_ قيصر .. حي الله من جانه ونورنه جيتكم على راسي والله شيخنا
_الشيخ عبد الرحمن.. والنعم منك ياخويه ابو ادهم وكفتك ماانساها وي ابني جبت ولدي واجيتكم خاطر نتشكر منك ومن اهلك وناس
__رحم الله والديك ابو همام نورت بغداد بوجودكم
_ ضرغام يأبه.. بنت القاضي زميلتي بالجامعه
_ قيصر والشيخ .. صدك
اي والله يأبه
_قيصر ..خويه ابو همام هاي بنت اختي وجايين يمي خطار .
_ الشيخ ..حياهم الله
_قيصر.. انت مو صديق دكتور عمار
_همام.. اي عمو صديقه ..
الف هلا بيك بابا شنو عملك
_ اني دكتور صيدلاني
_ماشاءالله
_ الشيخ عبد الرحمن.. خويه اني عندي خمسه
_همام دكتور صيدلاني عمره34
_وضرغام محامي ويكمل ماجستير هنا بغداد وعمره32
_وهشام طبيب الأسنان عمره30
_وسام تحليلات مرضيه مرحله اخيره عمره25
يوميه راسب وتأخر بالدراسه
_رويده عمرها 16سنه مدلاله البيت
_قيصر ... ماشاء الله الله يحفظهم ويبارك بيهم
_اني عندي ولد واحد ادهم ضابط عمره 26سنه
_ الشيخ عبد الرحمن. خير وبركه الله يحفظه الك خويه وتشوف بزره.
_عمار.. راحو الجماعه يتشكرون الناس الي
نقذو ضرغام كلي همام تعال ويانه بس صار عندي شغل بالصيدليه فا تعذرت عن الجيه
_داليا ..دخلو الجماعه الظاهر خطار على خالو ناقذ ابنهم وصار كلام حلو وضحك وشقه
_انفتح الباب واشوف زميلي ضرغام كاعد _مقابيل الباب ضحك وصاح خايبه الفاهيه
_جمدت بمكاني وخالو قيصر طكها ضحكه معدله والجكاره بيده كاعد يمه .
_مد راسه خالو كال هنيالج على هل الزميل مفصخ ويشاقه ودمه يضحك
__اي خالو هوه مرح الله يسلمه .
_داليا المشكله استغربت من تصرف خالو لن يضحك بصوت عالي ولن ماضاج لن زميلي حجه هيج لن اعرف بي كلش حريص علينه
بالذات من الغربه
_ راحو الجماعه دخل خالو كال خوش ناس واودم تشكرو مني لن ساعدت ابنهم
_ام ادهم .. اي حبيبي اكيد الناس الطيبه موجوده بكل مكان .
_داليا . خالو إلى متى تبقى هنا يمكم
_قيصر.. اكو فكره بالي اريد افيدكم داليا متاكد راح تقبلين خالو
تفضل خالو .. اسمعك
نشيل كلنا للموصل ناخذ بيت هناك اريد اترك بغداد
_داليا.. اي خالو نشيل وهناك اكمل دراستي الجامعيه وخواتي واخي كذالك
_إني آخذت هذا القرار بسبب امكم الحيوانه
_همام وصلنه للبيت الجماعه رحبو بينه احسن ترحيب وتعرفو ابوي الشيخ والقاضي قيصر
_مااشوف اله ضرغام .. صاح على البنيه بس هوه يشوفها لن كاعد كبال الباب بعدين تذكرت هاي الي شفتها الصبح ام الصرف
_ناس يخافون الله مبين عليهم خوش ناس
طلعنه منهم درت وجهي تكرمون اللبس الحذاء رفعت راسي صدت عيني على شباك المطبخ واشوفها نعصر كلبي من شفتها. متغيره وجهه اصفر شافتني اباوع بسرعه سدت البرده مال شبابك..
_ داليا.. كملنه كل شيء وشدينه الرحال تاركين ورانه بغداد وجامعتي .
ودعت صديقاتي داطلع من الجامعه دخل ضرغام .يأبه سلم عليه
شونج اخبارج ومن هل الحجي دنحجي على المحاضرات كتله اسئل البنات حنين ومرام
كال چا انتي شبيج
_داليا... مو تركت الجامعه
_ضرغام .. صدك تحجين
_ اي والله.. مع السلامه اشوفك بخير بالتوفيق برساله الماجستير.
(حبيت اختصر الكم الآيام الخال قيصر كمل نقلنا للموصل ونقل دوامه لمحكمة الموصل الحبيبه)
_تركنا كل شي خلفنه بحزن وقهر وتعب وحسره .. كاعدين بالسياره شوي وندخل حدود الموصل
_دك موبايلي رقم غريب
_جاوبت ...الووو وانصدم بالصوت.
أنت تقرأ
اسود أل رحمن ولبؤه كنانه
Romanceقصه حقيقيه وجميله جدا محتوى القصه محاميه تربي اخواتها بعد موت الاب وهجر الام لهم يقوم اخوها الصغير بالاعتداء على بنت شيوخ من اهلي الجنوب وتبدء الثارات بين اخوه البنت المغتصبه والمحاميه الاخت الكبرى للعائله كنانه.. حب. وحرب .وقتل.وعشق .وهيام .وتض...
