رواية:سيدة كل النساء
🦋الفصل الاول🦋
اشرقت شمس صباح يوم جديد بنورها الساطع فى سماء القاهره لتبدء عشق بفتح عيونها بصت على الساعه وقامت من على السرير اخدت شاور وجهزت لبسها ولبست الاسدال وادت فرضها وقامت لبست دريس اسود لحد الركبه مع ميكب سمبل وضفيره صغننه في وسط شعرها ولبست هيلز احمر وشنطه حمره مع الروچ الاحمر وخرجت من اوضتها
عشق:صباح الخير يا ماما
نوره والدة عشق:يسعد صباحك يا ست البنات يلا تعالي افطري
عشق:معلش يا ست الكل انا هفطر في الشركه عشان متأخره وباست إيد مامتها وقالت ادعيلي يا ماما
نوره:ربنا يوفقك يابنتي ويعينك ويصلح حالك ويجعل القليل في إيدك كتير ويبعد عنك ولاد الحرام يا قادر يا كريم
عشق:ابتسمت ليها بحب وقالت اللهم امين ياست الكل عن اذنك بقا
ونزلت دورت العربيه بتاعتها واتجهت للشركه
_________________
*في الشركه*
عشق:جود مورنينج شركة Q:N صباح سعيد ملئ ب الهنا بوجودي انا
الكل ابتسم ليها وصبحوا عليها كانت تصرفات عشق تحت أنظار شابين قاعدين في الاستراحة واحد مبتسم ل تصرفات عشق المرحه وواحد مش عجبه تصرفاتها
خرج صلاح مدير الشركه من مكتبه لما سمع صوت عشق:
صلاح: اهلا وسهلا بعشق هانم
عشق: اهلا بيك يا فندم
صلاح:الساعه كام معاكي
عشق: الساعه ٩ يا فندم
صلاح:ومعادك ف الشركه الساعه كام
عشق:الساعه ٨ يا فندم
صلاح:لما حضرتك تيجي بعد مدير الشركه ب ساعه يبقا نقولك انتي يا فندم
عشق:اللي تشوفه يا فندم
صلاح:عشققق ربع ساعه وتبقي قدامي في المكتب وليا كلام تاني معاكي
عشق: تمام يا فندم
كل ده حصل قدام كل الموظفين والشابين اللي قاعدين ف الاستراحه :
الشابين:
مراد بضحك:لطيفه صح
كريم:لاء دي طايشه وتافهه ومش بتحترم المواعيد
مراد:اسكت يا متعقد اسكت
دخل تامر مساعد عشق الشركه
عشق: اهلا أهلا نفسي مره تيجي بدري في ميعادك اتعلموا النظام مني بقا خد مديرتك قدوه
تامر بضحك: على أساس انك متهزقتيش قبل منيي صح
عشق:ولد اتكلم ب اسلوب احسن من كدا انا مديرتك انا قدوتك انا ولسه هتكمل كلامها تامر طلع من الشنطه اللي معاه تفاحتين اد عشق واحده وهو خد واحده عشق خدتها منه وقطمت منها حته وضحكت هي وتامر وكل الموظفين ضحكوا على طريقة كلامها وهزارها
