احد گال تفضل هو فتح الباب و دخل و گال المقدمة الجديده الي اسمها طيف اجت گال خلي تدخل گال تعالي تفضلي دخلت گلت سلام عليكم 😁
عدنان ( ابو غياث ): عليكم السلام اهلاً اهلاً تفضلي 😄
طيف: رحت گعدت على الكرسي الي يم مكتبة
عدنان: هسه نبدء المقابلة بس اخابر الباقين حتى يجون
طيف: على راحتك چنت شوية خجلانة 😅 بعدين اندگ و استاذ عدنان گال تفضلو و دخلو  3 شباب كلش حلوين بس واحد منهم يجنن طول و جسم و شعر و عيون گمت سلمت عليهم
عدنان: يله تعالو على الطاولة حتى نبدء المقابلة
طيف: گعدنة على الطاولة و بدينة المقابلة و شوفت الهم تصاميم اني صممتها كلش عجبتهم
غياث: اجت بنية جديدة للشركة حتى تقابل اني چنت بمكتبي فجأة ابوية خابرني گال تعال اجت البنية الجديدة گلت تمام و گمت لگيت زوج اختي مرام و ابن عمتي ( طبعاً زوج اختي مرام و ابن عمتي اسمه خالد يشتغلون ويه ابويه ) دگينه الباب و دخلنه لگينه بنية تجنن كلش حلوة سلمت علينه و گعدنة على الطاوله و بدينه المقابله شفنه تصاميمها كلش حلوه و گلت ماشاء الله التصاميم كلش حلوة انتي كم عمرچ مبين عندچ خبرة اكثر من 4 سنين
طيف: عمري 25 سنة بس اني كلش احب الهندسة المعمارية و من اني صغيرة حلمي اصير مهندسة معمارية
غياث: وافقنه عليها لان تصاميمها حيل جبارة و تفيدنة
طيف: وافقو اشتغل وياهم بالشركة الحمدالله و اجة اليوم الثاني كشخت و رحت للشركة وصلت سلمت على استاذ عدنان و رحت لمكتبي كلش حلو و غرفة شوية كبيرة و بديت اشتغل ورة يمكن 10 دقائق فجأة اندگ الباب گمت و گلت اتفضل دخل استاذ غياث سلمت علي
غياث: جاية من وقت 😁
طيف: اي لازم شلون من اول يوم اتأخر 😁
غياث: يعني انتي بس اول يوم متتأخرين الباقي تتأخرين 😁
طيف: لا يمكن مرة بالاسبوع تصير هههه 😁
غياث: هههه 😄 يله اترخص اجيت بس اشوفچ
طيف: مرخوص
غياث: طلعت من الغرفة رحت على مكتبي و بديت اشتغل
طيف: مر اليوم الاول و مر اليوم الثاني و چنت اسوي تصاميم باليوم الثالث كملتهم و خابرني استاذ غياث و گال جيبي التصاميم تعالي حتى اشوفهم گلت تمام رح اجي و اخذتهم و رحت لغرفة استاذ غياث دگيت الباب
غياث: ادخل
طيف: فتحت الباب و دخلت گلت هلاو 😁
غياث: هلاو 😄
طيف: هاي التصاميم
غياث: گمت و گلت تعالي حطيهم على هاي الطاولة
طيف: طبعاً هو بمكتبه اكو طاولة كبيرة يسوون اجتماعات عليها و رحت حطيت التصاميم و اجة وگف بصفي و يباوع على التصاميم
غياث: ردت اگول ملاحظة و هي هم رادت تحچي و باوعنه على بعض و اجت عيني بعينها
طيف: اجت عيني بعينه و گلت تفضل اسفه قاطعتك
غياث: لا عادي مصار شي و عجبتني التصاميم بس اكو اشياء بسيطة گلت الها تعدلهم
طيف: اوك بعدين رجعت لمكتبي گعدت اعدل بالتصاميم و صارت ساعه 2 الظهر ماردت اطلع طلعت من مكتبي و صرت افتر بالشركة احفظ اماكنها 😅 مرت 10 دقائق چنت راجعة لمكتبي و اني طريق مكتبي يمر من مكتب استاذ غياث سمعته يسولف بالتلفون و گال حبيبتي قريب نتزوج و نعيش بنفس الغرفة عرفته خاطب ما اهتميت و رجعت لمكتبي اخذت اغراضي و طلعت من الشركة رجعت لشقتي ( طبعاً اني عندي شقة صغيرة بس كلش حلوة ) غيرت لبسي و گعدت اگلب بالتلفون بعدين رحت سويت اكل لان جعت اكلت بعدين مر اليوم و باليوم الثاني كملت التصاميم و خابرني استاذ غياث گال هو و استاذ عدنان بمكتب غياث و يريدون يشوفون التصاميم النهائية و گلت تمام و اخذت التصاميم و رحت لمتكي استاذ غياث و شافو التصاميم و عجبتهم و وقعو عليها

لهنا و انتهى هذا البارت اتمنى يعجبكم اعرف شوية قصير بس البارت الثالث حيكون اطول بايي 🤍