🦋الحلقه العشرون والاخيره🦋
_____________________________________
بيبدأ البارت ب عشق وكريم وهما بيخططو لشركتهم الجديده
_ومراد وأهله راحوا ل اهل جميله يطلبوا إيديها برغم ان مامت مراد مكانتش موافقه وأهل جميله وافقوا وحدده الفرح وكتب الكتاب بعد شهر
_ملك ويوسف راحو زارو والد صاحبهم ورجعو يشتغلوا في شركة صلاح وقربوا من بعض اكتر اغلب اليوم بيكونو سوا
_صلاح اتحايل كتير على عشق وكريم يرجعوا الشغل بس موافقوش
_ماهر الملك كريم خرجوا من الحبس مقدرش يسيب ابوه محبوس وعلن انه كان سوء تفاهم وان ابوه مش حرامي ولا حاجه
_بتجري الايام وكريم وعشق بيشتغلوا ب اقصى ما عندهم على الشركه جهزو كل حاجه وجيه اليوم اللي هيستلموها فيه
عشق:كدا كل حاجه جاهزه بس احنا لحد دلوقتي لسه مقرارناش هيكون اسم الشركه اي؟
كريم:انتي صاحبة الفكره يبقا نسميها عشق
عشق:لاء احنا ممكن ناخد أول حرف من اسمي واول حرف من اسمك ويبقا اسمها A&k
كريم:حلو ده برضو
عشق:اوك يبقا اتصل ب المهندس اللي هيصمم الاسم عايزين نخلص انهارده قبل بكرا
كريم:ماشي يا قلبي
...
_عند بيت مراد:
حسين:فاضي يا مراد؟
مراد:ايوا يا بابا فيه حاجه؟
حسين:تعال على مكتبي عايز اتكلم معاك شويه
_قام مراد مع باباه على مكتبه وهو قلقان
مراد:خير يا بابا
حسين:فاضل اسبوع والشهر يخلص وتتجوز!!
مراد:ااها فين المشكله؟
حسين:هتتجوز وصاحب عمرك مش معاك؟ انت عارف كويس انه مالوش ذنب ومع ذلك وقف قصاد ابوه عشاني ورجعلي شركتي وانت لسه بعيد عنه رجع صحبك يا ابني هتخسره ومش هتلاقي زيه اسمع مني
مراد:يا بابا كلامك كله صح بس ماليش عين اروح اقوله سامحني انا غلط ف حقه وسيبت إيده وقت ما كان محتاجني اتخليت عنه
حسين:متتكلمش في القديم انت هتروح تعزمه على فرحك هياخدك ب الحضن وكل حاجه هترجع زاي الاول اسمع مني
مراد:حاضر يا بابا اللي انت عايزو هيحصل
...
عند جميله:
كانت بترن على عشق اللي مكانتش عارفه تتلم عليها ربع ساعه على بعض وانتظرت الرد وشويه وعشق ردت
جميله:اهلآ ب ست المشغوله
عشق:وحياتك مش ناقصه هزارك قولي عايزه اي
