حبيت ابن صاحب الشركة 🤭♥️

البارت 13 ♥️

طيف: لميت ملابسي و طلع من الحمام
محمد: وين رايحة
طيف: خلي هاي الي تخوني وياها تفيدك و اخذت سيارتي و رحت لشقتي و باليوم الثاني امه خابرتني و گالت بعد ميسويها و هو يعرف بنفسه غلطان و قررت انو ارجع اله و رجعت اله و طبعاً صار يحچي وياي و يضحك يعني مو هاملني مثل قبل بس بعده يگعد على التليفون ساعات طويله و بيوم فتشته طلع بعده يخونّي ويه نفس البنيه و رحت علي گلت اله تحلم ابقه يمك بعد ( بصوت عالي )
محمد: احترمي نفسچ لترفعين صوتچ 😡 ( بصوت عالي )
طيف: لا فوگاها بكل وقاحة ترفع صوتك ( بصوت عالي )
محمد: احترمي نفسچ لچ الظاهر اني حيل انطيتچ مجال 😡 ( بصياح )
طيف: ولك وين الرجولة انطيتني وعد رجال متخونّي بعد و مسوي نفسك رجال هههه
محمد: انچبي لچ 😡 و گعدت اضرب بيها
طيف: صار يضربني موتني ضرب و اني ابچي و بعدين راح لغير مكان بالبيت رحت اخذت تليفوني و رحت لمحادثة غياث لگيتها گدامي و دزيت اله رسالة يعني يجي ينقذني بعدين رجع محمد يضربني و يغلط و يسب و اغمى عليه
غياث: چنت طالع ويه بكر و اجاني اشعار فتحت تليفوني رساله من طيف فتحتها كاتبه ( غياث تعال انقذني حموت على ايد محمد ) اتخبلت و بكر سألني شنو بيك گلت اله كل شي و رحنه لبيت طيف دگيت الباب و فتحه هذا زوجها لزمته من ياخته و ضربته كله على خشمه گلت اله شنو سويت بطيف دخلت للغرفة لگيت طيف مغمى عليها و الدم ما اعرف من وين يطلع و وجها مورم رحت شلتها و اخذتها للمستشفى و زوجها الكلب خليت بكر هو يتصرف ويا و اخذتها الدكتورة و خابرت مرام و اجت و طلعت الدكتورة
الدكتورة: البنية متعرضة لضرب كلش عنيف و البنية حامل بس الحمدالله الطفل بخير و هي هم بخير
مرام: انصدمت كلش انو هي حامل و گلت زين شوكت نگدر نشوفها
الدكتورة: اي عادي تگدرون تشوفوها بس بعدها مصاحية
مرام: تمام شكراً دكتورة
الدكتورة: العفو
غياث: راحت الدكتورة و گلت طفله ببطنها و ضاربها هيچ ضرب الكلب ابن كلب
مرام: هو شنو صاير بينهم حتى هو مسوي هيچ بيها
غياث: ما اعرف چنت طالع ويه بكر اجتني رساله منها تگول تعال انقذني من محمد حموت على ايده و رحنة عليها و انقذناها و محمد اخذه بكر يحبسه بمكان حتى من يسألوها منو سوه هيچ بيچ حتى اذا تشتكي هو يمنه موجود ميهرب
مرام: والله خطية بعدها صغيرة حرامات تعيش هذا كله
غياث: اي والله تعالي خلي نروح يمها
مرام: تمام
غياث: رحنه گعدنه يمها و صحت طيف
طيف: صحيت بالمستشفى و عرفت انو اني حامل و اجوني الشرطة سألوني منو سوه بيچ هيچ گلت الهم السالفة كلها و اشتكيت علي و اتطلگت منه و اخذت حقوقي كلها و اخذت تعويضات هم و الطفل اني اخذت الحضانة 🌚 و رجعت عشت بشقتي مثل حياتي القديمة و بيوم چنت بشقتي نشرت ستوري على الانستا حطيت بوكس و كتبت اكتبولي اي شي حتى اذا عدكم مشاكل اكتبو الي انشاء الله اگدر احلها الكم 😂 و بنيه كتبت الي قصتها انو هي متزوجة و مرتين لزمت زوجها يخونها المرة الاولى رجعت اله انطت اله فرصة و الثانيه هسه دتاخذ رأيي و تگول ( شنو رأيچ ارجع اله بس والله هو يحبني و يمكن ارجع اله ) و صورت فيديو و حطيت رسالتها و گلت ولچ انتي شنو ناوية تجلطيني اكيد لترجعين اله و شلون يحبچ و هو يخونچ يمعوده والله يضحك عليچ يريدچ تنضفين اله و تطبخين و هو ياخذ راحته ويه الي يخونچ وياها والله 90‎%‎ يخونون و حبهم چذب ، ايي راسي والله رفعتي ضغطي 😂 ( طبعاً هذا الكلام كله و اني احچي بضحكة 😂 ) و غياث شاف الستوري و دز الي هذا الايموجي ( 😂 ) و كتب الي ( يعني اني من هذولي ال 90 😅 ) كتبت اله ( لا انت من ال 10 الباقية 😂 ) و بيوم چنت رايحة لشقتي و وصلت دخلت رحت لغرفتي حتى اغير لبسي و چانت اكو ريحة غاز بس اني ما انتبهت عليها و لبست بجامة و تيشيرت صلوخ و نمت على السرير و شفت ستوري لغياث علقت علي و سألني اني وين بالشقة او بالشركة گلت اله بالشقة و نمت فجأة گعدت على ريحة نار قوية و گمت شفت نار تطلع من المطبخ و طبعاً المطبخ يصير گدام باب الدخول و خفت كلش و صرت ابچي و اعيط و النار تقدمت عليه و الاوكسجين كلش قل و اغمى عليه
غياث: بيوم چنت راجع للبيت و طبعاً طيف عايشة بنفس المنطقة الي اني و اهلي عايشين بيها و مريت من يم شقتها شفت من شباك الشقة مالتها يطلع دخان و ناس واگفين يباعون اتخبلت لان طيف بالشقة وگفت سيارتي و رحت ركض فتحت الباب الخارجي و صعدت للشقة كسرت الباب و نزعت السترة مالتي و دخلت لگيت طيف مغمى عليها رحت عليها غطيتها بالسترة حتى متنحرق من شي و شلتها و رحت للباب و وگع شي من فوق محروق ضربته بأيدي حتى ميضرب طيف و طلعنه من الشقة و نزلت طيف بالگاع چانت فاقدة التنفس سويت الها تنفس اصطناعي و اجت الاطفائية و اخذت طيف للمستشفى

يتبع 💙