حبيت ابن صاحب الشركة 🤭♥️

البارت 14 🤍

غياث: خابرت مرام و اجت و الحمدالله مصار بطيف شي بس حروق بسيطة بجسمها و طلعناها من المستشفى
طيف: صحيت بالمستشفى و طلعوني و غياث چان يمي و گلت غياث
غياث: ها
طيف: ما اعرف شلون اشكرك 😊
غياث: لتشكريني هذا واجبي 😁
طيف: هسه باي فندق اسكن
غياث: فندق
طيف: اي
غياث: لا تجين تسكنين يمنه
طيف: شنوو لالا ميصير
غياث: ترا ابوية و امي هم گالو خلي تجي
طيف: لالا ما اريد تصير عليكم زحمة
غياث: لا ماكو زحمة ولا شي
طيف: تمام براحتكم ، و رحنة لبيتهم و انطوني غرفة كلش حلوة عجبتني و باليوم الثاني عرفت انو شقتي انعدمت مابقى بيها شي صاحي و مرت يومين چنت گاعدة بغرفتي و سمعت طقطقات بالباب فتحته لگيت كنزة بنت غياث عمرها سنة وحدة شلتها و دخلت للغرفة گعدت العب وياها كلش حبيتها و حبتني و طبعاً هي تشبه غياث كلش و اذا تشبه غياث شنو يعني ، يعني هي شكلها كلش حلو و يجنن 😂 بس هي بيضة على امها و حسيتها نعست حطيتها بحضني و گعدت اهزها و نامت رحت لغرفتها حتى انومها بسريرها دخلت للغرفة نومتها و رجعت لغرفتي
غياث: چنت رايح لغرفة كنزة حتى اشوفها بس شفت طيف دخلت للغرفة و شايله كنزة و كنزة نايمة و ورة شوية طيف طلعت راحت لغرفتها رحت لكنزة شفتها و رحت لغرفتي نمت
طيف: گعدت الصبح كشخت و نزلت تريگت و خلصنة و رحنة للشركة خلصنة الشغل و رجعنة للبيت دگيت الباب فتحته المساعدة مالت امهم و شايله كنزة گلت هلاوو و شلت كنزة بوستها و غياث اخذها مني و اني صعدت لغرفتي و اجة وقت الغداء نزلت و گعدنة ناكل و غياث چان گاعد بصفي و چان لابس تيشيرت و ايده كلها طالعة و باوعت على ايده شفت بيها جرح كبير بعدين خلصنة رحت سألت ام غياث گلت الها خالة ممكن سؤال
سمر: تفضلي حبيبتي
طيف: انتبهت على ايد غياث بيها جرح كبير شنو سببه
سمر: هاا هذا الجرح من احترقت شقتچ من اخذچ حتى يطلعچ وگع شي من السقف محروق و هو ضربه بايده حتى مياذيچ و لهذا السبب انجرح
طيف: هاا تمام و مر اليوم و باليوم الثاني اجة المغرب الكل چان گاعد بغرفته و اني هم چنت گاعدة بغرفتي سمعت صوت كنزة تبچي رحت لغرفتها دخلت گلت مساء الخير كوكو و شلتها و بستها بخدها و گلت نلعب سوة گالت اي بس بطريقة الاطفال 😂 اخذتها لغرفتي و گعدنة على السرير بس مسديت الباب و شغلت اغنية ردح و گعدت اصفق و اطق اصبعتين و هي ترقص 😂
غياث: سمعت صوت كنزة تبچي و رحت لغرفتها و طيف چانت يمها و شالتها و حچت وياها بعدين اخذتها لغرفتها و عافت الباب مفتوح رحت و صرت اباوع عليهم و طيف مو منتبها و گعدو يرقصون و ما اعرف شنو يسوون 😂 صرت اضحك عليهم و دخلت عليهم و گلت شنو تعلمين بنتي الرقص و اني ما اعرف 😄
طيف: طفيت الاغنية و گلت هاا ءء هاي بالغلط ضغطت على الاغنية باليوتيوب و اشتغلت
غياث: متعبر عليه صار الكم ساعة ترقصون و اني اباوع عليكم 😂
طيف: بقيت ساكتة محچيت شي
غياث: يله عادي مو مشكلة 😂 و طلعت من الغرفة و مرت الايام و بيوم رحت لغرفة كنزة حتى اشوفها فتحت الباب و دخلت لگيت طيف گاعدة على الكرسي و كنزة بحضنها و نايمين صفنت عليهم هاي العائلة الي اتمناها و غطيتهم و طلعت من الغرفة
طيف: مرت كم شهر و اجة يوم ولادتي گعدت الصبح عندي وجع ببطني غلست لان تصير هواي ويايه و كشخت و نزلت گعدنة نتريگ و بطني صارت توجعني كلش و ملاك لاحظت
ملاك: شنو بيچ
طيف: بطني توجعني
ملاك: خاف ولادة
طيف: ما اعرف فجأة الوجع صار كلش قوي يعني مبين ولادة گلت ايي بطني ( بصوت شوية عالي ) و اخذوني للمستشفى و ولدت ولادة طبيعية الحمدالله و شفت بنتي و سميتها ناي و رجعنة للبيت و خطية خالة سمر و ملاك ساعدوني و تعبو وياي و صار عندي بطن 😂 سويت دايت و رجع جسمي مثل قبل ( ملاحظة اني چنت اعرف انو اني حامل من چنت زوجة محمد بس مگلت لاحد و چنت واصلة الشهر الرابع و صارت المشكلة و تطلقت من محمد ) مرت كم يوم و چنت نايمة حلمت حلم من طلعت من بيت اهلي و چان يحترق و الكل بداخله صحيت من نومي و گمت رحت للمطبخ اشرب مي رحت شربت مي و صرت ابچي
غياث: بيوم گعدت الفجر گمت رجت للمطبخ اشرب مي و لگيت طيف بالمطبخ و تبچي گلت الها طيف شنو بيچ
طيف: هاا مابية شي
غياث: ليش تبچين
طيف: مجاي ابچي غسلت وجهي
غياث: لا سمعت صوتچ تبچين
طيف: چنت نايمة و حلمت من هربت من البيت و هو چان يحترق و اهلي كلهم بي 😭 و حطيت راسي على صدرة 🌚 ( صراحة ما اعرف شنو چنت احس من حطيت راسي على صدرة 😂 )
غياث: طبعاً اني مچنت اعرف اهلها شلون ماتو و انقهرت عليها كلش و حضنتها و گلت طيف اني مستعد اسوي كل شي بالكون حتى اخليچ سعيدة
طيف: شنو قصدك
غياث: طيف اني احبچ و اريدچ تكونين زوجتي
طيف: حسيت على نفسي و وخرت منه و رحت لغرفتي
غياث: رجعت لغرفتي و بقيت افكر

يتبع ♥️