اسود أل رحمن ولبؤه كنانه

البارت 4

البصره..بيت الشيخ عبد الرحمن

همام ... صعدت اسبح تعبان حيل دخلت جوه الدوش غمضت عيوني واتذكر زواجي من ساره بنت عمي صار 6سنوات بدون اطفال رورحي من الدنيا الاطفال السبب من ساره بس مع هذا مااحب اجرحها وااذيها من اشوف اطفال اصدقائي احترك بدمي الحمد لله على كل حال..

ساره... حبيبي كمل الغده اللبس وانزل
همام... اي عمري ثواني وانزل جاي وراج

همام ... نزلت تغدينه امي وابوي واختي واخواتي وساره اخوتي ممزوجين بعدهم عزابيه ..
كملنه الغده صاحني ابوي ..
اخوك ضرغام طلع قبوله جامعه بغداد
اخذه خلي يكمل اوراقه وشوف شقه بيت ايجار بيع كلشي الچان حتى يكعد هناك يكمل دراسته ..
تدلل يابه بخدمتك .

داليا... خالو من دخل على العميد تفاجأ الظاهر زملاء وبينهم صداقه قويه

خالو ... شونك خويه اخبارك مشتاقلك هاي داليا داغر علوان بنت اختي وحبيبتي وبنتي وصديقتي

العميد ... الف هلا بيج نورتني إن شاء الله سنه خير تكون عليج ..

داليا .. شكرا جزيلا دكتور

العميد... تعرف قيصر بنت اختك هواي تشبهك من جنت بعمرها هم هيج تذكر

لعد شلون ما تذكر.. المهم اني اترخص رايح عندي قضيه مهمه..

داليا ... بست خالو من خده تسلم خالو الله يحفظك اليه رجع باس راسي ادللي باباتي

داليا .. راح خالو جنت اتمنى بابا حبيبي موجود الله يرحمه برحمته الواسعة.
رحت الكافتيريا شفت بنات ثنين كاعدات مبين مرحله اولى مثلي لن الخوف مبين عليهم

توجهت بنيه باتجاهي العفو عيوني انتي مرحله اولى مو.

داليا .. نعم مرحله اولى انتم اكيد وياي نفس المرحله

البنات اي حبيبتي وياج
اني مرام واني حنين

داليا .. اهلا وسهلا اني داليا
كعدنه نتعرف على بعض مرام وحنين احنه جيران وصديقات وسبحان الله دخلنه نفس الجامعه وقسم القانون وامي وامها يشتغل نفس الشغله .

داليا .. شنو يشتغلون
البنات تجهيزات غذائيه يعني كبب بورك دولمه عزائم كبار اعراس وكذا

شعجب يشتغلون .. مرام اني ابوي ميت
حنين واني امي مطلقه تعرفين الوضع والدنيا غاليه فكان هل المشروع انقاذ النه الحمد لله والشكر لله.

داليا.. الله يحفظ امهاتكم اني هم كعدت احجيلهم على وفاه بابا وضع خواتي واخوي بس مو عميق شي بسيط همه كذالك حجو كل شيء يخصهم حبيتهم وحسيتهم حيل طيبات وتوقعاتي كانت بمحلها .. الحمد لله

ضرغام .. وصلنا لبغداد بجهود اخوي العكيد همام سجلت وكل شي كمل حسب الاصول بعدين ظليت بالجامعه وهمام راح يشوف صديقه دكتور بحي الجامعه .

داليا ...كاعدين اني والبنات تقدم علينه ولد
وجهه يضحك سلم علينه وركز نظره عليه وحجه بصيغه الجمع شونهم الربع

ضرغام ... تمشيت واشوف ثلاث بنات جميلات بس وحده بيهن تملع بعدها طالبه وقاطها ورباطها چا من تصير صدك محاميه شتلابس المدهوره وشعرها يهفهف نص ضهرها
تقدمت سلمت عليهن البنات الي وياها اكلني اكل بعيونهن وهيه عمت عيني مدنكه مدري شمالها وهادئه حيل تذكر مرت همام من تصمه وتصيح يوميه تعالووووووو تغدوووووه تعشووووووو .

داليا ... عفت الولد يحجي وي حنين ومرام خليت وكمت اخذت تكسي للبيت طلعت الكروه نطيته عشره الف .. جاوبني عمي ماعندج صرف كتله لا الله دقيقه اصرف يم الاسواق نزلت دافوت للمحل واشوف جيرانه دكتور عمار وياه ولد واكفين ياخذون جكاير كلت السلام عليكم وفتت ابو المحل هلا عمي شونج اخبارج .

داليا .. الحمد لله عمو بخير اريد صرف عندك شكد تردين صرف عشره. ماعندي صرف كال دكتور عمار خلي اشوف يمكن عندي مد ايده بجيب الستره كال ماعندي بس خمسه وعشرين كال الولد الي وياه اني يمكن عندي
نطيته العشره انطاني الصرف وصافن بوجهي كتله شكرا رحم الله والديك وطلعت..

همام .. وصلت ضرغام كملت كل اوراقه تركته ورحت يم عمار صديقي وضلعي استقبلني كال امشي نجيب جكاير ونروح للمذخر مناك دخلنه إلى اسواق وفاتت بنيه تاخذ العقل كل شيء بيها حلو وتنكط نزاكه والاسود ياكل ويشرب عليها الملعونه وهادئه سلمت على عمار واخذت مني الصرف وعينها بالكاع..

داليا.. طلعت من المحل نطيت الفلوس التكسي ودخلت البيت سلمت على امي لن اخوتي بعدهم بالدوام لكيت امي عالكه بخور وكعدت اعطس واعطس واعطس متت خليت ايدي على وجهي ريحه ايدي تجنن شنو هل العطر معقوله من خالو العطر لن لزم ايدي
لا من هذا الولد الي صرفلي الفلوس ..

قيصر ... اصعب شي بالدنيا الخساره والموت ماجنت اتوقع داغر يموت وبناته بعدهن صغار وابنه مراهق اختي فاشله حيل ومتعحبني كلش كلما اجيهم طالعه ماعرف وين تروح
__________________________
بس عندي نظره عن داليا الهيئه بنت جميله جدا لكن الداخل صلابه عاليه وقوه عارمه وشخصيه غامضه جدا ٠_______________

قيصر ... واكف بسيارتي اترس بانزين درت وجهي واشوف هاي الشوفه التزل الراس.