اسود أل رحمن ولبؤه كنانه

البارت 10

___همام ___

ثواني ودقائق وساعات وايام وشهور وسنين

__ وداليا متربعه بوسط عيني حبيتها كلبي

يرف عليها من شفتها قبل سنوات چانت

لمحات بس خلق بيه شعور والعشره الي

اخذتها منها لحد الان محتفظ بيها ماصرفتها

..

_ شكد رحت لبغداد وسئلت عنهم كالو الجيران شالو

ورحت لجامعه كالو نقلت لغير جامعه

وانه دمي محترك.. واحجي وي نفسي اثكل

همام عيب شنو زعطوط انت زلمه شكبرك.

اخواني الولد تخرجوا الحمد لله

_ضرغام كمل ماجستير

ووسام الحمد لله هم تخرج شلع كلوبنا
.
وحالي وي ساره نفسه ماكو حمل ومااقبل

اتزوج عليها رغم اصرارها وتلح هواي بس ماكدر اكسر خاطرها ..

__وبيوم من الايام كاعدين دك موبايل الشيخ ابوي

_جاوب ..

ويطلع صديقه ونفس الوقت جيرانه

__ الشيخ علوان عمران الكنان

_اكلك خويه ابو همام رايدك بشغله ترفع راسي

__راح يجون جهال المرحوم ابني داغر واريدكم تجون انت واهلك ترفعون راسي

كدامهم .

__جاوبه الشيخ عبد الرحمن

__ابشر خويه لعيونك والف الحمد لله والشكر من رجعو لحضنك

__همام_ كعد ابوي الشيخ يسوالفنه على داغر ابن علوان شلون عافهم علمود وحده حبها من بغداد وكسر كلامهم وحلفو يمين مايحضرون حتى جنازته ودفنته وبالفعل كان كد كلمتهم ماحضرو دفنته .

_وشيخ علوان من سمع امهم هم ماتت حسب

_ قول الجيران هناك بمنطقتهم كال بعد

_مااتحمل جهال ابني داغر امهم وابوهم

ماتو يعني ايتام منو الهم بعد البحث المكثف

_وسنوات يدور عليهم اخر شي سمع من ناس

بالصدفه إن خالهم الناس تحلف بي وقاضي

وخوش زلمه معدل وصاحب وكفات حلوه

والناس تشهدله بعد بحث عميق وصل للرقم

للشيخ علوان اتصل بي وتعرف على بس كله

مخلف ٤ ثلاث بنات ولد واحد .

اجه يوم الجمعه العصر

بدلنا ابوي الشيخ وامي واختي رويده وساره
وهشام وضرغام ووسام لن شيخ علوان حالف بالقران كلنا نجي .

__وصلنه للبيت الشيخ علوان عمران الكنان

_ جايبن طباخ وذابيحن 3طليان والفاكهة

والحلويات والمشروبات الغازية ولبن

__وليمه لخاطر القاضي وبنات داغر الله يرحمه
دخلنه كعدنه بالديوان ونسمع صوت بجي بالباب
كالو اجو اجو لحكو

__طلعو عمام وعمات بنات داغر الله يرحمه برحمته الواسعة .

_ احنه كاعدين جوه لن عيب زحمه نطلع

بس ضرغام الملگلوف((المتسرع))طلع يركض

بيها بنات لازم يركض

بعدين كال ابوي الشيخ يأبه خلي تطلع نشوف شنو القصه البچي

__همام...طلعنه واشوف _دله كلبي _

جدها حاضنها ويشم بيها ويبوس بيها بلهفه

_ ظليت فاتح حلكي معقوله نفس البنيه

معقوله معقوله رجعت وراح تعيش بينه

وتصير جيرانه واشوفها يوميه واكحل

عيوني بشوفتها إيقنت اني احبها فعلا

__ومعشعشه براسي وروحي..

__القاط الرسمي والشعر يهفهف جمالها يصفن اكبر بشر وكبرانه صايره تخبل وهيبه والعالم كله تباوع عليها .
خواتها وراها يخبلن ايه من الجمال

وخالها واكف على جهه وعيونه حمر ولازم ايد وحده من البنات..

فزيت من صفنتي رويده اختي ورايه واكفه

وتحجي صدقه فدوه شني هل الجمال الشكاكي. اني مره وهيه مره دشوف خواتها

___همام ... عيب شنو شكاكي احترمي نفسج
وبعدين شطلعج طبي جوه

شبيك يمعود نشوف نعمه الله مطشره بالكاع

__همام ضحكت بصوت عالي ومسموع..

الكل دار وجهه عليه ..