رواية:سيدة كل النساء
🦋الفصل السادس🦋
روح مراد على بيته وهو مضايق من صحبو وعمايلو وكان خايف وقلقان على عشق
كريم:كان بيلف ب العربيه وبيفكر هو ليه بيحب يجرحها ليه بيحب يضايقها وهي مش كدا اصلا هي مش وحشه فعلا دي مميزه غير كدا قلبه بيرتاح ليها ليه بيعمل معاها كدا وبعد تفكير طويل تعب وراح على بيته اطمن على روز لقاها نايمه وفضل واقف بيتخيل لو فعلآ اتجوز عشق واهتمت ب روز وتعوض روز عن حرمان الام وتعوضه هو كمان بعدين راح نام وهو زعلان من نفسو
______________________________________
اما عند عشق كانت بتسوق وهي حالتها مدمره ونفسيتها ووصلت عند بيت جميله صاحبتها طلعت ليها ووقفت تخبط على الباب لحد ما فتحت ليها جميله وعشق اترمت في حضنها
جميله شهقت:اهدي بس اهدي حصل اي ادخلي تعالي
دخلتها اوضتها وجبتلها مياه وخدتها في حضنها حاولت تهديها
جميله:اهدي يا حبيبتي واحده واحده واحكيلي اي اللي حصل براحه
عشق:بدأت تحكي اللي حصل مع عياطها
جميله:لاء بقا ده لازم يقف عند حده وقامت وقفت
عشق:هتعملي اي
جميله:هروحله واللي يحصل يحصل لازم يتعلم الأدب
عشق:لاء لاء لاء بلاش
جميله:ده مجنون ده ولا اي مالو بيكي والله ما هسكت على تشكي ل صلاح
عشق:جميله ارجوكي بلاش انتي عارفه اني مش بحب المشاكل انا بفضفض معاكي بس عشان فاض بيا
جميله:طيب قوليلي ناويه على اي يا حبيبتي
عشق:بكرا هطلب ينقلوا مكتبي مش عايزه ابقا معاه تاني مش عايزه وهتجنبه وماليش دعوه بيه
جميله:لاء متعمليش كدا ب العكس ارجعي زاي الاول واحسن نفس مكتبك نفس هزارك نفس كلامك وريه انه كلامو مقصرش فيكي هو شافك وانتي بتعيطي انهارده يبقا يتفجاء بكرا ويشوفك وانتي قويه وجميله وتخيبي ظنه وتلعبي على نفس الخط زايه انا لاحظت من كلامك انو بيضايق لما بتجيبي سيرة مامته او لو جبتي سيرة المرض النفسي العبي على النقطين دول زيه ردي القلم اتنين متسكتيش يا عشق اياكي اياكيي تعيشي دور الضحيه
عشق:حاضر انتي كلامك صح ربنا يخليكي ليا انا مش عارفه من غيرك كنت هعمل اي
جميله:يابت ده انتي اختي
عشق:صحيح فين مامتك واخواتك
جميله:عند خالتي المهم قومي غيري هدومك واغسلي وشك وحصليني على المطبخ نعمل كيكه
عشق ب ابتسامه:حاضر
عشق قامت غيرت هدومها فعلا ورفعت شعرها ديل حصان ولبست بنطلون جينز اسود من عند جميله على تيشرت اسود وكان باين على عيونها الإرهاق من العياط بس اقتنعت ب كلام صاحبتها وهتنفذه وبداو هما الاتنين يعملوا الكيكه ويهزروا
______________________________________
عند مراد:كان رايح جاي مش عارف يعمل اي وقرار انه يروح ل عشق يطمن عليها بس لقى ان صحبو محتاجو اكتر كلام عشق مكنش قليل نهائي على كريم كلامها فتح جروح قديمه فعلآ راح عند كريم خبط وكريم فتحلوا
